Showing posts with label HOT NEWS. Show all posts



தேசிய அரசில் இருந்துகொண்டு மஹிந்த தலைமையிலான பொது எதிரணியுடன் உறவாடும் உறுப்பினர்கள் விபரமடங்கிய அறிக்கை ஜனாதிபதி மைத்திரிபால சிறிசேனவிடம் கையளிக்கப்பட்டுள்ளது.

புலனாய்வுப் பிரிவினரால் கையளிக்கப்பட்டுள்ள மேற்படி அறிக்கையில் தேசிய அரசிலிருந்து வெளியேறுவதற்கு தயாராகி வருபவர்களின் பெயர் விவரமும் உள்ளடக்கப்பட்டுள்ளதாக பாதுகாப்புத் தரப்பை மேற்கோள்காட்டி தகவல் வெளியாகியுள்ளது.

தேசிய அரசமைப்பதற்காக ஐக்கிய தேசியக் கட்சிக்கும், ஸ்ரீலங்கா சுதந்திரக் கட்சிக்கும் இடையே ஏற்படுத்திக்கொள்ளப்பட்ட புரிந்துணர்வு உடன்படிக்கை எதிர்வரும் டிசம்பர் மாதத்துடன் முடிவுக்கு வருகின்றது.

அதன்பின்னரே தகவல்கள் இடம்பெறுமென எதிர்பார்க்கப்படும் நிலையிலேயே புலனாய்வு அறிக்கையும் ஒப்படைக்கப்பட்டுள்ளது.

இதேவேளை, பொது எதிரணியிலிருந்து ஏழு உறுப்பினர்கள் அரசுடன் இணைவார்கள் எனக் கூறப்படும் நிலையில் ஐவர் வருவது உறுதியாகியுள்ளது எனவும், அதற்குரிய சங்கமம் அடுத்த மாதமளவில் இடம்பெறும் எனவும் எதிர்பார்க்கப்படுகின்றது.


உள்­ளூ­ராட்சித் தேர்­தல்­களை தொகுதி ரீதி­யா­கவும்  விகி­தா­சார ரீதியா­கவும் கலப்பு முறையில் நடத்தவழி செய்யும் உள்­ளூ­ராட்சித் தேர்தல் திருத்தச் சட்­ட­மூலம் குறித்து பேச்­சு­வார்த்தை நடத்த ஜனா­திபதி  மைத்­தி­ரி­பால சிறி­சேன தலை­மையில் நாளை  21 ஆம் திகதி திங்­கட்­கி­ழமை கட்சித் தலை­வர்­களின் கூட்டம் நடை­பெ­ற­வுள்­ளது.


இத்­தி­ருத்தச் சட்­ட­மூலம் எதிர்­வரும்  24 ஆம் திகதி வியா­ழக்­கி­ழமை பாரா­ளு­மன்­றத்தில் சமர்ப்­பிக்­கப்­ப­ட­வுள்­ளமை குறிப்­பி­டத்­தக்­கது.

கலப்பு முறையில் உள்­ளூ­ராட்சித் தேர்­தலை நடத்­து­வது, மேலும் உள்­ளூ­ராட்சி சபை­களில் தேர்­தல்­களின் வேட்­பாளர் பட்­டி­யலில் 25 சத­வீ­தத்தை பெண்­க­ளுக்கு  ஒதுக்­கு­வ­ தற்கு வகை செய்தல் போன்ற திருத்­தங்கள் உள்­ளூ­ராட்சித் தேர்தல் (திருத் தச்) சட்ட மூலத்தில் உள்ளடக்கப்பட்டுள்ளதாக தெரிவிக்கப்படுகிறது.


சற்றுமுன் நீர்கொழும்பில் விஷேட அதிரடிப்படை ஜீப் வண்டி மீது துப்பாக்கி சூடு இடம்பெற்றுள்ளதாக அங்கிருந்து எமது செய்தியாளர் தெரிவித்தார்.

மேலதீக விபரம் விரைவில்...


எதிர்வரும் மாகாண சபை மற்றும் உள்ளூராட்சி சபைத் தேர்தல்களில் தனித்து போட்டியிடுவது குறித்து கூட்டு எதிர்க்கட்சி கூடிய கவனத்தை செலுத்தியுள்ளது.

ஸ்ரீலங்கா சுதந்திரக் கட்சியுடன் இணைந்து போட்டியிட முடியாது எனவும் அதற்கு கூட்டு எதிர்க்கட்சியின் கீழ் மட்ட அரசியல்வாதிகள் இணங்க மாட்டார்கள் எனவும் கூட்டு எதிர்க்கட்சியின் தலைவர்களிடம் முன்னாள் ஜனாதிபதி மகிந்த ராஜபக்ச சுட்டிக்காட்டியுள்ளார்.

இது சம்பந்தமாக முன்னாள் ஜனாதிபதியின் தரப்பிலிருந்தும் சாதகமான பதில் கிடைத்துள்ளதாகவும் கூறப்படுகிறது.

கூட்டு எதிர்க்கட்சியின் கீழ் மட்ட அரசியல் பங்குற்றாத மகிந்த ராஜபக்ச, தற்போது அவற்றில் பங்கேற்று வருவதாகவும் தெரியவருகிறது.


பாரிய ஊழல், மோசடிகள், ஊடகவியலாளர் லசந்த விக்ரமதுங்க, றக்பி விளையாட்டு வீரர் வசீம் தாஜூடீன் ஆகியோரின் கொலை, வெலிகடை சிறைச்சாலை பட்டியல் படுகொலை, ரத்துபஸ்பல பொதுமக்கள் கொலை போன்ற பாரதூரமான குற்றச் செயல்கள் சம்பந்தமாக வழக்குகளை துரிதப்படுத்தி, அவற்றுடன் தொடர்புடையவர்களை கைது செய்யுமாறு பிரதமர் ரணில் விக்ரமசிங்க ஆலோசனை வழங்கியுள்ளார்.

இந்த நடவடிக்கைகளில் போது தடையேற்படுத்துவோர் யாராக இருந்தாலும் அது குறித்து தனக்கு அறிவிக்குமாறும் பிரதமர், குற்றப் புலனாய்வு திணைக்களம் மற்றும் சட்டமா அதிபர் திணைக்களம் ஆகியவற்றுக்கு உத்தரவிட்டுள்ளார்.

எதிர்காலத்தில் நடத்தப்பட உள்ள மாகாண சபைத் தேர்தலில் அரசாங்கத்திற்கு சாதகமற்ற நிலைமை உருவாகியுள்ளது.

வாக்குறுதி வழங்கியபடி ஊழல்வாதிகள் மற்றும் குற்றவாளிகளுக்கு எதிராக சட்ட நடவடிக்கை எடுக்காததே இதற்கு காரணம் என ஐக்கிய தேசியக் கட்சியின் தொகுதி அமைப்பாளர்கள் பிரதமரிடம் சுட்டிக்காட்டியுள்ளனர்.

ஊழல்வாதிகளுக்கு நல்லாட்சி அரசாங்கம் தண்டனை வழங்கும் என்ற கடும் நம்பிக்கை மக்களுக்கு இருந்தாகவும் அது தற்போது இல்லாமல் போயுள்ளதாகவும் தொகுதி அமைப்பாளர்கள் குறிப்பிட்டுள்ளார்.

இது சம்பந்தமாக ஜனாதிபதி மற்றும் அரசாங்கத்தின் சிரேஷ்ட அங்கத்தவர்களுடன் பிரதமர் கலந்துரையாடியுள்ளார்.

கடந்த அரசாங்கத்தில் பாரிய ஊழல்,மோசடிகள் மற்றும் குற்றச் செயல்களுடன் சம்பந்தப்பட்டவர்கள் சுதந்திரமாக இருப்பதால், மக்கள் மத்தியில் அரசாங்கத்தின் மீது அதிருப்தி நிலவுவதாக அரசாங்கத்தில் அங்கம் வகிக்கும் பெரும்பாலானவர்கள் கருத்து வெளியிட்டுள்ளனர்.

ரவி கருணாநாயக்க பதவியில் இருந்து விலகியமையானது அரசாங்கம் மீதான மக்களின் நம்பிக்கையை கட்டியெழுப்பக் கூடிய நிலைமை ஏற்படுத்தியுள்ளது.

இதனால், இந்த நிலைமையை அதே நிலையில் வைத்திருக்க வேண்டியதன் அவசியம் குறித்து அரசாங்கத்திற்கு நெருக்கமான அரசியல் ஆய்வாளர்கள் வலியுறுத்தியுள்ளனர்.

இந்த நிலையில், சகல விடயங்கள் சம்பந்தமாகவும் பிரதமர் , குற்றப் புலனாய்வு திணைக்களம் மற்றும் சட்டமா அதிபர் திணைக்கத்தின் பிரதானிகளுடன் கலந்துரையாட நடவடிக்கை எடுத்துள்ளதாக பிரதமரின் அலுவலகம் தெரிவித்துள்ளது.


விடுதலைப் புலிகள் கோரிய இடைக்கால தன்னாட்சி அதிகாரம் வழங்குவதாக வாக்குறுதி வழங்கிய பின்னர்தான் 2005ம் ஆண்டு ஜனாதிபதி தேர்தலை பிரதமர் ரணில் எதிர்கொண்டார் என்பதை முஸ்லிம் காங்கிரஸ் தலைவர் வேண்டுமானால் மறந்திருக்கலாம் வரலாறு தெரிந்தவர்கள் ஞாபகம் வைத்திருக்கிறார்கள் என்பதை முஸ்லிம் காங்கிரஸ் தலைவர் புரிந்து கொள்ளவேண்டும்.
2001ம் ஆண்டு பெப்ரவரி மாதம் விடுதலை புலிகளோடு பிரதமர் ரணில் அவர்கள் செய்து கொண்ட சமாதான ஒப்பந்தத்தில் முஸ்லிம்களை சிறுகுழுக்கள் என குறிப்பிடப்பட்ட ஒப்பந்தத்தில் முஸ்லிம் காங்கிரஸ் தலைவராக, பொறுப்பு வாய்ந்த அமைச்சராக இருந்து கையொப்பம் இட்டபோது வெட்கப்படாதவர், கடந்த அரசாங்கத்தில் அமைச்சராக இருந்ததை துரதஷ்டவசமானது என புலம்புவது வேடிக்கையானதொன்றாகும். என தேசிய காங்கிரஸின் கிழக்கு மாகாண கொள்கைப் பரப்பு செயலாளர் எம்.சி. அஹமட் புர்க்கான் அவர்கள் தெரிவித்தார்.
சமகால அரசியலில் முஸ்லிம் சமூகம் எதிர்நோக்கும் பிரச்சினைகள் தொடர்பில் நேற்றைய தினம் மருதமுனையில் ஏற்பாடு செய்யப்பட்ட கருத்தரங்கு ஒன்றில் கலந்துகொண்டு உரையாற்றுகையிலேயே அவர் மேற்கண்டவாறு தெரிவித்தார்.
அவர் மேலும் உரையாற்றுகையில்...
2005ம் ரணில் விக்கிரமசிங்க ஜனாதிபதி தேர்தலில் வெற்றியீட்டியிருந்தால் வடகிழக்கு முஸ்லிம்கள் சொந்த நாட்டிற்குள் அகதியாகியிருப்பார்கள். என்ற உண்மையை மறைத்து ஐ.தே.கட்சியின் கொள்கைகளையும், அதன் தலைமைத்துவத்தை முஸ்லிம்கள் மத்தியில் நியாயப்படுத்த அமைச்சர் ஹக்கீம் இவ்வாறு பொய் உரைப்பது முஸ்லிம் சமூகத்தின் தலைமைத்துவம் செய்கின்ற காரியம் அல்ல என்று கூறிய அவர், விடுதலை புலிகளுடனான சமாதான ஒப்பந்த காலத்தில் மூதூரில் இடம்பெற்ற படுகொலைகள், வாழைச்சேனையில் நடந்த அசம்பாவிதங்கள் தொடர்பில் ரணில் விக்கிரமசிங்கவை ஏன் இதுவரை  குற்றம்சாட்டவில்லை என்பதை அமைச்சர் ஹக்கீம் தெளிவுபடுத்த மறுக்கிறார் எனவும் கேள்வியெழுப்பினார்.
2001ம் ஆண்டைய சமாதான ஒப்பந்த காலத்தில் விடுதலைப் புலிகள் வேண்டிநின்ற அத்தனை அதிகாரங்களையும் தாரைவார்த்துக் கொடுத்தது மாத்திரமின்றி இடைக்கால தன்னாட்சி அதிகாரத்தை விடுதலைப் புலிகளுக்கு வழங்க ரணில் விக்கிரமசிங்க தயரானார்.
அதற்காக மிஹிந்த மொரகொட, ரவூப்ஹக்கீம், ஜீ.எல் பீரீஸ், ரணில் விக்கிரமசிங்க ஆகியோர் இரவுபகலாக மந்திர ஆலோசனை நடத்தியதை நாங்கள் மறந்துவிடவில்லை என்பதை அமைச்சர் ஹக்கீம் புரிந்து கொள்ள வேண்டும்.
இடைக்கால தன்னாட்சி அதிகாரம் என்பது என்பது என்ன? தமிழீழ நீதிமன்றம், தமிழீழ காவல்படை, தமிழீழ வைப்பகம், தமிழீழ காணிவாரியம், தமிழ் ஈழ கடல் வாரியம் என விடுதலைப் புலிகள் ரணில் அரசாங்கத்தின் போது கேட்டுக்கொண்டதை அதை வழங்குவதற்கு அமைச்சர் ஹக்கீம் அவர்கள் துணை போனதையும் மறந்துவிட்டார். ஆனால் அதை நாங்கள் மறந்துவிடுவதற்கு இல்லை. 2005 ஜனாதிபதி தேர்தலில் ரணில் அவர்கள் வெற்றியீட்டி இருந்தால் இன்றுவரை விடுதலைப் புலிகளின் ராஜ்யம் வடகிழக்கில் இருந்திருக்கும் என்பதையும் ஏலவே ரணில் அவர்கள் வழங்கிய வாக்குறுதியின் பிரகாரம் புலிகளுக்கான அதிகாரம் வழங்கப்பட்டிருந்தால் இன்று நாங்கள் கொழும்புக்கு செல்ல தமிழ் ஈழ கடவுச்சீட்டுடனும் தமிழ் ஈழ நாணயத்தாளுடனும் பயணம் செய்ய வேண்டிய துர்ப்பாக்கிய நிலைக்கு தள்ளப்பட்டிருப்போம்.
ஆனால் மஹிந்த ராஜபக்ஷ அவர்கள் வெற்றியீட்டியதன் விளைவாக புரையோடிக்கிடந்த யுத்தம் முடிவுக்கு கொண்டுவர காரணமாக அமைந்தது, என்பதை முஸ்லிம்கள் நாங்கள் மறந்துவிடக் கூடாது. இது இவ்வாறு இருக்க யுத்தத்தை முடிவுக்கு கொண்டுவருவதற்காக மஹிந்த ராஜபக்ஷ அவருடன் இணைந்து முஸ்லிம்கள் தரப்பில் மஹிந்தவுக்கு பக்கபலமாக செயல்பட்ட முன்னாள் அமைச்சர் அதாவுல்லாஹ் போன்றோர், போராடிக்கொண்டிருந்த போது ரணிலுடன் சேர்ந்துகொண்டு அமைச்சர் ஹக்கீம் முஸ்லிம்களுக்கு எதிரானவர்களை காப்பாற்றுவதற்காக மறைமுகமாக செயல்பட்டதை நாங்கள் அறியாமல் இல்லை, யுத்தம் முடிவுக்கு கொண்டுவரப்பட்டு வடக்கு கிழக்கு பிரிக்கப்பட்டு அதன் பின்னரான காலப்பகுதியில் மஹிந்தவுக்கு நன்றிக்கடன் செலுத்த இருந்த முஸ்லிம்களை திசைதிருப்பி ரணில் விக்கிர சிங்கவை பின் கதவால் ஆட்சிக்கு கொண்டுவர ஒட்டுமொத்த முஸ்லிம்களையும் மஹிந்தவுக்கு விரோதமானவர்களாக காட்டிக் கொடுத்துவிட்டு பிற்பட்ட காலப்பகுதியில் அவருடைய அரசாங்கத்தில் நீதியமைச்சராக கோடிக்கணக்கான ரூபாய்களை பெற்றுக்கொண்டு இருந்த போது அமைச்சர் ஹக்கீம் அவர்களுக்கு வராத வெட்கம் இப்போது வருவது ஆச்சரியமானதொன்றுதான்.
மஹிந்த ஆட்சியின் கடைசி இரண்டு வருடங்கள் நடந்த முஸ்லிம்களுக்கு எதிரான நடவடிக்கைகளை மஹிந்த தட்டிக்கேட்காதததினால் நாங்கள் ஆட்சி மாற்றம் கொண்டு வந்தோம் என கூவித்திரியும் அமைச்சர் ஹக்கீம் அவர்கள் நல்லாட்சி அரசாங்கத்தில் ஞானசார தேரர் காட்டும் அடாவடித்தனங்களையும், அட்டூளியங்களையும் ஆதரித்து அவருக்கு பூரண சுதந்திரம் வழங்கும் ரணில் அவர்களின் நடவடிக்கைகளை எவ்வாறு பார்க்கிறார் என்பதையும் அவருடைய அரசாங்கத்தில் அமைச்சராக ஏன் தற்போது  இருக்கிறார் என்பது பற்றியும் அதற்காக எப்போது வெட்கப்படப் போகிறார் என்பது பற்றியும் தெளிவுபடுத்தவேண்டும்.

காலத்திற்கு காலம் நிறம்மாறும் அரசியல் செய்யும் தலைமையை ஏற்று பயணிக்கும் முஸ்லிம் சமூகம் எதிர்காலத்தை கவனத்தில் கொண்டு நிரந்தமான மாற்றுத்தீர்வுக்கான தலைமைத்துவத்தை அடையாளம் கண்டு முஸ்லிம் சமூகத்தின் மீதமுள்ள உரிமைகளையாவது தக்கவைத்துக்கொள்ள முயற்சிக்க முன்வர வேண்டும் என அழைப்பு விடுத்தார்.


சமகால அரசாங்கத்தில் காணப்படும் அசுத்தங்கள் விரைவில் சுத்தப்படுத்தப்படும் என ஜனாதிபதி மைத்திரிபால சிறிசேன தெரிவித்துள்ளார்.

கடந்த ஆட்சியில் காணப்பட்ட அசுத்தங்களை இல்லாமல் செய்யவே நல்லாட்சி அரசாங்கம் உருவாக்கப்பட்டது.

ஆனாலும் சமகாலத்திலும் தூய்மையற்ற நிலையில் காணப்படுவதனால் விரைவில் அரசாங்கத்தை சுத்தப்படுத்தி தூய்மையான ஆட்சி ஒன்று முன்னெடுக்கப்படும் என ஜனாதிபதி சுட்டிக்காட்டியுள்ளார்.

ஸ்ரீலங்கா சுதந்திர கட்சியின் மத்திய செயற்குழு கூட்டத்தில் ஜனாதிபதி இந்த தகவலை வெளியிட்டார்.

தான் அசுத்தமான அரசாங்கத்தில் இருந்து சுத்தமான அரசாங்கம் ஒன்றை உருவாக்குவதற்கே வெளியே வந்ததாக குறிப்பிட்ட ஜனாதிபதி சிறிது காலத்தினுள்ளேயே இந்த அரசாங்கம் அசுத்தமடைந்துள்ளமை தொடர்பில் வருத்தத்தை வெளியிட்டுள்ளார்.

எனவே யார் என்ன கூறினாலும், எந்த சவால்கள் வந்தாலும் அரசாங்கத்தை சுத்தப்படுத்தி சுத்தமான ஆட்சி ஒன்றை உருவாக்குவதற்கு தயாராகி உள்ளதாக ஜனாதிபதி குறிப்பிட்டுள்ளார்.

அதற்கான அதிகாரம் தன்னிடமே உள்ளமையினால் தனக்கு அவசியமான எந்தவொரு சந்தர்ப்பத்திலும் மாற்றத்தை ஏற்படுத்துவதற்கு பின்வாங்கப் போவதில்லை என ஜனாதிபதி சுட்டிக்காட்டியுள்ளார்.

அதற்கமைய அரசாங்கத்தில் பாரிய மாற்றம் ஒன்று வெகு விரைவில் ஏற்படவுள்ளதாக ஸ்ரீலங்கா சுதந்திரக் கட்சியின் சிரேஷ்ட உறுப்பினர் ஒருவர் தெரிவித்துள்ளார்.


"அய்யூப் அஸ்மின் கட்சியிலிருந்தும், கட்சியின் சகல நடவடிக்கைகளிலிருந்தும் முழுமையாக நீக்கப்படுவதோடு, நல்லாட்சிக்கான தேசிய முன்னணியின் வட மாகாண சபை பிரதிநிதியாகவோ அல்லது ஏனைய விடயங்கள் எதனையும் பிரதிநிதித்துவப்படுத்துபவராகவோ கருதப்பட மாட்டார். இதனை நல்லாட்சிக்கான தேசிய முன்னணியின் தலைமைத்துவ சபை ஏகமனதாக தீர்மானித்துள்ளது" என NFGG யினால் வெளியிடப்பட்டுள்ள ஊடக அறிக்கையில் தெரிவிக்கப்பட்டுள்ளது.

அதில் மேலும் தெரிவிக்கப்பட்டுள்ளதாவது:

2013  ஆம் ஆண்டு நடைபெற்ற வட மாகாண சபைத் தேர்தலின் போது நல்லாட்சிக்கான தேசிய முன்னணி, வடக்கு முஸ்லிம்களது நலன்களை மையமாகக் கொண்டு தமிழ்த் தேசியக் கூட்டமைப்புடன் புரிந்துணர்வு ஒப்பந்தமொன்றை மேற்கொண்டது.

இதன் பிரகாரம், நல்லாட்சிக்கான தேசிய முன்னணியின் கொள்கைகள் மற்றும் ஒழுங்கு விதிகளை ஏற்று கட்சியினது பிரதிநிதியாக செயற்படும் உடன்பாட்டின் அடிப்படையில், ஜனாப். அய்யூப் அஸ்மின் வட மாகாண சபை உறுப்பினராக நியமிக்கப்பட்டார். தமிழ்த் தேசியக் கூட்டமைப்புடன் NFGG செய்து கொண்ட புரிந்துணர்வு ஒப்பந்தத்தின் அடிப்படையில் கிடைத்த போனஸ் ஆசனம் மூலமே இந்த நியமனம் செய்யப்பட்டது.

இவ்வாறு நியமிக்கப்பட்டு இரண்டரை வருடங்களின் பின்னர், கடந்த 2016 மார்ச் மாதம் வட மாகாண சபையின் செயற்பாடுகள் குறித்த மீளாய்வொன்றினை நல்லாட்சிக்கான தேசிய முன்னணி மேற்கொண்டது.  இதில் குறிப்பாக, வடக்கு முஸ்லிம்களின் மீள்குடியேற்றம் மற்றும் ஏனைய நலன்கள் குறித்த விடயங்களில் வட மாகாண சபையின் நடவடிக்கைகள், எமது பிரதிநிதியான ஜனாப். அய்யூப் அஸ்மினின் செயற்பாடுகள் ஆகியன விரிவாக ஆராயப்பட்டன.

இதனுடன் தொடர்புபட்ட ஆறு விடயங்களில் திருப்தியடையக் கூடிய முன்னேற்றங்கள் எதுவும் காணப்படாததால், குறித்த பதவியில் எமது பிரதிநிதி தொடர்ந்தும் இருப்பதில் அர்த்தமில்லை என்ற முடிவுக்கு நல்லாட்சிக்கான தேசிய முன்னணி வந்தது.

இந்தப் பின்னணியிலேயே எமது பிரதிநிதியினை மீளழைப்பதற்கான முடிவினை தலைமைத்துவ சபை அன்று மேற்கொண்டது. இத் தீர்மானம் நிறைவேற்றப்பட்ட கூட்டத்தில் ஜனாப். அய்யூப் அஸ்மினும் கலந்து கொண்டிருந்தார்.

ஜனாப். அய்யூப் அஸ்மின் இந்தப் பதவியை ஏற்கும் போது, "தலைமைத்துவ சபை எடுக்கும் எந்தவொரு தீர்மானத்திற்கும் முழுமையாகக் கட்டுப்பட்டு, அவருக்கு வழங்கப்பட்ட 19 அம்ச ஒழுக்க நடைமுறை விதிகளை மீறாத வகையிலும் நடந்து கொள்வேன்" என்று கூறி மக்கள் முன்பாகவும் இறைவனின் பெயராலும் பகிரங்க உறுதிப் பிரமாணம் எடுத்திருந்தார்.

எனினும், நடைமுறையில் அவர் அதற்கு மாற்றமாக, கட்சியின் தீர்மானங்களுக்கு ஒத்துழைக்காமலேயே நடந்து கொண்டார். குறிப்பாக, கட்சியின் மக்கள் நலன் சார்ந்த சுயாதீன கொள்கை நிலைப்பாடுகளைப் பேணுதல், பதவி மூலமாகக் கிடைக்கும் நிதிகளை முறையாக கையாளுதல், மீளழைக்கும் தீர்மானத்திற்கு ஒத்துழைத்தல் , கிடைத்த தீர்வையற்ற வாகன இறக்குமதி அனுமதிப் பத்திரம் மூலமான நன்மைகளை வடக்கு மக்களுக்காகப் பயன்படுத்தல் போன்ற விடயங்களுக்கு அவர் ஒத்துழைக்கவில்லை.

இதனடிப்படையில் தமிழ்த் தேசியக் கூட்டமைப்புடன் இது குறித்துப் பேசி, எமது மீளழைத்தல் தீர்மானத்தை சுமுகமாக நிறைவேற்றுவதற்கான சகல முயற்சிகளும் மேற்கொள்ளப்பட்டன. எனினும், அவ்விடயத்தை செய்து முடிப்பதற்கு நாம் எதிர்பார்த்தை விடவும் கூடுதலான காலம் எடுத்துவிட்டது. இந்தத் தாமதத்திற்கு தமிழ்த் தேசியக் கூட்டமைப்பே முக்கிய காரணம் என்பதும் இங்கு குறிப்பிடத்தக்கது.

மேலும், இந்த இடைப்பட்ட காலப் பிரிவில் பல்வேறு சந்தர்ப்பங்களில், ஜனாப். அய்யூப் அஸ்மின் தொடர்பான தொடர்ச்சியான அவதானங்கள் மற்றும் அவர் மீதான குற்றச்சாட்டுக்கள் தொடர்பாக அவரிடம் கலந்துரையாடவும், அது சம்பந்தமான விளக்கங்ளைப் பெறவும் அவருக்கு பல அழைப்புகள் விடுக்கப்பட்டன. இவற்றிற்கு எந்தவொரு சாதகமான பதிலையும் தராமல் அவர் தொடர்ந்தும் ஒத்துழைக்காமலே இருந்து வந்தார்.

இந்த நிலையில் நேற்று ( 04.08.2017) கொழும்பில் கூடிய நல்லாட்சிக்கான தேசிய முன்னணியின் தலைமைத்துவ சபை இது விடயமாக விரிவாக ஆராய்ந்ததுடன், ஜனாப். அய்யூப் அஸ்மின் தொடர்பாக பின்வரும் தீர்மானத்தை ஏகமனதாக நிறைவேற்றியுள்ளது.

 1. நல்லாட்சிக்கான தேசிய முன்னணியின் தலைமைத்துவ சபையின்                 தீர்மானங்களுக்கு, தொடர்ந்தும் ஒத்துழைப்பு வழங்காமை,

2. கட்சியின் அடிப்படைக் கொள்கைகள், நிலைப்பாடுகள், விழுமியங்கள்                 மற்றும் நடைமுறைகள் என்பவற்றிற்கு முரணாக கருத்துக்களை வெளியிட்டும் செயற்பட்டும் வந்தமை,

3. கட்சியின் ஒழுங்கு விதிகளை - குறிப்பாக நிதிசார் ஒழுங்கு விதிகளை - உரிய முறையில் பின்பற்றாமை

ஆகிய காரணிகளின் அடிப்படையில், ஜனாப். அய்யூப் அஸ்மினை  கட்சியிலிருந்தும், கட்சியின் சகல நடவடிக்கைகளிலிருந்தும் முழுமையாக நீக்குவதென ஏகமனதாக தீர்மானிக்கப்பட்டது. எனவே, ஜனாப். அய்யூப் அஸ்மின், இதன் பின் நல்லாட்சிக்கான தேசிய முன்னணியின் வட மாகாண சபைப் பிரதிநிதியாகவோ, கட்சி தொடர்பான ஏனைய விடயங்கள் எதனையும் பிரதிநிதித்துவப்படுத்துபவராகவோ கருதப்படமாட்டார்.  இந்தத் தீர்மானம், இரகசிய வாக்கெடுப்பின் மூலம், தலைமைத்துவ சபையினால் ஏகமனதாக எடுக்கப்பட்டது என்பது குறிப்பிடத்தக்கது.

அத்துடன் அவரது அரசியல் கருத்துக்கள், நிலைப்பாடுகள், மற்றும் அரசியல் செயற்பாடுகள் எதற்கும், நல்லாட்சிக்கான தேசிய முன்னணிக்கும் எந்தவொரு சம்பந்தமும் இல்லை என்பதை, நல்லாட்சிக்கான தேசிய முன்னணியின் தலைமைத்துவ சபை உறுதிபட தெரிவித்துக் கொள்கிறது.

தவிசாளர்/பொதுச் செயலாளர்,
தலைமைத்துவ சபை சார்பாக,
நல்லாட்சிக்கான தெசிய முன்னணி.

சிராஜ் மஸ்ஹூர்
05.08.2017


நல்லூரில் நேற்று மாலை நீதிபதி இளஞ்செழியனை இலக்கு வைத்து நடத்தப்பட்ட துப்பாக்கிச் சூட்டுச் சம்பவத்தின் சூத்திரதாரி, காவல்துறையினரால் அடையாளம் காணப்பட்டுள்ளார் என்று தகவல்கள் வெளியாகியுள்ளன.

இவர் புங்குடுதீவு 4ஆம் வட்டாரத்தைச் சேர்ந்தவர் என்றும், கொலை வழக்கு ஒன்று தொடர்பாக இவர் குற்றம்சாட்டப்பட்டவர் என்றும் கூறப்படுகிறது.

இதற்கிடையே, துப்பாக்கிச் சூடு நடத்திய நபரை இன்றிரவுக்குள் கைது செய்து விடுவோம் என்று யாழ். பிராந்திய காவல்துறை கண்காணிப்பாளர் ஸ்ரனிஸ்லஸ் தெரிவித்துள்ளார்.

”இது நீதிபதி இளஞ்செழியனை இலக்கு வைத்து நடத்தப்பட்ட தாக்குதல் அல்ல. நீதிபதியின் மெய்க்காவலருடன் முரண்பட்டுக் கொண்டே, குறித்த நபர் துப்பாக்கிச் சூடு நடத்தியுள்ளார்.

அவர் ஒரு முன்னாள் போராளி. இன்றிரவுக்குள் அவரைக் கைது செய்து விடுவோம்” என்று தெரிவித்துள்ளார்.


கட்சியின் தலைவராக தானிருந்தாலும் தீர்மானங்கள் எடுக்கும்போது செயலாளருக்கும் அதிகாரங்கள் இருக்கவேண்டும், அப்போதுதான் தான்தோன்றித்தனமாக யாரும் செயல்படமுடியாமல் இருக்கும் என்ற என்னத்தின் காரணமாகவே அன்றய தலைவர் மர்ஹும் அஸ்ரப் அவர்கள் இந்த அதிகாரம் பொருந்திய செயலாளர் பதவியை கட்சிக்குள் ஏற்படுத்தியிருந்தார். அதனால் தனக்கு பாதகமாக அந்த பதவியிருந்தாலும் தன்னையும் தட்டிக்கேட்கும் ஒரு பதவி இருக்கவேண்டும் என்று அவர் நினைத்ததில் எந்த தவறும் இருப்பதாக தெறியவில்லை.

ஆனால் இன்றய தலைவர் ரஹுப் ஹக்கீம் அவர்கள் அந்த அதிகாரம் பொருந்திய செயலாளர் பதவியை தனது அதிகாரத்துக்குள் கொண்டுவந்தது மட்டுமல்ல,
சகல அதிகாரம் பொருந்திய தலைவராகவும் தன்னை பிரகடணபடுத்தியுமுள்ளார்.

இந்த செயல்பாடுகள் ஒரு சர்வதிகாரியின் நிலைப்பாடுக்கு சமமான செயல்பாடுகள் என்பது நடுநிலைவாதிகளுக்கு தெறியாத ஒன்றல்ல, இந்த விடயத்தினை கட்சியிலுள்ள உயர்பீட உறுப்பினர்களோ, அந்த கட்சியின் போராளிகளோ கண்டுகொண்டதாக தெறியவில்லை, அதனை தலைவர் ஹக்கீம் அவர்கள் தனக்குச் சாதகமாக அதனை நன்றாகவே பயன்படுத்திவருகின்றார்.

நாடு இன்றிருக்கும் நிலையில், இந்த சகல அதிகாரம் பொருந்திய தலைவர் பதவி என்பது சமூகத்துக்கு ஆரோக்கியமானதாக இருக்குமா என்பது சந்தேகமே; காரணம் கடந்த காலங்களில் 18வது திருத்தச்சட்டம், தெவிநெகும சட்டம், கடந்த கிழக்குமாகாண தேர்தலில் யாருடன் கூட்டுச்சேர்வது என்ற விடயம், அதேபோன்று கடந்த ஜனாதிபதி தேர்தலில் கட்சி மாறிய விடயம் போன்றவற்றில் பலகோடிகள் கைமாறப்பட்டதாக அந்த கட்சியின் உயர்பீட உறுப்பினர்களாக இருந்தவர்களே இப்போது கூறிவருகின்றார்கள்.

அப்போது சில விடயங்களில் அந்த கட்சியின் அன்றய செயலாளர் நாயகமாக இருந்த ஹசனலி அவர்கள் அதற்கு முட்டுக்கட்டையாக இருந்தார் என்ற விடயமும் அதன் தலைவர் ஹக்கீம் அவர்களாலேயே பகிரங்கப்படுத்தப்பட்டிருந்தது. அதன் காரணமாகவே இந்த செயலாளர் பதவியின் அதிகாரங்கள் குறைக்கப்பட்டதாகவும் தெறிவிக்கப்பட்டிருந்தது.

ஒரு கட்சிக்கள் இரு அதிகாரங்கள் இருக்ககூடாது அது கட்சியை வழிநடத்த தடையாக இருக்குமென்று கட்சியின் இன்றய தலைவரின் கண்டுபிடிப்பை தற்போதைய கட்சிப்போராளிகள் சரிதான் என்று ஆமாச்சாமி போடுவதன் மூலம், முன்னால் தலைவர் அஸ்ரப் அவர்களின் சிந்தனை சரியில்லை என்று மறைமுகமாக சொல்லவரும் விடயமானது மிகவும் கீழ்தரமான என்னம் என்பதை யாரும் அறியாதவர்கள் போல் நாடகமாடுவது மிகவும் வேதனைக்குறிய விடயமாகும்.

இந்த செயலாளர் பதவி என்பது கட்சியை வழிநடத்துவதற்கு தடையாக இருக்கின்றது என்ற காரணத்துக்காக அதன் அதிகாரம் குறைக்கப்பட்டது என்றால், அதன் தாக்கம் எந்தளவு தற்போதைய தலைவருக்கு தடையாக இருந்துள்ளது என்பது புலனாகும்.
இதன் உள்நோக்கத்தை கட்சியின் உறுப்பினர்கள் அறிந்திருந்தாலும் அதனை தட்டிக்கேட்கக்கூடிய நிலையில் அவர்கள் இல்லை என்பதே உண்மையாகும்.

தனக்கு அந்த பதவி கிடைக்காமல் மற்றொருவருக்கு அதனை வழங்கினாலும் பரவாயில்லை, தயவு செய்து செயலாளர் பதவியின் அதிகாரத்தை குறைத்து விடாதீர்கள் என்ற ஹசனலி அவர்களின் கூக்குரல் செவிடன் காதில் ஊதிய சங்குச் சத்தமாய் போய்விட்டது.

இந்த மாபெரிய துரோகத்தனத்தை மறைப்பதற்கு,  வழமைபோல் பதவி கேட்டு பிரச்சினைப்படுகின்றார்கள் என்ற கோசத்தை ஓங்கி ஒலித்துக்கொண்டு (முழு பூசணிக்காயை ஒரு பிடி சோற்றுக்குள்) மறைக்கும் விடயத்தில் வெற்றிகண்டு வருகின்றார் தலைவர் ஹக்கீம் அவர்கள். அதற்கு துணையாக கட்சிதான் கதி என்று கிடக்கும் சுயநலம் கொண்ட உயர் மட்ட உறுப்பினர்களும், அதன் போராளிகள் என்று கூறிக்கொள்ளும் ஏமாளிகளும் இருந்துவருகின்றார்கள்.

ஆகவே கட்சியை ஆரம்பித்த தலைவரே இது தேவையான ஒன்று என்று சிந்தித்து வைத்த இந்த செயலாளர் பதவியை, தனக்கு எதிராக உள்ளது என்று நினைத்து கொண்டு, அந்த அதிகாரம் பொருந்திய செயலாளர் பதவியை மாற்றுகின்ற தற்போதைய தலைவரை கண்டுகொள்ளாமல் இருக்கும் கோமாளிகளை என்னவென்று சொல்வது.

இப்படி ஒருவரிடம் அதிகாரம் குவிக்கப்பட்டிருப்பது என்பது எதிர்காலத்தில் சமூகத்துக்கு நல்லதா? அல்லது அந்த தலைவரின் தனிப்பட்ட வாழ்க்கைக்கு உகந்ததா ? என்பதை காலந்தான் பதில் சொல்லவேண்டும்.

பொருத்திருந்து பார்ப்போம்..!

எம்எச்எம்இப்றாஹிம்
கல்முனை....


கல்முனைத் தொகுதியில் விளையாட்டுத்துறைக்கான அதிகாரம் அரசாங்கத்தினால் வழங்கப்பட்ட போதிலும் எந்தவிதமானதொரு ஆக்கபூர்வமான திட்டமிடல் நடவடிக்கைகள் இல்லாது செயலிழந்து இருப்பதால் இங்குள்ள இளைஞர்கள் எவரும் அதற்கான பயனை அடைய முடியாதது வேதனையளிக்கிறது. என ஐ.தே.கட்சியின் கல்முனைத் தொகுதிக்கான அமைப்பாளர், சட்டத்தரணி றஸாக் தெரிவித்தார்
நேற்றைய தினம் மருதமுனை மசூர் மௌலானா விளையாட்டு மைதானத்தில் நடைபெற்ற சம்ஸ் சம்மர் கிரிக்கெட் சுற்றுப்போட்டியின் இறுதி ஆட்டத்தில் வெற்றியீட்டிய அணிக்காண வெற்றிக் கிண்ணம் வழங்கும் வைபவத்தில் பிரதம அதிதியாக கலந்து கொண்டு உரையாற்றுகையில் குறிப்பிட்டார்.
மேலும் அவர் குறிப்பிடுகையில் இன்றுள்ள இளைஞர்கள் விளையாட்டுத்துறையில் பலசாதனைகளை படைத்துவருகிறார்கள் ஆனால் எமது பகுதியை பொருத்தவரையில் சாதனைகள் பல படைக்க திறமையான இளைஞர்கள் இருந்த போதிலும் அதற்குண்டான அதிகாரங்கள் குவிந்து கிடக்கின்ற போதிலும் சரியான திட்டமிடல் நடவடிக்கைகள் எதுவும் இல்லாத காரணத்தால் விளையாட்டு துறையில்  திறமையானவர்கள் இனம்காணப்படாமல் தூரமாக்கப்படுகிறார்கள்.
அடிப்படை வசதிகள் கூட இல்லாது மைதானங்கள் காட்சியளிப்பது கண்டு மனவேதனையாக இருக்கிறது. பல தசாப்த காலங்களை தாண்டியும் எந்த முன்னேற்றமும் காணது கல்முனை மாநகருக்கான எந்தவிதமான அலங்காரமும் இன்றி காணப்படுவது சரியான தலைமைகளை உரிய இடத்திற்கு அனுப்பி வைக்காத குறைபாட்டை சுட்டிக்காட்டி காட்டுகிறது.
நான் இளைஞனாக இருந்த காலப்பகுதில் மருதமுனை மசூர் மௌலானா விளையாட்டு மைதானம் எந்த நிலையில் இருந்ததோ அதே நிலையில் இன்றுவரை எந்த முன்னேற்றமும் காணது பாழடைந்து கிடப்பது கவலையளிக்கிறது.

தொடராக பதவியிலும் அதிகாரத்திலும் இருப்பதற்காக போட்டி போடுபவர்கள் இப்படியான சிறிய அபிவிருத்தி பனிகளையாவது செய்யாமல் வெறுமனே பதில் இருந்து காலம் கடத்துவது இந்த பிரதேச அபிவிருத்திக்கு ஆரோக்கியமான ஒன்றல்ல என்பதை இளைஞர்கள் சமூகம் புரிந்துகொள்ளவேண்டும் இனிவரும் காலங்களிலாவது சரியான தெரிவுகளுனூடாக தங்களுடைய தேவைகளை இலகுவாகவும் விரைவாகவும் பெற்றுக்கொள்ள முயற்சிக்காதுவிட்டால் தொடர் ஏமாற்றத்தை சந்திக்க நேரிடும் என சுட்டிக்காட்டினார்.









கிழக்கு மாகாணத்தை மையப்படுத்தி ஆரம்பிக்கப்படவுள்ள முஸ்லிம் கூட்டமைப்பில் அமைச்சர் ரவூப் ஹக்கீம் தலைமையிலான ஸ்ரீலங்கா முஸ்லிம் காங்கிரஸ் கட்சியையும் இணைத்துக் கொள்வதற்கான பேச்சுகள் இடம்பெறவுள்ளன எனத் தெரிவிக்கப்படுகின்றது.

முஸ்லிம் கூட்டமைப்பை ஆரம்பிப்பதற்கு அகில இலங்கை மக்கள் காங்கிரஸ், தேசியகாங்கிரஸ், நல்லாட்சிக்கான தேசிய முன்னணி மற்றும் ஹசனலி தரப்பினர் கொள்கையளவில் இணக்கம் தெரிவித்துள்ள நிலையில், இறுதிக்கட்டப் பேச்சு எதிர்வரும் கிழமைகளில் கொழும்பில் இடம்பெறவுள்ளது.

கொழும்பில் நடைபெறவுள்ள பேச்சு முடிந்ததன் பின்னர் ஸ்ரீலங்கா முஸ்லிம் காங்கிரஸ் கட்சி பேச்சுக்கு அழைக்கப்படவுள்ளது.

தமிழ் மக்களின் உரிமைப் போராட்டத்தில் தமிழ்த் தேசியக் கூட்டமைப்பு எவ்வாறு தாக்கம் செலுத்துகின்றதோ அவ்வாறு முஸ்லிம் மக்களின் உரிமைப் போராட்டத்திலும் முஸ்லிம் கூட்டமைப்பு தாக்கம் செலுத்த வேண்டும் என்பதை நோக்கமாகக் கொண்டே தான் முஸ்லிம் கூட்டமைப்பு உருவாக்கப்படவுள்ளதால் ஸ்ரீலங்கா முஸ்லிம் காங்கிரஸையும் இக்கூட்டமைப்பில் அங்கம் வகிக்க வேண்டுமென நாம் விரும்புகின்றோம் என்று ஹசனலி தரப்பின் முக்கியஸ்தர் ஒருவர் நம்மிடம் தெரிவித்தார்.

விடுதலைப்புலிகளால் துரோகிகள் பட்டம் சூட்டப்பட்ட ஆயுதக்குழுக்களை ஒன்றிணைத்து தமிழ் மக்களின் ஏகோபித்த நலனுக்காக தமிழ்த் தேசியக் கூட்டமைப்பு உருவாக்கப்படுமானால், ஸ்ரீலங்கா முஸ்லிம் காங்கிரஸும், ஏனைய முஸ்லிம்கட்சிகளும் இணைந்து முஸ்லிம் தேசியக் கூட்டமைப்பை ஏன் ஏற்படுத்தமுடியாது?என்று முஸ்லிம் கூட்டமைப்பை ஆதரிப்பவர்கள் கேள்விக் கணைகளைத் தொடுத்துள்ளனர்.

நல்லாட்சி அரசில் சிறுபான்மையின முஸ்லிம்களுக்கு எதிர்காலத்தில் பெரும்பாதிப்புகள் ஏற்படலாம் என அரசியல் வட்டாரத்தில் பேசப்பட்டு வருகின்ற நிலையில் முஸ்லிம் கட்சிகள் ஒன்றிணைந்து ஒரு கூட்டமைப்பின்கீழ் செயற்படும்போதுதான் அரசுக்கு அழுத்தம் கொடுப்பதற்கு மிக இலகுவாக இருக்கும் என்றும் அவர்கள் கூறியுள்ளனர்.

இதேவேளை, வவுனியாவில் சில தினங்களுக்கு முன்னர் நடைபெற்ற கூட்டமொன்றில் உரையாற்றிய ஸ்ரீலங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீம், முஸ்லிம் கூட்டமைப்பால் ஸ்ரீலங்கா முஸ்லிம் காங்கிரஸை அழிக்க முடியாது என்றும், மக்களால் நிராகரிக்கப்பட்டவர்கள் ஒதுங்குவதற்கு ஒரு கூடாரத்தைத் தேடுகின்றனர் என்றும் குறிப்பிட்டுள்ளார்.

இதை வைத்துப் பார்க்கின்றபோது ஸ்ரீலங்கா முஸ்லிம் காங்கிரஸ் கட்சியின் தலைவர் முஸ்லிம் கூட்டமைப்பில் இணைந்து கொள்வதற்கு விரும்வில்லை என்பது தெளிவாகின்றது.

அதே போன்றுதான் ஸ்ரீலங்கா முஸ்லிம் காங்கிரஸ் கட்சியின் ஆதரவாளர்கள் பலரும் முஸ்லிம் கூட்டமைப்புக்கு எதிராக தங்களது சமூக வலைத்தளங்களில் எழுதி வருகின்றனர்.

எது எப்படியிருந்தாலும் எதிர்காலத்தில் ஸ்ரீலங்கா முஸ்லிம் காங்கிரஸின்முடிவில் மாற்றங்கள்கூட நிகழலாம் என்று முஸ்லிம் கூட்டமைப்பை ஆதரிப்பவர்கள் கருத்து வெளியிட்டுள்ளனர்.


ஓகஸ்ட் மாதம் 8ஆம் திகதியை அரச எதிர்ப்புத் தினமானப் பிரகடனப்படுத்தி அதன்பின்னர் தொடர்ச்சியாக அரசுக்கு எதிரான கூட்டங்களையும், போராட்டங்களையும் நாடெங்கிலும் நடத்த முன்னாள் ஜனாதிபதி மஹிந்த ராஜபக்ஷ தலைமையிலான பொது எதிரணி முடிவுவெடுத்துள்ளது.

2015ஆம் ஆண்டு நல்லாட்சி அரசு என்ற நாமத்துடன் ஆட்சி அதிகாரத்துக்கு வந்த மைத்திரி, ரணில் அரசு தொடர்ந்து மக்களை ஒடுக்கு முறைக்கு உள்ளாக்கி ஆட்சிசெய்து வருகின்றது.

மேலும் செய்திகள் விளம்பரத்திற்கு கீழ் தொடரும்
advertisement
நாட்டை இரண்டாகப் பிளவுபடுத்தும் நோக்கில் புதிய அரசமைப்பைத் தயாரித்து வருகின்றது. இதனைக் கண்டித்தே இந்த அரச எதிர்ப்புத் தினம்பிரகடனப்படுத்தப்படவுள்ளது' என்று பொது எதிரணியினர் தெரிவித்துள்ளனர்.

புதிய அரசமைப்பொன்று நாட்டுக்கு அவசியமில்லை. தேர்தல் முறைமையில் மறுசீரமைப்புச் செய்தால் மாத்திரம் போதும் என்ற நிலைப்பாட்டை நாடு முழுவதும் எடுத்துச்செல்ல நாம் தீர்மானித்துள்ளோம் என்றும் அவர்கள் குறிப்பிட்டுள்ளனர்.

தேசிய அரசில் அங்கம் வகிக்கும் ஸ்ரீலங்கா சுதந்திரக் கட்சியைச் சேர்ந்த சிலர்கடும் அதிருப்தியில் உள்ளனர்.

அவர்களும் ஓகஸ்ட் 8ஆம் திகதி எம்முடன் இணைந்து அரசுக்கு எதிராகப் போராடுவார்கள்' என்றும் பொது எதிரணியினர் மேலும் தெரிவித்துள்ளனர்.

புதிய அரசமைப்புக்கான இடைக்கால அறிக்கை எதிர்வரும் ஓகஸ்ட் மாதம் நாடாளுமன்றில் சமர்ப்பிக்கப்படவுள்ளது எனப் பிரதமர் ரணில் விக்கிரமசிங்க அண்மையில் அறிவித்திருந்தார்.

இதனையடுத்து புதிய அரசமைப்புக்கு மகாநாயக்கர்களும் எதிர்ப்பை வெளியிட்டனர்.

இந்தச் சூழலில் புதிய அரசமைப்புக்கு எதிரான மக்களைத் தம்பக்கம் இழுத்துக் கொள்வதற்காக ஓகஸ்ட் மாதம் 8ஆம் திகதியை அரச எதிர்ப்புத் தினமாகப் பொது எதிரணியினர் பிரகடனப்படுத்தியுள்ளனர்.


அம்பாரை 'தயா அப்ரல்' ஆடைத் தொழிச்சாலையில் பணிபுரியும் சுமார் 20 க்கும் மேற்பட்ட முஸ்லிம் இளைஞர்கள் தொழில் புரிந்து வரும் வேளையில் இவர்களுக்கு வெள்ளிக்கிழமைகளில்
ஒரு மணித்தியாலயம் ஜும்மா தொழுகைக்காக செல்ல அனுமதி மறுக்கப்படுவதாக அங்கு பணிபுரியும் இளைஞசர்கள் பெரும் கவலை தெரிவிக்கின்றனர்.

இதற்கு முன்னர் தயா அமைச்சரினால் இறக்காமம் மாயாகல்லி மலையில் சிலை வைத்ததாகவும் இறக்காமம் முஸ்லிம் மக்களால் நம்பிக்கை இளந்த ஒரு அமைச்சராகவும் இருக்கின்றார் என்பதும் குறிப்பிடத்தக்கது.

-றிஸ்வான் அபூபக்கர்-


புனித மக்காவை தாக்கும் இலக்குடன் தலைமறைவாகி தங்கியிருந்த தற்கொலை தீவிரவாதி ஒருவரை சவூதி பொலிசார் சுற்றிவளைத்த வேளை, தீவிரவாதி திடீரென வெடிகுண்டை வெடிக்க வைத்து தற்கொலை செய்து கொண்டார்.

புனித காபாவில் இருந்து சுமார் 400 மீட்டர் தொலைவில் இந்த வெடிகுண்டு சம்பவம் இடம்பெற்றுள்ளது.

தீவிரவாதியின் தற்கொலையால் சுமார் 11 பேர் வரை காயமுற்றனர், மூன்று மாடி கட்டடம் நொறுங்கியது.

இது தொடர்பில் பொலிசார் சுமார் 6 பேரை கைது செய்து விசாரித்து வருகின்றனர்.

-விடுதலை நியூஸ்-


சுகையீனம் காரணமாக பொலிஸ் ஊடகப்பேச்சாளர் பிரியந்த ஜயக்கொடி தனது பதவியை இராஜினா செய்துள்ளதாக தெரிவிக்கப்படுகிறது.
புதிய பொலிஸ் ஊடகப் பேச்சாளராக, பொலிஸ் அத்தியட்சகர்: ருவான் குணசேகர கடமையாற்றுவார் என அறிவிக்கப்பட்டுள்ளது


விளையாட்டுத்துறை அமைச்சர், தயாசிறி ஜெயசேகரவை குரங்குக்கு ஒப்பிட்டமை தொடர்பில் கிரிக்கட் வீரர் லசித் மாலிங்க விசாரணைக்கு உட்படுத்தப்படவுள்ளார்

இங்கிலாந்தில் நடைபெற்ற சம்பியன்ஸ் கிண்ணப்போட்டிகளின் போது இலங்கை அணியின் வீரர்கள் தோல்வியடைந்த பின்னர் இடம்பெற்ற செய்தியாளர் சந்திப்பு ஒன்றின்போது இலங்கை வீரர்கள், கொளுத்த உடலமைப்பை கொண்டுள்ளதாக அமைச்சர் தயாசிறி ஜெயசேகர தெரிவித்திருந்தார்.

எனவே, அவர்கள் உரிய உடற்பயிற்சிகளை மேற்கொள்ள வேண்டும் எனவும் அவர் கோரியிருந்தார்.

இந்நிலையில் அமைச்சரின் கருத்தை விமர்சித்த மாலிங்க, குரங்குக்கு கிளியின் கூடு பற்றி தெரியுமா? என்ற கேள்வியை எழுப்பியிருந்தார்.

அமைச்சரின் கருத்து, ஒரு குரங்கு கிளியின் கூட்டுக்குள் புகுந்து அது தொடர்பாக பேசுவது போன்று உள்ளது என்றும் மாலிங்க குறிப்பிட்டிருந்தார்.

இந்நிலையில் மாலிங்கவின் கருத்து, கிரிக்கட் சபையின் உடன்படிக்கையை மீறும் செயல் என்று அமைச்சர் ஜெயசேகர குறிப்பிட்டுள்ளார்.

தாம் வீரர்களின் உடல்வலுவை பற்றி பேசியபோதும் மாலிங்கவை குறிப்பிட்டு கூறவில்லை.

எனினும் மாலிங்க தொப்பியை தாமே போட்டுக்கொண்டு தம்மை பகிரங்கமாக விமர்சிப்பதாகவும் அமைச்சர் தெரிவித்துள்ளார்.

சம்பியன் கிண்ணப்போட்டியில் பாகிஸ்தானுடனான ஆட்டத்தின்போது பாகிஸ்தான் அணியின் தலைவரின் பிடியை மாலிங்க தவறிவிட்டமையே ஆட்டத்தில் இருந்து இலங்கை அணி தோல்வியடைந்தமைக்கான காரணம் என்றும் அமைச்சர் சுட்டிக்காட்டியுள்ளார்.



இம்மாதத் தொடக்கத்தில் இருந்து கத்தார் மீது தடை விதித்திருந்த வளைகுடா நாடுகள் கத்தாரிடம் என்ன எதிர்பார்க்கின்றன என்பது குறித்து ஒரு பட்டியலை அளித்துள்ளன.

13 விஷயங்கள் அடங்கிய அந்த பட்டியலில், அல் ஜஸீரா தொலைக்காட்சியை மூடுவது, ஒரு துருக்கி ராணுவ தளத்தை மூடிவிட்டு, இஸ்லாமிய சகோதரத்துவ அமைப்புடனான எல்லா தொடர்புகளையும் துண்டிப்பது போன்றவை அடங்கும்.
கத்தாருக்கும், வளைகுடா நாடுகளுக்கும் இடையில் பேச்சுவார்த்தை நடத்த முயற்சி செய்து கொண்டிருக்கும் குவைத் மூலம் இந்த பட்டியல் கத்தாருக்கு அளிக்கப்பட்டது.
சௌதி அரேபியா, பஹ்ரைன், ஐக்கிய அரபு எமிரேட்டுகள் மற்றும் எகிப்து ஆகிய நாடுகள், கத்தார் பயங்கரவாதத்தை ஊக்குவிப்பதாக குற்றம் சாட்டுகின்றன, இதை காத்தார் மறுத்துள்ளது.
இந்த நாடுகள் கத்தார் மீது தங்களுக்கு இருக்கும் குறைகளை பற்றிய விவரங்களை வெளியிடவில்லை என்பது புதிராக உள்ளது என்று இந்த வாரத்தின் தொடக்கத்தில் அமெரிக்க வெளியுறவு அமைச்சகம் தெரிவித்தது.

BBC


இலங்கை முஸ்லிம்களுக்கு அச்சுறுத்தலாக ஈடுபட்டுவரும் கலகொட அத்தே ஞானசார தேரர் புனித இஸ்லாமிய மார்க்கத்தை தழுவினாலும் இலங்கையில் வேரூன்றி காணப்படும் இனவாதத்தை முடிவுக்கு கொண்டுவருவது கடினமான காரியமாகும்.

இனவாதத்தை முடிவுக்கு கொண்டுவந்து முஸ்லிம்களுடைய பாதுகாப்பு, இருப்பு என்பன போன்ற விடயங்களை நிரந்தரமாக்கிக் கொள்ள முஸ்லிம் சமூகம் முன்வராத வரையில் இந்த நிலை தொடரும் என்பதில் சந்தேகமில்லை.

குறுகிய காலத்திற்குள் முஸ்லிம் அரசியலில் கால்பதிக்க வேண்டும் என சில அரசியல்வாதிகள் கட்சிகளை ஆரம்பித்து முஸ்லிம்கள் மத்தியில் இனவாத கருத்துக்களை விதைத்து சிங்கள,தமிழ் முஸ்லிம் என பாகுபாடு இன்றி ஒற்றுமையாக வாழ்ந்த சமூகங்களுக்கு இடையில் விரிசலை ஏற்படுத்தி தங்களுடைய அரசியல் அடையாளத்தை பெற முயற்சிப்பவர்களுக்கு பின்னால் தொடர்ந்து முஸ்லிம் சமூகம் தொடர்ந்தும் பயணித்தால் பயணத்தின் இறுதியில் மரணக்குழியில் விழும் நிலை ஏற்படும் என்பதில் மாற்றுக் கருத்து இல்லை.

இந்த அதிகார நோய்பிடித்தவர்கள் முஸ்லிம்கள் மத்தியில் மாத்திரம் அல்லாது தமிழ் சிங்கள மக்கள் மத்தியிலும் இருக்கிறார்கள் என்பதை யாரும் மறுப்பதற்கு இல்லை, என்றாலும் கடந்த காலங்களில் தமிழ் சமூகம் பிரிந்து நின்றதன் பாரதூரமான விளைவுகள் முஸ்லிம் சமூகத்திற்கு ஒரு பாடமாகவும் அதனால் ஏற்பட்ட அழிவுகள் சிங்கள சமூகத்திற்கு படிப்பினையாகவும் அமைந்திருக்கிறது.

சகவாழ்வு, சமாதானம் என்பவற்றை நாட்டின் மூவின மக்கள் நேசித்தாலும் அதை இனவாத கட்சிகளின் தலைமைகள் விரும்பாதவரையில், அந்த கட்சிகளை சமூகங்கள் நிராகரிக்காத வரையில் நிரந்தர சமாதானம் என்பது கனவு வார்த்தைதான் என்பதை அனைத்து சமூகங்களும் நினைவில் கொள்ளவேண்டும்.

பயங்கரவாதம் முடிவுக்கு கொண்டுவரப்பட்டதன் பின்னர் இந்நாட்டின் எதிர்கட்சி அரசியல் அர்த்தமற்று போனது என்பதே உண்மையாகும், பிச்சைக்காரனுக்கு புண் எவ்வாறானதொரு மூலதனமோ அதே போல் அரசியல்வாதிகளுக்கு சமூகங்களுக்கு இடையிலான பிளவு அவசியம் என்பதை நாம் உணர வேண்டும்.
எப்போதாவது ஆட்சி மாறும் என்ற கனவுகளுடன் இருந்த எதிர்கட்சி அரசியல் தலைவர்களில் ஒருவரான, தற்போதைய பிரதமர் அவர்களின் வழமையான சிந்தனையே ஞானசார தேரர் என்ற கடும் போக்குவாதியை உருவாக்கியது, அதன் மூலமாக சிங்கள பெரும்பான்மை மக்களை தூண்டிவிட்டு சிறுபான்மை இனத்தை சீண்டுவதனால்  இன ஐக்கியத்தை கேள்விக்குற்படுத்தி ஆட்சியை பிடிக்கலாம் என்பதும் அதற்காக துணைபோனவர்கள் அவருடைய அரசாங்கத்தில் தற்சமயம் அமைச்சர்களாக இருக்கிறார்கள் என்பதையும் முஸ்லிம் சமூகம் கவனத்தில் எடுக்க வேண்டும்.

தங்களுடைய அரசியல் அந்தஸ்தை இழக்கவிடாமல் பாதுகாக்கும் ஞானசார தேரரையும், அவருடைய அட்டகாசங்கள் அனைத்துக்கும் அனுமதி வழங்கி பாதுகாப்பவர்கள் அவருக்கு எதிராக நடவடிக்கை எடுப்பார்கள் என்று காத்துக் கிடப்பது முட்டாள்தனமாகும்.

ஞானசார தேரர் அவர்கள் தாமாகவே முன்வந்து  புனித இஸ்லாத்தை ஏற்றாலும் தற்போதைய அதே சவால்களை ஓராயிரம்ஞானசாராக்களை உருவாக்கவும் அவர்களை வைத்து இனவாதத்தை தொடரும் சிந்தனை கொண்ட அரசியல் தலைவராக ஐ.தே கட்சியின் தலைவர் ரணில் விக்கிரம சிங்க அவர்கள் இருக்கிறார்.

ரணில் விக்கிரமசிங்க என்பவர் ஒருவர் ஐக்கிய தேசிய கட்சியின் தலைவராக, அல்லது எதிர்கட்சி தலைவராக அல்லது ஆட்சியாளராக, அவர் எந்த தரப்பில் இருந்தாலும் சிங்கள தமிழ் முஸ்லிம் ஒற்றுமை இலங்கையில் மலராது என்பதை முஸ்லிம்கள் புரிந்துகொள்ள வேண்டும். அவர் அரசியல் அடையாளத்துடன் இருக்கும் வரையில் இந்த நாட்டில் இனவாதம் என்ற வாசகம், இலங்கை அரசியலில் நீடித்துக் கொண்டே இருக்கும் என்பதில் மாற்றுக் கருத்துக்கு இடமேயில்லை. அப்படிப்பட்ட ஒருவருடைய நிகழ்ச்சி நிரல்களுக்கு விலைபோன சிறுபான்மை இனவாத கட்சிகளின் தலைவர்கள் தங்களுடைய அரசியல் இருப்பே வேண்டி அவருடைய வாடி வீட்டில் குடியிருக்கிறார்கள். அப்படிப்பட்டவர்கள் யார் என்பதை முஸ்லிம் சமூகம் அடையாளம் கண்டு அவர்களை அரசியலில் இருந்து தூரப்படுத்த வேண்டும்.

அப்போதுதான் முஸ்லிம்கள் வேண்டி நிற்கும் சகவாழ்வு சமாதானம் நீடிக்கும்

அஹமட் புர்க்கான்
கல்முனை


கடந்த கால வரலாற்றில் முஸ்லிம் மக்களை அடக்கி வாழ நினைத்த விடுதலை புலிகள்  முள்ளிவாய்க்காலில் தனது தவறை உணர்ந்து விட்டனர்  அதனால் எதிர்காலத்தில்  இரு சமுதாயமும் ஒற்றுமையாக வாழ்வதேயே இன்று அவர்கள் விரும்புகின்றனர்.

அதுபோல் தான் முன்னாள் ஜனாதிபதி மஹிந்த ராஜபக்ச அவர்களின் ஆட்சி கால அலுத்கமயில் நடைபெற்ற சம்பவத்தால் கடந்த ஜனாதிபதி தேர்தலில் தனது தவறை உணர்ந்து விட்டார். அதனால் எதிர்காலத்தில் முஸ்லிம் சமுதாயத்தை பாதுகாக்க வேண்டும் அவர்களுடன் இனஐக்கியத்துடன் வாழ வேண்டும் என்று விரும்புகிறார்.

மேற்குறிப்பிட்ட இருவராலும் இனி முஸ்லிம்களுக்கு எந்த பாதிப்புகளும் ஏஏற்படாது என்பது தற்போதைய அவர்களின் நடைமுறையில் காணப்படுகின்றன அதில் சந்தேகமில்லை அதனால் இன்று நாட்டு மக்கள் விரும்பிய  நல்லாச்சி எதிர்வரும் தேர்தல்களில் மஹிந்தயின் மக்கள் ஆட்சியாக மாறும் அரசியல் நிலமையே காணப்படுகின்றன.

விடுதலை புலிகள் மற்றும் மஹிந்த ராஜபக்ச இருவரும் முஸ்லிம்கள் மூலம் தோல்வி கண்டு அனுபவம் பெற்று தற்போது செய்த தவறை நினைத்து அழுகின்றனர். இதே போன்று தான் தற்போது நாட்டில் முஸ்லிம்களை பயமுறுத்தி அடக்க வேண்டும் என்று களத்தில் இறங்கி இருக்கும் ஞானசேராவும் மிக விரைவில் முஸ்லிம் சமுதாயத்திடம் மன்னிப்பு கேட்டு அழுது கொள்ள வேண்டிய நிலை வரும்.

ஜெமீல் அகமட்

MARI themes

Powered by Blogger.