Tuesday, February 28, 2017

thumbnail

புதிய பிரதம நீதியரசராக பிரியசாத் டெப்?


புதிய பிரதம நீதியரசராக பிரியசாத் டெப் நியமிக்கப்படலாம் என எதிர்பார்க்கப்படுகிறது.

புதிய பிரதம நீதியரசராக உச்ச நீதிமன்ற நீதியரசர் பிரியசாத் டெப்பை நியமிக்குமாறு அரசியல் அமைப்பு பேரவை ஜனாதிபதி மைத்திரிபால சிறிசேனவிற்கு பரிந்துரை செய்துள்ளதாகத் தெரிவிக்கப்படுகிறது.


சபாநாயகர் கரு ஜயசூரிய தலைமையில் நேற்றிரவு அரசியல் அமைப்புச் சபை கூடி, பிரதம நீதியரசர் நியமனம் குறித்து ஆராய்ந்துள்ளது.

அடுத்த பிரதம நீதியரசர் பதவிக்காக பிரியசாத் டெப் மற்றும் கே.ரீ. சித்ரசிறி ஆகிய நீதியரசர்களின் பெயர்களை ஜனாதிபதி பரிந்துரை செய்திருந்தார்.

அரசியல் அமைப்பு சபைக்கு அனுப்பி வைக்கப்பட்ட இரண்டு பெயர்களில், பிரியசாத் டெப்பை பிரதம நீதியரசராக நியமிக்க அரசியல் அமைப்பு பேரவை தீர்மானித்துள்ளதாகத் தெரிவிக்கப்படுகிறது.

தற்போதைய பிரதம நீதியரசர் கே.சிறிபவன் இன்றுடன் ஓய்வு பெற்றுக்கொள்கின்றார்.
Read More»

thumbnail

பெப்ரவரி 30ம் திகதி நீதிமன்றம் செல்லுமாறு அபராத தாள்! கேள்விக்குறியாகும் பொலிஸ் சேவை


இலங்கை போக்குவரத்து பொலிஸாரின் முறையற்ற செயற்பாடுகள் தொடர்பில் தகவல்கள் வெளியாகி உள்ளன.

சில பொலிஸ் அதிகாரிகளின் செயற்பாடுகள் காரணமாக முழுமையான பொலிஸ் துறை மீதும் அதிருப்பதி நிலை ஏற்பட்டுள்ளது.

தற்போது இவ்வாறு பொலிஸ் அதிகாரிகளை குற்றம் சுமத்தும் வகையிலான பதிவுகள் சமூக வலைத்தளங்களில் வெளியாகி வருகின்றன.

கிரான்ட்பாஸ் பகுதியில் வசிக்கும் கசுன் என்பவர் பொரளையில் இருந்து முச்சக்கர வண்டியில் பயணித்துக் கொண்டிருக்கும் போது அவர் போக்குவரத்து விதிகளை மீறியுள்ளதாக பொலிஸார் அவரை நிறுத்தியுள்ளனர்.

குற்றச்சாட்டிற்கு அபராதம் தாள் வழங்கி பொலிஸ் அதிகாரி நீதிமன்றத்தில் ஆஜராகுமாறு பெப்ரவரி மாதம் 30ஆம் திகதியை குறிப்பிட்டுள்ளனர்.

பெப்ரவரி மாதம் 28ஆம் திகதியுடன் நிறைவடைகின்ற நிலையில் 30 ஆம் திகதி நீதிமன்றம் செல்வது எப்படி என்பதே தற்போது அனைவரினதும் கேள்வியாகியுள்ளது.

Read More»

thumbnail

பெப்ரவரி 30ம் திகதி நீதிமன்றம் செல்லுமாறு அபராத தாள்! கேள்விக்குறியாகும் பொலிஸ் சேவை


இலங்கை போக்குவரத்து பொலிஸாரின் முறையற்ற செயற்பாடுகள் தொடர்பில் தகவல்கள் வெளியாகி உள்ளன.

சில பொலிஸ் அதிகாரிகளின் செயற்பாடுகள் காரணமாக முழுமையான பொலிஸ் துறை மீதும் அதிருப்பதி நிலை ஏற்பட்டுள்ளது.

தற்போது இவ்வாறு பொலிஸ் அதிகாரிகளை குற்றம் சுமத்தும் வகையிலான பதிவுகள் சமூக வலைத்தளங்களில் வெளியாகி வருகின்றன.

கிரான்ட்பாஸ் பகுதியில் வசிக்கும் கசுன் என்பவர் பொரளையில் இருந்து முச்சக்கர வண்டியில் பயணித்துக் கொண்டிருக்கும் போது அவர் போக்குவரத்து விதிகளை மீறியுள்ளதாக பொலிஸார் அவரை நிறுத்தியுள்ளனர்.

குற்றச்சாட்டிற்கு அபராதம் தாள் வழங்கி பொலிஸ் அதிகாரி நீதிமன்றத்தில் ஆஜராகுமாறு பெப்ரவரி மாதம் 30ஆம் திகதியை குறிப்பிட்டுள்ளனர்.

பெப்ரவரி மாதம் 28ஆம் திகதியுடன் நிறைவடைகின்ற நிலையில் 30 ஆம் திகதி நீதிமன்றம் செல்வது எப்படி என்பதே தற்போது அனைவரினதும் கேள்வியாகியுள்ளது.

Read More»

thumbnail

ஹூசைனின் உரையில் இலங்கை தொடர்பில் எதுவுமில்லை


ஐக்கிய நாடுகள் மனித உரிமைகள் பேரவையின் 34வது கூட்டத் தொடர் நேற்று திங்கட்கிழமை ஜெனீவாவில் ஆரம்பமாகியது.

அமர்வை ஆரம்பித்து வைத்து உரையாற்றிய ஐ.நா மனித உரிமைகள் ஆணையாளர் செய்யத் அல் ஹூசைன் இலங்கை விவகாரம் பற்றி எதுவும் குறிப்பிட்டிருக்கவில்லை.

மார்ச் மாதம் 24ம் திகதி வரை நடைபெறவுள்ள இந்த 34வது அமர்வில் மார்ச் 22ம் திகதி இலங்கை குறித்து எழுத்துமூல அறிக்கையொன்றை ஐ.நா மனித உரிமைகள் ஆணையாளர் சமர்ப்பிக்கின்றார்.

இருந்த போதும் ஆரம்ப உரையில் அவர் இலங்கை பற்றி குறிப்பிடுவார் என எதிர்பார்க்கப்பட்ட போதும் இலங்கை தொடர்பில் அவர் எதுவும் குறிப்பிட்டிருக்கவில்லை.

இலங்கை மாத்திரமன்றி எந்தவொரு நாட்டையும் தனித்துக் குறிப்பிட்டு அவர் பேசியிராத போதும், பொதுவாக மனித உரிமைகளுக்கு மதிப்பளிப்பது மற்றும் சர்வதேச நாடுகள் அதனைப் பின்பற்றுவது தொடர்பில் அவர் சுட்டிக்காட்டியிருந்தார்.

பூகோள மனித உரிமைகளுக்கு எதிராக பிரசாரங்களில் ஈடுபட்டு வரும் சில அரசியல் தலைவர்கள், சர்வதேச அல்லது பிராந்திய ஒப்பந்தங்களிலிருந்து விலகுவதாகவும், அவ்வாறான அமைப்புக்களிலிருந்து விலகப் போவதாகவும் அச்சுறுத்தி வருகின்றனர்.

கடந்த ஏழு தசாப்தங்களில் உலக நாடுகள் மனித உரிமை விடயத்தில் அடைந்திருக்கும் முன்னேற்றத்தை அவர்கள் மீட்டுப் பார்க்க வேண்டும்.

இவ்வாறான அச்சுறுத்தல்களில் அவர்கள் வெற்றி பெற்றால் உலக மனித உரிமையில் எதனை இழக்கப் போகிறோம் என்பதையும் பார்க்க வேண்டும் எனவும் ஐ.நா ஆணையாளர் தனது உரையில் தெரிவித்துள்ளார்.

ஐக்கிய நாடுகள் சபை ஸ்தாபிக்கப்பட்ட பின்னர் மனித உரிமைகள் தொடர்பான பல்தரப்பு ஒப்பந்தங்கள் கைச்சாத்திடப்பட்டு திருத்தங்கள் மேற்கொள்ளப்பட்டு வருகின்றது. அது மாத்திரமன்றி உலகளாவிய காலமுறையில் மீளாய்வு மேற்கொள்ளப்படுகிறது.

எனது அலுவலகம் பிராந்திய மற்றும் சர்வதேச அமைப்புக்கள், சகல மட்டத்திலுமான சிவில் அமைப்புக்கள் ஆகியவற்றுடன் இணைந்து இணங்கப்பட்ட விடயங்கள் நடைமுறைப்படுத்தப்படுகின்றனவா என்பதைக் கண்காணித்து வருகிறது.

முன்னெப்போதும் இல்லாத வகையில் கடந்த ஜனவரி மாதம் 21ம் திகதி உலகின் பல்வேறு பகுதிகளில் பேரணிகள் நடைபெற்றன. அது ஒரு நபருக்கு எதிராகவோ அல்லது அவருடைய அரசுக்கு எதிராகவோ நடத்தப்பட்டதென்றே கருதுகின்றேன்.

பெண்களின் உரிமைகளுக்காக இந்தப் பேரணிகள் நடத்தப்பட்டன. இதில் எனது அலுவலக பணியாளர்கள் கலந்து கொண்டமையை இட்டு பெருமையடைகிறேன். நாம் சகலருடைய உரிமைகளுக்காகவும் ஒன்றிணைய வேண்டும்.

இது போன்ற அரசியல் தலைவர்கள், லீக் ஒவ் நெஷன்ஸ் காலத்திலும் இருந்ததுடன், அப்போதைய பன்னாட்டு கட்டமைப்பிலிருந்து விலகப் போவதாக எச்சரித்திருந்தார்கள். அப்போது ஏற்பட்ட விடயங்கள் குறித்த அனுபவங்கள் எமக்கு உள்ளது.

எனவே நாம் சிலை போன்று அமர்ந்திருக்க மாட்டோம். நாம் இழப்பதற்கு பல இருப்பதுடன், பாதுகாப்பதற்கும் பல விடயங்கள் இருக்கின்றன.

எமது உரிமைகள் ஏனையவர்களின் உரிமைகள் என்பன இது போன்ற அரசியல் லாப நோக்கமுமடையவர்களால் தூக்கி எறியப்பட முடியாது எனவும் அவர் மேலும் தெரிவித்தார்.
Read More»

thumbnail

சிலருக்கு மாரடைப்பு ஏற்படும் என எச்சரிக்கும் மஹிந்த!


சிலருக்கு மாரடைப்பு ஏற்படும் என முன்னாள் ஜனாதிபதி மஹிந்த ராஜபக்ச எச்சரிக்கை விடுத்துள்ளார்.

அண்மையில் பல்லேகலே தேசிய பௌத்த நிலையத்தில் நடைபெற்ற நிகழ்வு ஒன்றில் பங்கேற்ற போது இதனைத் தெரிவித்துள்ளார்.

அவர் மேலும் கூறுகையில்…

தற்போதைய அரசாங்கத்தினால் மேற்கொள்ளப்பட்டுள்ள ஊழல் மோசடிகள் தொடர்பில் அம்பலமானதன் பின்னர் யாருக்கு மெய்யாகவே மாரடைப்பு ஏற்படும் என்பதனை மக்கள் அறிந்து கொள்வார்கள்.

இந்த அரசாங்கத்தினால் பெற்றுக் கொள்ளப்பட்டுள்ள பாரியளவு கடன் தொகை மற்றும் ஊழல் மோசடிகள் குறித்து எதிர்காலத்தில் அம்பலப்படுத்த திட்டமிட்டுள்ளேன்.

எனது ஆட்சிக் காலத்தில் கடன் பெற்றுக் கொள்ளப்பட்டதாக போலியாக பிரச்சாரம் செய்து வரும் அரசாங்கத்திற்கு எதிராக சட்ட நடவடிக்கை எடுக்குமாறு கூட்டு எதிர்க்கட்சியின் பொருளாதார விவகாரத்திற்குப் பொறுப்பான பந்துல குணவர்தனவிற்கு பணிப்புரை விடுத்துள்ளேன்.

எனக்கு எதிராக தொடர்ச்சியாக பொய்யான குற்றச்சாட்டுக்கள் சுமத்தப்படுகின்றன.

இது தொடர்பில் விளக்கம் அளித்து ஊடக அறிக்கை ஒன்று வெளியிடப்படும் என மஹிந்த ராஜபக்ச தெரிவித்துள்ளார்.

மஹிந்த அரசாங்கம் பெற்றுக் கொண்டுள்ள கடன் தொடர்பிலான மெய்யான தகவல்கள் தெரிந்தால் மக்களுக்கு மாரடைப்பு ஏற்படும் என அண்மையில் பிரதமர் ரணில் விக்ரமசிங்க கூறியிருந்தார்.

இந்தக் கருத்துக்கு பதிலளிக்கும் வகையில் மஹிந்த ராஜபக்ச மேற்கண்ட கருத்துக்களை வெளியிட்டுள்ளார்.
Read More»

thumbnail

தமிழில் தேசிய கீதம் பாடுவது மிகவும் நல்ல விடயமே! - பிரதமர்


தமிழில் தேசிய கீதம் பாடுவது மிகவும் நல்ல விடயமேயாகும் என பிரதமர் ரணில் விக்ரமசிங்க தெரிவித்துள்ளார்.

கிராமிய பொருளாதார அமைச்சின் புதிய கட்டட அங்குரார்ப்பண நிகழ்வில் பங்கேற்று உரையாற்றிய போது அவர் இதனைக் குறிப்பிட்டுள்ளார்.அவர் மேலும் கூறுகையில்…

நாட்டில் தேசிய ஒற்றுமையை உறுதி செய்ய வேண்டும், வெறுமனே அடித்துக் கொள்வதில் எவ்வித பயனும் கிடையாது.

வேறு நாடுகளுக்கு செல்லக்கூடிய சந்தர்ப்பம் இருந்தும் சிலர் இலங்கையிலேயே தங்கியிருக்கின்றார்கள்.அதற்கான காரணங்கள் என்ன நாடு மீது அவர்கள் கொண்டுள்ள பற்றுதான் அதற்கு காரணமாகும்.

ஸ்ரீலங்கா தாயே என தமிழ் பிள்ளைகள் தமிழில் மொழியில் தேசிய கீதம் இசைப்பது எவ்வளவு நல்ல விடயமாகும்.

நாம் அனைவரும் ஒரு தாய் மக்கள் என அர்த்தப்படுத்துவது சிறந்தது அல்லவா.தெரிந்த தமிழ் மொழியில் தேசிய கீதம் பாட அனுமதிப்பதா அல்லது அவர்களை வாயை மூடிக்கொண்டிருக்குமாறு அறிவிப்பதா?

தமிழ் தெரிந்தவர்கள் தமிழ் மொழியிலும் சிங்களம் தெரிந்தவர்கள் சிங்கள மொழியிலும் தேசிய கீதம் பாடுவதற்கு சந்தர்ப்பம் ஏற்படுத்தியுள்ளோம்.

நாட்டின் அனைத்து இலங்கையர்களும் தற்போது தேசிய கொடிக்கு மதிப்பளிக்கின்றனர்.

இவ்வாறு தேசிய ஒற்றுமையை கட்டியெழுப்பி நாட்டை அபிவிருத்தி செய்ய வேண்டுமென பிரதமர் ரணில் விக்ரமசிங்க கூறியுள்ளார்.
Read More»

Monday, February 27, 2017

thumbnail

மாகாணசபை உறுப்பினர் பல்கலையில் கற்றவரா? மார்க்கட் ரவுடி போல பேசுகிறார்! (வீடியோ)



கிழக்கு மாகாணசபை உறுப்பினர் தவம் அவர்களது அண்மைக்கால பேச்சுக்கள் தொடர்பில் சந்தேகம் வலுக்கிறது. அவரது பேச்சுக்கள் மார்க்கெட் ரவுடிகள் பேசுகின்ற மொழியான தூசன வார்த்தைகள் அரச அதிகாரிகளின் முன் பேசுகிறார். ஏலவே ஒரு தடவை கிழக்கு மாகாணசபை முதலமைச்சரின் காரியாலயத்தை வேசயின் வெற்றிலை பெட்டி என்று மக்கள் முன் அழைத்து பெரும் அவப்பெயரை சம்பாதித்துக் கொண்டார். அதைத் தொடர்ந்து இன்று அக்கரைப்பற்று அபிவிருத்தி குழு கூட்டத்தில் உரையாற்றும் போது சபைகளில் பேசுகிற ஒழுங்கை மீறி  இருந்தார் இவ்வாறானர்கள் சமுகத்துக்கோ அல்லது தான் பிரதிநிதித்துவம் செய்யும் ஊருக்கோ இவ்வாறு தகைமை வகிக்க முடியுமா? வேடிக்கை மனிதனாகி போனார்.


(இதே போன்று கடந்த வருடமும் முதலமைச்சர் காரியாலயத்தில் அநாகரிகமாக நடந்து கொண்டதும் குறிப்பிடத்தக்கது)



முதலமைச்சரைச் சந்திப்பதற்காக கடந்த வருடம் 27/10/2016 வியாழக்கிழமை, முதலமைச்சரின் அலுவலகத்துக்கு ஆசிரியைகள் வந்திருந்தனர்.

தமது வசிப்பிடங்களிலிருந்து தூரப் பகுதிகளில் கடமையாற்றும் தமக்கு, அண்மைய பகுதிகளில் பணியிடங்களை வழங்குவதற்கு சிபாசிசு செய்யுமாறு, இவர்கள் முதலமைச்சரிடம் கோரிக்கை விடுத்து, பேசிக்கொண்டிருந்தனர்.

இதன்போது முதலமைச்சரின் அலுவலகத்தினுள் மாகாணசபை உறுப்பினர் தவமும் இருந்துள்ளார்.

இவ்வமையம், முதலமைச்சரின் அலுவலகக் கதவினைத் திறந்து கொண்டு, கிழக்கு மாகாணசபையின் திருகோணமலை மாவட்ட மு.கா. உறுப்பினர் அன்வர் வந்தார்.

இதைக் கண்ட மாகாணசபை உறுப்பினர் தவம் “சீயெம்ட ஒஃபிஸ், வேசையின் வெற்றிலைப் பெட்டி போலாகி விட்டது” எனக் கூறியுள்ளார்.

மாகாணசபை உறுப்பினர் தவத்தின் இந்த அசிங்கமான வார்த்தைப் பிரயோத்தினால் அங்கிருந்த பெண் ஆசிரியைகள் அவமானப்பட்ட நிலையில், தலைகுனிந்தவாறு முதலமைச்சரின் அலுவலக அறையினை விட்டு வெளியேறினர்.

ஆயினும், மாகாணசபை உறுப்பினர் தவம் இவ்வாறு அநாகரீகமாகப் பேசியமை தொடர்பில், முதலமைச்சர் ஹாபிஸ் நசீர் எதுவும் கூறாமல் வாய்மூடி மௌனமாக இருந்துள்ளார் எனத் தெரிவிக்கப்படுகிறது.

Read More»

thumbnail

கோடிஸ்வரன் MP தடுக்கிறார் என்ற அறிக்கை விடாமல் இருந்தால் போதும் பிரதியமைச்சரே...!


கல்முனைக்கு மீண்டும் வெளிநாட்டு வேலைவாய்ப்பு பணியகம் கொண்டுவரப்பட இருப்பதாகவும், அதற்காக கல்முனைத் தொகுதியின் சாய்ந்தமருது பிரதேச சபைக்கு உட்பட்ட பொலிவேரியன் குடியிருப்பை அண்மித்த பகுதியில் 100 பேச் காணி ஏற்பாடு செய்யப்பட்டு சகல வசதிகளும் உள்ளடங்கலாக கட்டிடம் ஒன்றினை நிர்மாணிக்க போவதாகவும், கடந்த வருடம் அம்பாறைக்கு கொண்டு செல்லப்பட்ட வெளிநாட்டு வேலைவாய்ப்பு பணியகத்தை தெரிவு செய்யப்பட்ட குறித்த இடத்திற்கு மீண்டும் கொண்டுவரப் போவதாகவும், கல்முனை தொகுதியின் பாராளுமன்ற உறுப்பினரும் விளையாட்டு துறை பிரதியமைச்சருமான ஹரீஸ் அவர்கள் நடவடிக்கை எடுத்துவருவது தொடர்பில் செய்திகளை அவதானிக்கக்கூடியதாக உள்ளது.

கடந்த வருடம் அமைச்சர் தயாகமகே அவர்களின் இனவாத நடவடிக்கையின் ஒரு அங்கமாக கல்முனையில் இயங்கிவந்த வெளிநாட்டு வேலைவாய்ப்பு பணியகம் அம்பாறைக்கு இடம் மாற்றம் செய்து கொண்டு செல்லப்பட்டாதாக கூறப்பட்ட வேளையில் உல‌மா க‌ட்சி உட்ப‌ட‌ ப‌ல ச‌மூக வ‌லைய‌த்த‌ள‌ அக்க‌றையாள‌ர்களும் முஸ்லிம் காங்கிர‌ஸின் கையாலாக‌ த‌ன‌த்தை க‌ண்டித்த‌தும், குறித்த வேலைவாய்ப்பு பணியகம் மீண்டும் க‌ல்முனைக்கு வ‌ருவ‌த‌ற்கான‌ பிர‌தான‌ கார‌ண‌மாகும். இருந்த போதிலும் அது மீண்டும் கல்முனைக்கு கொண்டுவரப்பட இருப்பதற்கான நடவடிக்கைகள் மேற்கொள்ளப்பட்டு வருவது பாராட்டுக்குறியதாக இருந்தாலும், அது கொண்டுவரப்படுவதற்கு  கடைசி நேரத்தில் தமிழ்த் தேசிய கூட்டமைப்பின் பாராளுமன்ற உறுப்பினர் கோடிஸ்வரன் அவர்கள் தடையாக இருக்கிறார் என்று அறிக்கையை விட்டு தப்பித்துக் கொள்ள வேண்டாம் என உலமா கட்சி பிரதியமைச்சர் ஹரீஷ் அவர்களை கேட்டுக் கொள்கிறது

அஹமட் புர்கான் 
உயர்சபை உறுப்பினர் 
உலமா கட்சி
Read More»

thumbnail

சிறைச்சாலை பஸ் மீது துப்பாக்கிப் பிரயோகம் : பதாள குழு தலைவன் உட்பட 6 பேர் பலி


களுத்துறை சிறைச்சாலை பஸ் மீது சற்று முன்னர் மேற்கொண்ட துப்பாக்கிச்சூட்டு சம்பவத்தில் பதாள குழு தலைவன் உட்பட 6 பேர் பலியாகியுள்ளார்கள்.
Read More»

thumbnail

ஜெனிவாவில் மேலும் கால அவகாசத்துடன், நிதி உதவியையும் கோர இலங்கை திட்டம்!


ஐக்கிய நாடுகள் மனித உரிமைகள் பேரவையின் 34 ஆவது கூட்டத் தொடர் இன்று சுவிட்சர்லாந்தின் ஜெனிவாவில் ஆரம்பமாகவுள்ளது.

இந்தக் கூட்டத்தொடரில் இலங்கை தொடர்பாக மார்ச் 2 ஆம், 15 ஆம் மற்றும் 22 ஆம் திகதிகளில் விவாதம் நடத்தப்படவுள்ளது.

இந்த நிலையில், கடந்த 2015 ஆம் ஆண்டு நிறைவேற்றப்பட்ட ஜெனிவா தீர்மானத்தை நடைமுறைப்படுத்த இலங்கை அரசாங்கம் மேலும் கால அவகாசம் கோரும் என ஆங்கில ஊடகம் ஒன்று செய்தி வெளியிட்டுள்ளது.

ஐ.நா. மனித உரிமைகள் பேரவையின் கூட்டத்தொடரில் இலங்கை சார்பில் வெளிவிவகார அமைச்சர் மங்கள சமரவீர நாளைய தினம் (28) உரையாற்றவுள்ளார்.

இதன்போது, இலங்கைக்கு மேலும் 24 மாத கால அவகாசத்தையும், நிதி உதவியையும், ஐ.நா மனித உரிமைகள் பேரவையில் இலங்கை அரசாங்கம் கோரிக்கை விடுக்கவுள்ளதாக கொழும்பு ஆங்கில ஊடகம் ஒன்று செய்தி வெளியிட்டுள்ளது.

இந்தக் கூட்டத்தொடரில் பங்கேற்பதற்காக வெளிவிவகார அமைச்சர் மங்கள சமரவீர தலைமையிலான விசேட குழுவினர் இன்று ஜெனிவாவுக்குப பயணமாகவுள்ளனர்.

இதன் போது, 2015ஆம் ஆண்டு ஐ.நா மனித உரிமைகள் பேரவையின் 3/1 தீர்மானத்தை நடைமுறைப்படுத்துவதற்கு, இலங்கை அரசாங்கத்துக்கு, மேலும் 18 முதல் 24 மாத கால அவகாசத்தை வழங்க வேண்டும் என்று மனித உரிமைகள் பேரவையிடம் கோருவதற்கு வெளிவிவகார அமைச்சர் திட்டமிட்டுள்ளதாக அந்தச் செய்தியில் தெரிவிக்கப்பட்டுள்ளது.

அத்துடன் ஜெனிவா தீர்மானத்தை நடைமுறைப்படுத்துவதற்கு இலங்கைக்கு நிதி உதவியை வழங்குமாறும் மங்கள சமரவீர கோரிக்கை விடுக்கவுள்ளார் என்றும் தெரிவிக்கப்பட்டுள்ளது.
Read More»

thumbnail

எதிர்க்கட்சித் தலைவருக்கு ஜனாதிபதியை சந்திக்க முடியவில்லை..?


எதிர்க்கட்சித் தலைவர் இரா.சம்பந்தன், ஜனாதிபதியை சந்திக்க நேரம் ஒதுக்கித் தருமாறு கேட்டுள்ள போதும் கடந்த 5 நாட்களாக சந்திப்பதற்கான ஏற்பாடுகள் செய்து கொடுக்கப்படவில்லை எனவும் குறிப்பிடப்பட்டுள்ளது.

கடந்த வியாழக்கிழமை தமிழ் தேசியக் கூட்டமைப்பு பாராளுமன்ற உறுப்பினர்களின் ஒருங்கிணைப்புக் குழுக் கூட்டம் நடைபெற்றது.

இதன்போது வடக்கு, கிழக்கு பகுதியின் தற்போதைய நிலை மற்றும் அதிகரித்துள்ள மக்களது போராட்டங்களுக்கு தீர்வு காணுதல் உள்ளிட்ட விடயங்களை ஜனாதிபதியுடன் பேச வேண்டும் என தீர்மானிக்கப்பட்டு அன்று தொடக்கம் ஜனாதிபதியை சந்திக்க முயற்சி எடுக்கப்பட்டு வருகிறது.

ஆனால், ஜனாதிபதி தரப்பில் இருந்து எதிர்க்கட்சித் தலைவரையோ அல்லது கூட்டமைப்பையோ சந்திக்க நேரம் ஒதுக்கிக் கொடுக்கப்படவில்லை என கூறப்பட்டுள்ளது.
Read More»

thumbnail

பட்டதாரிகளிடம் பொய் சொல்லி மாட்டிக்கொண்ட மட்டக்களப்பு அரசியல் வாதிகள்!


பிரதமர் குறித்த தவறான தகவல்களை மக்களிடையே பரப்புவதை எந்த மட்டத்தினராக இருப்பினும் தவிர்த்துக் கொள்ள வேண்டுமென ஐக்கியத் தேசியக் கட்சியின் செயலாளரும் அமைச்சருமான கபீர் ஹாஷீம் தெரிவித்தார்.

பிரதமர் ரணில் விக்ரமசிங்கவின் பெயரைப் பயன்படுத்தி மக்களிடையே போலி வாக்குறுதிகளை வழங்கி மக்களை ஏமாற்றும் செயல்களை முன்னெடுத்து வருவது கண்டிக்கத்தக்கது என கபீர் ஹாஷீம் மேலும் குறிப்பிட்டிருக்கின்றார்.

மட்டக்களப்பு மாவட்ட பட்டதாரிகளுக்கு விரைவில் தீர்வுபெற்றுத் தருவதாக ரணில் விக்ரமசிங்க உறுதியளித்ததாக மட்டக்களப்பு மாவட்ட அரசியல்வாதியொருவர் தெரிவித்தமை தொடர்பில் பட்டதாரிகள் சிலர் அமைச்சர் கபீர் ஹாஷீமிடம் தொலைபேசி மூலம் தொடர்பு கொண்டு வினவிய போதே அவர் இதனைக் தெரிவித்துள்ளார்.

ஆளுந்தரப்பில் அமைச்சுப் பொறுப்புக்களை வகிப்பவர்களே பிரதமர் மற்றும் அரசாங்கத்தின் பெயரை கெடுக்கும் வகையில் பொறுப்பற்ற வகையில் நடந்து கொள்வது ஊடாக நல்லாட்சி அரசாங்கம் மீதான தவறான புரிதல்களை ஏற்படுத்த வழிவகுப்பதாகவும் அமைச்சர் கபீர் ஹாஷீம் கூறியுள்ளார்.

பட்டதாரிகள் தொடர்பில் பிரதமரிடம் இதுவரை யாரும் கலந்துரையாடவில்லை எனவும், நாட்டில் புதிய தொழில் வாய்ப்புக்களை ஏற்படுத்துவது தொடர்பில் அரசாங்கம் தற்போது நடவடிக்கைளை முன்னெடுத்து வருவதாகவும் அவர் குறிப்பிட்டுள்ளார்.

பட்டதாரிகளின் பிரச்சினை ஒரு தேசிய ரீதியான பிரச்சினை எனவும் அது தொடர்பில் அரசாங்கம் கவனம் செலுத்தி வருவதாகவும் வடக்கிலும் இந்தப் பிரச்சினை தலை தூக்கியுள்ளதாக அமைச்சர் கபீர் ஹாஷீம் கூறியிருக்கின்றார்.
Read More»

thumbnail

யாரோ செய்த குற்றங்களை என் மீது சுமத்துவது நியாயமற்றது!


ஆங்கில நாளிதழின் இணை ஆசிரியராக பணியாற்றிய கீத் நொயார் கடத்தப்பட்டு தாக்கப்பட்ட சம்பவத்துடன் தனக்கு எந்தத் தொடர்பும் இருக்கவில்லை என முன்னாள் பாதுகாப்புச் செயலர் கோத்தபாய ராஜபக்ச தெரிவித்துள்ளார்.

ஆங்கில வாரஇதழுக்கு அளித்துள்ள செவ்வி ஒன்றிலேயே அவர் இவ்வாறு குறிப்பிட்டுள்ளார்.

அங்கு தொடர்ந்து கருத்து வெளியிட்டவர்,

நான் பாதுகாப்புச் செயலராக இருந்த போது, கொழும்பில் விடுதலைப் புலிகளின் ஊடுருவலைத் தடுப்பதற்காக, புலனாய்வு அதிகாரிகளுடன் கிரமமான சந்திப்புகளை நடத்துவது வழக்கம்.

போர் நடந்த காலகட்டத்தில், புலனாய்வு அதிகாரிகளுடன் ஒவ்வொரு செவ்வாய்க்கிழமையும் கூட்டங்களை நடத்துவேன்.

இந்தக் கூட்டங்களின் மூலம், வெற்றிகரமாக விடுதலைப் புலிகளின் இரகசிய செயற்பாட்டாளர்களை அடையாளம் கண்டு, கொழும்பில் சில தாக்குதல்களையும் தடுக்க முடிந்தது.

பாதுகாப்புச் செயலராக பணியாற்றிய போது, இராணுவ அதிகாரிகளுக்கு அவர்களின் கடமைகளுக்கு அப்பால் செயற்படுவதற்கான உத்தரவுகளை இடும் அதிகாரம் எனக்கு இருக்கவில்லை.

யாரோ செய்த குற்றங்களை சுமத்துவது நியாயமற்றது. உண்மையான குற்றவாளிகளை அதிகாரிகள் கைது செய்ய வேண்டும்” என்றும் அவர் தெரிவித்துள்ளார்.
Read More»

thumbnail

மூன்று தொழில்கள் செய்து அதனை இராஜினாமா செய்த ஜனாதிபதி மைத்திரி


தான் ஜனாதிபதியாவதற்கு முன்னர் மூன்று தொழில்கள் செய்ததாகவும், அவற்றினை இராஜினாமா செய்ததாகவும் ஜனாதிபதி மைத்திரிபால சிறிசேன தெரிவித்துள்ளார்.

அத்துடன் தனது தாயும், தந்தையும் இந்த நாட்டு அரச ஊழியர்கள் என ஜனாதிபதி குறிப்பிட்டுள்ளார்.

தென் மாகாணத்தில் இடம்பெற்ற மாகாண அரச அதிகாரிகளின் நிகழ்வில் கலந்துக் கொண்டு உரையாற்றும் போதே அவர் இவ்வாறு குறிப்பிட்டுள்ளார்.

தான் தொடர்ந்து மாறுவதற்கு தன்னுள் காணப்பட்ட விருப்பமே அவ்வாறு இராஜினாமா செய்வதற்கு காரணமாகும்.

இன்று ஊடங்கள் நாட்டில் நடக்கும் நல்ல விடயங்களை பார்ப்பதில்லை. பத்திரிகை மற்றும் இணையத்தள ஊடகங்கள் தங்கள் இலக்கை அடையும் நோக்கிலேயே செயற்படுகின்றன. அது சிறப்பான ஒரு அறிகுறி அல்ல என ஜனாதிபதி மைத்திரிபால சிறிசேன மேலும் தெரிவித்துள்ளார்.
Read More»

thumbnail

மே மாதம் உள்ளூராட்சி மன்றத் தேர்தல் நடத்தப்படும்! பைசர் முஸ்தபா!


எதிர்வரும் மே மாதம் உள்ளூராட்சி மன்றத் தேர்தல் நடத்தப்படும் என பைசர் முஸ்தபா தெரிவித்துள்ளார்.

ஐக்கிய மக்கள் சுதந்திரக் கூட்டமைப்பின் கட்சித் தலைவர்களிடம் அவர் இதனைத் தெரிவித்துள்ளார்.

அண்மையில் ஜனாதிபதியின் உத்தியோகபூர்வ இல்லத்தில் இந்த சந்திப்பு நடத்தப்பட்டிருந்தது.

மஹஜன எக்சத் பெரமுன கட்சியின் சார்பில் கூட்டத்தில் பங்கேற்றிருந்த முன்னாள் நாடாளுமன்ற உறுப்பினர் சோமவீர சந்திரசிறி, உள்ளூராட்சி மன்றத் தேர்தல் தொடர்பில் கேள்வி எழுப்பியுள்ளார்.

இதன் போது மே மாதத்தில் தேர்தலை நடத்த முடியும் என அமைச்சர் முஸ்தபா பதிலளித்துள்ளார்.

இந்த விடயத்தை ஜனாதிபதி மைத்திரிபால சிறிசேனவும் உறுதியளித்துள்ளதாகக் குறிப்பிடப்படுகிறது.
Read More»

thumbnail

குருணாகலில் இடம்பெற்ற துப்பாக்கிச் சூட்டு சம்பவத்தில் வர்த்தகர் பலி!


குருணாகலில் இடம்பெற்ற துப்பாக்கிச் சூட்டு சம்பவத்தில் வர்த்தகர் ஒருவர் கொல்லப்பட்டுள்ளார்.

குருணாகல் மாவத்தகம கல்பொத்தவத்த பிரதேசத்தில் வர்த்தகர் ஒருவர் இவ்வாறு துப்பாக்கிச் சூட்டுக்கு இலக்காகி உயிரிழந்துள்ளார்.

நேற்றிரவு 9.45 மணியளவில் இந்த துப்பாக்கிச் சூட்டு சம்பவம் இடம்பெற்றுள்ளது.

65 வயதான நபர் ஒருவரே சம்பவத்தில் உயிரிழந்துள்ளதாக பொலிஸார் தெரிவிக்கின்றனர்.

குருணாகலில் அமைந்துள்ள தனது வர்த்தக நிலையத்திலிருந்து கல்பொத்தவத்தவில் அமைந்துள்ள வீடு நோக்கிப் பயணித்துக் கொண்டிருந்த போது துப்பாக்கிச் சூட்டு சம்பவம் இடம்பெற்றுள்ளது.

மோட்டார் சைக்கிளில் சென்ற இனந்தெரியாத நபர்கள் தாக்குதலை நடத்தி தப்பிச் சென்றுள்ளனர்.

சம்பவத்துடன் தொடர்புடைய சந்தேக நபர்களை கைது செய்வதற்கு இரண்டு பொலிஸ் குழுக்கள் ஈடுபடுத்தப்பட்டுள்ளதாக சிரேஸ்ட பொலிஸ் அதிகாரியொருவர் தெரிவித்துள்ளார்.
Read More»

thumbnail

எல்லை நிர்ணய அறிக்கைக்கு எதிராக வழக்கு!


எல்லை நிர்ணய அறிக்கைக்கு எதிராக வழக்குத் தொடரப்பட உள்ளதாகத் தெரிவிக்கப்படுகிறது.

உள்ளூராட்சி மன்ற எல்லை நிர்ணய அறிக்கை வர்த்தமானி அறிவிப்பிற்கு எதிராக வழக்குத் தொடரப்படும் என அமைச்சர் ரிசாட் பதியூதீன் அறிவித்துள்ளார்.

கொழும்பு வார இறுதி பத்திரிகை ஒன்றுக்கு அவர் இதனைத் தெரிவித்துள்ளார்.

எல்லை நிர்ணயமானது, அரசியல் கட்சிகளைப் போன்றே அனைத்து இன சமூகங்களுக்கும் நியாயமான வகையில் அமைய வேண்டுமென அவர் வலியுறுத்தியுள்ளார்.

உத்தேச அறிக்கையில் அனைத்து இன சமூகங்களினதும் அபிலாஸைகள் பூர்த்தி செய்யப்படவில்லை என தெரிவித்துள்ளார்.

எல்லை நிர்ணயம் குறித்த வர்த்தமானி அறிவித்தல் கைகளில் கிடைக்கப் பெற்றவுடன் நீதிமன்றின் உதவி நாடப்படும் என அவர் குறிப்பிட்டுள்ளார்.
Read More»

thumbnail

மஹிந்தவின் பெயரில் வெளியான வர்த்தமானி விவகாரம்! தடயங்களை அழிக்க முயற்சி?



மத்திய வங்கியின் பிணைமுறிகள் விற்பனை தொடர்பில் முன்னாள் ஜனாதிபதி மஹிந்த ராஜபக்சவின் பெயரில் வெளியான வர்த்தமானி தொடர்பான தகவல்களை அழிக்கும் முயற்சிகள் நடைபெறுகின்றது.

கடந்த 2015ம் ஆண்டு நடைபெற்ற மத்திய வங்கி பிணைமுறி மோசடிகளுக்கு வழிவகுக்கும் வகையில் அதற்கு முன்னதாக விசேட வர்த்தமானி அறிவித்தல் ஒன்று வெளியிடப்பட்டிருந்தது.

அப்போதைய நிலையில் பதவி விலகியிருந்த முன்னாள் ஜனாதிபதியும், முன்னைய நிதியமைச்சருமான மஹிந்த ராஜபக்சவின் பெயரில் குறித்த வர்த்தமானி அறிவித்தல் வெளியிடப்பட்டிருந்த தகவல் தற்போது வெளியாகியுள்ளதால் பெரும் பரபரப்பு தோன்றியுள்ளது.

இதற்கிடையே குறித்த விவகாரம் தொடர்பில் மஹிந்த ராஜபக்ச வழக்குத் தொடர உத்தேசித்துள்ள நிலையில், வர்த்தமானி அறிவித்தல் தொடர்பான தடயங்களை அழிக்கும் முயற்சியில் மத்திய வங்கி அதிகாரிகள் ஈடுபட்டுள்ளதாக தெரிய வந்துள்ளது.
Read More»

thumbnail

புதிய பிரதம நீதியரசருக்கான பெயர் ஜனாதிபதியால் இன்று பரிந்துரை!



இலங்கை உயர் நீதிமன்றத்துக்கான புதிய பிரதம நீதியரசராக நியமிக்கப்படவுள்ளவரின் பெயர் இன்று (27) ஜனாதிபதி மைத்திரிபால சிறிசேனவினால் அரசியலமைப்புச் சபைக்கு அனுப்பப்படவுள்ளது.
பிரதம நீதியரசராக பதவி வகிக்கும் கே. ஸ்ரீபவன் நாளை (28) தனது பதவியிலிருந்து ஓய்வு பெறவுள்ளார். இதனால், அப்பதவி இடைவெளியாக மாறவுள்ளது. இதற்கான பெயரையே ஜனாதிபதி இன்று தெரிவு செய்து அனுப்பவுள்ளார்.
ஜனாதிபதியால் புதிதாக தெரிவு செய்யப்படவுள்ளவர் இலங்கையின் 44 ஆவது பிரதமர் நீதியரசர் என்பது குறிப்பிடத்தக்கது.
Read More»

thumbnail

புதிய பிரதம நீதியரசருக்கான பெயர் ஜனாதிபதியால் இன்று பரிந்துரை!


இலங்கை உயர் நீதிமன்றத்துக்கான புதிய பிரதம நீதியரசராக நியமிக்கப்படவுள்ளவரின் பெயர் இன்று (27) ஜனாதிபதி மைத்திரிபால சிறிசேனவினால் அரசியலமைப்புச் சபைக்கு அனுப்பப்படவுள்ளது.
பிரதம நீதியரசராக பதவி வகிக்கும் கே. ஸ்ரீபவன் நாளை (28) தனது பதவியிலிருந்து ஓய்வு பெறவுள்ளார். இதனால், அப்பதவி இடைவெளியாக மாறவுள்ளது. இதற்கான பெயரையே ஜனாதிபதி இன்று தெரிவு செய்து அனுப்பவுள்ளார்.
ஜனாதிபதியால் புதிதாக தெரிவு செய்யப்படவுள்ளவர் இலங்கையின் 44 ஆவது பிரதமர் நீதியரசர் என்பது குறிப்பிடத்தக்கது.
Read More»

thumbnail

பிறந்தநாள் பரிசாக நல்ல புத்தகங்களை வழங்குங்கள் தொண்டர்களுக்கு, மு.க.ஸ்டாலின் வேண்டுகோள்!


பொன்னாடைகளை தவிர்த்து நல்ல புத்தகங்களை பரிசாக வழங்குங்கள் என மு.க.ஸ்டாலின் தொண்டர்களுக்கு வேண்டுகோள் விடுத்துள்ளார்.


தி.மு.க. செயல்தலைவர் மு.க.ஸ்டாலின் கடிதம் வடிவில் வெளியிட்டுள்ள அறிக்கையில் கூறியிருப்பதாவது:–

வெற்றித்திருநாள் தொலைவில் இல்லை

ஒரே இல்லத்தில் வாழ்ந்து சதிச்செயலில் இறங்கி லஞ்ச ஊழலில் ஈடுபட்டு சொத்துகளை வாங்கிக்குவித்த குற்றவாளியின் ‘பினாமி’ ஆட்சிக்கு எதிரான தமிழக மக்களின் உணர்வுகளை வெளிப்படுத்தும் வகையில், போராட்டக்களங்களை தி.மு.க. தொடர்ந்து எதிர்கொண்டு வருகிறது.

தமிழகத்தில் மட்டுமின்றி, இந்தியத் தலைநகர் டெல்லி வரை இதற்கான குரலை முன்னெடுத்துள்ளோம். மக்களின் விருப்பத்துக்கு மாறான அரசை அமைதி புரட்சி வழியில் அகற்றி, மக்களின் ஏகோபித்த நம்பிக்கையைப் பெற்ற அரசாக தி.மு.க. அரசு அமையும் வரையில் ஜனநாயக வழியிலான இந்த போராட்டம் தொடரும். அந்த வெற்றித்திருநாள் வெகுதொலைவில் இல்லை.

கட்சி தொண்டர்களின் சளைக்காத உழைப்புடனும், ஒத்துழைப்புடனும் தமிழக மக்களின் பேராதரவுடனும் அறவழி போராட்டகளத்தை தி.மு.க. கட்டமைத்து சந்தித்து வரும் நிலையில், இடைக்கால இளைப்பாறுதல் போல என்னுடைய பிறந்தநாளுக்கான வாழ்த்து செய்திகளை கட்சியினர் பலரும் முன்கூட்டியே தெரிவித்து வருகிறார்கள். இளைஞர் எழுச்சி நாள் நிகழ்வுகளுக்கான ஏற்பாடுகளையும் ஆர்வத்துடன் மேற்கொண்டுள்ளனர்.

மரக்கன்று நடுதல்

பிறந்தநாள் விழாக்களை ஆடம்பரமாகக் கொண்டாட வேண்டாமென்றும், மக்களுக்கு பயன்தரும் வகையில் ரத்ததானம், நலத்திட்ட உதவிகள், இயற்கையை போற்றும் விதத்தில் மரக்கன்று நடுதல் உள்ளிட்ட செயல்களில் ஈடுபடுத்திக்கொள்ள வேண்டும் என்றும் கட்சி தொண்டர்களுக்கு ஒவ்வொரு ஆண்டும் வேண்டுகோள் விடுத்து வருகிறேன்.

அத்துடன் பேனர்கள், கட்–அவுட்டுகள் போன்ற பொதுமக்களுக்கு அதிருப்தி ஊட்டும் பிறந்தநாள் அலங்கார ஆடம்பரங்களைக் கண்டிப்பாக, கட்டாயமாகத் தவிர்க்க வேண்டும் என்பதையும் ஒவ்வொரு முறையும் வேண்டுகோளாக விடுத்து வருகிறேன். என்னுடைய வேண்டுகோளை அன்புக்கட்டளையாக ஏற்று தவறாமல் செயல்படுத்தும் கட்சி தொண்டர்களின் கட்டுப்பாடே எனக்கு கிடைக்கும் மிகச்சிறந்த பிறந்தநாள் பரிசாக கருதுகிறேன். அன்புமிகுதியாலும் ஆர்வத்தாலும் ஒரு சில தொண்டர்கள் ஆடம்பர விழாக்களை முன்னெடுப்பதும் உண்டு. அவற்றையும் தவிர்க்க வேண்டும் என வேண்டுகோள் விடுக்கிறேன்.

மட்டில்லா மகிழ்ச்சி

காலில் விழுவதைத் தவிர்த்து கம்பீரமான வணக்கம் செலுத்தி சுயமரியாதை காப்போம் என்ற என்னுடைய வேண்டுகோளை கட்சியினர் கடைப்பிடித்து வருவது மட்டிலா மகிழ்ச்சி தருகிறது. அதுபோலவே, நான் பங்கேற்கும் கழக நிகழ்ச்சிகளில் பேனர்களைத் தவிர்த்து, கட்சியின் இருவண்ணக் கொடிகளை காணும் திசையெல்லாம் பறக்கச் செய்யுங்கள் என்ற வேண்டுகோளையும் கட்சியினர் தொடர்ந்து செயல்படுத்தி வருவது களிப்பை அள்ளித்தருகிறது.

அதுபோலவே, பிறந்தநாள் விழா தொடர்பான படாடோபக் கொண்டாட்டங்களைத் தவிர்த்து, மக்கள் நலன் சார்ந்த விழாக்கள், கட்சியின் கொள்கையை வெளிப்படுத்தும் கருத்தரங்கங்கள் போன்ற அறிவொளித் திருவிழாக்களை நடத்த வேண்டும் என்பதே என் வேண்டுகோளாகும்.

புத்தகத்தை அன்பளிப்பாக வழங்கும் பழக்கம்

விழா நாட்களிலும், மேடைகளிலும் சால்வை என்ற பெயரில் பயனற்ற துணியை அணிவிப்பது என்பது பொருளற்ற செயலாக அமைந்துவிடுகிறது. பகட்டான இந்தப் பழக்கத்தைத் தவிர்த்து, காலமெல்லாம் பயனுள்ள வகையில் புத்தகங்களை அன்பளிப்பாக வழங்கும் பழக்கத்தை மீண்டும் புதுப்பித்துப் பின்பற்றுவோம்.

கட்சியினர் இல்லங்களில் நடைபெறும் திருமண விழாக்கள் தொடங்கி பலவற்றிலும் புத்தகங்களைப் பரிசளித்து, படிக்கும் பழக்கத்தை சமுதாயத்தில் பரவலாக்கிப் பெருக்கிய பெருமை தி.மு.க.வுக்கு உண்டு. ஊர் தோறும், தெரு தோறும் படிப்பகங்களை உருவாக்கி பொதுமக்களின் அறிவுப்பசிக்கு புத்தகங்கள் வாயிலாகவும் பத்திரிகைகள் வாயிலாகவும் நல்விருந்து பரிமாறிய இயக்கம் நம் தி.மு.க.

அதன் தொடர்ச்சியாக, தி.மு.க.வால் பல நூலகங்கள் உருவாக்கப்பட்டன. தலைவர் கருணாநிதியின் பெருமுயற்சியால், மிகப் பெரிய நூலகமான உலகத் தரம் வாய்ந்த அண்ணா நூற்றாண்டு நூலகம் தொடங்கப்பட்டதுடன், உள்ளாட்சித் துறை அமைச்சராகப் பொறுப்பு வகிக்கும் வாய்ப்பு எனக்கு கிடைத்தபோது, ஊராட்சிகள் தோறும் நூலகங்கள் தொடங்கப்பட்டன. அவை அனைத்தையும் இழுத்து மூடி முடக்கிய இருளடைந்த ஒரு ஆட்சி இப்போது தமிழகத்தில் நடைபெற்று கொண்டிருக்கிறது.

அறிவை விசாலப்படுத்திக் கொள்ள வாய்ப்பு

அறிவாற்றல் மிக்க இளைய சமுதாயம் தமிழகத்தில் உருவாகியுள்ள நிலையில், அதனை மேலும் பரவலாக்கிக் கூர்மைப்படுத்தவும், தமிழகத்தின் வரலாற்றுப் பெருமையையும் உலகளாவிய நிலைமைகளையும் தெளிவாகத் தெரிந்து கொள்ளும் வகையிலும் புத்தகங்கள் துணை நிற்கின்றன. எனவே, என் பிறந்தநாளில் நேரில் சந்தித்து அன்பை வெளிப்படுத்த நினைக்கும் கட்சியினர் யாரும் சால்வை அணிவிக்காமல், புத்தகங்களை அளிக்குமாறு அன்பு வேண்டுகோள் விடுக்கிறேன்.

நீங்கள் வழங்கும் புத்தகங்களில் எனது அறிவை மேலும் விசாலப்படுத்திக் கொள்வதற்கான வாய்ப்பு கிடைக்கும் என்பதோடு, மிகுதியாக சேரும் புத்தகங்களை தமிழகத்தில் உள்ள பல நூலகங்களுக்கும் கொடுத்து உதவி, அதன் மூலம் தமிழக இளைஞர்கள், மகளிர் உள்ளிட்ட அனைவரும் அளவிலாப் பயன்பெறச் செய்ய முடியும்.

என் அன்பு வேண்டுகோளை எப்போதும் ஏற்று கண்டிப்பாக கடைப்பிடிக்கும் தி.மு.க.வினர் இந்த வேண்டுகோளையும் ஏற்று, சால்வைபொன்னாடை போன்ற பகட்டான பரிசுகளைத் தவிர்த்து, மார்ச் 1–ந்தேதி இளைஞர் எழுச்சி நாள் முதல் தொடர்ந்து நல்ல புத்தகங்களை வழங்கிடுமாறு கேட்டுக்கொள்கிறேன்.

இவ்வாறு அதில் கூறப்பட்டுள்ளது.
Read More»

thumbnail

உள்ளூராட்சி சபைத் தேர்தலுக்கு முன் அமைச்சரவை மாற்றம்...!



உள்ளூராட்சி சபைத் தேர்தலுக்கு முன்னர் அமைச்சரவை மாற்றம் இடம்பெறலாம் என அரசியல் வட்டாரங்களிலிருந்து இருந்து அறியமுடிகின்றது.

ஐக்கிய தேசியக் கட்சியின் முக்கிய அமைச்சர் ஒருவரின் பதவியை மாற்றுவதற்குரிய முயற்சிக்கு அக்கட்சி கடும் எதிர்ப்பை வெளியிட்டுள்ளது.

இதன்காரணமாகவே அமைச்சரவை மாற்றம் இழுபறி நிலையில் இருந்து வருகின்றது எனவும் அவ்வட்டாரங்களிலிருந்து அறியமுடிகின்றது.

அதேவேளை, உள்ளூராட்சி சபைத் தேர்தல் முடிவடைந்த பின்னர் அமைச்சரவை மாற்றத்தைச் செய்யுமாறு அமைச்சர்கள் சிலர் ஜனாதிபதி மைத்திரிபால சிறிசேனவுக்கு ஆலோசனை வழங்கியுள்ளனர்.
Read More»

thumbnail

கைதி ஒருவரின் மரணம்: பொலிஸாருக்கு விளக்கமறியல்!


பேலியகொட பொலிஸ் நிலையத்தில் வைத்து மரணமான கைதி தொடர்பில் கைதுசெய்யப்பட்ட பொலிஸாரை விளக்கமறியலில் வைக்குமாறு உத்தரவிடப்பட்டுள்ளது

நேற்று மாலையில் அவர்கள் நீதிமன்றத்தில் ஆஜர்செய்யப்பட்டபோது கொழும்பு நீதிமன்றம் இந்த உத்தரவை பிறப்பித்துள்ளது

இதேவேளை, குறித்த சம்பவம் தொடர்பில் 5 பொலிஸார் இன்று காலை கைதுசெய்யப்பட்டமை குறிப்பிடத்தக்கது.
Read More»

thumbnail

மாகாணசபைத் தேர்தல்களை ஒத்தி வைக்க முடியாது..?


மாகாணசபைத் தேர்தல்களை ஒத்தி வைக்க முடியாது என தெரிவிக்கப்படுகிறது. இந்த ஆண்டு பூர்த்தியாவதற்கு முன்னதாக கிழக்கு, சபரகமுவ மற்றும் வட மத்திய மாகாணசபைகளின் தேர்தல்கள் நடத்தப்பட வேண்டியுள்ளது.

இந்த மாகாணசபைத் தேர்தல்களை எந்த வகையிலும் ஒத்தி வைக்க முடியாது என கொழும்பு ஊடகமொன்று சுட்டிக்காட்டியுள்ளது.

ஏதேனும் ஓர் காரணத்திற்காக தேர்தலை ஒத்தி வைக்க வேண்டுமாயின் நாடாளுமன்றில் விசேட சட்ட மூலமொன்றை கொண்டு வந்து, மூன்றில் இரண்டு பெரும்பான்மை பலத்துடன் நிறைவேற்றி சர்வஜன வாக்கெடுப்பின் மூலமும் அனுமதி பெற்றுக் கொள்ள வேண்டுமென தெரிவிக்கப்படுகிறது.

வடமத்திய, சபரகமுவ மற்றும் கிழக்கு மாகாணசபைகளின் பதவிக் காலம் எதிர்வரும் செப்டம்பர் மாதத்துடன் நிறைவடைகின்றது. இந்த மாகாணசபைகளை கலைத்து டிசம்பர் மாதம் தேர்தல் நடத்த திட்டமிடப்பட்டுள்ளது.

1998ம் ஆண்டு மத்திய, சபரகமுவ மற்றும் மேல் மாகாணசபை தேர்தல்கள் ஒத்தி வைக்கப்பட்டமைக்கு எதிராக உச்ச நீதிமன்றில் வழக்குத் தாக்கல் செய்யப்பட்டிருந்தது.

இதன் போது தேர்தலை காலம் தாழ்த்துவது அடிப்படை உரிமை மீறல் என தீர்ப்பளிக்கப்பட்டிருந்தமை குறிப்பிடத்தக்கது.

இதேவேளை, தேர்தல் காலம் தாழ்த்துவது அடிப்படை உரிமை மீறல் என தேர்தல் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார்.

ஐக்கிய நாடுகள் அமைப்பின் மனித உரிமை குறித்த சர்வதேச பிரகடனத்தின் 21ம் சரத்தில் வாக்குரிமை பற்றி குறிப்பிடப்பட்டுள்ளது என அவர் சுட்டிக்காட்டியுள்ளார்.

இதேவேளை, உரிய காலத்தில் தேர்தல் நடத்தப்பட வேண்டியது மக்களின் உரிமைகளில் ஒன்றாகும் என அவர் தெரிவித்துள்ளார்.
Read More»

    If you would like to receive our RSS updates via email, simply enter your email address below click subscribe.

Discussion

Blog Archive

back to top