ஜனநாயக அரசியலில் காத்திரமான விமர்சனங்கள் இன்றியமையாதவை. அரசியல்வாதிகளின் அல்லது கட்சிகளின் பிழையான செயற்பாடுகள் சுட்டிக் காட்டப்பட வேண்டும். அப்பொழுதான் மக்கள் தாங்கள் தெரிவுசெய்த பிரதிநிதிகள் அல்லது தாம் சார்ந்த கட்சிகள் மக்கள் நலனுக்காக செயற்படுகின்றார்களா? அல்லது தன் நலனுக்காக செயற்படுகின்றார்களா? என்பதை சீர்தூக்கிப் பார்த்து எதிர்காலத்தில் முடிவுகளை எடுக்கக் கூடியதாக இருக்கும். ( The voters can make an informed judgment on their representatives and decide on their future course of action).  ஆனால் ஒருவர் அரசியலோடு தொடர்பற்ற தனிப்பட்ட நடத்தையோடு சம்பந்தப்பட்ட தவறுகளைச் செய்வதற்கு தானே உதவி செய்துவிட்டு அல்லது களம் அமைத்துக் கொடுத்துவிட்டு ( அவரது கூற்றின்படி) அதை திருட்டுத்தனமாக வீடியோ வேறு எடுத்துவிட்டு இத்தனை ஆண்டுகள் கழித்து அவற்றை வெளியிடப்போவதாக ஊடகங்களில் அந்த கமராவின் படங்களையும் போட்டு செய்திவெளியிடுவதென்பதும் அதை சில இணையதளங்களும் முகநூல்களும் செய்தியாகப் போட்டுக் கொண்டாடுவதென்பது கண்டிக்க தக்கதும் சமூகம் வெட்கித்தலைகுனிய வேண்டியதுமாகும்.

அவர் அந்த பிழையான விடயங்ளைப் படம் எடுத்தது உண்மையானால் அவர் அந்த பிழைகளுக்கு அன்று பிழையான நோக்கத்தோடு உதவி செய்து, அவற்றைப் பிழையான நோக்கத்தோடு படம்பிடித்து, அவற்றை இவ்வளவு காலமும் பிழையான நோக்கத்தோடு பாதுகாத்து வைத்திருந்து,  இன்று பிழையான நோக்கத்தோடு ( தானும் நாறி மற்றவர்களையும் நாறவைக்க) அவற்றை வெளியிடப்போவதாக அவர் கூறும்போது நம்மவர்களும் அதனை பிழையான நோக்கத்தோடு செய்தியாக வெளியிடுகின்றார்களா? என்ற கேள்வி எழுகின்றது.

இந்த அறிக்கையை எழுத முனையும்போது எனக்குள் மிகப்பெரிய மனப்போராட்டம்;  இந்த அறிக்கையையும் பலர் பல கோணங்களில் பார்க்கலாம் என்பதனால். ஆனாலும் இன்று முஸ்லிம் அரசியல்,  சாக்கடையின் உச்சக்கட்டத்தை நோக்கிச் சென்றுகொண்டிருக்கின்ற நிலையில் மௌனமாக இருப்பதற்கு மனச்சாட்சி இடம் தரவில்லை. இது அடுத்த கட்சியின் உள்வீட்டுப் பிரச்சினை என்று விட்டுவிடலாமா என்ற ஒரு கேள்வியும் என்னுள்ளத்தில் எழுந்தது. வீடியோ கமராக்களின் படங்களையும் போட்டு வெளியிடப்பட்ட மட்டரகமான இச்செய்தி சமூகத்தின் கௌரவத்தை எவ்வளவு தூரம் பாதிக்கப் போகின்றது; என்பதை உணராமல் அரசியல் பகைமை உணர்வுகளுக்காக சமூக வலைத்தளங்களில் இதனைக் கொண்டாடிக் கொண்டிருப்பதைப் பார்க்கும்போது வாளாவிருக்க முடியவில்லை.

இன்று முஸ்லிம் அரசியல் பாரிய ஒரு நோயாளியாக மாறிவிட்டது. அந்த நோய்க்கிருமிகள் வளர்வதற்கான என்பதைவிட வளர்ப்பதற்கான நீர்க்குட்டையாக இன்று சமூக வலைத்தளங்கள் பாவிக்கப்படுகின்றன. அரசியலில் கட்டாயம் செய்யப்படவேண்டிய காத்திரமான விமர்சனங்களுக்கு இன்று இடமில்லை. கூலிக்கு ஆள்வைத்து சேறுபூசப்படுகின்றது.

'Reading maketh a man' வாசிப்பு மனிதனை உருவாக்கும் என்றும் 'Reading makes a full man' வாசிப்பு மனிதனை முழுமையாக்கும், என்றெல்லாம் கூறப்படுகின்றது. வாசித்தலின் மூலம் மனிதன் அறிவை வளர்ப்பதில் ஊடகங்கள் பெரும் பங்கை வகிக்கின்றன. ஆனால் இன்று சமூகவலைத்தளங்கள் என்ற ஒன்று வந்ததன்பின் மனித அறிவு மழுங்கடிக்கப் படுகின்ற சூழ்நிலையே அதிகம் காணப்படுகின்றது. ஆக்கபூர்வமான கட்டுரைகள் அபூர்வமாகக் கூட காண கிடைப்பதில்லை. அதையும் தாண்டி யாராவது எழுதினாலும் அதனை வாசிப்பதிலும் பெரிய அக்கறை இல்லை. ஆனால் யார்வேண்டுமானும் எதையும் எழுதலாம்; என்கின்ற நிலை உருவாகி இருக்கின்றது. அவற்றில் பாதி பித்னாக்கள். இவ்வாறு மனிதன் காலையில் எழுந்ததில் இருந்து தூங்கும்வரை முகநூலில் பாவச்செயலில் மூழ்கிக் கிடக்கின்றான்.

இந்த நாட்டில் புதிய அரசியலமைப்பு உருவாக்கப்பட இருக்கின்றது. அதில் அதிகாரப்பகிர்வு முக்கிய இடத்தை வகிக்கப் போகின்றது. முஸ்லிம்களின் எதிர்காலமே இந்த அதிகாரப்கிர்வில் கேள்விக்குறியாக்கப்படப் போகின்றது. இதில் பல விடயங்களில் றவூப் ஹக்கீமின் நிலைப்பாடு முஸ்லிம்களுக்கு பாதகமான தன்மையைக் கொண்டிருக்கின்றது. இவற்றைப்பற்றி பேசுவதற்கோ எழுதுவதற்கோ யாரும் ஆயத்தமில்லை. அவற்றைப்பற்றி எழுதினாலும் அவற்றை வாசிப்பதற்கோ அல்லது சிலாகிப்பதற்கோ பெரிதாக ஆர்வமில்லை. சில வட்ஸ்அப் குறூப்புகளுக்கு அதிகாரப்பகிர்வு தொடர்பாக சில குறிப்புகளை அல்லது voice cut களைக் கொடுத்து இதனை உங்கள் தலைப்பாக எடுத்து இன்று அளவளாவுங்கள்; என்று கொடுத்துப் பார்த்தேன். அதில் யாருக்கும் அக்கறை இல்லை. சிலர் அதிகாரப் பகிர்வு என்றால் வட கிழக்கு இணைப்பு/ பிரிப்பு என்று மட்டும் நினைத்துக் கொண்டிருக்கின்றார்கள். இன்னும் சிலர் தமிழர்களுக்கு வழங்கட்படுகின்ற சமஷ்ட்டி எங்களுக்கும் வழங்கப்பட வேண்டும், தமிழர்கள் கேட்கும் சுயநிர்ணய உரிமை எங்களுக்கும் வழங்கப்பட வேண்டும்; என்கின்றார்கள். ஆனால் சமஷ்டி என்றால் என்ன? அதன் சாதக பாதகங்கள் யாவை, அல்லது சுயநிர்ணயம் என்றால் என்ன? அதன் சாதக பாதகங்கள் யாவை? அவர்களும் சொல்லமாட்டார்கள் மக்களும் கேட்க மாட்டார்கள்; என்கின்ற நிலை. 'வடக்கும் கிழக்கும் இணைக்கப்படக் கூடாது. பிரிந்தே இருக்க வேண்டும். ஆனால் கிழக்கில் உள்ள தமிழ் பிரதேசங்கள் வடக்குடன் இணையலாம், அதேபோன்று சிங்களப் பிரதேசங்கள் ஊவாவுடன் இணையலாம்; ' என்று சிலர் எழுதினால்  அருமையான கருத்து' என்று comment போடுகின்ற நம்மவர்களும் இருக்கின்றார்கள். இவற்றை மிகவும் கவலையுடன் குறிப்பிடுகின்றேன். நாளை அதிகாரப் பகிர்வு நடந்து 'முஸ்லிம்கள் இந்நாட்டின் நிரந்தர அடிமைகள்' என்று முத்திரை குத்தப்படும்பொழுது நமது சமுதாயம் நீண்ட தூக்கத்திலிருந்து விழித்தெழும். அப்பொழுது பஸ் ஏற்கனவே நம்மைக் கடந்து சென்றிருக்கும். இது தான் நம் சமூகத்தின் நிலை.

மறுபுறத்தில் தனக்கு வாக்களித்து ஆளாக்கிய முசலி மக்களின் எப்பொழுதோ தீர்க்கப்பட்டிருக்க வேண்டிய பிரச்சினையை, அது தீர்ந்துவிட்டால் தன் அரசியலும் முடிந்துவிடும் என்னும் அச்சத்தில் இன்னும் தீர்க்காமல் வைத்துக்கொண்டு ஊடகங்களில் விளம்பரம் தேடுகின்ற, தனக்கு வாக்களித்த மக்களுக்கே துரோகம் செய்கின்ற அரசியல் அரங்கேறிக் கொண்டிருக்கின்றது . இவற்றைப் பற்றி பேசுவதற்கோ எழுதுவதற்கோ யாருமில்லை. யாராவது இந்த உண்மையை சுட்டிக்காட்டினால் கூலிப்பட்டாளத்தை வைத்து முகநூல்களில் நாட்கணக்கில் சேறுபூசப்படுகின்றது.
முஸ்லிம் சமுதாயத்தின் நிலையைப
 பார்த்தீர்களா?

இந்த லட்சணத்தில் ஒருவர் பிழையான நடத்தையில் ஈடுபட்டாராம், அதற்கு இன்னொருவர் உதவி செய்துவிட்டு அவற்றைப் படமும் பிடித்துக்கொண்டு இத்தனை வருசமும் இருந்து, அவரது பிழைகளப் பாதுகாப்பதற்காகவே பாராளுமன்றத்தில் பேசாமடந்தையாக இருந்ததாகவும் ஒப்புக்கொண்டு இப்பொழது கட்சியைக் காப்பாற்ற அந்தப் படத்தை திரையிடப் போகிறாராம். நமது கலிமாச் சொன்ன சகோதரர்கள் இப்பொழுதே டிக்கட் எடுப்பதற்கு முகநூல்களில் வரிசையாக காத்து நிற்கின்றார்களாம். நமது சமூகம் எங்கே போய்க் கொண்டிருக்கின்றது. தானும் நாறி அடுத்தவர்களையும் நாறடிக்கப் போகின்றாராம்.  ஒரு மரியாதையுள்ள, தன்மானம் உள்ள முஸ்லிம் கூறுகின்ற வார்த்தையா இது? எவ்வளவு மட்டரகமான கூற்று. இதைப்பார்த்து வெட்கித்தலைகுனிய வேண்டிய சமுதாயம் முகநுல்களில் வஞ்சம் தீர்ப்பதற்காக விழாக்கொண்டாடுகின்றோம்.

றவூப் ஹக்கீமால் அரசியலில் பாதிக்கப்பட்ட, அல்லது அவரது அரசியல்
செயற்பாடுகளை வெறுக்கின்றவர்கள் இருக்கலாம். ஏன் வை எல் எஸ் ஹமீட் பாராளுமன்றம் செல்லக் கூடாது; என்பதற்காக இரண்டு தேர்தல்களில் திட்டமிட்டு செயற்பட்ட ஒருவர்தான் றவூப் ஹக்கீம். தலைவரின் மரணத்தைத் தொடர்நது, 2001ம ஆண்டு பொதுத் தேர்தலில் நியாயமாக வை எல் எஸ் ஹமீட்டிற்கு கல்முனையில் தேர்தலில் போட்டியிடுவதற்கான சந்தர்ப்பத்தை மறுத்தார். 2004 ம் ஆண்டு தேர்தலில் போட்டியிட அனுமதித்து விட்டு கல்முனையில் ஒரே ஊருக்குள் இன்னுமொரு வேட்பாளரையும் திட்டமிட்டு இறக்கி கட்சியின் முக்கியஸ்தர்களை வை எல் எஸ் ஹமீட்டிற்கு எதிராக பல ஊர்களில் செயற்படவைத்து திட்டமிட்டு தோற்கடித்தவர்தான். அதற்காக பசீர் செய்கின்ற இந்த கேவலமான செயற்பாட்டில் சந்தோசமடைய முடியாது. றவூப் ஹக்கீமை 12 வருடங்கள் அரசியல் ரீதியாக மனச்சாட்சியை அடகுவைக்காமல் விமர்சனம் செய்த ஒருவர்தான் வை எல் எஸ் ஹமீட், ஆனால் எந்தவொரு சந்தர்ப்பத்திலும் அவரது தனிப்பட்ட பிரச்சினைகளைப் பற்றி பேசியது கிடையாது. அரசியல்
நாகரீக எல்லைக்குள் யாரையும் யாரும் விமர்சனம் செய்யுங்கள்.


இதற்குமுன்னால் உள்ள பல சமூகங்களை இறைவன் அழித்திருக்கின்றான், என்பதை ஞாபகமூட்டி இறைவனைப் பயந்து கொள்வோம். இவ்விடயங்களில் உலமாக்கள் வாய்திறக்க வேண்டும்; படித்தவர்கள் வாய்திறக்க வேண்டும். இந்த சமுதாயம் தொடர்ந்தும் இவ்வாறு சீரழிய இடம் கொடுக்க முடியாது. சமுதாயத்தில் முதலாவது நேர்மையான சிந்தனைப் புரட்ச்சி ஏற்படுத்தப்பட வேண்டும். அரசியல் சாக்கடைகள் தூக்கி வீசப்பட வேண்டும். ஒரு புதிய சமுதாயம் கட்டி எழுப்பப்பட வேண்டும்.

YLS ஹமீட்
செயலாளர் நாயகம்
அகில இலங்கை மக்கள் காங்கிரஸ்


ஞானசேரர்- வணக்கம் ஜனாதிபதி மைத்ரி அவர்களே..!

ஜனாதிபதி மைத்ரி- வணக்கம் சங்கைக்குறிய ஆமதுரு அவர்களே..!

ஞான- உங்களை சந்திப்பதில் மகிழ்ச்சி அடைகின்றேன்..

ஜனா- உங்களை சந்திப்பதில் நானும் இரட்டிப்பு மகிழ்ச்சி அடைகின்றேன்.

ஞான- இரட்டிப்பு மகிழ்ச்சி என்று ஏன் கூறுகின்றீர்கள்...?

ஜனா- என்னை பதவியில் அமர்த்துவதற்கு நீங்கள் செய்த உதவியை மறக்க முடியுமா அதனால் கூறினேன்....

ஞான- இல்லையே முஸ்லிம்கள்தான் உங்கள் ஆட்சியை கொண்டுவர உதவினார்கள் என்று கூறுகின்றார்களே...

ஜனா- சிரித்துவிட்டு....அது உண்மை தெறியாதவர்கள் கதைக்கும் கதை...
நீங்கள் இல்லையென்றால் முஸ்லிம்கள் ஒட்டுமொத்தமாக எங்களுக்கு வாக்களித்து இருப்பார்களா?

ஞான- உண்மைதான் அதனை நீங்கள் நன்றி உணர்வோடு கூறுவதை மனதார ஏற்றுக்கொள்கின்றேன்....

ஜனா- உண்மையில் நீங்கள் முஸ்லிம்களுக்கு செய்த அநியாயத்துக்கு, மஹிந்த அன்று நடவடிக்கை எடுத்து உங்களை கைது செய்திருந்தால், நாங்கள் இன்று ஆட்சிக்கட்டிலில் இருக்கமுடியுமா?  அதற்கு மஹிந்தவுக்கும் நன்றி சொல்லவேண்டும்போல உள்ளது...

ஞான- நீங்கள் சொல்வது தவறானது ஜனாதிபதி அவர்களே....
அப்படி நீங்கள் நன்றி சொல்வதாக இருந்தால் சம்பிக்க ரணவக்க அவர்களுக்குத்தான் நன்றி சொல்லவேண்டும்....

ஜனா- ஏன்?

ஞான- மஹிந்த எங்களுக்கு எதிராக நடவடிக்கை எடுக்க முற்பட்டபோதெல்லாம், உள்ளே இருந்து கொண்டு சமயோசிதமாக தடுத்தவர் அவர்தான்...
அவர் இல்லையென்றால், எங்கள் திட்டம் அத்தனையும் தவுடு பொடியாக ஆகியிருக்கும்...
அதனால்தான் சொல்கிறேன், நீங்கள் நன்றி தெறிவிக்கவேண்டும் என்றால் சம்பிக்கவுக்குத்தான் தெறிவிக்கவேண்டும்...

ஜனா- நீங்கள் இப்படி நடந்து கொள்வதற்கு காரணம் என்ன?
ஞான- அதனை மட்டும் கேட்காதீர்கள், அது பரமரகசியம், ரணில் ஐயாவுக்கு மட்டும்தான் அது தெறியும்....

ஜனா- அப்படியென்றால் நீங்கள் ரணில் அவர்களை சந்திப்பதை விட என்னைத்தானே சந்தித்து உதவி கேட்கின்றீர்கள் காரணம் புரியவில்லையே...!

ஞான- அது சேர்.....அவரை நாங்கள் சந்தித்து பேசினால் சோனகர்கள் அவருடன் கோபிப்பார்கள் அதனால்தான்.......

ஜனா- அப்படியென்றால் என்னுடன் கோபிக்கமாட்டார்களா?

ஞான- நீங்கள் அடுத்தமுறை தேர்தல் கேட்கமாட்டீர்கள், அதனால் உங்களுடன் அவர்கள் கோபித்தாலும் உங்களுக்கு நஸ்டம் வரப்போவதில்லைதானே...! அதனால்தான் உங்களுடன் பகிரங்கமாக பழகுகின்றோம்....
ரணில் அவர்கள் இன்னும்  ஜனாதிபதியாகி பார்க்கவில்லை அதனால் அவருக்கு சோனிகளின் வாக்கு தேவைபடும் அதனால் அவர் சமயோசிதமாக நடக்கவேண்டியுள்ளது, அதனால் அவரை பகிரங்கமாக சந்திப்பதை தவிர்த்து வருகின்றோம்....

ஜனா-  இப்போது முஸ்லிம்களுக்கு நடக்கும் அநியாயத்தை ரணில் அவர்கள் தட்டிக்கேட்கவில்லை என்று முஸ்லிம்கள் பேசிக்கொள்கின்றார்களே அது அவரை பாதிக்கும்தானே....!

ஞான- அதற்கு கொடுப்புக்குள்ளால் சிரித்து விட்டு...
அது வந்து சேர்....என்று முணுமுணுக்கின்றார்...
ரணில் அவர்கள் ஒரு திட்டம் வைத்துள்ளார் அதனை தேர்தல் நெருங்கும் போது செயல்படுத்தவுள்ளார், அதற்கு என்னுடைய உதவியையும் கோரியுள்ளார்...

ஜனா- அது என்ன திட்டம், நான் யாரிடமும் சொல்மாட்டேன் கூறுங்கள்......

ஞான- அது ஒரு திட்டமும் இல்ல சேர்....
தேர்தல் நெருங்கும் போது முஸ்லிம்களை நான் கடுமையாக சீண்டுவேண், அந்த நேரம் ரணில் அவர்கள் என்னை கைது செய்வார் உடனே சோனிகள் எல்லாரும் ரணிலை புகழ்வார்கள், வாக்குகளையும் அள்ளி போடுவார்கள், அவரை ஜனாதிபதி ஆக்கிவிட்டு எங்களின் தலைவர் சம்பிக்க ரணவக்க அவர்களை பிரதமராக்கி விடுவோம் இதுதான் எங்கள் திட்டம் சேர்...

ஜனா- அடேங்கப்பா கடும்திட்டமே இது....

ஞான- இல்லை சேர்... ரணில் ஜனாதிபதி ஆனபிற்பாடு அவரையும் சந்தர்ப்பம் பார்த்து கவுட்டு விட்டு சம்பிக்கவை ஜனாதிபதியாக்கி விடுவதே எங்கள் நோக்கம் சேர்....

ஜனா- இதற்கெல்லாம் நிதி உதவி செய்வது யார்...

ஞான- அதெல்லாம் உங்களுக்கு தெறியாதா சேர்....
நம்மட பெறிய நாட்டாமைகள்தான்...

ஜனா- சரி சரி இப்ப நீங்க வந்த நோக்கம் என்ன?

ஞான- நோக்கம் எல்லாம் சொல்லப்படுகிறது...
ஜனாதிபதி அதனையெல்லாம் காதார கேட்டுவிட்டு, உடனே உங்கள் கோரிக்கைகளை நிறைவேற்றுகின்றேன் என்கிறார்...

சந்திப்பு நிறைவடைகின்றது......
அடுத்த சந்திப்பின் விடயங்கள் பிறகு தொடரும்....

இது யாவும் கற்பனைதான்...
அதில் படிப்பினையும் உண்டு...

எம்.எச்.எம்.இப்ராஹிம்....
கல்முனை...



ஸ்ரீலங்கா முஸ்லிம் காங்கிரஸ் கட்சியின் அழைப்பை நிராகரித்து அமைச்சர் ரவுப் ஹக்கீமுக்கு கடும் தொனியில் பேசியுள்ளார் ஜனாதிபதி மைத்திரிபால சிறிசேன என்று தெரியவருகின்றது.

நாளை களுவாஞ்சிக்குடி வைத்தியசாலை திறப்பு விழாவிற் வருகை தரும் ஜனாதிபதி மைத்திரிபால சிறிசேன ஏறாவுரிற்கும் வருகை தருவதற்கான ஏற்பாடுகள் கிழக்கு முதலமைச்சரினால் மேற்கொள்ளப்பட்டிருந்தது.

ஆனால் ஏறாவுரிற்கான விஜயத்தை ஜனாதிபதி பல காரணங்களிற்காக ரத்துச் செய்ததுடன் முஸ்லிம் காங்கிரஸ் கட்சிக்கும் அதன் தலைவர் அமைச்சர் ரவுப் ஹக்கீமுக்கும் தெரியாமல் கல்முனை மற்றும் சம்மாந்துறை போன்ற பிரதேசங்களிற்கும் வருகை தரவுள்ளார்.

இவ்விடயத்தை கேள்விப்பட்ட முஸ்லிம் காங்கிரஸ் கட்சியின் தலைவர் அமைச்சர் ரவுப் ஹக்கீம் இன்று மாலை ஜனாதிபதியை சந்தித்து ஏறாவுரிற்கு கட்டாயம் வருகை தரவேண்டும் என்று கேட்டிருக்கின்றார்.

அதற்கு ஏறாவுரிற்கான நிகழ்வில் தன்னால் கலந்து கொள்ள முடியாது என்றும். இந்த நிகழ்வு தொடர்பில் ஆரம்பித்தில் எனக்கு சரியான முறையில் அறிவிக்கப்படவில்லை என்பதுடன் உங்களது முதலமைச்சருக்கு எதிராக தாருஸ்ஸலாம் விடயம் தொடர்பில் புத்தகம் வெளியாகியிருப்பதால் மக்கள் மத்தியில் அவருக்கு எதிர்ப்புக்கள் உள்ளதாக அறிகின்றேன். இந்த சந்தர்ப்பத்தில் அவரது ஏற்பாட்டு நிகழ்வுக்கு என்னால் வரமுடியாது என்று அழுத்தமாக தெரிவித்திருக்கின்றார்.

இந்த சந்தர்ப்பத்தில் அமைச்சர் ரவுப் ஹக்கீம் குறுக்கிட்டு எங்களது ஆதரவு பிரதேசமான கல்முனைக்கும், சம்மாந்துறைக்கும் நீங்கள் வருவதாக இன்று மாலைதான் எங்களுக்குத் தெரியும் இது கவலைக்குரியது என்று கூறியபோது, நான் அங்கு வருவதற்கான ஏற்பாடுகள் சரியான முறையில் நடந்துள்ளது. உங்களுக்குத் தெரியாததற்கு என்னால் ஒன்றும் செய்ய முடியாது. அப்படியானால் உங்களுக்கு தகவல் கிடைக்கவில்லை என்று நினைக்கின்றேன். நாளைக்கு கட்டாயம் நீங்களும் என்னோடு வரவேண்டும் என்று அதிகாரத் தோரணையில் சொல்லியுள்ளார்.

இந்த விடயத்தில் மிகுந்த கவலையடைந்தவராக அங்கிருந்த வெளியேறிய அமைச்சர் ரவுப்ஹக்கீம் பிரதியமைச்சர் எச்.எம்.எம்.ஹரீஸ் அவர்களிடம் நடந்த விடயத்தை தெரியப்படுத்தியுள்ளார். முஸ்லிம் காங்கிரஸ் கட்சியையும், அதன் தலைவரையும் மதிக்காத ஜனாதிபதியின் நிகழ்வில் தன்னால் கலந்து கொள்ள முடியாது என்று சொல்லிவிட்டு வெளியேறியுள்ளார்.

ஜனாதிபதி மைத்திரிபால சிறிசேனவின் வெற்றிக்கு பங்களித்த முஸ்லிம் காங்கிரஸ் கட்சியையும், அம்பாரை மற்றும் மட்டக்களப்பு முஸ்லிம்களையும் புறக்கனித்துள்ள ஜனாதிபதியின் செயல்பாட்டையும், இனவாத அமைச்சர் தயாக கமகேவையும் முஸ்லிம் காங்கிரஸ் ஆதரவாளர்கள் வன்மையாகக் கண்டித்துள்ளனர்.

இதேவேளை, நாளை இடம்பெறவுள்ள களுவாஞ்சிக்குடி நிகழ்வை கிழக்கு மாகாண முதலமைச்சர் நஸீர் அஹமட்டும், கிழக்கு மாகாண சுகாதார அமைச்சர் ஏ.எல்.எம்.நஸீரும் புறுக்கணிக்க வேண்டும் என கட்சிப் போராளிகள் பலரும் வேண்டு கோள் விடுக்கின்றனர்.


இராணுவத்தினரைப் பயன்படுத்தி எதிர்காலத்தில் கஞ்சாவைப் பயிரிட உள்ளதாக சுகாதார மற்றும் சுதேச மருத்துவத்துறை அமைச்சர் டாக்டர் ராஜித சேனாரட்ன தெரிவித்துள்ளார்.

மருந்துக்காக பயன்படுத்தும் நோக்குடன் கஞ்சாவை உற்பத்தி செய்வதற்கான நடவடிக்கைகளை விரைவில் ஆரம்பிக்கவுள்ளதாகவும் சுகாதார அமைச்சர் கூறியுள்ளார்.

ஆயுர்வேத மருத்துவம் தொடர்பில் கொழும்பு பண்டாரநாயக்க மாநாட்டு மண்டபத்தில் இடம்பெற்ற நிகழ்வொன்றில் கலந்துகொண்டு உரையாற்றியபோதே அமைச்சர் இதனை தெரிவித்துள்ளார்.

இலங்கைக்கு தேவையான தேசிய மருந்து வகைகள் சிலவற்றை இந்தியாவில் இருந்து இறக்குமதி செய்யப்படுகின்றன. இவ்வாறு இறக்குமதி செய்யப்படும் ஒன்றுதான் அபீன்.

இந்த நிலையில், கஞ்சாவை உற்பத்தி செய்யும் யோசனையை அண்மையில் தான் முன்வைத்ததாக தெரிவித்துள்ள சுகாதார அமைச்சர், மகா சங்கத்தினர் இந்த யோசனைக்கு எதிர்ப்பு தெரிவிக்கவில்லை என்று குறிப்பிட்டுள்ளார்.

இதன்காரணமாக இராணுவத்தினரின் மூலம் கஞ்சா பயிரிடும் நடவடிக்கையை விரைவில் மேற்கொள்ளவுள்ளதாக அமைச்சர் தெரிவித்துள்ளார்.

மேலும் கஞ்சாவை போதைப் பொருளாக பயன்படுத்தினால் தான் பிரச்சினை. மருந்தாக பயன்படுத்தினால் எந்தப் பிரச்சினையும் இல்லை என்றும் சுகாதார அமைச்சர் கூறியுள்ளமை குறிப்பிடத்தக்கது.


குற்றச்சாட்டு மிகவும் பாரதூரமானது. அதுவும் பொறுப்பு வாய்ந்த ஒருவரால் பொறுப்பு வாய்ந்த இன்னொருவர் மீது பகிரங்கமாக தெரிவிக்கப்பட்டிருக்கிறது.
ஆகவே சம்பந்தப்பட்ட நிறுவனம் ஒரு விசாரணைக்குழுவை உடனடியாக நியமித்து ஆரம்ப விசாரணையை மேற்கொள்ள வேண்டும். அக்குழுவின் முடிவு மற்றும் சிபாரிசுகளின் அடிப்படையில் குற்றம் சுமத்தியவர் அல்லது குற்றம் சாட்டப்பட்டவரை இடைநிறுத்தம் செய்ய வேண்டும்.பின்பு தொடரும் விசாரணையின்படி பூரண அறிக்கை மற்றும் சிபாரிசுகளின் படி நிரந்தரமாக நீக்கப்படல் வேண்டும். அல்லது விடுவிக்கப்படல் வேண்டும்.

அதைவிடுத்து குற்றஞ் சாட்டப்பட்டவர் கூட்டத்தை கூட்டி பதில் தருதல் என்பது ஏற்றுக்கொள்ளத்தக்கதல்ல.

இது குறிப்பிட்ட நிறுவனம் சார்ந்த விடயமாக இருந்தாலும் முழு முஸ்லீம் தேசியத்தின் மானத்தோடு விளையாடுகின்ற விடயமாதலால் கேள்வி எழுப்புவதற்கு அனைவருக்கும் உரிமையுண்டு என்பதை சம்பந்தப் பட்டவர்கள் ஏற்றுக் கொள்ள வேண்டும். இது எமது சொந்த விடயம் அதை நாங்கள் பார்த்துக் கொள்கிறோம் என்கிற சாட்டுக்கள் எடுபடாது.
இனவாதிகள் முழு சமூகத்தின் அடையாளமான அ.இ.ஜம்மியதுல் உலமாவை கிண்டல் செய்வதானதிலிருந்து முழு சமூகமும் இதனால் பாதிக்கப்பட்டிருக்கிறது.

ஆகவே பொறுப்பு வாய்ந்தவர்கள் சமூகத்திற்கு மாத்திரமல்ல முழு நாட்டிற்கும் உண்மையை தெளிவு படுத்த வேண்டிய தார்மீகப் பொறுப்பில் உள்ளார்கள் என்பதை உணர்ந்து ஆக்கபூர்வமான நடவடிக்கையில் உடனடியாக இறங்குவது சாலச் சிறந்தது.

MZM FAROOK


NESTLE கம்பெனி எருதிலிருந்து தயாரிக்கும் ஜூஸ் ஐ, kit kat சாக்லேட் இல் சேர்ப்பதாக ஒத்து கொண்டுள்ளார்கள்.

FAIR & LOVELY கம்பெனி அது தயாரிக்கும் கிரீம் இல், பன்றி கொழுப்பிலுள்ள ஆயில் ஐ கலப்பதாக, சென்னை உயர் நீதிமன்றத்தில் ஒரு வழக்கில் ஒத்து கொண்டுள்ளது.
________


VICKS பல ஐரோப்பிய நாடுகளில், அது விஷம் என்று தடை செய்யப்பட்டுள்ளது. ஆனால், நமது நாட்டில், அது நாள் முழுவதும் தொலைக்காட்சியில் விளம்பரபடுத்தபட்டு வருகிறது. ___________


LIFE BOY குளிக்கும் சோப்பு அல்ல, மேலும், கழிவறை சோப்பும் அல்ல. ஆனால், அது ஒரு carbolic சோப்பு, மிருகங்களை குளிப்பாட்ட பயன்படுவது. ஐரோப்பாவில், அது நாய்களை குளிப்பாட்ட பயன்படுகிறது, ஆனால், நம் நாட்டில் ? மாப்பிள்ளைக்கு கூட ஆசையாக கொடுக்கிறோம்?
_________


COKE மற்றும் PEPSI ஆகியவை, உண்மையில், கழிவறையை சுத்தம் செய்பவை. அதில் 21 மாறுபட்ட விஷம் கலந்திருப்பதாக நிரூபிக்கப்பட்டுள்ளது.
உங்கள் மீடியா எப்போதாவது இதை உங்களுக்கு தெரிவித்துள்ளதா???
Advertisement

வெளிநாட்டு கம்பனிகள் ஊட்டச்சத்து மிக்க பானம் என்று, பூஸ்ட், காம்ப்ளான், HORLICKS, மல்டோவா, PROTEIN EX ஆகியவற்றை விற்கின்றன. ஆனால், அதை, இந்தியாவில் டெல்லியில் ALL INDIA INSTITUTE (இந்தியாவில் உள்ள மிக பெரிய பரிசோதனை சாலை) இல், பரிசோதித்தபோது, நிலகடலையிளிருந்து எண்ணையை பிரித்தெடுத்த பிறகு வரும் கழிவிலிருந்து தயாரிக்கபடுகிறது. அது, விலங்குகள் உணவாகும். இந்த கழிவிலிருந்தே, ஆரோக்கிய பானங்கள் தயாரிக்கிறார்கள்.


ஹிந்தி ஸ்டார் அமிதாப் பச்சனுக்கு பத்து மணி நேர தொடர்ச்சியான அறுவை சிகிச்சை நடந்தது. அவரது, பெரிய கணையத்தை மருத்துவர்கள் அறுத்து, அகற்றி விட்டார்கள். அதன் பிறகு, மருத்துவர்கள், அது கெட்டு போக காரணம், coke மற்றும் பெப்சி குடித்ததே என்று. அதிலிருந்து, அவர் பெப்சி, coke ஆகிய விளம்பரங்களுக்கு நடிப்பதில்லை.
____________
உங்கள் மீடியா எப்போதாவது இதை உங்களுக்கு தெரிவித்துள்ளதா???

PIZZA பற்றி பார்ப்போம்.
PIZZA விற்கும் கம்பனிகள்
"Pizza Hut, Dominos,
KFC, McDonalds,
Pizza Corner,
Papa John’s Pizza,
California Pizza Kitchen,
Sal’s Pizza"
இவை அமெரிக்கன் கம்பனிகள்.
PIZZA சுவையாக இருக்க வேண்டி, E-631 என்ற flavor Enhancer சேர்க்கபடுகிறது. இது, பன்றி, கோழி இறைச்சியில் இருந்து தயாரிக்கபடுகிறது.

கீழ்கண்ட குறியீடுகள், உங்கள் உணவு பாக்கெட்களில் கானபட்டால், அதில் என்னென்ன கலந்திருக்கும் ?
E 322 – எருது
E 422 – ஆல்கஹால்
E 442 – ஆல்கஹால் மற்றும் கெமிக்கல்
E 471 – எருது & ஆல்கஹால்
E 476 – ஆல்கஹால்
E 481 – எருது & கோழி
E 627 – ஆபத்தான கெமிக்கல்
E 472 – எருது, கோழி மற்றும் இறைச்சி
E 631 – பன்றி கொழுப்பிலிருந்து தயாரிக்கப்படும் எண்ணெய் கழிவு.
● Note – இந்த code களை, பெரும்பாலான வெளிநாட்டு கம்பனிகள் தயாரிப்பில் காணலாம். அவை, சிப்ஸ், பிஸ்கட்ஸ், பப்பிள் கம், டாபிஸ், குர்குரே மற்றும் மாகி (ஆமா, ரெண்டு நிமிஷத்துல தயாராகுமே, அதேதான்)

 நுகர்வோரே, விழித்து கொள்ளுங்கள் !!!
 மாகி யில், flavor (E-635 ) என்ற code இருக்கும்.

 கீழ்கண்ட code களையும் தேடி பாருங்கள், இவை அனைத்துமே, ஒவ்வொன்றாய் குறிக்கும் :-

E100, E110, E120, E140, E141, E153, E210, E213, E214, E216, E234, E252, E270, E280, E325, E326, E327, E334, E335, E336, E337, E422, E430, E431, E432, E433, E434, E435, E436, E440, E470, E471, E472, E473, E474, E475, E476, E477, E478, E481, E482, E483, E491, E492, E493, E494, E495, E542, E570, E572, E631, E635, E904.


வெல்லம்பிட்டி –கெளதமி மாவத்தையில் அமைந்துள்ள வீடொன்றில் 20 லட்சம் ரூபா பெறுமதியான தங்கநகைகளை இனந்தெரியாத சந்தேகநபர்கள் கொள்ளையிட்டு சென்றுள்ளதாக பொலிசார் தெரிவித்தனர்.

வீட்டில் உரிமையாளர் இல்லாத நேரத்தை மோப்பம் பிடித்த சந்தேகநபர்கள் வீட்டின் பின்புற வாசல் கதவை உடைத்து உள்புகுந்து அல்மாரிக்குள் மறைத்து வைக்கப்பட்டிருந்த தங்க நகைகளை கொள்ளையிட்டு சென்றுள்ளதாக பொலிசார் தெரிவித்தனர்.

சந்தேகநபர்களை கைதுசெய்வதுக்கான விசாரணைகளை வெல்லம்பிட்டி குற்றத்தடுப்பு பொலிசார் தீவிரப்படுத்தியுள்ளதாக அதன் பொறுப்பதிகாரி இன்ஸ்பெக்டர் ரொசாந்த சொய்ச மேலும் தெரிவித்தார்.


“கட்சிக்குள் இருப்பவர்களையும் கட்சியையும் வெளியில் விமர்சிக்கும் எவராக இருந்தாலும், கட்சிப் பொதுக் கூட்டத்தில் நேரடியாகக் கேட்கும் சக்தியிருந்தால் கேட்கட்டும். அதற்குப் பதில்கூற நாம் தயாராகவிருக்கிறோம்’ என, ஸ்ரீ லங்கா முஸ்லிம் காங்கிரஸின் தலைவரும் அமைச்சருமான ரவூப் ஹக்கீம் தெரிவித்தார். ஸ்ரீ லங்கா முஸ்லிம் காங்கிரஸின் தலைமையையும் அவரோடு சம்பந்தப்பட்டவர்களையும் வசைபாடும் படலம் பற்றி கருத்து தெரிவிக்கும் போதே அவர் மேற்கண்டவாறு தெரிவித்தார்.


“ஊடகங்கள் வாயிலாகவும் வெளியிடங்களிலிலும் முஸ்லிம் காங்கிரஸை விமர்சித்துத் திரிபவர்கள், கட்சி உயர்பீடத்தில் நேரடியாகக் கேள்விகளைக் கேட்கமுடியும். அப்படி அவர்கள் கேள்வி கேட்டால் அதற்குப் பதில்கூற கட்சியின் உயர்பீடம் தயாராகவிருக்கிறது. அதைவிடுத்து, வெளியில் வீரங்காட்டித் திரிபவர்களெல்லாம் கட்சியின் விசுவாசிகள் எனக் கூறமுடியாது” எனவும் அமைச்சர் ஹக்கீம் மேலும் தெரிவித்தார்.


தன்னை விளக்கமறியலில் வைக்க வழங்கப்பட்ட உத்தரவைத் தடை செய்து தனக்குப் பிணை வழங்க வேண்டும் என உயர் நீதிமன்றில் மனுத் தாக்கல் செய்துள்ளார் விமல் வீரவன்ச.

குறித்த மனு மீதான விசாரணை எதிர்வரும் பெப்ரவரி 6ம் திகதி விசாரணைக்கு ஏற்றுக்கொள்ளப்படவுள்ள அதேவேளை பெப் 7ம் திகதி அவரது வழக்கு விசாரணை இடம்பெறவுள்ளமையும் வாகன துஷ்பிரயோக வழக்கில் கைதான அவரது சகோதரரும் கட்சிப் பேச்சாளர் முசம்மிலும் விசேட காரணங்கள் அடிப்படையிலேயே பிணையில் விடுவிக்கப்பட்டுள்ளமையும் குறிப்பிடத்தக்கது.


ஜேர்மனியின் பிராங்க்பர்ட் விமான நிலையத்தில் இளம்பெண் ஒருவருக்கு நடத்தப்பட்ட சோதனை சர்ச்சையை ஏற்படுத்தியுள்ளது.

சிங்கப்பூரை சேர்ந்தவர் காயத்ரி போஸ்(வயது 33), இவர் ஜேர்மனியின் பிராங்க்பர்ட் நகரிலிருந்து பாரிஸ் நகர் செல்வதற்காக விமான நிலையம் சென்றுள்ளார்.

அங்கு இவருடைய சோதனை செய்து பார்த்த போது, உள்ளே கருவி இருப்பது கண்டுபிடிக்கப்பட்டது.

அந்த கருவியை எடுத்து பார்த்த போது, குழந்தைகளுக்கு பாலுட்டும் Breast Pump என்பது தெரியவந்தது.

இதை எதற்காக வைத்துள்ளீர்கள்? உங்களுடைய குழந்தை எங்கே? சிங்கப்பூரிலா இருக்கிறார்கள்? என பல கேள்விகளை கேட்டுள்ளனர்.

3 வயது மற்றும் ஏழு மாத குழந்தைக்கு தாயான காயத்ரி போஸின் விளக்கங்களை அதிகாரிகள் காதுகொடுத்து கேட்கவில்லை.

உடனடியாக பெண் அதிகாரிகளால் தனி அறைக்கு அழைத்து செல்லப்பட்ட காயத்ரி போஸிடம், குறித்த கருவியை பயன்படுத்தி குழந்தைக்கு எப்படி பாலூட்டுவது என்பதை நடித்துக் காட்ட கூறியுள்ளனர்.

அனைவரின் முன்னிலையில் சங்கடப்பட்ட காயத்ரி போஸ் வேறு வழியில்லாமல் செய்து காட்டியுள்ளார்.

சுமார் 45 நிமிடங்கள் சோதனைக்கு பிறகே காயத்ரி போசுக்கு அனுமதி வழங்கியுள்ளனர்.

இந்த சம்பவத்தால் மிகுந்த மன வேதனை ஏற்பட்டுள்ளதாகவும், குறித்த அதிகாரிகள் மீது வழக்கு பதிவு செய்யவும் முடிவு செய்துள்ளார் காயத்ரி போஸ்.


இலங்கை பொலிஸ் பிரிவினரின் சீருடையில் மாற்றம் கொண்டுவரப்பட உள்ளதாக தெரிவிக்கப்படுகிறது.

இது தொடர்பில் ஆய்வு நடத்தப்பட்டு வருவதாக இலங்கை பொலிஸ் திணைக்களம் தெரிவித்துள்ளது.

தற்போதைய காலத்திற்கு ஏற்ற வகையில் சீருடையில் மாற்றம் செய்யப்பட முடியுமா? என ஆராயப்பட உள்ளதாக பொலிஸ் ஊடகப் பேச்சாளர் பிரதி பொலிஸ்மா அதிபர் பிரியந்த ஜயகொடி தெரிவித்துள்ளார்.

இலங்கை பொலிஸ் பிரிவின் நன்மதிப்பை உயர்த்தும் வகையிலும் இந்த யோசனை முன்வைக்கப்பட்டுள்ளதாக குறிப்பிடப்படுகின்றது.

இந்த விடயம் குறித்து பொலிஸ் உத்தியோகத்தர்கள் மற்றும் சிவில் சமூகத்திடமும் கருத்துக் கணிப்பு பெறப்பட உள்ளது.

இதில் சீருடை மாற்றம் குறித்த படிவத்தை எதிர்வரும் பெப்ரவரி மாதம் 9ஆம் திகதிக்கு முன்னர் ஒப்படைக்குமாறும் பொலிஸ் நிலையங்களுக்கு அறிவிக்கப்பட்டுள்ளது.


மட்டக்களப்பு, ஏறாவூர் பொலிஸ் பிரிவிலுள்ள சவுக்கடிக் காட்டுப் பகுதியில் வீசப்பட்டுக் கிடந்த ரீ-56 ரக துப்பாக்கியொன்றை மீட்கப்பட்டுள்ளது.

ஏறாவூர் பொலிஸாரினால் இந்த துப்பாக்கி மீட்கப்பட்டுள்ளது.

அத்தோடு சந்தேகத்தின் பேரில் ஒருவர் கைதுசெய்யப்பட்டுள்ளார்.

பொலிஸ் அவசர பிரிவிற்கு கிடைக்கப்பெற்ற தகவலின் பிரகாரம், ஏறாவூர் பொலிஸ் பிரிவிலுள்ள சவுக்கடிக் கிராமப்பகுதியில் உள்ள காட்டில் நேற்று குறித்த துப்பாக்கி மீட்கப்பட்டுள்ளது.

சந்தேகத்தின் பேரில் கைதுசெய்யப்பட்டவரிடம் நடத்தப்பட்ட விசாரணையில், தாம் வைத்திருந்த துப்பாக்கியை குடும்பத் தகராறு காரணமாகவே காட்டுப்பகுதியில் வீசியதாக சந்தேகநபர் குறிப்பிட்டுள்ளார்.

இதேவேளை பொலிஸ் அவசர பிரிவிற்கு தகவல் வழங்கிய நபரையும் தேடி வருவதாக ஏறாவூர் பொலிஸார் தெரிவித்துள்ளனர்.


- முஹம்மது தில்சாத் - கல்முனை -

புறக்கணிக்க முடியாத முஸ்லிம் தேச அரசியல் அரங்கில் எம்மவர்களின் விடுதலைக்காவே உருவானதே முஸ்லிம் காங்கிரஸ், அதன் தலைமை காரியாலயம் தான் தாறுஸ்ஸலாம்.

இங்கு மர்மங்கள் நிறைந்ததாக குறிப்பிடப்படும் தாறுஸ்ஸலாம்,
இதில் மறைந்திருக்கின்ற மர்மங்கள் எவை?


இதனுள்ளே .....

தாறுஸ்ஸலாம் எவ்வாறு உருவானது
உருவாக்க எடுத்த காலம்
செலவீனம் , அமைவிடம்
மறைந்த மாபெரும் தலைவரின் குடும்ப சொத்துக்கள் மற்றும் வாழ் நாள் உழைப்பு ஆகியவற்றை பராமரிக்க உருவான நம்பிக்கை நிதியம், கம்பனி அதனூடான சொத்துக்களின் விபரம்.

தலைவரின் மரணித்தின் பின்  கபளீகரம் செய்யப்பட்ட தாறுஸ்ஸலாம் மற்றும் ஏனைய சொத்துக்களின் விபரம்.

மீளவும் முஸ்லிம் தேசத்தின் வாக்குகளால் கிடைத்த அரசியல் அதிகாரமான கிழக்கு மாகாண முதலமைச்சர் பதவியை ஹாபீஸ் நஸீர் அகமட்டுக்கு கைமாறிய விதம்

இவ்வாறு போராளிகளின் உதிரத்தாலும் தாய்மார்களின் கண்ணீராலும் பிராத்தனையாலும் உருவான கட்சியை வைத்து வியாபாரம் செய்கின்றவர்களையும், தொடர்ந்தும் அரசியல் பதவிகளை அடைவதற்க்காக பயமுறுத்துவர்களின் முகத்திரையை கிழிக்கின்ற ஆவணம்.

தாறுஸ்ஸலாம் மறைக்கப்பட்ட மர்மங்கள் ஆவணத்தை மின் நூல் வடிவில் காண விரும்புவோர் கீழ்வரும் லிங்கை அழுத்தவும்.

https://drive.google.com/file/d/0By35xAYF8TFnYzdoaWtYV1Y3cEU/view


பிரதியமைச்சர் ரஞ்சன் ராமநாயகவின், கருத்து தொடர்பில் ஜனாதிபதி மைத்திரிபால சிறிசேன கவலை வெளியிட்டுள்ளதாக அரச நிர்வாக சேவைகள் சங்கத்தின் தலைவர் ரஞ்சித் ஆரியரத்ன தெரிவித்துள்ளார்.

கொழும்பில் நேற்று இடம்பெற்ற ஊடகவியலாளரகள் உடனான சந்திப்பின் போதே குறித்த விடயம் தொடர்பில் ஜனாதிபதி கவலை வெளியிட்டுள்ளதாக அவர் குறிப்பிட்டுள்ளார்.

மேலும், இந்த சம்பவம் தொடர்பில் ரஞ்சன் ராமநாயக்க மன்னிப்பு கோர வேண்டும் என தாம் கேட்டுக்கொள்வதாகவும் ஜனாதிபதி குறிப்பிட்டுள்ளார்.

இதேவேளை, அடுத்த கட்ட கலந்துரையாடலை அரச நிர்வாக சேவைகள் அமைச்சருடன் மேற்கொள்ளுமாறும் ஜனாதிபதி தம்மிடம் கேட்டுக்கொண்டுள்ளதாக அவர் மேலும் தெரிவித்துள்ளார்.


முஸ்லிம்கள் சார்பாக இருக்கும் கட்சிகளில் ஸ்ரீ்.ல.மு.காங்கிரஸும்.,அகில இலங்கை மக்கள் காங்கிரஸும் மிக முக்கியமான கட்சிகளாகும்.

இந்த இரு கட்சிகளும் முஸ்லிம் மக்களின் பிரச்சினைகளையும், அபிவிருத்திகளையும் பேரம்பேசி பெற்றுத்தறுவோம் என்றும், உரிமைகளை உரிமையோடு பெற்றுத்தறுவோம் என்றும், மக்கள் மத்தியில் சத்தியம் செய்து வாக்குகளை பெற்றுச்சென்றவர்கள் ஆவார்கள்.

ஆனால் இவர்கள் மக்களின் உரிமைகளையும், அபிவிருத்திகளையும்  உறிய முறையில் பெற்றுத்தந்தார்களா? என்ற கேள்வி கேட்கப்பட்டால் இல்லை என்பதே பதிலாக அமையும்.
தேர்தல் காலங்களில் பல கோசங்களை எழுப்பி, உணர்ச்சி பூர்வமான கருத்துக்களை முன்வைத்துவிட்டு, மக்களை உச்சாணி கொம்பில் ஏத்திவிட்டு, அப்பாவி மக்களின் வாக்குகளை ஹராமான முறையில் கொள்ளையடித்து செல்கின்றார்கள்.

மக்களின் வாக்குகளை பெற்று சென்ற இவர்கள் ஆட்சி அமைக்கும் கட்சிகளிடம் தங்கள் சுயலாபங்களுக்காக சோரம் போய்விட்டு, அந்த ஆட்சியாளர்கள் முஸ்லிம் சமூகத்துக்கு செய்யும் அநியாயங்களை தட்டிக்கேட்க முடியாமல் "நக்குண்டார் நாவிழந்தார்" நிலையில் மாட்டிக்கொண்டு பேசா மடந்தைகளாக இருப்பதையும் காண்கின்றோம்.

நாம் ஆட்சியிலிருக்கும் ஆட்சியாளர்களை எதிர்த்து பேசினோமேயானால் தங்கள் சுகபோக வாழ்க்கைக்கு ஆபத்து வந்துவிடும் என்ற பயத்தினால், இவர்கள் முஸ்லிம்களுக்கு என்ன அநியாயம் நடந்தாலும், அதனை பூசிமெழுகி விடுகின்றார்கள், அதே நேரம் தமிழ் பத்திரிகைகளிலும், தமிழ் தொலைக்காட்சிகளிலும் வீரமாக பேசுவதை போல் பேசிவிட்டு, சிங்கள பத்திரிகைகளுக்கு மிக அடக்கத்துடன் பேட்டியளிப்பதையும் நாம் காண்கின்றோம்.

அதே நேரம், இணையதளங்களில் தங்கள் கட்சிக்கு ஆதரவாக பேசுவதற்கு கூலியாட்களையும் நியமித்துவிட்டு,  தங்கள் கட்சியை விமர்சிப்பவர்களுக்கு பதில் கொடுத்தும் கொண்டிருக்கின்றார்கள்,
தங்களின் கட்சிகளின் குறைகளை மக்கள் கண்டுகொள்ளக்கூடாது என்ற காரணத்தால், அந்த இருகட்சியும் திட்டம் போட்டுக்கொண்டு, அவர்களுடைய கட்சியின் உள்வீட்டு பிரச்சினைகளை பெரிதாக காட்டிக்கொண்டு, அவர்களை இவர்கள் விமர்சிப்பதும், இவர்களை அவர்கள் விமர்சிப்பதையும் காண்கின்றோம்.

 முக்கியமான தேசியபிரச்சினையில் இவர்கள்விடும் தவறுகளை மக்கள் அறிந்துவிடக்கூடாது என்பதற்காக, இரு கட்சிக்காரர்களும் திட்டம் போட்டுத்தான் இப்படியான நாடகத்தை, தங்கள் ஆதரவாளர்களை வைத்துக்கொண்டு நடத்துகின்றார்கள் என்பதே உண்மையாகும்.
தேசிய பட்டியல் பிரச்சினையும், செயலாளர்கள் பிரச்சினையும் தானா, முஸ்லிம்களின் முக்கியமான பிரச்சினை  என்று அவர்களிடம் கேட்கத்தோன்றுகின்றது.
அது அவர்களுடைய உள்வீட்டு பிரச்சினை, அதனைத்தான் அவர்களுடைய ஆதரவாளர்கள் வரிந்துகட்டிக்கொண்டு முகநூல்களில் பேசுகின்றார்கள்.
அவர்கள் உண்மையான முஸ்லிம்களாக இருந்தால் இதனை பேசக்கூடாது, இப்போது நமது தலைகளை பதம்பார்க்க துடிக்கும் தேசிய பிரச்சினைகள் பற்றி பேச முன்வரவேண்டும்.
ஒவ்வொறு கட்சியின் அருவருடிகளாக சில பேர் இருந்து கொண்டு சில்லரை பிரச்சினைகளை பேசுவது என்பது ஏற்றுக்கொள்ளக்கூடியது அல்ல.

முக நூல்களில் தேசிய பிரச்சினைகள் பற்றி நாம் எல்லோரும் எழுதவேண்டும், அதேநேரம் இந்த அரசியல் வாதிகளுக்கு உங்கள் இலக்கு இதுதான், அதனை அடைவதற்கு நீங்கள் முயற்சி செய்யுங்கள் என்று, நம் எழுத்தின் மூலம் அழுத்தம் கொடுக்கவேண்டும்.
அதனை அவர்கள் செய்ய தவரிவிட்டு, அரசியல் வாதிகளின் நாடகத்துக்கு கதை எழுதுபவர்களாக மாறிவிட்டார்கள்.

இந்த நாடகத்தை அறியாத மக்கள், அவர்களுடைய உள்கட்சி பிரச்சினைகளைத்தான் பேசுகின்றார்களே தவிர., உண்மையான பிரச்சினைகளில் இவர்கள் விடும் தவறை பேசுவதற்கு முடியாமலுள்ளார்கள்.

இது தான் இந்த இரு முஸ்லிம்கட்சிகளின் வெற்றியாகும்,
ஆகவே,.... இவர்களின் நாடகத்தை மக்கள் புரிந்து கொள்ளாத வரையில், அவர்களின் காட்டில் மழைதான் கொட்டும்.
மக்களின் காட்டில் புயல்தான்...வீசும்...

இறைவன் தான் எங்கள் மக்களுக்கு கிதாயத் கொடுக்கவேண்டும்.....

எம்.எச்.எம்.இப்ராஹிம்
கல்முனை....



அல்-குர்ஆனில் சில ஆயத்துக்களை குறிப்பிட்டு, அவற்றுக்கான விளக்கங்களையும், பதில்களையும் கோரி பொதுபல சேனா அமைப்பு அகில இலங்கை ஜம்மியத்துல் உலமா அமைப்புக்கு அனுப்பிய கடிதத்துக்கான பதில் கடிதத்தை உலமா சபை கடந்த ஒரு வாரத்துக்கு முன்னர் தனது உத்தியோகபூர்வ இணையத்தளத்தில் வெளியிட்டது.

என்றாலும் குறித்த பதில் கடிதத்தை இதுவரை வாசிக்கவில்லை என பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர் தெரிவித்துள்ளார்.

உலமா சபைக்கு நாங்கள் அனுப்பிய கடிதத்திற்கு பதிலை உலமாசபையின் இணையத்தில் வெளியிட்டுள்ளது என்பதை நாம் அறிவோம்.

என்றாலும் அதனை அவசரமாக வசிப்பதுக்கு எமக்கு நேரமில்லை. இதனை விட முக்கியமான பல விடயங்களில் நாம் ஈடுபட்டுள்ளோம்.

நேரம் கிடைக்கப்பெற்ற பின்னர் நாம் வாசிப்போம் என ஞானசார தேரர் மேலும் தெரிவித்தார்.


தமிழ் நாடு திருச்சிராப்பள்ளி ஜமால் முஹம்மத் கல்லூரியின் முதுகலை மற்றும் தமிழாய்வுத் துறை நடத்தும் இஸ்லாமிய தமிழ் இதழ்களின் பணி என்ற தலைப்பிலான பன்னாட்டுக் கருத்தரங்கு, நாளை (01) புதன்கிழமை கல்லூரி வளாகத்தில் நடைபெறவுள்ளது.
ஜமால் முஹம்மத் கல்லூரி முதல்வர் முனைவர். எஸ். முஹம்மத் ஸாலிஹ் தலைமையில், கல்லூரியின் செயலர் அ.கா. நஜிமுதீன் சாஹிப், தலைவர், எம்.ஐ. முஹம்மத் ஹிலால் சாஹிப், பொருளாளர். கே. கலீல் முஹ்மத் சாஹிப், துணைச் செயலர் எம். ஜமால் முஹம்மத் பிலால் சாஹிப் ஆகியோரின் முன்னிலையில் இடம்பெறும் இக்கருத்தரங்கில், இந்திய முஸ்லிம் லீக் மாநிலத் தலைவர் பேராசிரியர் காதர் முஹைதீன் தொடக்கவுரை நிகழ்த்துவார்.
இரு அரங்குகளாக நடைபெறும் இக்கருத்தரங்கில் இஸ்லாமிய ஊடகங்களின் பணி பற்றி பல்வேறு தலைப்புக்களில் பேராசிரியர்கள், ஊடகவியலாளர்கள் உரையாற்றவுள்ளனர். முஸ்லிம் ஊடகத் துறையின் போக்கு பற்றிய ஆய்வு நூலொன்று இங்கு வெளியிடப்படவுள்ளது. இந்தியா, சிங்கப்பூர் மற்றும் இலங்கையின் பல்கலைக்கழக பேராசிரியர்கள், முன்னணி ஊடகவியலாளர்கள் 18 பேர் எழுதிய கட்டுரைகள் உள்ளடக்கி இந்த நூல் வெளியிடப்படவுள்ளது.
இலங்கையிலுள்ள மணிப்புலவர். மருதூர் ஏ. மஜீத், காப்பியக்கோ ஜின்னா சரிபுத்தீன் மற்றும் ஸ்ரீலங்கா முஸ்லிம் மீடியா போரத்தின் தலைவர் என்.எம். அமீன் ஆகியோரது கட்டுரைகளும் இந்நூலில் உள்ளடக்கப்பட்டுள்ளன.

-திருச்சி சாகுல் ஹமீது-



பழுலுல்லாஹ் பர்ஹான்

இலங்கையின் திரு நாட்டின் 69வது தேசிய சுதந்திர தினத்தை முன்னிட்டு காத்தான்குடி நகர சபையும்,காத்தான்குடி ஊடகவியலாளர் மன்றமும் இணைந்து ஏற்பாடு செய்துள்ள சுதந்திர தின வைபவமும், மாபெரும் இரத்ததான முகாமும் எதிர்வரும் பெபர்வரி மாதம் 4ம் திகதி சுதந்திரதினத்தன்று காலை 8.00 மணி தொடக்கம் பிற்பகல் 3.00 மணி வரை மட்டக்களப்பு –கல்முனை காத்தான்குடி பிரதான வீதியில் அமைந்துள்ள காத்தான்குடி ஹிஸ்புல்லாஹ் மண்டபத்தில் இடம்பெறவுள்ளது.

‘உதிரம் கொடுப்போம் உயிர் உயிர்காப்போம்’ எனும் தொனிப் பொருளில் இடம்பெறவுள்ள மேற்படி மனித நேயம் பேணும் மாபெரும் இரத்ததான முகாமில் பெண்களுக்கு தனியாகவும்,ஆண்களுக்கு தனியாகவும் இடம்பெறவுள்ளதால் தங்களது இரத்தத்தை தானமாக வழங்கி ஒரு உயிரை காப்பாற்ற விரும்புகின்ற அனைத்து சகோதர,சகோதரிகளையும் இவ் இரத்ததான முகாமில் கலந்து கொள்ளுமாறு காத்தான்குடி நகர சபையும்,காத்தான்குடி ஊடகவியலாளர் மன்றமும் இணைந்து வேண்டுகோள் விடுக்கின்றது.



அகமட் எஸ். முகைடீன், ஹாசிப் யாசீன்

கல்முனை பிரதேச ஒருங்கிணைப்புக் குழுக் கூட்டம் ஸ்ரீலங்கா முஸ்லிம் காங்கிரஸ் பிரதித் தலைவரும் விளையாட்டுத்துறை பிரதி அமைச்சரும் கல்முனைத் தொகுதி ஒருங்கிணைப்புக் குழுத் தலைவருமான சட்டத்தரணி எச்.எம்.எம். ஹரீஸ் தலைமையில் கல்முனை பிரதேச செயலகத்தில் இன்று (30) திங்கட்கிழமை நடைபெற்றது.

கிழக்கு மாகாண சபை உறுப்பினர் கே.எம். அப்துல் றசாக், கல்முனை மாநகர சபை ஆணையாளர் ஜே. லியாகத் அலி, கல்முனை பிரதேச செயலாளர் எம்.எச். கனி, உதவி திட்டமிடல் பணிப்பாளர் கே. இராஜதுரை உள்ளிட்ட திணைக்களங்களின் தலைவர்கள் மற்றும் அதிகாரிகள், கல்முனை மாநகர சபை முன்னாள் உறுப்பினர்களான ஏ.ஏ. அமீர், எம்.எஸ். உமர் அலி, ஏ.எம். பறகத்துல்லா, விளையாட்டுத்துறை பிரதி அமைச்சரின் இணைப்புச் செயலாளர்களான நௌபர் ஏ. பாவா, கே.எம். தௌபீக், ஏ.எம். றினோஸ், கிராம அபிவிருத்திச் சங்க பிரிதிநிதிகள், சிவில் அமைப்புகளின் பிரதிநிதிகள் எனப் பலரும் கலந்து கொண்டனர்.

இதன்போது கல்முனை கரையோர பிரதேசத்தில் காணப்படும் சுனாமியால் பாதிப்புக்குள்ளான கட்டட இடிபாடுகளை அகற்றி அப்பிரதேசத்தை அழகுபடுத்துவது தொடர்பாக கலந்துரையாடப்பட்டது.

ஸ்ரீலங்கா முஸ்லிம் காங்கிரஸ் தேசியத் தலைவரும் நகர திட்டமிடல் நீர் வழங்கல் அமைச்சருமான றவூப் ஹக்கீமினால் கல்முனை மாநகர பிரதேசத்தின் திறந்தவெளி கரையோரத்தை அழகுபடுத்துவதற்கான வரைபடத்தை அமைப்பதற்கான பணிப்புரை நகர அபிவிருத்தி அதிகாரசபைக்கு வழங்கப்பட்டுள்ளது. இந்நிலையில் மேற்படி கரையோர பிரதேசத்தை அழகுபடுத்தும் வேலைத்திட்டம் தொடர்பில் மீன்பிடி திணைக்களம், பிரதேச செயலகம், கரையோர பாதுகாப்பு திணைக்களம், கல்முனை மாநகர சபை ஆகிய திணைக்களங்கள் மீனவ சங்கங்களுடன் கலந்துரையாடி மீன்வாடிகளை குறித்த ஒரு பிரதேசத்தில் அமைக்க தீர்மானங்களை மேற்கொண்டு நடைமுறைப்படுத்துவதாக தீர்மானிக்கப்பட்டது.

அத்தோடு கரையோரப் பிரதேசத்தில் காணப்படும் பாவனைக்கு உதவாத வள்ளங்களில் நுளம்புப் பெருக்கம் ஏற்படும் அபாய நிலை காணப்படுவதனால் அவற்றை உடனடியாக அகற்றுவதற்கும் தீர்மானிக்கப்பட்டது.

மேலும் கல்முனை மாநகர சபைக்கான புதிய கட்டடம் அமைத்தல் தொடர்பாக இதன்போது கலந்துரையாடப்பட்டது. விளையாட்டுத்துறை பிரதி அமைச்சர் ஹரீஸ் மேற்படி விடயம் தொடர்பில் உள்ளுராட்சி மாகாண சபைகள் அமைச்சர் பைசர் முஸ்தபாவுடன் கலந்துரையாடியமைக்கு அமைவாக மாநகர கட்டடம் அமைப்பதற்கு பகுதி பகுதியாக நிதியினை ஒதுக்கித் தருவதற்கு குறித்த அமைச்சர் இணக்கம் தெரிவித்த நிலையில் நகர திட்டமிடல் அமைச்சின் நிதி ஒதுக்கீடுகளையும் பெற்றுக் கொள்ளும்வகையில் மேற்படி விடயம் கலந்துரையாடப்பட்டது.

அந்தவகையில் கல்முனை மாநகர சபை நிர்வாக பிரிவுகள், சபா மண்டபம், கேட்போர் கூடம், முதல்வர் அலுவலகம், வாகனத் தரிப்பிடம் என்பன உள்ளடங்கலாக 6 தளங்களை கொண்டதாக அமைப்பதற்கான வடிவமைப்பை மேற்கொள்வதற்கு கட்டடகலை வடிவமைப்பாளர்களின் உதவியினை மாநகர சபையின் விலைமனுக்கோரல் மூலம் பெற்றுக்கொள்வதற்கு இதன்போது தீர்மானிக்கப்பட்டது.

அண்மைக்காலத்தில் வெளிவந்த பெறுபேறுகளின் அடிப்படையில் கல்முனை முஸ்லிம் கோட்டப் பிரிவின் கல்வி நடவடிக்கைகள் சிறப்பாக அமைந்துள்ளதை அறியக்கூடியதாக உள்ளது. இருந்தபோதிலும் இக்கோட்டத்தின் கல்வி வளர்ச்சியை மேலும் அதிகரிக்கும் வகையில் கல்வி மேன்பாட்டுக்கான செயலணியை அமைப்பதற்கான தீர்மானம் மேற்கொள்ளப்பட்டது.

அதற்கேற்ப கல்முனை, மருதமுனை, நற்பிட்டிமுனை, இஸ்லாமபாத் ஆகிய பிரதேசங்களுக்கு தனித் தனியான கல்வி மேம்பாட்டுக்கான செயலணியை பாடசாலை அதிபர்கள், பள்ளிவாசல் தலைவர்கள், சமூக ஆர்வலர்கள், கல்விமான்களை உள்ளடக்கியதாக அமைக்கப்படவுள்ளது குறிப்பிடத்தக்கதாகும்.



நாச்சியாதீவு பர்வீன்

துப்பரவு ஏற்பாட்டுக்கான தெற்காசிய நாடுகளின் மாநாட்டுக்கான பிராந்தியக்காரியாலயம் இன்று(30) 230 , ஜூப்லி போஸ்ட் சந்தி, மிரிஹான, நுகேகொட எனும் முகவரியில் நகரத்திட்டமிடல் மற்றும் நீர் வழங்கள் அமைச்சர் ரவூப் ஹக்கீமினால் திறந்து வைக்கப்பட்டது.

சார்க் அமைப்பில் அங்கம் வகிக்கின்ற நாடுகளிடையே பாதுகாப்பான துப்புரவு ஏற்பாடுகளை ஊக்குவிப்பதும் கழிவு நீர்க்கான்களை உரிய முறையில் கையாள்வதும் திறந்த வெளியில் கழிவுகளை மக்கள் இடாமல் தடுப்பதற்கும் தெற்காசிய பிராந்திய பொதுமக்களை விளிப்பூட்டுவதுமே இந்த அமைப்பின் பிரதான பணியாகும்.

கடந்த 2014 ஆம் ஆண்டு காத்மண்டுவிலும் 2016 இல் டாக்காவிலும் துப்பரவு ஏற்பாட்டுக்கான தெற்காசிய நாடுகளின் மாநாடு (SACOSAN) நடைபெற்றது குறிப்பிடத்தக்கது.

இலங்கையைப் பொருத்த மட்டில் 98.5 வீதமானவர்கள் பாதுகாப்பான கழிவறைகள் மூலமே கழிவகற்றுகின்றனர். ஆனால் தெற்காசியாவில் ஏனைய நாடுகளில் இந்த நிலவரம் போதியளவில் இல்லை எனவே துப்பரவு ஏற்பாட்டுக்கான தெற்காசிய நாடுகளின் மாநாட்டுக்கான பிராந்தியக் காரியாலயம் இலங்கையில் அமைவதே பொருத்தமாகும்

சர்வதேச நிறுவனங்கள் மற்றும் அரச சார்பற்ற நிறுவனங்கள் ஆகியவற்றின் அனுசரணைகள் எதிர்காலத்தில் பெறப்பட்டு இன்னும் காத்திரமான செயற்பாட்டினை முன்னெடுப்பதற்கான ஒரு ஆரம்ப கட்ட தலமாக இதனை நாம் உபயோகிக்க முடியும்.தெற்காசியாவில் பாதுகாப்பான துப்பரவு செயற்பாடுகளில் இன்னும் நீண்ட தூரத்திற்கான பயணம் நமக்கு இருக்கிறது, கடந்த மாநாடுகளில் நாம் எடுத்த தீர்மானங்கள், அதன் மூலம் பெற்றுக்கொண்ட அனுபவங்கள் இவற்றை சரியான முறையில் பிரயோகிப்பதில் நாம் வெற்றிகொள்ள வேண்டும்.

கடந்த காலங்களில் துப்பரவு ஏற்பாட்டுக்கான தெற்காசிய நாடுகளின் மாநாட்டுக்கான பிராந்தியக்காரியாலயம் இல்லாத குறையை இந்த பிராந்தியக்காரியாலயம் தற்காலிகமாக நிவர்த்தி செய்துள்ளது. இந்தக்காரியாலத்தின் மூலம் மாநாடுகளில் எடுக்கப்படுகின்ற தீர்மானங்களை கலந்துரையாடவும் அவற்றை நிறைவேற்றவும் இன்னும் சார்க் நாடுகளுக்கிடையிலான அனுபவங்களை பகிர்ந்து கொள்ளவும் முடியும் என இங்கு உரை நிகழ்த்திய அமைச்சர் ரவூப் ஹக்கீம் தெரிவித்தார்.

இந்நிகழ்வில் அமைச்சின் செயலாளர் என்.டி.ஹெட்டியாராச்சி, இராஜாங்க அமைச்சரின் செயலாளர் போல் வீரசிங்க, தேசிய நீர் வடிகாலமைப்பின் தலைவர் அன்சார்,அமைச்சின் மேலதிக செயலாளர் முயீனுத்தீன், பொது முகாமையாளர் லத்தீப் உட்பட அமைச்சின் அதிகாரிகள் பலர் இந்நிகழ்வில் கலந்து கொண்டனர் .


கொழும்பு மற்றும் பஹ்ரைனிற்கு (Bahrain) இடையில் குல்ப் எயார் (Gulf air) நிறுவனமானது தனது நேரடி விமான சேவையினை ஆரம்பித்து வைத்துள்ளது.

இலங்கையில் காணப்படும் முக்கியமான சுற்றுலாத்தளங்களில் கொழும்பு நகரும் ஒன்றாகும், அந்தவகையில் ஒருவாரத்திற்கு ஐந்து தடவைகள் இந்த நேரடிச் சேவை பஹ்ரைன் - கொழும்புக்கிடையில் இடம்பெறும் என தெரிவிக்கப்பட்டுள்ளது.

மத்திய கிழக்கு நாடுகளில் உஷாள்ள மிகப்பெரிய விமானச்சேவை நிறுவனங்களில் குல்ப் எயார் விமான சேவையும் உலகில் பத்திற்கும் மேற்பட்ட பிராந்தியங்களில் சேவையினை தொடர்ந்து வருகின்றது.

தற்போது மூன்று கண்டங்களுக்கு விரிவுபடுத்தப்பட்டுள்ள குறித்த விமான நிறுவனமானது 24 நாடுகளில் உள்ள 41 நகரங்களுக்கு தனது சேவையை வழங்கி வருகின்றது .

இவ்வாறு கொழும்பிற்கு வந்து தரித்து நின்று பயணங்களை மேற்கொள்ளும் குறித்த சேவையானது மத்திய கிழக்கு நாடுகளை தாண்டி ஐரோப்பிய நாட்டு நகரங்களிலும் சேவையினை வழங்குவது இலங்கையர்களுக்கு மிகவும் இலகுவாக அமையக்கூடும் என தெரிவிக்கப்பட்டுள்ளமை குறிப்பிடத்தக்கது.


சமூகவலைதளங்களில் முன்னணி வகிக்கும் வாட்ஸ் அப் அடிக்கடி புதிய அப்டேட்களை வெளியிட்டு வாடிக்கையாளர்களை குஷிப்படுத்தி வருகிறது.

அந்த வகையில் விரைவில் ஒரு புதிய விடயத்தை வாட்ஸ் அப் வெளியிடவுள்ளது.

அதாவது, ஆண்ட்ராய்ட் மற்றும் ஐபோன்களில் வாட்ஸ் அப் உபயோகப்படுத்துபவர்கள் தாங்கள் இருக்கும் Locationஐ அவர்களின் நண்பர்கள் தெரிந்து கொள்ளும் வசதி வரவுள்ளது.

மேலும் நண்பர்கள் தங்கள் வாட்ஸ் அப் ஸ்டேடஸ்களை மாற்றும் போதும், வாட்ஸ் அப் காலில் இருக்கும் போது Low பேட்டரி என இருந்தால் அது Notification-களில் காட்டும் படியான அப்டேட்டும் விரைவில் வரவுள்ளது.

இந்த விடயங்களை WABetaInfo தனது டிவிட்டர் பக்கத்தில் அதிகாரபூர்வமாக தெரிவித்துள்ளது.

கடந்த வாரம் தான் IOSல் வாட்ஸ் அப் பயன்ப்படுத்துபவர்கள் இன்டர்நெட் சிக்னல் சரியாக இல்லாத இடத்திலிருந்தும் வாட்ஸ் அப்பில் மெசேஜ் டைப் செய்து Queue வரிசையில் வைத்து அனுப்பலாம் என்ற வசதியை அறிமுகப்படுத்தியது குறிப்பிடத்தக்கது.


நிந்தவூருக்கு இன்னுமொரு பாராளுமன்ற பிரதிநிதித்துவம் வேண்டுமென்று கட்சியின் ஒருசாராரும், அட்டாளைச்சேனைக்கும் வேண்டுமென்று இன்னுமொரு சாராரும் கட்சியிடம் வேண்டுகோள் விடுத்து வருகின்றனர். இந்த இரண்டு கோரிக்கைளும் கட்டாயம் நிறைவேற்றப்படும். கட்சி தலைமை கொடுத் வாக்குறுதியை யாரும் கேள்விக்குட்படுத்த முடியாது என்று ஸ்ரீலங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் தெரிவித்தார்.
தொற்றா நோய்க்கான முதலாவது ஆயுர்வேத ஆராய்ச்சி வைத்தியசாலை திறந்து வைக்கப்பட்ட பின்னர், முஸ்லிம் காங்கிரஸின் பொதுக்கூட்டம் பிரதி அமைச்சர் பைசால் காசீம் தலைமையில் நிந்தவூர் அரசயடி தோட்டத்தில் சனிக்கிழமை இரவு (28) நடைபெற்றது. இதில் பிரதம அதிதியாகக் கலந்துகொண்டு உரையாற்றும்போதே அமைச்சர் இவ்வாறு தெரிவித்தார்.
அங்கு அவர் மேலும் கூறியதாவது;
கட்சித் தலைமை கொடுத்த வாக்குறுதியை நிறைவேற்றுமாறு கோரி பலர் தூதுக்குழுக்களை அனுப்புகின்றனர். கடந்த காலங்களில் நாங்கள் சொன்ன சில விடயங்கள் ஆட்சிமாற்றம் காரணமாகச் செய்யமுடியாமல் போனது. கட்சிக்குள் பிளவுகள் ஏற்படாத உத்தரவாதத்துடன் இந்த விடயங்களை அணுகுவதற்காகவே நாங்கள் நிதானப் போக்கை கடைப்பிடித்து, பக்குவமாக இந்த விடயங்களைக் கையாள்கின்றோம். ஆகவே, யாரும் இதற்காக தூதுக்குழு அனுப்பவேண்டிய தேவையில்லை.
கட்சிக்குள் இருப்பவர்கள் முடிந்த கதைகளை புத்தகமாக அச்சிட்டு, பங்கிட்டுக்கொண்டிருக்கின்றனர். உயர்பீட உறுப்பினர்களுக்கு பதிலளிக்க முடியாமல் திணறியவர்கள் இன்று அனாமதோய புத்தகத்தை வெளியிட்டு கட்சிக் தலைமையைக் குழப்புவதாக நினைத்துக்கொண்டு திரிகின்றனர். இந்தப் புத்தகங்களை வெளியிடுவதிலும், பங்கிடுவதிலும் எனது அமைச்சு மூலம் தொழில் பெற்ற சிலரும் ஈடுபட்டுக்கொண்டிருக்கிறார்கள் என்பது எனக்குத் தெரியும். ஆனால் அவர்களைப் பலிவாங்கும் நோக்கம் எனக்கில்லை. இவ்வாறான முனாபிக்களின் வேலைகளைக் கண்டுகொள்ளாமல் இருப்பதே மேல்.
தேசியப்பட்டியல் பாராளுமன்ற உறுப்பினர் சல்மான் மீது சிலருக்கு சந்தேகம் வலுத்து வருகின்றது. அதனால்தான், முதலமைச்சருடன் சேர்த்து சல்மானுக்கும் அந்தப் புத்தகத்தில் முடிச்சு போட்டிருக்கிறார்கள். ஆனால் அவர்கள் கூறுவதுபோல அங்கு ஒரு களவும் நடைபெறவில்லை. இவ்வாறானவர்கள் கட்சியுடன் முரண்பட வேண்டுமானால் தங்களது பெயரைக் அடையாளம் காட்டிக்கொண்டு செயற்படவேண்டும். ஆனால் அவர்கள் அபாண்டத்தை நேரடியாகக் கூறுவதற்கு பயப்படுகிறார்கள்.
அந்தப் புத்தகத்தில் கூறப்பட்டுள்ள சில விடயங்கள் உண்மையானவை. அதை யாரும் மறுக்கவில்லை. அது எல்லோருக்கும் தெரிந்த வெளிப்படையான விடயங்கள். இதைவைத்து கட்சித் தலைமையுடன் முடிச்சுப்போட்டு மிகப்பெரிய சந்தேகத்தை உருவாக்கும் நோக்கில் புத்தகம் வெளியிடுகின்றனர். உண்மையான கட்சிப் போராளிகள் அதை வாசிப்பதற்குக்கூட விரும்பமாட்டார்கள்.
இந்தப் புத்தகத்தை வெளியிட்டவர்கள் யாரென்பது பரம இரகசியமல்ல. இவ்வாறானவர்கள் கட்சியை வளர்ப்பதற்கு ஒருகாலத்தில் பெரும் பாடுபட்டவர்கள். அவர்களுக்கு சில பிரச்சினைகள் இருக்கலாம். அதுகுறித்து தலைமையுடன் பேசுவதற்கு என்ன தடையிருக்கிறது. தலைமை தவறுசெய்தால் போராளிகள் அதைத் தண்டிப்பதற்கு தயங்கமாட்டார்கள். அப்படியானதொரு கட்சியைத்தான் நாம் வளர்த்திருக்கிறோம்.
யாரும் வாரிசுரிமை சொத்தாக இந்த அரசியல் பதவிகளை பெறவில்லை. எந்தவொரு அரசியல் அடையாளமும் இல்லாமல் வந்தவர்கள்தான் நாங்கள் எல்லோரும். எங்களுடைய பதவிகள் நிரந்தரமாக இருக்கவேண்டுமென்று யாரும் விரும்பவில்லை. அதற்கான தேவையும் இல்லை. அவை நேர்மையாக சட்டரீதியாக நடைபெறவேண்டும்.
முஸ்லிம் காங்கிரஸ் தலைவர் ஒரு நெகிழ்ச்சிப் போக்கை கடைப்பிடிப்பவர் என்று பலருடைய அனுமானம் இருக்கலாம். ஆனால் சாது மிரண்டால்… என்றொரு விடயமும் இருக்கிறது. இவ்வாறான நெகிழ்ச்சிப் போக்கு எமது பயணத்துக்கு சாத்தியமில்லை என்றால் எனது போக்கை மாற்றித்தான் ஆகவேண்டும்.
கட்சியுடன் முரண்டுபிடிக்கும் இவரின் போக்கை எதிர்வரும் பேராளர் மாநாட்டிலும் கட்சியின் பேராளர்கள் சகித்துக்கொள்வார்களா என்பதை நாம் பார்க்கப்போகிறோம். முஸ்லிம் காங்கிரஸ் போராளிகளால் மட்டும் வளர்ந்த கட்சியல்ல. எதிரிகளாலும் வளர்ந்த கட்சி. எதிர்ப்பு கூடக்கூட இந்தக் கட்சியின் மவுசும் கூடும்.
சொந்த அரசியல் அபிலாஷைகள் நிறைவேறாதபோது நடக்கின்ற கோப, தாபங்களின் வெளிப்பாட்டால் எல்லா கட்சிக்குள்ளும் பிரச்சினைகள் வரத்தான் செய்கின்றது. ஆனால் முஸ்லிம் காங்கிரஸ் என்ற இயக்கம் தனிநபர்களை விடப் பிரதானமானது. கட்சியிலிருப்பவர்கள் சுயாதீனமாக செயற்பட முற்பட்டால் கடுமையான நடவடிக்கை எடுக்கவேண்டியேற்படும் என்றார்.
இக்கூட்டத்தில் கிழக்கு மாகாண முதலமைச்சர் நஸீர் அஹமட், கிழக்கு மாகாண சுகாதார அமைச்சர் ஏ.ஏல். நஸீர், மாகாணசபை உறுப்பினர்களான ஆரிப் சம்சுதீன், ஏ.எல்.தவம், அப்துல் றஸாக் (ஜவாத்), ஐ.எல்.எம். மாஹிர், சிப்லி பாறுக், மு.கா. மூத்த துணைத் தலைவர் முழக்கம் அப்துல் மஜீட், இணைப்புச் செயலாளர் ரஹ்மத் மன்சூர், மு.கா. உயர்பீட உறுப்பினர்களான பளீல் பி.ஏ., எஸ்.எம்.ஏ. கபூர், ஹனீபா மதனி, அன்சில், ஏ.சி. யஹியாகான் உள்ளிட்ட மு.கா. அரசியல் பிரமுகர்கள், பொதுமக்கள் என பலரும் கலந்துகொண்டனர்.


கட்டுநாயக்க விமானநிலையத்திலிருந்து 10 இலட்சத்துக்கும் அதிக பெறுமதியான தங்கக்கட்டிகளை   இந்தியாவுக்கு கடத்திச் செல்ல முற்பட்ட இரண்டு சந்தேக நபர்களை சுங்கப்பிரிவினர் கைதுசெய்துள்ளனர்.


குறித்த இருவரும் தங்கக்கட்டிகளை நாக்குக்குள் மறைத்து வைத்த நிலையில், இந்தியாவுக்கு கொண்டுச்செல்ல முற்பட்டுள்ளனர்.

கைதுசெய்யப்பட்ட இருவரும் சகோதரர்கள் என தெரிவித்த சுங்கப்பிரிவினர், குறித்த இருவரிடமும் மேலதிக விசாரணைகளை மேற்கொண்டு வருகின்றனர்


கட்டுநாயக்க விமானநிலையத்திலிருந்து 10 இலட்சத்துக்கும் அதிக பெறுமதியான தங்கக்கட்டிகளை   இந்தியாவுக்கு கடத்திச் செல்ல முற்பட்ட இரண்டு சந்தேக நபர்களை சுங்கப்பிரிவினர் கைதுசெய்துள்ளனர்.


குறித்த இருவரும் தங்கக்கட்டிகளை நாக்குக்குள் மறைத்து வைத்த நிலையில், இந்தியாவுக்கு கொண்டுச்செல்ல முற்பட்டுள்ளனர்.

கைதுசெய்யப்பட்ட இருவரும் சகோதரர்கள் என தெரிவித்த சுங்கப்பிரிவினர், குறித்த இருவரிடமும் மேலதிக விசாரணைகளை மேற்கொண்டு வருகின்றனர்


கடந்த காலத்தில் எமக்குத் தெரிந்த இர­க­சி­யங்­களை நாம் பிர­த­ம­ரிடம் தெரி­விக்க தயா­ராக உள்ளோம். பிர­த­மரை தனிப்­பட்ட முறையில் சந்­தித்து எமக்கு தெரிந்த உண்­மை­களை தெரி­விக்­கின்றோம். ஆனால் ஞான­சார தேரரை விட்­டு ­வி­டுங்கள் என்று பொது­ப­ல­சேனா அமைப்­பினர் கோரினர்.

பிர­த­ம­ருடன் நெருங்­கிய நட்பில் ஞான­சார தேரர் இருந்தார் எனவும் அவ்­வ­மைப்பு சுட்டிக்காட்டியுள்ளது.

பொது­பல சேனா அமைப்­பினால் கொழும்பில் நடத்­தப்­பட்ட செய்­தி­யாளர் சந்­திப்பின் போதே அவ் அமைப்பின் நிறை­வேற்றுப் பணிப்­பாளர் டிலந்த விதா­னகே மேற்­கண்­ட­வாறு குறிப்­பிட்டார்.

அவர் மேலும் கூறு­கையில்,

கடந்த ஜனா­தி­பதி தேர்­தலின் போது ஆட்­சியை கைப்­பற்றும் நோக்­கத்தில்
ரணில் விக்­கி­ர­ம­சிங்க தரப்­பினர் எம்­முடன் சந்­திப்­பு­களை மேற்­கொண்­டனர். அதி­கா­ரத்தை தக்­க­வைக்கும் நோக்­கத்­திலும் எம்­முடன் பேச்­சு­வார்த்­தைகள் நடத்­தனர். அதேபோல் பிர­தமர் ரணில் விக்­கி­ர­ம­சிங்­கவின் குடும்­பத்­துடன் ஞான­சார தேர­ருக்கு தொடர்­புகள் உள்­ளது.

தனிப்­பட்ட ரீதியில் இரு­வ­ருக்கும் நல்ல நட்­பு­றவும் உள்­ளது. அவ்­வா­றான நிலையில் பாரா­ளு­மன்­றத்தில் பிர­தமர் தனது உரையின் போது ஞான­சார தேரர் தொடர்பில் தெரி­வித்த கருத்­துக்கள் மிகவும் வருத்­தத்­துக்­கு­ரி­யது.

அதேபோல் எம்மை அடிப்­ப­டை­வா­திகள் எனவும் பண்­டா­ர­நா­யக்­கவை கொன்ற புத்­த­ரக்­கித தேர­ருக்கு ஞான­சார தேரரை ஒப்­பிட்டு பேசி­ய­மையும் வருத்­த­ம­ளிக்கும் செய­லாகும். எனவே இது தொடர்பில் எமது கண்­ட­னத்தை நாம் தெரி­வித்து கொள்­கின்றோம்.

மேலும் இந்த நாட்டில் நாம் பெளத்த கொள்­கையின் அடிப்­பை­டயில் தான் செயற்­பட்டு வந்­துள்ளோம். அதேபோல் சிங்­கள, தமிழ், முஸ்லிம் மக்கள் அனை­வ­ரையும் ஆத­ரித்தும் அதே­வேளை நாட்டை பிள­வு­ப­டுத்தும் பிரி­வினை வாதி­க­ளுக்கு எதி­ரா­க­வுமே நாம் செயற்­பட்டோம்.

ஆனால் எம்மை அடிப்­ப­டை­வா­திகள் என்ற அடிப்படையில் சித்­த­ரித்து இந்த நாட்டில் மக்கள் மீது தவ­றான கருத்­துக்­களை புகுத்­தி­விட்­டனர்.

அதேபோல் கடந்த காலத்தில் நாம் சிறி­கொத்த காரி­யா­லயம் மீது அத்­து­மீ­றி படை­யெ­டுத்­த­தாக கூறு­கின்­றனர். ஆனால் இந்த சம்­ப­வங்­களின் பின்­ன­ணியில் பல இர­க­சி­யங்கள் உள்­ளன. ஐக்­கிய தேசியக் கட்­சியின் பிர­பல்­ய­மான ஒரு­வரின் அறி­வு­றுத்­த­லுக்கு அமை­யவே நாம் அங்கு சென்றோம்.

இந்த இர­க­சி­யங்­களை நாம் பிர­த­ம­ரிடம் தனிப்­பட்ட ரீதியில் தெரி­விக்க தயா­ராக உள்ளோம். அதேபோல் எமக்கு தெரிந்த சில இரகசியங்களையும் தனிப்பட்ட ரீதியில் எம்மால் கூற முடியும். இது யாரையும் காட்டிக்கொடுக்க வேண்டும் என்ற எண்ணத்தில் அல்ல. ஆனால் எமக்கு தேவைப்படுவது எல்லாம் எமது ஞானசார தேரர் விடுதலையாக வேண்டும் என அவர் குறிப்பிட்டார்.

இந்தத் தகவலை கடந்த வருடம் ஜனவரி மாதம் 30 திகதி பொதுபலசேனாவின் நிறைவேற்று அதிகாரி டிலந்த விதானகே ஊடகங்களுக்கு குறிப்பிட்டமை குறிப்பிடத்தக்கது.


ஜமாத் அத் தாவா அமைப்பின் தலைவர் ஹபீஸ் சையத். மும்பை குண்டுவெடிப்பில் முக்கிய குற்றவாளி ஆவார். மேலும் இந்தியாவில் நடந்த பல்வேறு தாக்குதல்களில் முக்கிய மூளையாக செயல்பட்டவர். அவர் தற்போது பாகிஸ்தான் நாட்டின் லாகூர் நகரில் உள்ளார்.
அமெரிக்க அரசின் புதிய ஜனாதிபதியாக தேர்ந்தெடுக்கப்பட்ட டெனால்டு டிரம்ப் தீவிரவாத இயக்கங்களுக்கு எதிராக கடும் நடவடிக்கை எடுக்க பாகிஸ்தானுக்கு அறிவுறுத்தினார். மேலும் ஜமாத் அத் தாவா அமைப்பு மீதும், அதன் தலைவர் ஹபீஸ் சையத் மீதும் நடவடிக்கை எடுக்காவிட்டால் கடும் விளைவுகளை சந்திக்க நேரிடும் என எச்சரித்து இருந்தார்.
இந்த நிலையில் பஞ்சாப் மாகாண உள்துறை நேற்று ஹபீஸ் சையத்தை வீட்டுக்காவலில் வைக்க உத்தரவிட்டது. இதையடுத்து ஹபீஸ், லாகூரில் உள்ள வீட்டை விட்டு வெளியே வராதபடி பலத்த போலீஸ் பாதுகாப்பு போடப்பட்டு உள்ளது.


அஸ்ஸலாமு அலைக்கும்!

கடந்த ஞாயிறு அன்று நான் கலந்து கொண்ட "அதிர்வு " நிகழ்ச்சியில் என்னால் கூறப்பட்ட ஒரு துளி உண்மையின் வரலாற்றைக் கூடத் தெரியாதவர்களும், வேண்டுமென்றே என்னை ஏச ஆசைப்படுபவர்களும், எலி வால் பிடிக்கும் கோமாளிகளும், பழைய- புதிய "மரம் கொத்திகளும் " உடனடியாக ஆதாரமற்ற குற்றச்சாட்டுக்களை முகப்புத்தகத்தில் பதிவதை நிறுத்தி தங்கள் முகங்களைக் காப்பாற்றிக் கொள்ளுமாறு கேட்டுக்கொள்கிறேன். இல்லாவிட்டால் உங்கள் முகங்களில் அடுப்பங்கரைச் சீலைத் துண்டுகளைப்போர்த்திக் கொண்டு மூக்கைப் பொத்தியபடி ஊர்களை விட்டு ஓடி ஒளிய வேண்டி வரும் என்பதையும் மன வருத்தமின்றி கூறி வைக்கிறேன்.

எப்போது இந்த மக்கள் விரோத சக்திகளை "கட்சிக்குப் பாதுகாப்பான" தருணம் ஒன்றில் மக்கள் முன் அம்பலப் படுத்த வேண்டும் என்று நினைக்கத் தொடங்கினேனோ அன்று தொட்டு சேர்க்கப்பட்ட பட்டவர்தனமான ஆவணங்கள் என்னிடம் உண்டு. இஸ்லாமிய மார்க்கத்துக்கும், முஸ்லிம் சமூகத்துக்கும், தனித்துவக் கட்சிக்கும், தத்தமது குடும்பத்துக்கும் இவர்களால் இழைக்கப்பட்ட துரோகங்களை மக்களுக்கு நிரூபிப்பதற்கு முன் இன்ஷா அல்லாஹ். சர்வதேச ரீதியாகவும், தேசிய ரீதியாகவும், விஷேடமாக 'மக்கா, மதீனா ஆகிய றசூலில்லாஹி (ஸல்)  அவர்களின் பாதங்கள் பட்ட புனித மண்ணில் இருந்தும் "பத்வா"க்கள் பெறப்படும், இதன் பின் சம்மந்தப்பட்டவர்களின் மனைவிகளுக்கு முதலில் நிரூபிக்கப்படும்.இறுதியாக மக்கள் நீதி மன்றத்திற்கு சமர்ப்பிக்கப்படும்.

கட்சியைக் காப்பாற்றுவதற்காக 2004 ஆம் ஆண்டு அன்றைய "இன்டர் கொன்டினன்டல்' நட்சத்திர ஹோட்டலுக்குள் விசேட பாதுகாப்பு போடப்பட்டிருப்பதையும், கரணம் தப்பினால் மரணம்தான் என்பதையும் பொருட்படுத்தாது நுழைந்து அறையைத் திறந்து ஏ.சி. கூட்டுக்குள் வீடியோ கமராவைப் பொருத்தி படம் எடுத்து தொலைக்காட்சியில் ஒளிபரப்புச் செய்வித்த ஒருவனால் வேறு ஆதாரங்களைத் திரட்டுவதில் என்ன சிரமம் இருந்திருக்கப் போகின்றது?

சிங்கப்பூர், கொழும்பு, பாசிக்குடா நட்சத்திர ஹோட்டல்கள் மற்றும் யுனிட்டி ப்ளாசா, லேக் ட்றைவ் அபார்ட்மன்ற்ஸ் ஆகியவற்றின் Master key களுக்கு நன்றிகள் உரித்தாகட்டும். விசேடமாக காவலர்களும், சாரதியும் தூங்கிய பின் சாமங்களில் தனது காரை வி.ஐ.பியிடம் கொடுத்து யாருக்கும் தெரியாமல்  பெரியவரே சென்று "கொண்டுவர" உதவிய பாசிக்குடா ஹோட்டல் முகாமையாளருக்கும், புதிய தகவல்களை ஆதாரப்படுத்த உதவிய பம்பலப்பிட்டி "பேர்ள் கிறேன்ட்" ஹோட்டலுக்கும் மனமார்ந்த நன்றிகள் உரித்தாகட்டும்.

நான் நாறவும், மக்கள் முன் தூய்மையாக நடிப்போரை நாறடிக்கவும் தயார். நான், இந்தப் பாதையில் மரணிக்கவும் தயார். நான் மரணித்தாலும்,எனது கொள்கைக் குன்றுகளான நண்பர்கள்  அறுவரின் வங்கி லொக்கர்களில் பாதுகாப்பாக இருக்கும் இதே ஆவணங்கள் மக்களுக்கு வழிகாட்டும்.

இது எவ்வளவு பெரிய பதவிகளில் இருப்பவராயினும் அந்நபர்களைக் கணக்கெடுக்காமல் "கட்சியைக் காப்பாற்றுகிற காலம் இது" என்பதைத் கூலிக்கு துள்ளுகிறவர்களும் புரிந்து கொள்ள வேண்டும்.
செயலாளர் நாயகத்துக்குரிய அதிகாரத்தைக் கண்ணைப் பொத்திப் பறித்த அன்று கட்சி கொள்ளை அடிக்கப்பட்டுவிட்டது, தாறுஸ்ஸலாம் மர்மங்கள் புத்தகத்தை வாசிக்கும் போது கட்சிச் சொத்துக்கள் 'அபேஸ்' பண்ணப்பட்டது புரிகிறது, புத்தியுள்ளவர்களுக்கு கட்சிக் கொள்கைகள் கொள்ளையடிக்கப்பட்டது தெரிகிறது. இவ்வாறான கடைசி சந்தர்ப்பத்திலாவது புறப்பட முடியாது சோம்பிக் கிடந்தால் என்னாவது? அஷ்ரஃப் சேர் சொல்லித் தந்ததால் எங்கே தொடங்கினோம் எனத் தெரிந்த நமக்கு எங்கே போய்ச் சேர்வோம் என தெரியாத பயணத்தில் எதனைக் காணப் போகிறோம்? நரகத்துக்கான பாதை காட்டப்படுகிறது நண்பர்களே!

வரலாறு தெரியாதவர்களை மீண்டும் எச்சரிக்கிறேன்!
கற்றுக்கொள்ள விரும்புபவர்களையும், தெரிந்திருந்து மறந்தவர்களையும் படிக்கவும்-மீள் நினைவுபடுத்தவும் அழைக்கிறேன்!

மத்தியிலும், பிராந்தியத்திலும் அதிகாரத்திலிருப்போர் தங்களின் கடந்தகால தவறுகளைப் பகிரங்கமாக ஒத்துக்கோண்ட பின்னர் மக்களின் அமானிதமான பதவிகளைத் தொடருமாறு ஆலோசனை கூறுகிறேன். அனைத்தும் அறிந்த அல்லாஹ் போதுமானவன்.

கடந்த 16 வருடங்களும் அரசியலிலும், அரசியலுக்காகவும் நான் செய்த பிழைகள், மற்றும் மற்றவர் செய்த குற்றங்களுக்கு நான் வழங்கிய ஒத்துழைப்புகள் ஆகிய அனைத்துக்குமாக பொது மக்களிடம் காலில் விழுந்து மன்னிப்புக் கோருகிறேன்.
நான் இழைத்த பிழைகளுக்கான, இன்னும் மற்றவர் இழைத்த குற்றங்கள் சுத்த ஹறாம் என்று தெரிந்துகொண்டு சுய நினைவுடன் வழங்கிய ஒத்துழைப்புகள் ஆகியவற்றுக்கான பத்வாவினை உலகளாவிய பல பத்வா அமைப்புகளிடம் கேட்டிருக்கிறேன், இன்ஷா அல்லாஹ் கிடைத்தவுடன்  அகில இலங்கை ஜம்மியதுல் உலமாவிடமும், ஏனைய தஃவா அமைப்புகளிடமும் காண்பித்து இவர்களின் முடிவையும் பெற்ற பின் ஊடகங்கள் ஊடாகப் பகிரங்கப்படுத்தி அந்த தீர்ப்பின்படி நடந்து கொள்ளச் சித்தமாக இருக்கிறேன்.

நான் வைத்திருக்கும் ஆவணங்களின் உண்மைத் தன்மையை விஞ்ஞான பூர்வமாகப் பரீட்சித்து தராதரப் பத்திரத்தைப் பெறுவதற்கு ஆவணங்களை இவ்வாரம் இரு ஐரோப்பிய நாடுகளுக்கு அனுப்ப உத்தேசித்துள்ளேன். இதுவும் கிடைத்ததும் அப்பளுக்கற்ற உண்மைகளோடு மீண்டும் சந்திப்போம் இன்ஷா அல்லாஹ் பூமியில் எனது ஜீவிதம் இருந்தால்!
1979 ஆம் ஆண்டில் இருந்து இதுவரையான 38 வருட கால எனது ஜீவிதம் அல்லாஹ் போனஸாக எனக்குப் போட்ட பிச்சையாகும்.

இதனை எனது உயிலுக்கு எழுதப்பட்ட முன்னுரையாகக் கொள்க.

பசீர் சேகுதாவூத்
தவிசாளர்
ஸ்ரீலங்கா முஸ்லிம் காங்கிரஸ்



இஸ்லாமியர்  அதிகம் வசிக்கும் 7 நாட்டைச் சேர்ந்த மக்கள் 90 நாட்களுக்கு அமெரிக்காவுக்குள் நுழைய டொனால்ட் டிரம்ப் தடை விதித்திருப்பதால், வளைகுடாவைச் சேர்ந்த விமான நிறுவனங்கள் தடுமாறத் தொடங்கியுள்ளன.

அமெரிக்க அதிபராக டொனால்ட் டிரம்ப் பொறுப்பேற்றதில் இருந்தே சர்ச்சைக்குரிய நடவடிக்கைகளை எடுத்து வருகிறார். கடந்த வெள்ளிக்கிழமை டொனால்ட் டிரம்பின் உத்தரவு பல இஸ்லாமிய நாடுகளை அதிர வைத்தது. அதாவது லிபியா, ஈராக், சோமாலியா, சூடான், சிரியா, ஏமன், ஈரான் நாடுகளைச் சேர்ந்தவர்கள் 90 நாட்களுக்கு அமெரிக்காவுக்குள் வரத் தடை விதிக்கப்பட்டுள்ளது.

டொனால்ட் டிரம்பின் இந்தத் தடையால் பல விமான நிறுவனங்கள் பாதிக்கப்பட்டுள்ளன. வளைகுடா நாடுகளைச் சேர்ந்த பல விமான நிறுவனங்களில் தடை விதிக்கப்பட்ட நாடுகளைச் சேர்ந்த பைலட்டுகள், பணிப் பெண்களாக, டெக்னிக்கல் ஊழியர்களாக பணியாற்றி வருகின்றனர். டிரம்பின் புதிய உத்தரவால் பல விமான நிறுவனங்கள் அமெரிக்காவுக்கு இயக்கும் விமானிகளின் பைலட்டுகள் முதல் பணிப்பெண்கள் வரை பலரையும் மாற்ற வேண்டிய நிலைக்குத் தள்ளப்பட்டுள்ளன.


வளைகுடா நாடுகளின் மிகப் பெரிய விமான சேவை அளிக்கும் நிறுவனம் எமிரேட்ஸ். துபாயைத் தலைமையிடமாகக் கொண்டு செயல்படும் இந்த நிறுவனம் அமெரிக்காவின் நியூயார்க், வாஷிங்டன், சிகாகோ, லாஸ் ஏஞ்சல்ஸ் உள்ளிட்ட 11 நகரங்களுக்கு விமான சேவையை அளித்து வருகிறது. மார்ச் மாதத்தில் 12-வது நகருக்கு விமான சேவையை அளிக்க உள்ளது.

இந்த நிறுவனத்தில் 23 ஆயிரம் பேர் பணிபுரிகின்றனர். அதில் 4 ஆயிரம் பேர் பைலட்டுகள். டிரம்பின் உத்தரவையடுத்து அமெரிக்காவுக்கான விமான சேவையில் தடை விதிக்கப்பட்ட 7 நாடுகளைச் சேர்ந்த பைலட்டுகள், பணிப்பெண்கள் பணியாற்றினால் அவர்களை மாற்றி அனுப்புவதாக எமிரேட்ஸ் நிறுவனம் தெரிவித்துள்ளது.  அமெரிக்கா செல்லும் விமானங்களில் ஐரோப்பியர்கள், ஆசிய நாடுகளைச் சேர்ந்தவர்களை பைலட்டுகளாகவும் பணிப் பெண்களாகவும் அனுப்பி வருவதாக சொல்லப்படுகிறது.

இதுகுறித்து எமிரேட்ஸ் நிறுவனத்தைச் சேர்ந்த செய்தி தொடர்பாளர் ஒருவர் கூறுகையில், ''டிரம்பின் உத்தரவுக்கு ஏற்ற வகையில் எங்கள் விமானக்குழுவில் மாற்றத்தைக் கொண்டு வந்திருக்கிறோம்'' என்றார். அபுதாபியைத் தலைமையிடமாக கொண்டு செயல்படும் எதியாட் ஏர்லைன்ஸ் நிறுவனம் உடனடியாக இது குறித்து எந்தக் கருத்தும் தெரிவிக்கவில்லை. கத்தார் ஏர்வேஸ் நிறுவனம் அமெரிக்காவுக்கு செல்லும் பயணிகள் 'கிரீன் கார்டு' அல்லது முறையான விசா இருந்தால் மட்டுமே பயணம் மேற்கொள்ளுமாறு பயணிகளுக்கு தனது இணையதளத்தில் அறிவுறுத்தியுள்ளது.

டொனால்ட் டிரம்பின் இந்த உத்தரவு விமானத்துறையே ஸ்தம்பிக்க வைத்து விடும் என்கிற கருத்து எழுந்துள்ளது.  பல விமான நிறுவனங்களை 90 நாட்களில் நஷ்டத்தைச் சந்தித்து விடலாம். கடந்த 2015-ம் ஆண்டு மட்டும் ஈரானில் இருந்து 35 ஆயிரம் பேர் அமெரிக்காவுக்கு பயணித்துள்ளனர். டிரம்பின் உத்தரவால் அடுத்த நாளே எமிரேட்ஸ் விமானத்தில் பயணிகள் கூட்டம் குறையத் தொடங்கியிருக்கிறது. ஈரான், ஈராக் நாட்டைச் சேர்ந்த பல பயணிகள் அமெரிக்க பயணத்தை ரத்து செய்துள்ளனர்.

பாகிஸ்தானியர்களுக்கும் விசா கெடுபிடிகளையும் டிரம்ப் விதித்திருப்பதாக தகவல் வெளியாகியிருக்கிறது. இது குறித்து இம்ரான்கான் கூறுகையில், ''டிரம்பின் முடிவு, பாகிஸ்தானியர்களை தங்கள் சொந்த தேசத்தின் வளர்ச்சிக்கு உதவச் செய்துள்ளது. நமது நாட்டை வளமுள்ளதாக மாற்றுவோம்.  ஈரான் பாணியில் அமெரிக்கர்களை நம் நாட்டுக்குள் நுழைய அனுமதி மறுக்க வேண்டும்'' என்றார்.


ஆசிரியரின் பணித்தடையை நீக்கக்கோரி வவுனியாவில் துண்டுபிரசுரங்கள் ஒட்டப்பட்டுள்ளது.

குறித்த கோரிக்கையை முன்வைத்து நேற்று ஒட்டப்பட்ட இந்த துண்டு பிரசுரங்களுக்கு இலங்கை ஆசிரியர் சங்கம் உரிமை கோரியுள்ளது.

இவ் துண்டுப்பிரசுரங்கள் வவுனியா நகரின் பல இடங்களிலும் காணக்கூடியதாக உள்ளதாக தெரிவிக்கப்படுகிறது.

அதிலும், குறிப்பாக வவுனியா கல்வித்திணைக்களம், வவுனியா தமிழ் மத்திய மகா வித்தியாலயம், சைவப்பிரகாச மகளீர் கல்லூரி, இறம்பைக்குளம் மகளீர் கல்லூரிகளுக்கு அண்மையிலும் காணப்படுகின்றது.

ஜனநாயக விரோத பணிதடை உத்தரவை நீக்காது விடின் பாரிய தொழிற்சங்க போராட்டத்தை நடத்தப்போவதாக இலங்கை ஆசிரியர் சங்கம் எச்சரித்துள்ளது.


மேலும், கடந்த 10.01.2017 அன்று வடமாகாண கல்வித் திணைக்களத்திற்கு முன்னால் இடமாற்றம் கோரி வெளிமாவட்ட ஆசிரியர்களினால் மேற்கொள்ளப்பட்ட கவனயீர்ப்பு ஆர்ப்பாட்டத்தை தொடர்ந்து மூன்று ஆசிரியர்களுக்கு பணித்தடை உத்தரவை வடமாகாண கல்வித்திணைக்களம் வழங்கியிருந்தது.

இதனால் தற்போது வடமாகாண கல்விச் செயலாளரின் வீட்டின் முன்பாக இலங்கை ஆசிரியர் சங்கத்தினால் துண்டுப்பிரசுரங்கள் ஒட்டப்பட்டுள்ளமை குறிப்பிடத்தக்கது.


பௌத்த மதத்தை அவமரியாதை செய்யும் வகையில் ஆடை அணிந்து சென்ற லெபனான் நாட்டுப் பெண் கைது செய்யப்பட்டுள்ளார்.

பௌத்த மதத்தை அவதூறு செய்யும் வகையில், புத்த பிரானின் உருவம் பொறிக்கப்பட்ட கவுன் (சட்டை) ஒன்றை குறித்த பெண் அணிந்திருந்தார் என குற்றம் சுமத்தப்பட்டுள்ளது.

30 நாள் சுற்றுலா வீசாவில் கடந்த 23ம் திகதி இந்தப் பெண் இலங்கை வந்தடைந்துள்ளார்.

21 வயதான குறித்த லெபனான் நாட்டுப் பெண் உனவட்டுன பிரதேசத்தில் தங்கியிருந்தார் எனவும், பௌத்த மதத்தை இழிவுபடுத்தும் வகையில் ஆடை அணிந்து காலி நகரில் சென்ற போது பொலிஸார் குறித்த பெண்ணை கைது செய்துள்ளனர்.

இந்த பெண் நீதிமன்றில் முன்னிலைப்படுத்தப்பட உள்ளதாகவும், காலி பொலிஸார் விசாரணைகளை நடத்தி வருவதாகவும் தெரிவிக்கப்படுகிறது.


நுகேகொடையில் நடைபெற்ற கூட்டத்திற்கு பொலிஸார் சிறந்த முறையில் ஒத்துழைப்பு வழங்கியதாக முன்னாள் ஜனாதிபதி மஹிந்த ராஜபக்ச தெரிவித்துள்ளார்.

கடந்த 27ம் திகதி நுகேகொடையில் கூட்டு எதிர்க்கட்சியின் கூட்டம் நடத்தப்பட்டது.

இந்தக் கூட்டத்தின் பொழுது பொலிஸார் மிகவும் சுயாதீனமான முறையில் செயற்பட்டனர் என மஹிந்த புகழாரம் சூட்டியுள்ளார்.

கடந்த இரண்டு ஆண்டுகளை விடவும் குறித்த கூட்டத்தின் போது பொலிஸார் சுயாதீனமான முறையில் செயற்பட்டதாகவும் அரசியல் அழுத்தங்களுக்கு அடி பணியவில்லை எனவும் அவர் பாராட்டியுள்ளார்.

பெருமளவலான மக்கள் பங்கேற்ற கூட்டத்தின் போது பொலிஸார் உரிய முறையில் தமது கடமைகளை ஆற்றியிருந்தனர் என அவர் தெரிவித்துள்ளார்.

பொலிஸாரின் இந்த நடவடிக்கை பாராட்டுக்குரியது என மஹிந்த ராஜபக்ச ஊடகங்களுக்கு தெரிவித்துள்ளார்.


ஏழு முஸ்லிம் நாடுகளை சேர்ந்த அகதிகள் அமெரிக்காவுக்குள் வருவதற்கு விதிக்கப்பட்ட தடையை எதிர்த்த அந்நாட்டு பதில் சட்டமா அதிபர் சாலி யேட்சை பதவி நீக்கம் செய்யப்பட்டுள்ளார்.
அமெரிக்காவிற்குள் நுழைய ஈரான், ஈராக், லிபியா, சோமாலியா, சூடான், சிரியா மற்றும் ஏமன் ஆகிய நாடுகளை சேர்ந்த அகதிகளுக்கு 120 நாட்களுக்கு தடை விதித்து ஜனாதிபதி டொனல்ட் டிரம்ப் உத்தரவிட்டார்.
இந்த உத்தரவிற்கு பிரபல தொழிநுட்ப நிறுவனங்கள் எதிர்ப்பு தெரிவித்து வருகின்றன. இந்நிலையில், அந்நாட்டின் பதில் சட்டமா அதிபர் சாலி யேட்ஸ், நீதித்துறை வழக்கறிஞர்களுக்கு எழுதிய கடிதத்தில், டிரம்பின் முடிவை ஏற்க முடியாது. இதற்காக வாதாட முடியாது எனத் தெரிவித்திருந்த்தார். இதனையடுத்து அவர் பதவி நீக்கம் செய்யப்பட்டுள்ளதாக வெள்ளை மாளிகை அறிவித்துள்ளது. அவருக்கு பதில், டானா போன்டே என்பவர் சட்டமா அதிபராக நியமிக்கப்படுவதாக அந்நாட்டு ஊடகங்கள் செய்தி வெளியிட்டுள்ளன.
அதேவேளை அரசின் முடிவுக்கு கட்டுப்பட வேண்டும் அல்லது பதவியை விட்டு செல்லலாம் என, தடையை ஏற்க மறுக்கும் தூதர்கள் மற்றும் அதிகாரிகளுக்கு ஜனாதிபதி டிரம்ப் எச்சரிக்கை விடுத்துள்ளார்.


 சிறுபான்மையினரைப் பாதிக்கின்ற எந்த விடயத்திற்கும் நல்லாட்சி அரசு பாரிய விலை கொடுக்க வேண்டி வரும் என கிராமிய பொருளாதார அலுவல்கள் பிரதியமைச்சர் எம்.எஸ்.எஸ்.அமீர் அலி தெரிவித்துள்ளார்.

ஓட்டமாவடி அல் இக்பால் வித்தியாலயத்தில் அமைக்கப்பட்ட சிறுவர் பூங்கா மற்றும் நூலகக் கட்டடத் திறப்பு விழா நேற்று (30) நடைபெற்றது.

இதில் பிரதம அதிதியாக கலந்து கொண்டு உரையாற்றும் போதே அவர் இதனைத் தெரிவித்தார்.

வித்தியாலய அதிபர் ஏ.மீரா முகைதீன் தலைமையில் நடைபெற்ற நிகழ்வில் மட்டக்களப்பு மத்திய பிரதிக் கல்விப் பணிப்பாளர் எம்.ரீ.எம்.அஷ்ரப், ஓட்டமாவடி மேற்கு கோட்டக் கல்விப் பணிப்பாளர் எம்.எல்.ஜுனைட், கோறளைப்பற்று மத்தி இளைஞர் சேவை உத்தியோகத்தர் எம்.றம்ஸி உட்பட பலரும் கலந்து கொண்டனர்.

இங்கு பிரதியமைச்சர் மேலும் உரையாற்றுகையில்!

எதிர்காலத்தில் அரசியல் மாற்றங்கள், அரசியலமைப்பு மாற்றங்கள் எனப் பேசப்பட்டு வருகின்றது.

சிறுபான்மை இனத்தை பாதிக்கின்ற எந்த அரசியல் மாற்றமாகவும், திட்டமாகவும் இருத்தாலும் தமது கட்சி மாத்திரமன்றி ஏனைய சிறுபான்மைக் கட்சிகளும் இந்த நாட்டில் எதிராக இருகின்றனர்.

இந்த நாட்டில் கடந்த காலங்களில் பாதிக்கப்பட்ட தமிழ் பேசுகின்ற சமூகத்திற்கு ஒரு நியாயம் கிடைக்க வேண்டுமென்று எடுத்துக் கொள்கின்ற முயற்சியில் மீண்டும் சிறுபான்மைச் சமூகத்தின் குரல் வளைகளை நசுக்குகின்ற திட்டமாக அரசியலமைப்பு மாற்றம் இருக்கும் பட்சத்தில், இந்த பிரதேசத்திலிருக்கின்ற தமிழ், முஸ்லிம் அரசியல் தலைவர்கள் மாத்திரமல்லாமல் அனைத்து சிறுபான்மைக் கட்சிகளும் அரசியல் தலைவர்களும் சிறு கட்சிகளும் ஒற்றுமைப்பட்டு, அதற்கெதிராக போர்க்கொடி தூக்குவதற்கு தயாராக இருகின்றன.

சிறுபான்மைப் சமூகத்தைப் பாதிக்கின்ற எந்த விடயத்திற்கும் பாரிய விலை கொடுக்க வேண்டிய நிலைமை பெரும்பான்மைக் கட்சிகளின் இரு தலைவர்களுக்கும் ஏற்படும் என்று அவர் தெரிவித்தார்


திவுலுபிட்டிய பிரதேச செயலாளர் தொடர்பில் பிரதியமைச்சர் ரஞ்சன் ராமநாயக்க தெரிவித்த கருத்துக்களுக்கு எதிர்வரும் 3ம் திகதிக்கு முன்னராக மன்னிப்புக் கோராவிடின் தொழிற்சங்க நடவடிக்கையில் இறங்கப் போவதாக அரச நிர்வாக சேவை தொழிற்சங்கம் எச்சரிக்கை விடுத்துள்ளது.

இது தொடர்பில் குறித்த தொழிற்சங்கத்தினர் ஜனாதிபதியை சந்தித்து உரையாடியுள்ள நிலையில் ஜனாதிபதி வருத்தம் தெரிவித்துள்ளதுடன் ரஞ்சனிடம் கலந்துரையாடுவதாக வாக்குறுதியளித்துள்ளார்.

இந்நிலையிலேயே மூன்றாம் திகதி வரை காலக்கெடு விதிக்கப்பட்டுள்ளமையும் தான் ஒரு போதும் மன்னிப்புக் கோரவில்லையென ரஞ்சன் தெரிவித்து வருகின்றமையும்  குறிப்பிடத்தக்கது.


தேசிய பாதுகாப்பையும், பிராந்திய பாதுகாப்பையும் பாதுகாப்பதில் அரசாங்கம் முழுமையான அர்ப்பணிப்புடன் இருக்கிறது என ஜனாதிபதி மைத்திரிபால சிறிசேன தெரிவித்துள்ளார்.

அம்பேபுஸ்ஸவில் உள்ள இராணுவத்தின் சிங்க ரெஜிமென்ட் தலைமையகத்தில் நேற்று நடந்த நிகழ்வு ஒன்றில் உரையாற்றிய போதே அவர் இவ்வாறு கூறியுள்ளார்.

‘மூன்று பத்தாண்டுகளாக நீடித்த போரின் போது, படையினரும் காவல்துறையினரும் செய்த தியாகங்களை நாடு ஒருபோதும் மறந்து விடாது.

தேசிய பாதுகாப்பு மற்றும் பிராந்திய பாதுகாப்புக்குத் தேவையான அனைத்தையும், நான் செய்வேன்.

எதிர்கால தேசிய பாதுகாப்புக்காக, ஆற்றல், புலனாய்வு, மற்றும் அனுபவம் என்பன புதிய தொழில்நுட்பத்துடன் ஒன்றிணைக்கப்பட வேண்டும்.

எனவே, நாட்டின் பாதுகாப்புப் படைகளைப் பலப்படுத்துவதற்கு தேவையான அனைத்தையும் அரசாங்கம் வழங்கும் என்று உறுதியளிக்கிறேன்.

தேசிய பாதுகாப்பு மற்றும் பிராந்திய பாதுகாப்பை உறுதிப்படுத்துவதற்குத் தேவையான அனைத்து வளங்களும், அரசாங்கத்தினால் வழங்கப்படும்” என ஜனாதிபதி மேலும் தெரிவித்துள்ளார்.


நேபாள நாட்டின் தலைநகரான காத்மண்டுவில், இந்த வாரம் சார்க் கூட்டமைப்பு நாடுகளின் மூத்த அதிகாரிகள் பங்கேற்கும் நிகழ்ச்சி அமைப்புக்குழு கூட்டம் நடைபெறுகிறது.

அப்போது நாடுகளுக்கிடையே உள்ள பிரச்சினைகள் குறித்து விவாதிக்கப்பட உள்ளது.

இந்தியா, பாகிஸ்தான் உள்ளிட்ட தெற்கு ஆசியாவைச் சேர்ந்த 8 நாடுகள், சார்க் என்ற கூட்டமைப்பில் அங்கம் வகிக்கின்றன. இந்த அமைப்பின் கூட்டம் ஆண்டுதோறும் ஒரு முறை நடைபெறும்.

அவ்வகையில் கடந்த ஆண்டு நவம்பர் மாதத்தில் பாகிஸ்தான் நாட்டில் 19-வது சார்க் மாநாடு நடைபெற இருந்தது. ஆனால், ஜம்மு காஷ்மீரில் உள்ள ஊரி என்ற இடத்தில் நடந்த தீவிரவாத தாக்குதல்களை கருத்தில் கொண்டு இந்தியா மாநாட்டை புறக்கணித்தது. இந்தியாவைத் தொடர்ந்து பங்களாதேஷ், இலங்கை ஆகிய நாடுகளும் புறக்கணித்ததால் மாநாடு ஒத்திவைக்கப்பட்டது.

இந்தநிலையில், இந்த வாரம் நேபாளத்தின் தலைநகரான காத்மண்டுவில், சார்க் கூட்டமைப்பு நாடுகளின் மூத்த அதிகாரிகள் பங்கேற்கும் நிகழ்ச்சி அமைப்புக்குழு கூட்டம் நடைபெறுகிறது. பெப்ரவரி முதலாம் மற்றும் இரண்டாம் திகதிகளில் இந்த கூட்டம் நடைபெறும் என வெளியுறவுத்துறை அதிகாரி ஒருவர் தெரிவித்தார்.

இந்தக் கூட்டத்தில், சார்க் நாடுகளுக்கிடையே உள்ள சில பிரச்சினைகள் மற்றும் சார்க் செயலகத்தின் பட்ஜெட் குறித்து ஆலோசிக்கப்பட உள்ளது. மேலும், அடுத்த சார்க் மாநாட்டை நடத்துவதற்கான இடம் மற்றும் திகதியை முடிவு செய்வது குறித்தும் பேசப்படும்.

இதேவேளை, சார்க் மாநாட்டை நடத்துவதற்கு பாகிஸ்தான் தயாராக உள்ளதாக, சமீபத்தில் பாகிஸ்தான் வெளியுறவு ஆலோசகர் சர்தார் அஜீஸ் கூறியிருந்தது குறிப்பிடத்தக்கது.


ஏழு முஸ்லிம் நாடுகளைச் சேர்ந்தோர் அமெரிக்காவுக்குள் நுழைவதற்குத் தடை விதித்துள்ள டொனால்ட் ட்ரம்பை ஐக்கிய இராச்சியத்துக்குள் நுழைய அனுமதிக்கக் கூடாது என வலியுறுத்தி பெருமளவு மக்கள் கலந்து கொண்ட ஆர்ப்பாட்டங்கள் ஐக்கிய இராச்சியம் எங்கும் இடம்பெற்றுள்ளது.

நேற்றிரவு லணடனில் பிரதமர் இல்லம் முன்பாக ஆரம்பித்த ஆர்ப்பாட்டம் ஐக்கிய இராச்சியத்தின் முக்கிய நகரங்களான மன்சஸ்டர், க்ளாஸ்கோ, எடின்பரோ, ஒக்ஸ்போர்ட், கேம்பிரிட்ஜ், ப்ரைட்டன், லீட்ஸ், யோர்க், லிவர்பூல் உட்பட பல்வேறு நகரங்களில் இடம்பெற்றதோடு பல்லாயிரக்கணக்கானோர் இவ்வார்ப்பாட்டங்களில் கலந்து கொண்டிருந்தனர்.

இந்நிலையில், பிரதான எதிர்க்கட்சியான தொழிற்கட்சி போராட்டங்களுக்கு ஆதரவு தெரிவித்திருப்பதுடன் அக்கட்சியின் தலைவர் ஜெரமி கோர்பின் மற்றும் லண்டன் மேயர் சாதிக் கான் ஆகியோரும் முஸ்லிம்களுக்கு எதிரான தடை அமுலில் இருக்கும் வரை ட்ரம்ப் உத்தியோகபூர்வ விஜயத்தில் ஐக்கிய இராச்சியம் வருவதை அனுமதிக்கக் கூடாது என தெரிவித்துள்ளனர்.

இதேவேளை, அமெரிக்காவின் ராஜதந்திர அதிகாரிகள் மட்டத்திலும் தற்போது எதிர்ப்பு நடவடிக்கைகள் ஆரம்பிக்கப்பட்டுள்ளமையும் தமது நிலைப்பாட்டில் மாற்றம் எதுவும் வரப்போவதில்லையென ட்ரம்ப் நிர்வாகம் தெரிவித்துள்ளமையும் குறிப்பிடத்தக்கது.



அபூஸாலி முஹம்மத் சுல்பிகார்

டிரம்ப் பதவி ஏற்றபின் ஒட்டு மொத்த அமெரிக்காவும் முஸ்லிம்களுக்கு எதிராக திரும்பி உள்ளது போன்ற செய்திகள் நியூஸ் மீடியாக்களிலும், சோசியல் மீடியாக்களிலும் ஓங்கி ஒலிக்கிறது.

அந்த கூற்றுக்கு வலு சேர்த்தார்ப்போல் அமைந்தது விக்டோரியா, டெக்ஸாஸில்  விசமிகளால்  தீ வைக்கப்பட்ட அழகிய பள்ளி வாசல்.
இப்போது  நிலை என்ன.. உண்மையிலேயே அமெரிக்கர்கள் அனைவருமா வெறுப்பை வளர்க்கிறார்கள். இல்லவே இல்லை.

இந்த மஸ்ஜித் எரிக்கப்பட்ட அடுத்த நாள் முதல் பல இடங்களிலும் இருந்து மஸ்ஜிதை பார்வையிட வந்து குவிந்த அமெரிக்கர்கள் எண்ணிக்கை கணக்கிலடங்காது.

 வந்த ஒவ்வொருவரும் என்னால்  இந்த பள்ளிக்கு என்ன செய்ய முடியும் என்ற கேள்வியோடே வந்தனர். நான்   கட்டுமான சாதனங்கள் தருகிறேன், என்னால் பிளம்பிங் செய்து தர முடியும், நானே கட்டி தருகிறேன் என சொன்ன பணமும் மனமும் கொண்டோரும் அதில் அடக்கம்.


இந்த பள்ளி மீண்டும் கட்டி எழுப்ப பட வேண்டும் என்பதில் உறுதியாய் நின்றவர்கள் இஸ்லாமியர்களை விட அமெரிக்கர்களே.

அவர்களின் வேண்டு கோள் ஏற்கப்பட்டு கோபண்ட்மீ எனும்  க்ளவுட் பண்ட் மூலம் பணம் திரட்ட முடிவு செய்து கட்டுமானத்திற்கு தேவையான பணம் US $850,000 (கிட்டத்தட்ட இலங்கை  மதிப்பு சுமார் 15 கோடிகள்) என நிர்னயிக்கப்பட்டு, குறைந்தபட்சம் $10, அதிகபட்சமாக $100ம் தரலாம் என முகனூல் வழியாக அறிவிக்கப்பட்ட து.


இது அறிவிக்கப்பட்ட 24மணிக்கூரில் இது மிக பெரிய வைரலாகி 75000 சேர்களை கடந்து, தேவையான $850,000ல்  780,000 டாலர்கள் இதுவரை பெறப்பட்டுள்ளன. இது கிட்டத்தட்ட 17000 பேர்களின்  பங்களிப்பு. ஒரு கட்டத்தில் கோபண்டின் சர்வர் கிராஸ் ஆகும் நிலைமை கூட உருவாகியது. கோ பண்டின் வரலாற்றில் இத்தனை பெரிய தொகை  அறிவிக்கப்பட்ட 24 மணிக்கூரில் (கிட்டத்தட்ட 90சதமானம் பண்ட்)  இதுவரை திரட்டப்பட்ட தில்லை. ஆயிரத்துக்கும் அதிகமானோர் காசோலைகள் அனுப்பி உள்ளதாகவும் தகவல் தந்துள்ளனர்.

 இது எப்படி சாத்தியமாய்ற்று. பணம் தந்தவர்கள் அனைவரும் அப்துலும், ஆசிபும், இஸ்மாயிலுமா என்றால் இல்லை... இதை வைரலாக்கியது இஸ்லாமியர்களா.. என்றால் இல்லை.

இதனை சாத்தியமாக்கி காட்டியவர்கள் அமெரிக்கர்கள். அமெரிக்க ரோபர்ட்டும், மேத்யூவும், ஜேசனும் தான். இவர்களால் நிரம்பியதுதான் அமெரிக்கா.


இனி கவலை இல்லை ஸ்மார்ட்போனை தொட்டாலே ஜார்ஜ் ஏறி விடும். அட உண்மைதாங்க..!

பக்காவான தொழில்நுட்பங்களுடன் ஸ்மார்ட்போனை தொட்டாலே ஜார்ஜ் ஏறும்படி விரல்களை சார்ஜராக மாற்றியுள்ளனர் தொழில் நுட்ப வல்லுனர்கள்.

ஸ்மார்ட்போனில் பெரிய பிரச்னை என்னவென்றால் சார்ஜ் தீர்ந்துவிடுவது தான். எவ்வளவு தான் விலையுயர்ந்த போனாக இருந்தாலும், அதில் புதிய தொழில்நுட்பங்கள் வந்தாலும் இன்றளவும் இந்த பிரச்னை விடாமல் துரத்துகிறது.

இதனை முறியடிக்கும் நோக்கில் பென்சில்வேனியா பல்கலைக்கழக விஞ்ஞானிகள் ஆர்கானிக் பாலிமரானால் ஆன செல்போனை கண்டுபிடித்து விட்டார்கள்.

இந்த ஆர்கானிக் பாலிமரால் செய்யப்பட்ட ஸ்மார்ட்போனின் திரையை தொட்டால் சார்ஜ் ஏறும் விதத்தில் வடிவமைத்துள்ளனர்.

இதில் உள்ள மற்றொரு சிறப்பம்சம் என்னவென்றால் மழைத்துளி திரையில் விழும்போது அதனை மின்சாரமாக்கி பேட்டரி தானாக சார்ஜ் ஏறும்படி சோதனை நடத்தி வருகின்றனர்.

ஸ்மார்ட்போன்களில் உள்ள வயர்லெஸ் சென்சார்கள் இத்தகைய தொழில்நுட்பத்தில் முக்கிய பங்கு வகிக்கின்றன.

இதனால் ஸ்மார்ட்போனை பயன்படுத்தும் போது தானாக சார்ஜ் ஏறி விடுகிறது. அயனுக்குரிய டையோடு பேட்டரியில் பொருத்தபட்டுள்ளதால் பேட்டரிக்கு மைக்ரோவாட்ஸ் மின்சாரம் கிடைக்க பெறுகிறது.

அப்புறம் என்ன அசத்துங்க மக்காஸ்.


உலகின் தலை சிறந்த கணினிகளை வடிவமைத்து அறிமுகப்படுத்தும் முன்னணி நிறுவனங்களுள் HP நிறுவனமும் ஒன்றாகும்.

தற்போது இந்த நிறுவனத்திற்கும் சாம்சுங் நிறுவனத்தினைப் போன்று சோதனைக் காலம் ஏற்பட்டுள்ளதாகவே கருத வேண்டியுள்ளது.

அதாவது சில மாதங்களுக்கு முன்னர் சாம்சுங் நிறுவனம் அறிமுகம் செய்த கைப்பேசிகளின் மின்கலங்கள் தொடர்ச்சியாக வெடிப்புக்குள்ளாகியிருந்தது.

இதன் காரணமாக இலட்சக்கணக்கான கைப்பேசிகளை அந் நிறுவனம் மீளப் பெற்றிருந்தது.

இதே நிலைமைதான் இப்போது HP நிறுவனத்திற்கும் ஏற்பட்டுள்ளது.

இதனால் சுமார் 101,000 மின்கலங்களை மீளப் பெற்றுக்கொண்டு அவற்றுக்கு பதிலாக வேறு மின்கலங்களை வழங்க நடவடிக்கை எடுத்துள்ளது.

குறித்த நிறுவனம் 2013ம் ஆண்டு மார்ச் மாதம் தொடக்கம் 2016ம் ஆண்டு அக்டோபர் மாதத்திற்கு இடைப்பட்ட காலப்பகுதியில் விற்பனை செய்த லேப்டொப்களின் மின்கலங்களினையே இவ்வாறு மீளப் பெறவுள்ளதாக அறிவிக்கப்பட்டுள்ளது.



அமெரிக்க அதிபராக பதவியேற்ற டொனால்டு டிரம்ப் கடந்த 27-ந் தேதி; உலகின் எந்தவொரு நாட்டில் இருந்தும் வரும் அகதிகள், அமெரிக்காவில் நுழைவதற்கு 4 மாதம் தடை. சிரியா அகதிகள், குறிப்பிடத்தக்க சில மாற்றங்கள் நிகழ்கிற வரையில், அதாவது மறு உத்தரவு பிறப்பிக்கிற வரையில் அமெரிக்காவினுள் நுழைய முடியாது. ஈராக், சிரியா, ஈரான், லிபியா, சோமா-லியா, சூடான், ஏமன் ஆகிய 7 நாடு-களை சேர்ந்தவர்களுக்கு விசா வழங்குவது 3 மாதங்களுக்கு நிறுத்தம்.

இந்த நாடுகளில் தூதரக ரீதியிலான ராஜ்ய விசாக்களுக்கு மட்டும் தடை இல்லை என்று அதிரடி உத்தரவை வெளியிட்டார். டிரம்பின் இந்த அதிரடி உத்தரவுகள், சர்வதேச அரங்கில் கடும் அதிருப்தியை ஏற்படுத்தி உள்ளன. உள்நாட்டிலும் விமர்சனங்களை ஏற்படுத்தியது.

டொனால்டு டிரம்ப் உத்தரவை அந்நாட்டு பாதுகாப்பு அதிகாரிகள் விமான நிலையங்களில் மேற்கொள்ள தொடங்கிய நிலையில் போராட்டம் வெடித்தது. இவ்விவகாரம் நீதிமன்றம் சென்றது, டிரம்பின் உத்தரவுக்கு அதிரடியாக இடைக்கால தடை விதித்து நீதிமன்றம் உத்தரவிட்டது. டொனால்டு டிராம்பின் இஸ்லாமியர்களுக்கு எதிரான கொள்கை பூதகரமாகிய நிலையில் பாகிஸ்தானும் தடை பட்டியலில் இணைய வாய்ப்பு உள்ளதாக தகவல்கள் வெளியாகியது, இது தொடர்பாக டொனால்டு டிரம்ப் ஆலோசித்ததாக வெள்ளை மாளிகை வட்டார தகவல்கள் வெளியாகியது.

இம்ரான் கான் பிரார்த்தனை

இந்நிலையில் பாகிஸ்தான் முன்னாள் கிரிக்கெட் வீரரும், அரசியல்வாதியுமான இம்ரான் கான், பாகிஸ்தானியர்களுக்கும் டொனால்டு டிரம் விசா கட்டுப்பாடுகளை விதிக்க வேண்டும் என பிரார்த்தனை செய்வதாக கூறிஉள்ளார்.

 லாகூரில் இருந்து 250 கிலோ மீட்டர் தொலைவில் உள்ள சாகிவால் பகுதியில் தனது கட்சி கூட்டத்தில் பேசிய இம்ரான் கான், பாகிஸ்தானியர்களுக்கு விசா வழங்குவதில் டொனால்டு டிரம்ப் கட்டுப்பாடுகளை விதிப்பார் என்றே நம்புகின்றேன், டொனால்டு டிரம்பின் இந்த நகர்வானது பாகிஸ்தானியர்கள் அவர்களுடைய தாயகத்தை வளர்ச்சியடைய செய்ய உதவும். பாகிஸ்தான் பிரதமர் நவாஸ் செரீப் தலைவலி என்றாலும் கூட உடனடியாக அமெரிக்காவிற்கு சென்றுவிடுகிறார். பாகிஸ்தானிர்களுக்கு அமெரிக்கா தடை விதித்தால் நவாஸ் செரீப்பும் பாகிஸ்தான் மீது கவனம் செலுத்துவார், பாகிஸ்தானும் வளர்ச்சியடையும் என பேசிஉள்ளார்.

நாமும் டொனால்டு டிரம்பிற்கு ஈரான் போது பதிலடியை கொடுப்போம் (பாகிஸ்தானில் அமெரிக்கர்கள் பிரவேசிக்க தடைவிதிப்போம்) என்றும் இம்ரான் கான் பேசிஉள்ளார்.

இந்தியா உடனான நட்புறவு தொடர்பாக இம்ரான் கான் பேசுகையில், “மோடிக்கு ஒன்றை நினைவுப்படுத்த விரும்புகின்றேன் நவாஸ் செரீப் போன்று பாகிஸ்தானியர்கள் எல்லோரும் கோழைகள் கிடையாது என்பதை. பாகிஸ்தான் அமைதியான நாடு, பாகிஸ்தானுடன் போர் வேண்டாம் என்றே இந்தியாவில் பெரும்பான்மையான மக்கள் கூறுவார்கள்,” என்று கூறிஉள்ளார். ஊழல் விவகாரத்தில் பாகிஸ்தான் பிரதமர் நவாஸ் செரீப் குழந்தைகள் பின்னால் மறைந்து கொள்கிறார் எனவும் இம்ரான் கான் விமர்சனம் செய்து உள்ளார்.


போர்க்குற்றங்களை இழைத்த சிறிலங்கா படையினருக்கு தண்டனை விதிக்கப்பட வேண்டும் என்று சிறிலங்கா இராணுவத்தின் முன்னாள் தளபதியும், பிராந்திய அபிவிருத்தி அமைச்சருமான பீல்ட் மார்ஷல் சரத் பொன்சேகா தெரிவித்துள்ளார்.

கண்டியில், மல்வத்தை பீடாதிபதியைச் சந்தித்துப் பேசிய பின்னர், ஊடகங்களிடம் கருத்து வெளியிட்ட போதே அவர் இவ்வாறு தெரிவித்துள்ளார்.

“நுகேகொடவில் நடந்த மகிந்த ராஜபக்சவின் பேரணியில் ஊழல் செய்தவர்களும், குடிகாரர்களுமே பங்கேற்றனர். இந்த மேடையில் ஏறிய கருணாவும் அத்தகையவர் தான்.

புலிகளின் தலைவர் பிரபாகரனுடன் இருந்த கருணா பலரைக் கொன்றவர். பின்னர் முன்னைய அரசாங்கத்துடன் இணைந்தார்.

விடுதலைப் புலிகள் இயக்கத்திலேயே ஊழல் மோசடி செய்து விட்டு பிரபாகரனிடம் இருந்து உயிரைக் காப்பாற்றிக் கொள்ள தப்பியோடி வந்தவர் தான் அவர்.

பிரபாகரனின் இருப்பிடத்தைக் கூட அவரால் சொல்ல முடியவில்லை. அத்தகையவரை வீரனாக்கியது மகிந்த ராஜபக்ச தான்.

போர்க்குற்றங்களை இழைத்த எவரானாலும் அவர் தண்டிக்கப்பட வேண்டும். சிறிலங்கா இராணுவத்துக்குள் கறுப்பு ஆடுகள் இருக்கலாம். எத்தகைய ஒரு அமைப்புக்குள்ளேயும் இத்தகைய சக்திகள் இருப்பது வழக்கமே.

போர்க்குற்றங்களுக்கு பொறுப்பானவர்கள் யாராக இருந்தாலும் தண்டிக்கப்பட வேண்டும்” என்றும் அவர் தெரிவித்துள்ளார்.





இங்கிலாந்து இளவரசர் சார்லசை காதல் திருமணம் செய்து கொண்டவர் டயானா. இவர்களுக்கு வில்லியம், ஹரி என இரண்டு ஆண் குழந்தைகள் உள்ளனர். சார்லசுடன் வாழ்ந்த போதே தான் வேறொருவரைக் காதலிப்பதாக அறிவித்தார் டயானா.இது இங்கிலாந்து அரச குடும்பத்தையே அதிர்ச்சிக்குள்ளாக்கிய இந்த அறிவிப்பால், டயானாவை விவாகரத்து செய்து விடும்படி சார்லசை ராணி எலிசபெத் வற்புறுத்தினார்.
இளவரசர் சார்லசுடன் டயானா திருமண ஒப்பந்தம் ஏற்படுத்தப்பட்ட நாளில் இருந்து டயானா பொது வாழ்வில் ஒரு முக்கிய புள்ளியாகக் கருதப்பட்டார்.  உலக அளவில் இவர்களது திருமண வாழ்வு தொடக்கம் முதல் மணமுறிவு ஏற்படும் வரையில் ஊடகங்களில் அதிகமாக பேசப்பட்டார்.
பாரிசில் 1997 ஆம் ஆண்டு ஆகஸ்ட் 31 இல்  டயானா தனது காதலர் டோடி பயத்துடன் டன் காரில் பயணம் செய்த போது, பத்திரிக்கையாளர்கள் புகைப்படம் எடுப்பதைத் தவிர்க்க வேகமாகச் சென்றபோது விபத்தில் சிக்கி பரிதாபமாகப் பலியானார்.
அவரது மரணம் குறித்து இன்னும் மர்மம் விலகாத நிலையில், தொடர்ந்து சர்ச்சைக்குரிய தகவல்கள் வெளிவந்த வண்ணம் உள்ளன.
இந்நிலையில், இளவரசி டயானா இறந்து 20 வருடங்கள் ஆன நிலையில், தற்போது அவரது சிலை நிறுவப்பட உள்ளதாக தெரிவிக்கப்பட்டுள்ளது. டயானாவின் மகன்களான இளவரசர்கள் ஹரி மற்றும் வில்லியம் ஆகியோர் இந்த செய்தியை தெரிவித்துள்ளனர்.
இது குறித்து அவரது மகன்கள் கூறுகையில், “எங்களுடைய தாய் பலருடைய இதயங்களை தொட்டுள்ளார். இந்த சில கென்சிங்டன் மாளிகைக்கு வருபவர்களுக்கு டயானாவின் வாழ்க்கை மற்றும் மரபினை நினைவு கூறும் என்று நம்புகிறோம்” என்றனர்.
சிலையை செய்யக்கூடிய சிற்பி யார் என்பது இதுவரை முடிவு செய்யப்பட வில்லை. சிலை அமைப்பதற்கான கமிட்டியில் டயானாவின் சகோதரி லேடி சரா மெக்கோயுடேல், நெருங்கிய நண்பர் ஜூலியா சமுவேல், அவரது முன்னாள் முதன்மை செயலாளர் ஜேமியி லூத்தர்-பின்கெதான் ஆகியோர் உள்ளனர்.


சவுதி மன்னர் சல்மான் பின் அப்துல் அஸீஸ் உடன் அமெரிக்காவின் புதிய ஜனாதிபதி டொனால்ட் டிரம்ப் நேற்று ஞாயிற்றுக் கிழமை தொலைப்பேசி ஊடாக பல்வேறு முக்கிய விடயங்கள் குறித்து பேச்சுவார்த்தை நடாத்தியுள்ளார்.
குறித்த பேச்சுவார்த்தையின் போது, இரு நாடுகளுக்கும் இடையில் நிலவும் வரலாற்று ரீதியிலான உறவுகள் மற்றும் மூலோபாய கூட்டுறவுகளை வலுப்படுத்துவதோடு, பொருளாதார, பாதுகாப்பு மற்றும் இராணுவ ஒத்துழைப்பை முன்னேற்றுவதன் முக்கியத்துவம் குறித்தும் ஆராயப்பட்டதாக சவுதி செய்திகள் தெரிவிக்கின்றன.
அதேவேளை, சிரியா, யேமன் உள்ளிட்ட பிராந்திய நாடுகளின் பிரச்சினைகள் குறித்து விவாதிக்கப்பட்டதுடன், அவ்விரு நாடுகளிலும் பாதுகாப்பு பிரதேசங்களை நிறுவுவது குறித்து உடன்பாடும் எட்டப்பட்டது.
மேலும், பிராந்தியத்தின் உறுதிப்பாட்டைச் சீர்குலைக்கும் ஈரானின் செயற்பாடுகளை தடுத்து நிறுத்துவது தொடர்பிலும், ஐ.எஸ். பயங்கரவாதிகளுக்கு எதிரான போராட்டங்கள் தொடர்பிலும் விவாதிக்கப்பட்டதாகச் சவுதி செய்திகள் தெரிவிக்கின்றன.

MARI themes

Powered by Blogger.