முஸ்லிம்களுக்கு ஆதரவாக குரல் உயர்த்தும் மஹிந்த!


வில்பத்து விடயம் தொடர்பில் எவரும் விமர்சனம் செய்ய கூடாது என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.

கூட்டு எதிர்கட்சி உறுப்பினர்களிடம் முன்னாள் ஜனாதிபதி இவ்வாறு வேண்டுகோள் விடுத்துள்ளார்.

உள்ளூராட்சி மன்ற தேர்தல் தொடர்பில் கூட்டு எதிர்க்கட்சி முக்கியஸ்தர்களுடன் இடம்பெற்ற கலந்துரையாடலின் போது மஹிந்த ராஜபக்ஷ இதனை தெரிவித்துள்ளார்.

வில்பத்து காட்டை முஸ்லிம்கள் அழிக்கவில்லை. அதனை அண்மித்த பிரதேசங்களில் அவர்களது பூர்வீக நிலங்களிலேயே குடியேறியுள்ளதாக அவர் சுட்டிக்காட்டியுள்ளார்.

“எமது ஆட்சிக்காலத்தில் நாம் கட்டோடு காடாகிப் போன அவர்களது பூர்வீக நிலங்களை இனங்கண்டு விடுவித்துக் கொடுத்தோம். எமது ஆட்சிக் காலத்திலே மீள்குடியேற்றங்களும் இடம்பெற்றன. இவை அனைத்தும் சட்டரீதியாகவே நடைபெற்றது. குறுகிய அரசியல் இலாபங்களுக்காக வில்பத்து விடயத்தை விமர்சிக்க வேண்டாம்” என மஹிந்த ராஜபக்ஷ இதன்போது தெரிவித்துள்ளார்.
இந்த செய்தியை நண்பர்களுடன் பகிர்ந்து கொள்ள...
எமது உத்தியோகபூர்வ பேஸ்புக் பக்கம்

பேஸ்புக்கில் எங்களது செய்திகளை உடனுக்குடன் அறிய (Like Page) பக்கத்தை LIKED செய்யுங்கள்.
மேலும் எமது பக்கத்தினை (Share) பண்ணவும்