Showing posts with label article. Show all posts


ஒருபக்கம் நாட்டின் அடுத்த ஜனாதிபதியாக வேண்டும் என்ற  கனவில் சம்பிக்க  காய்களை நகர்த்தி இனவாத தீயை மூட்டிக் கொண்டிருக்கின்றார்..

மறுபக்கம் இந்தியாவில் நடந்த பல குண்டுவெடிப்புகளுன் தொடர்புடையதும், அங்கு நடந்த முஸ்லிம் மற்றும் ஒடுக்கப்பட்ட சாதிகளுக்கு எதிரான, மத மற்றும் சாதிக் கலவரங்களைத் தலைமை தாங்கியதும்,  தனது வரலாறு முழுக்க இலட்சக்கணக்கான மக்களை கொன்று குவித்துததும்.  இன்று மாடுகளின் பெயரால் ஒடுக்கப்பட்ட சாதிகளையும், முஸ்லீம்களையும், விவசாயிகளையும் சட்டம் போட்டே ஒடுக்குகின்றதும். மகாத்மா காந்தியை சுட்டுக் கொன்ற கோட்சே அங்கம் வகித்த இந்துத்துவ பாசிச அமைப்புகளான இந்துமகாசபா மற்றும் RSS (Rashtriya Swayamsevak Sangh) அமைப்புகளின் வழி வந்த  சிவசேனா என்ற அமைப்பு இலங்கையில் அதனுடைய செயற்பாடுகளை ஆரம்பித்துள்ளது.

இவ்வமைப்பின் தலைமைக் காரியாலயம் திருகோணமலையில் அமையப்பெற்றுள்ளது,  தமிழ் தேசியக் கூட்டமைப்பு உறுப்பினர் வை. யோகேஸ்வரன் சிவசேனாவுக்காக‌ வவுனியாவில் ஒரு காரியாலயத்தையும் கடந்த ஆண்டு ஒக்டோபர் 9ம் திகதி திறந்து வைத்தார். அந்த விழாவில் சிவசேனாவின் அமைப்பாளரான மறவன் புலவு சச்சிதானந்தன் கலந்து கொண்டு "இலங்கையில் வாழும் இந்துக்களை பாதுகாக்கவே சிவசேனா அமைப்பை தொடங்கினேன்" என்றார்.

இந்தியாவின் இலங்கை மீதான‌ மேலாதிக்கத்தின் அடையாளமே சிவசேனா, மத அடிப்படையிலும், சாதி அடிப்படையிலும் மக்களைப் பிரித்து மோத வைப்பதற்கு ஏற்ப, இந்தியா சிவசேனாவை இலங்கையில் தோற்றுவித்திருக்கின்றது. இந்த உண்மையை எல்லோரும் விளங்கிக் கொள்ள வேண்டும்.

நாம் முஸ்லிம்கள் மட்டுமல்ல ஒட்டுமொத்த இலங்கை வாழ் மக்கள் அனைவரும் இவ்விருவர் விடயத்தில்  மிக்க அவதானத்துடன் செயற்படவேண்டும்.

1-சம்பிக்க ரணவக்க
2-இந்தியாவுடன் கூட்டு வைத்திருக்கும் ரனில்

பாடம் எடுக்க வருபவர்களுக்கு சமர்ப்பணம்!!!

-சபூர் ஆதம்-


கண்டியில் தனது அரசியல் இருப்பை தக்கவைப்பதற்காக ஏனைய ஊர்களை தரைவார்ப்பது எவ்வகையில் நியாயமாகும் ?

அன்மைக்காலமாக பொதுபல சேனாவின் செயலாளர் ஞான சாரே தேரரின் அட்டகாசம் தலைக்கு மேல் வெள்ளமென ஆகி விட்டது

ஆனால் இவ்விடயத்தை முஸ்லிம்களின் ஏக பிரதிநிதி நான்தான் என தம்பட்டம் அடிக்கும்
ரஊப் ஹக்கிம் அவர்கள் கண்டும் காணமல் மதி மேல் பூனை போன்று மெளனம் காப்பது ஏன் ?

நாளுக்கொரு வர்த்தக நிலையமென தொடர்ச்சியாக எம் சமுக சகோதரனின் பொருளாதாரம் தீக்கிரையாகி கொண்டிருக்க இவ் வேளைவில் இரும்பை விழுங்கியவர்கள் போன்று தாங்கள் அமைத்த நல்லாட்சியிடம் நெஞ்சு நிமிந்து பேசாமல் அஞ்சியொடிங்கிய மாயமென்ன ?

இந்த அமைதியும் பொறுமையும் சென்ற அரசாங்கத்தில் இல்லாமல் கட்டுப்பாட்டை மீறியதற்கும் இந்த அரசாங்கத்தில் மெளனிக்கப்பட்டதற்கும் இடையே உள்ள
மர்மென்ன ?

ரணில் மேல் கொண்ட காதலா ?
அல்லது
வெளி நாட்டு சக்திகளின் ஏவலா ?

எங்களுக்கு அமெரிக்கா நோர்வே இஸ்ரேல் போன்ற முஸ்லிம்களை அழித்தொழிக்க துடிக்கும் நாடுகளுடன் தொடர்புடைய கட்சியான ஐ.தே.கட்சியை எமது மா தலைவர் ஆதரிக்காமல் விலகி இருந்தமைக்கான விளக்கம் இப்போதாவது விளங்குகின்றதா ?

பலஸ்தீன் லெபனான் சவுதி போான்ற நாடுகளோடு தொடர்புகளை வைத்திருந்த மஹிந்தையை தோற்கடிக்க வரிந்து கட்டிக் கொண்டு செயற்பட்டீர்களே இப்போது அதனுடைய அறுவடையை பார்த்தீா்களா ?

இந்த இனவாத அமைப்பு மஹிந்தையின் உற்பத்தியென பாமர மக்களை சூடாக்கி வாக்கெடுத்து  உங்கள் ரணிலை
ஆட்சி பீடம் ஏற்றினீரே
இப்போது உங்களால் சத்தயமிட்டுச் சொல்ல முடியுமா உற்பத்தியாளன்
யாரென்று ?

வேஷத்தை கலைத்து விட்டு வெளியெறங்கி
வாருங்கள் ஐ. நா சபையிலே நமது கலிமாச் சொன்ன ஒரு முஸ்லிம் தான் செயலாளராக இருக்கின்றார் அவரிடம் ஓடிச் சென்று அல்லாவை அவதூறு பேசுகின்றான் என்று முறைபாட்டைச் செய்யுங்கள் நீதீ தன்னால் பிறக்கும் அரசு நடவடிக்கை எடுக்கும்

உங்களால் இவர்களிடமிருந்து எந்த விமோசணத்தையும்,எங்களுக்கு பெற்றுத் தர முடியாது இதைச் செய்து எங்கள் இருப்பை காப்பாத்துங்கள்

இல்லாது போனால் நண்பனுடைய ஆட்சியை தக்க வைத்துக் கொண்டு சல்லாபம் புரியுங்கள் அதனால் கண்டியில் உங்களுக்கு வாக்கு விழும் உங்களை நம்பி வாக்களித்த எங்களின் மக்களின் வயிற்றில் அடி விழும்...

ஷா மஜிட்
கல்முனை...


இலங்கை வரலாற்றில் சிறுபான்மை மக்களான தமிழ், முஸ்லிம் மக்களை இலக்காக வைத்து பெரும்பான்மையினரால் மேற்கொள்ளப்பட்ட பல அடாவடித்தனங்கள் மறக்க முடியாத கறையாக படிந்த வரலாற்றைக் கொண்டவை.
முஸ்லிம் மக்களை இலக்காக வைத்து நடத்தப்பட்ட தாக்குதல்களில் அளுத்கமை, பேருவளை சம்வங்களே அனேகமானோரின் மனதில் இன்னும் ஊசாலாடுகின்றன.

எனினும், வரலாற்றில் பல இடங்கலில் இவ்வாறான சம்பவங்கள் நிறையவே இடம்பெற்றுள்ளன என்பது சிலருக்கு தெரிந்தும் மறந்து போன உண்மைகளாகும்.
அதிலும் குறிப்பாக முஸ்லிம்கள் செறிந்து வாழும் மாவனல்லை நகரில் 2001 மே மாதம் முதலாம், 2ஆம் திகதிகளில் மேற்கொள்ளப்பட்டிருந்த அடாவடிகள் ஓட்டுமொத்த இலங்கை வாழ் முஸ்லிம்களினதும் “கறுப்பு மே’ தினமாக அடையாளப்படுத்தப்படுகின்றன.
இன்றுடன் 16 வருடங்களைப் பூர்தியடைந்துள்ள மாவனல்லை இனக்கலவரம் முஸ்லிம்களின் பொருளாதாரத்தை ஓடுக்குவதற்காக சிங்கள பேரினவாதிகளினால் மேற்கொள்ளப்பட்ட திட்டமிட்ட சதியாகும்.

பொதுபல சேனா அமைப்பின் பொதுச் செயலாளர் ஞானசார தேரரின் அடாவடி வார்த்தைகளின் விளைவாக அளுத்கம – பேருவளை நகரம் எவ்வாறு தீக்கரையானதே. அதேபோன்று 15 வருடங்களுக்கு முன்பு சோம தேரர் என்பரின் இனவாதக் கருத்துக்கள் மாவனல்லைக் கலவரத்துக்கு வித்திட்டது என பலரும் அப்போது சுட்டிக்காட்டியிருந்தனர்.
திட்டமிட்ட கலவரம்

பலவருடகால முயற்சியினால் பேருவளையில் பொதுபல சேனாவினால் அரங்கேற்றப்பட்ட கலவரம் போன்று, 1998ஆம் ஆண்டு முதல் மாவனல்லையிலும் சிங்கள தேசிய வாத அமைப்புகள் எவ்வாறாயினும் கலவரம் ஒன்றை ஏற்படுத்தி முஸ்லிம்களை அடக்கி ஒடுக்க வேண்டும் என்ற முயற்சிகள் அவ்வப்போது இடம்பெற்று வந்தன.
இதன் விளைவுகளினால் 2001 மே மாதம் மாவனல்லையிலும் தீ பற்றியது.
இன்றைக்கு கலகொட அத்தே ஞானசார தேரரைப் போன்று அன்று கங்கொடவில சோம தேரர் என்பவர் பிரபல சிங்கள தேசியவாதக் கொள்கையுடையவராக முஸ்லிம்களினால் இனங்காணப்பட்டார்.

அவர் 1999. 09.27ஆம் திகதி இரவு டி.என்.எல். நிகழ்ச்சி யயான்றில் கலந்து கொண்டி முஸ்லிம்களுக்கு எதிரான பல்வேறு விதமான கருத்துக்களை தெரிவித்திருந்தார். “மாவனல்லை, பேருவளை மற்றும் கிழக்கின் பெரும் பகுதிகளில் ஜிஹாத் அமைப்புகள் இருக்கின்றன. அது தவிர புத்தளத்தில் பள்ளிவாயல் ஒன்றில் ஆயுதக் கிடங்கொன்று இருக்கின்றது” என அதிர்ச்சிகரமான தகவல்களைத் தெரிவித்து சாதாரண சிங்கள மக்களை குழுப்பத்துக்குள்ளாக்கியிருந்தார்.

இதனால் மாவனல்லையில் சிங்கள தேசியவாதம் சற்று தலைதூக்க ஆரம்பித்ததுடன் பலர் இதன் வழியில் வழிநடத்தப்பட்டனர். அப்போது மாவனல்லை நகரில் ஆணி வேராக ஊண்றியிருந்த முஸ்லிம் மக்களின் அதிகாரத்தை துடைத்தெறிய வேண்டும் என்ற நிலைப்பாட்டில் பலர் இயங்கத் தொடங்கினர்.
இதன் காரணமாக மாவனல்லையில் அடிக்கடி திட்டமிட்ட சதித் திட்டங்கள் அரங்கேற்றப்பட்டு வந்துடன் முஸ்லிம்களை வலிச்சண்டைக்கு இழுக்கும் பல சம்பவங்கள் பதிவாகியிருந்தன.
அதில் சில வருமாறு,

1998.10.18- ஹிங்குலோயா ஜும்மா பள்ளி கதீப் மெளலவி சாலிஹ் ஓவத்தையிலிருந்து வரும் போது நாதெனிய பாலம் அருகில் 3 சிங்களவர்களினால் தாடியைப் பிடித்து இழுத்து தாக்கப்பட்டதுடன் அவரின் ஆடையும் கிழிக்கப்பட்டது.

2000.01.06 – இ.போ. ச.வில் மோற்பார்வையாளராக கடமையாற்றி வந்த ராஸிக் என்ற சகோதரர் சக ஊழியர்களினால் கடுமையாக தாக்கப்பட்டார்.
2000.04.24 – ஹபீழ் என்பவருக்கு சொந்தமான சிட்டி கொம் கொமியுனிகே­ன் அடித்து நொறுக்கப்பட்டது.
2000.08.12 – கடலை வியாபாரி அத்தாப் என்பவருக்கு நகரில் வியாபாரம் செய்யாது தடுக்க மிரட்டல் விடுக்கப்பட்டதுடன், அவரின் கடலை வண்டியும் உடைக்கப்பட்டது.

2000 ஆண்டு ஹஜ் பெருநாள் தின இரவு பழவியாபாரி ராஸிக் என்பவரை தம்மிடம் பழம் கொள்வனவு செய்வதில்லை எனக் கூறி தாக்கியதுடன் அவரின் கடைக்கும் சேதம் விளைவித்திருந்தனர்.
2000.11.29 – “சிட்டி பொயின்ட்” ஜவுளிக் கடை உரிமையாளர் முபாரக் ஹாஜியார் இந்தியா சென்றிருந்தபோது, கடைக்குள் புகுந்த காடையர்கள் வஸீர் என்பவரை தாக்கியதுடன் கடையையும் அடித்து நொறுக்கியிருந்தனர்.
2000.12.20 (நோன்பு 24) – பஸ் தரிப்பிட நிலையத்தில் வைத்து கபூர் என்ற சகோதரரை தாக்கி, தொப்பியை சேற்றில் வீசி ஏறிந்து காலால் மித்தனர். இதனைத் தட்டிக் கேட்ட முன்னாள் பொலிஸ் அதிகாரி ஹாமீம் என்பவரின் கழுத்தை காடையர்கள் வெட்டினர். பின்னர் அவர் உயிர்பிழைத்தார்.

“”முஹம்மதியா நைட் ஹோட்டலில்” கடனுக்கு சிகரட் கேட்டு கொடுக்காத உரிமையாளர் தாக்கப்பட்டதுடன் கடையும் உடைக்கப்பட்டது. அன்று முதல் அக்கடை மூடப்பட்டது.
மற்றுமொரு நைட் ஹோட்டலில் கொழும்பிலிருந்து வந்த முஸ்லிம் பிரயாணிகள் சிலர் உணவருந்தும் போது கேலி செய்து வம்புக்கு இழுத்த காடையர்கள் அவர்களின் வானின் முன் கண்ணாடியை அடித்து நொறுக்கி துரத்தியடித்தனர்.

முஸ்லிம் வியாபார நிலையங்கள், முச்சக்கர வண்டி சாரதிகளிடமும் கப்பம் பெறப்பட்டு வந்தது. அத்துடன் பொது இடங்களில் முஸ்லிம் பெண்களை அவமானப்படுத்தும் முயற்சிகளும் பர்தா இழுத்த சம்பவம்களும் நிறையவே பதிவாகியிருந்தன.
இவ்வாறான அனைத்து சந்தர்ப்பங்களின் போதும் முஸ்லிம் தரப்பினர் பாரதூரமான விளைவுகள் ஏற்படும் என அஞ்சி அடங்கிப் போனார்கள். இந்தச் சம்பவங்கள் தொடர்பில் பொலிஸில் முறைப்பாடு செய்தது தவிர அவர்கள் வேறு வழிகளை நாடவில்லை.

எனினும், சிங்கள தேசியவாதப்பிடியில் சிக்கியிருந்த சில உள்ளூர் அரசியல்வாதிகளின் அனுசரனையினலேயே இவ்வாறான சம்பவங்கள் இடம்பெறுகின்றமையினால் பொலிஸார் இதற்கெதிராக நடவடிக்கை எடுக்காது சற்றுப் பின்வாங்கியிருந்தனர்.
சட்டத்தையும் ஒழுங்கையும் நிலை நாட்ட வேண்டிய பொலிஸாரே இவ்விடயத்தில் பின்வாங்குகின்றமையினால் அவர்கள் மீது வைத்திருந்த நம்பிக்கையை முஸ்லிம்கள் இழந்திருந்தனர்.

இந்நிலையில், 2001 ஏப்ரல் 30 ஆம் திகதி இடம்பெற்ற ஓர் சம்பவத்தினால் முஸ்லிம் மக்கள் பொறுமை இழந்து நியாயம் கோரி பாதை இறங்க வேண்டிய நிலை ஏற்பட்டது. சந்தர்ப்பத்தை பயன்படுத்திக் கொண்ட இனவாதிகள் இணங்கி வாழ்ந்த மக்களிடையே பிணக்கை தூண்டி விட்டு வேடிக்கைப் பார்த்தனர்.
பொறுமைக்கும் ஓர் எல்லை உண்டு என்பார்கள். காடையர்களின் அட்டகாசத்துக்கு முடிவு கட்ட வேண்டும்! பொலிஸாரின் அசமந்தப் போக்கை இல்லாது செய்ய வேண்டும்! பாதிக்கப்பட்ட முஸ்லிம் தரப்பினருக்கு நியாயமான தீர்வு கிடைக்க வேண்டும்! என்ற நிலைப்பாட்டில் முஸ்லிம் மக்கள் உறுதியாக இருந்தனர்.
நடந்தது என்ன?

முஸ்லிம்களின் பொருளாதாரம் தலைதூக்கக் கூடாது, மாவனல்லை நகரில் அம்மக்களுக்குள்ள அதிகாரத்தை இல்லாது செய்ய வேண்டும் என்ற இலக்கை அடைவதற்காக அடியாட்களாக பயன்படுத்தப்பட்ட காட்டு மிராண்டிகள் சிலர் 2001 ஏப்ரல் 30 திகதி இடம்பெற்ற சம்பவத்தைப் போன்ற ஒரு தருணத்துக்காகவே காத்திருந்தனர்.
அதாவது திங்கட் கிழமை வழமைக்கு மாறாக மாவனல்லை நகரில் ஜன நடமாட்டம் குறைவாகவே காணப்பட்டது. நளைய தினம் (மே 1) விடுமுறை தினம் என்பதால் இந்நிலை காணப்பட்டதுடன் வியாபாரமும் சற்று மந்த கதியிலேயே இடம்பெற்றது.
இருப்பினும், ஒருவாரகால மதுபானசாலை மூட வேண்டியிருந்தமையினால் அங்கு மாத்திரம் கூட்டம் களைக்கட்டியது. இதில் மூக்கமுட்ட குடிபோதையில் வந்த சில காடையர்கள் வழமைப் போன்று முஸ்லிம் கடைகளில் கப்பம் பெற்று வந்தனர். இவ்வாறு, பஸ் தரிப்பிடத்துக்கு முன்பிருக்கும் 24ஆம் இலக்க ஹோட்டலுக்குள்ளும் புகுந்தனர்.

வியாபார மந்தகதியில் இருந்தமையினால் இரவு 8.45 மணியளவில் ஹோட்டலை மூடும் நோக்கில் அவசரமாக ஊழியர்கள் உட்டபட உரிமையாளர்கள் விருவிருப்பாக இருந்தனர். இந்நிலையில், காடயர்கள் 100 ரூபா கப்பம் தருமாறு உரிமையாளரிடம் பயமுறுத்தினார். இதற்கு அவர் “” இன்று வியாபாரம் இல்லை தர முடியாது…” என்று கூற வந்த காடயனில் ஒருவன் “”தம்பிலா… ஹிடபங்கோ…’ என்று முனுமுனுத்தவாறு 20 ரூபாவை ஹோட்டல் உரிமையாளரின் முகத்தில் எறிந்து கோல்ட் லிப் சிகரட் ஒன்றைக் கேட்டுள்ளார்.

இதற்கு “”கோல்ட் லிப் இல்லை பிரிஸ்டல் தான் உள்ளது” என ஹோட்டல் உரிமையாளர் கூறவே “”அதைத்தா…” என்று கேட்டுள்ளனர். பின் சிகரட்டை கொடுத்து விட்டு மீதிப்பணத்தை கொடுக்கும் போது ஹோட்டல் உரிமையாளருக்கு தூ­ன வார்த்தைகளால் மீண்டும் ஏசத்தொடங்கிய காடையர்களைப் பார்த்து ஹோட்டல் உரிமையாளர் “”ஏன் எதற்காக ஏசுகிறீர்கள்…” என்று கேட்டுள்ளார்.

இதற்கு அவர்கள் ஹோட்டல் உரிமையாளரைத் தாக்கத் தொடங்கியதுடன் அவரைபாதுகாக்க வந்த சக ஊழியர்கள் இருவரையும் கடுமையாகத் தாக்கத் தொடங்கியதுடன் ஹோட்டலையும் அடித்து நொறுக்கியுள்ளனர்.
அத்தோடு நிறுத்தி விடாது உரிமையாளரை மாவனல்லை நகர மத்தியில் அமைந்துள்ள மணிக்கூண்டு கோபுரத்துக்கு முன் இழுத்துச் சென்று அங்கு அவரை கம்பியயான்றில் கட்டி வைத்து பெரும் திரளான மக்கள் மத்தியில் அடித்து சித்திரவதை செய்தனர். வீறாப்பான தொனியில் “”முடியுமாயின் எந்த முஸ்லிமாவது இவனை காப்பாற்றி அழைத்துச் செல்லு..” என்று சவால்விட்டதுடன் அவரின் முகத்தில் கத்தியால் வெட்டியிமுள்ளனர்.

சம்பவ இடத்துக்கு விரைந்த பொலிஸார் அவரை வைத்தியசாலையில் அனுமதித்துடன் இந்தச் சம்பவம் தொடர்பில் பெரிதாக அலட்டிக் கொள்ளவில்லை.
இவ்வளவு காலமும் அடக்குமுறைகளுக்கு உட்படுத்தப்பட்ட எம்மை இனியும் ஒடுக்க முடியாது. இந்தச் சம்பவம் தொடர்பில் பொலிஸார் நியாயமான விசாரணையை மேற்கொள்ள வேண்டும்!
2001 மே முதலாம் திகதி மாலை ஆகியும் பொலிஸார் குற்றவாளிகளை கைது செய்யாமைக்கு எதிர்ப்புத் தெரிவித்து பஸ் தரிப்பிடத்துக்கு முன்னாள் முஸ்லிம்கள் ஒன்று திரண்டனர்.
இந்தவிடயத்தை திரிவு படுத்தி “முஸ்லிம்கள் சிங்களவர்களை தாக்க ஆயத்தமாவதாகவும், தாய் நாட்டை பாதுகாக்க சிங்களவர்கள் ஒன்றிணையுமாறும்’ சிங்கள தேசியவாதிகள் சாதாரண மக்களிடையே செய்திகளைப் பரப்பியிருந்தனர். இதில் சிலர் முஸ்லிம்கள் கூடியிருந்த தினத்தன்று அவர்களும் நகரில் கூடியிருந்தனர்.

எனினும், அவ்விடத்துக்கு வந்த பொலிஸார் நாளைய தினம் (மே 2) காலையாவதற்கு முன்னர் சந்தேகநபர்கள் கைது செய்யப்படுவார்கள் என்று முஸ்லிம்களிடம் வாக்குறுதி வழங்க இரு தரப்பினரும் கலைந்து சென்றிருந்தனர்.
எனினும், குற்றவாளிகளே தலைமறைவாகியிருந்தமையினால் இந்தச் சம்வத்துடன் தொடர்புடைய எவரையும் பொலிஸார் கொடுத்த வாக்குறுதிக்கமைய கைது செய்ய முடியாது போனது.

இந்நிலையில், 2001 மே 2 ஆம் திகதி பொலிஸார் கூறிய படி நடப்பதாகத் தென்படவில்லை. எனவே பொலிஸார் நியாயமாக நடக்க வேண்டும் என்பதை வலியுறுத்தி அமைதியான போராட்டம் ஒன்றை முன்னெடுக்க முஸ்லிம்கள் பஸ்தரிப்பிடத்தில் ஆயத்தமாகியிருந்தனர்.
இந்நிலைமையயை சரியாக பயன்படுத்திய சிங்கள தேசியவாதிகள் மயூரபாத பாடசாலைக்கு (நகரில் அமைந்துள்ள சிங்களப் பாடசாலை) பின்புறமான ஒதுக்குப்புற பகுதியில் ஆயுதங்களுடன் சிலரை தயார்படுத்தி வைத்திருந்துள்ளதுடன் பல இடங்களிலும் சிங்களவர்கள் தாக்குதலுக்கு தயாராகுமாறு தகவல்களை பரிமாற்றிக் கொண்டுள்ளனர்.

இதற்கிடையில் நகர மத்தியில் முஸ்லிம்கள் கூடியிருந்த இடத்திலிருந்த பெளத்த சிலையை பேரினவாதி ஒருவர் தாக்கி விட்டு ஓட இதனை முஸ்லிம்கள் தான் செய்தார்கள் என்று சிங்களவர்கள் மத்தியில் பரப்பி அவர்களை குழப்பி கலவரத்தை தூண்டி விட்டனர்.
எதுவுமறியாது நகரில் கூடியிருந்த முஸ்லிம்கள் மீது திடீர் என பொலிஸார் தூப்பாக்கிச் சூடு நடத்த அவர்களுடன் இணைந்து பெரும்பான்மை மக்களும் தாக்க ஆரம்பித்தனர்.
இதற்கிடையில் முஸ்லிம்களின் கடைகளை அடித்து நெறுக்கும் வேட்டையில் இறங்கிய இனவாதிகள், தீ வைத்தும், கொள்ளையடித்தும் முஸ்லிம்களின் பொருளாதாரத்தை சூறையாடும் படலத்தை பொலிஸாரின் எதிரிலேயே அரங்கேற்றினர்.

தங்களுடைய உடமைகளைப் பாதுகாத்துக்கொள்வதற்காக முஸ்லிம்களும் தற்பாதுகாப்பில் இறங்கினர். மாவனல்லை நகரில் ஏற்பட்ட தாக்கம் வேகமாக அரநாயக்க, திப்பிட்டிய, யஹம்மாத்துகம, கனேத்தன்ன, பத்தாம்பிட்டிய போன்ற பகுதிகளுக்கும் பரவத் தொடங்கியது.
இதனால் முஸ்லிம் மக்களின் இருப்பு தடுமாறியது மாத்திரமல்லாது பொருளாதாரமும் கேள்விக்குறியாகியது.

ஆட்டம் கண்ட அரசு

ஒரு சில மணித்தியாலங்களுக்குள் இச்சம்பவம் இலங்கை மாத்திரமல்லாது உலகம் நாடுகளினதும் கவனத்துக்கு கொண்டு செல்லப்பட்டது.
இதனால் அப்போதைய சந்திரிகா அரசு இதனை தடுப்பதற்கான அதிரடி நடவடிக்கைகளில் இறங்கியது. விசேட பொலிஸ் குழு கொழும்பிலிருந்து அனுப்பப்பட்டதுடன். முழு நேர ஊரடங்குச் சட்டம் அமுலாக்கப்பட்டு இராணுவத்தினரின் கட்டுப்பாட்டுக்குள் மாவனல்லை நகரம் கொண்டு வரப்பட்டு சுமுகமான நிலை ஏற்படுத்தப்பட்டது.

அது மட்டுமல்லாது உடனடியாக நாடாளுமன்றம் கூட்டப்பட்டதுடன் விசேட கலந்துரையாடல்களும் இடம்பெற்றன. ஜனாதிபதி நாட்டு மக்களுக்கு நேரடி விசேட உரையயான்றை நிகழ்த்தி அமைதியையும், நல்லிணக்கத்தையும் வலியுறுத்தியிருந்தார்.

இதேவேளை, ரவூப் ஹக்கீம், பெளசி உள்ளிட்ட முஸ்லிம் அரசியல் தலைமைகள் பாதிக்கப்பட்ட பகுதிகளுக்கு விரைந்து மக்களுக்கு பக்கபலமாக இருந்ததுடன், ஆறுதல் வார்த்தைகளையும் கூறியிருந்தனர்.
அத்தோடு பாதிக்கப்பட்ட மாவனல்லை மக்களுக்காக கிழக்கு மாகாணத்தில் ஹர்த்தால் அனுஷ்டிக்கப்பட்டதுடன் பிற பகுதிகளில் ஆர்ப்பாட்டங்கள் செய்யவும் முனைந்தனர். பாதிக்கப்பட்ட மக்களுக்காக பல பகுதிகளில் விசேட துஆ பிரார்த்தனைகள், நோன்புகள் என்பன நிறைவேற்றப்பட்டன. இதனை இன்றும் மாவனல்லை மக்கள் நன்றியுடன் நினைவு கூருகின்றனர்.
உள்நாட்டு பத்திரிகைக்கு நிகராக வெளிநாட்டு பத்திரிகைளிலும் இச்சம்பவம் திரைப்போட்டுக்காட்டப்பட்டன. இதனால் இங்கிலாந்து , ஆஸ்திரேலியா உள்ளிட்ட பல நாடுகளில் ஆர்ப்பாட்டங்கள் முன்னெடுக்கப்பட்டிருந்துடன், இதற்காக பல நாடுகளும் குரல் கொடுத்திருந்தன.
இதனால் அரசு இந்தச் சம்பவம் தொடர்பில் விசேட கவனம் செலுத்தி நியாயமான விசாரணையொன்றை முன்னெடுக்கவும், பாதிக்கப்பட்ட மக்களுக்கான நிவாரணங்களை வழங்கவும், இழப்பீடுகளை வழங்கவும் முன்வந்தது.

ஈடுசெய்ய முடியா இழப்புக்கள்
முஸ்லிம்களின் பொருளாதாரத்தை ஓடுக்க வேண்டும். நகரில் அவர்களிடமுள்ள அதிகாரத்தை இல்லாது செய்ய வேண்டும் என்ற காரணங்களினால் பல வருடங்களாக பின்னப்பட்ட சதி வலையினால் சிக்குண்ட மாவனல்லை மக்கள் இதனால் அடைந்த இழப்புக்களே ஏராளம்.
துப்பாக்கிச் சூட்டினால் 20 மேற்பட்ட முஸ்லிம்கள் காயங்களுக்குள்ளானதுடன் ஒருவர் மரணமடைந்திருந்தார். அது தவிர பல முஸ்லிம்கள் பொய்க் குற்றச்சாட்டில் சிறைப்பிடிக்கப்பட்டு பின்னர் விடுவிக்கப்பட்டிருந்தனர்.
மாவனல்லை நகர் இனவாதிகளின் அட்டூழியத்தினால் சூறையாடப்பட்டதுடன் தீக்கரையாக்கபட்டிருந்தது. அதில் நவீன பெற்றோல் செட், இரு வரவேற்பு மண்டபம், அரிசி ஆலை இரண்டு, இறப்பர் தொழிற்சாலை ஒன்று, இரு ஆடைத்தொழிற்சாலைகள் என 150க்கு மேற்பட்ட வியாபார நிலையங்கள் எரித்து நாசமாக்கப்பட்டன. அதில் 120க்கு மேற்பட்டன முஸ்லிம்களுடையதாகும்.
இதனால் கோடிக்கணக்கான இழப்புகள் ஏற்பட்டன. அப்போது வெளிவந்த சஞ்சிகையயான்றில் சுமார் 30 கோடிக்கு மேல் சொத்துக்கள் அழிக்கப்பட்டிருந்தன என தெரிவிக்கப்பட்டிருந்தது.
மேலும், கனேதன்ன ஜும்ஆப் பள்ளி உட்பட இரு பள்ளிகள் பலத்த சேதங்களுக்கு உள்ளாக்கப்ட்டதுடன் அங்கிருந்த குர்ஆன் பிரதிகள் எரித்து சாம்பலாக்கப்பட்டதுன், பள்ளி தண்ணீர் (ஹவ்ஸு) தாங்கியில் சிறுநீர் கழிக்கப்பட்டு இழிவு படுத்தப்பட்டன. அது தவிர அப்பள்ளிவாசல்களில் இருந்த வரலாற்று சிறப்புமிக்க ஆதாரங்கள் அழிக்கப்பட்டிருந்தமைக் குறிப்பிடத்தக்கது.
இது தவிர சிங்கள கிராம எல்லைகளில் அமைந்துள்ள பள்ளிவாசல்கள் பல தாக்குதல்களுக்கு உள்ளாகியிருந்தன.
இறுதியில் இந்த கலவரத்தினால் முஸ்லிம்கள் பல விதத்திலும் பெரிதும் பாதிக்கப்பட்டனர். எதிர்காலம் கேள்விக்குறியுடன் நோக்கப்பட்டது. எனினும் சந்திரிக அரசு அழிக்கப்பட்ட சொத்துக்களுக்கு நியாயமான இழப்பீட்டை வழங்கி ஆறுதல் படுத்தியிருந்தது.
தீயிலிருந்து மீண்டெலுந்த மாவனல்லை
கலவரம் ஓய்வுக்கு வந்த பின்னர் சுடுகாடாக காட்சியழித்த மாவனல்லை நகர் மீண்டும் தலை தூக்காது என்ற எண்ணத்தில் சிங்கள பேரிணவாதிகள் பெருமூச்சு விட்டனர்.
எனினும், அம்மக்களின் நம்பிக்கை விடாமுயற்சியினால் 15 வருடங்கள் கடந்துள்ள நிலையில் அந்நகர் இரட்டிப்பி அபிவிருத்தியடைந்துள்ளதுடன் அன்று முகவரியற்றதாக்கப்பட்ட நிறுவனங்கள் இன்று கொடிகட்டிப்பறக்கின்ற நிலை உருவாகியுள்ளது.
அது தவர அனைத்து வசதிகளையும் கொண்ட நவீன அபிவிருத்தியடைந்த நகராக அது தற்போது விஸ்வரூபம் எடுத்துள்ளது.
அன்று பல கசப்பான உணர்வுகளை அனுபவித்த அம்மக்கள் இன்று அதன் மூலம் படிப்பினைகளைப் பெற்றுள்ளனர்.பொருளாதாரத்துக்கு வழங்கப்பட்ட முன்னுரிமையை விடவும் கல்விக்கு முன்னுரிமைக் கொடுக்கக் கூடியவர்களாக அவர்கள் தற்போது காணப்படுகின்றனர். அதனை பறைசாட்டும் வகையில் கடந்த காலங்களில் மாவனல்லையில் பிரதான மூன்று பாடசாலைகள் கல்வியிலும் ஏனைய துறைகளிலும் அடைந்துள்ள முன்னேற்றம் காட்டுகின்றது.
கலவரத்துக்குப் பின்னர் மாவனல்லை முன்னர் இருந்த ஊர்வாதம் நீங்கப்பட்டுள்ளதாக அப்பகுதியைச் சேர்ந்த ஒருவர் தெரிவித்திருந்தார்.
பிளவுபட்ட சிங்கள – முஸ்லிம் உறவை மீண்டும் கட்டியயழுப்ப பல அமைப்புக்கள் தோற்றம் பெற்றதுடன், முஸ்லிம்களுக்குள்ளும் சமூக புரட்சி ஒன்று ஏற்பட்டது எனலாம்.
இவர்கள் இப்படிச் சொன்னார்கள்!
“”அண்மையில் இடம்பெற்ற மாவனல்லை வன்முறைச் சம்பவம்கள் தீடீரென ஏற்பட்ட சம்பவம்கள் எனக்கூற முடியாது. இவை சில சக்திகலாள் திட்டமிட்டு செய்யப்பட்டதாகவே எண்ணத் தோன்றுகிறது”
அப்போதைய ஜனாதிபதி சந்திரிக்கா (வீ/ரி 6.5.2001)
“”……. சம்பவம்கள் திட்டமிட்ட அடிப்படையிலேயே நடந்திருக்கின்றன. எனவே, இதில் சம்மந்தப்பட்ட யாராக இருந்தாலும், அமைச்சராக இருந்தாலும், அவர்களுக்கு எதிராக கடும் நடவடிக்கை எடுக்க வேண்டிய கடப்பாடு அரசுக்கு உண்டு”
அமைச்சர் ரவூப் ஹக்கீம்(வீ/ரி 7.5.2001)
பொலிஸார் தங்களுடைய கடமைகளை பொறுப்புடன் செய்யத் தவறியதாலேயே மாவனல்லையில் கலவரங்கள் மோசமடைந்தன”
அமைச்சர் அலவி மெளலானா (தி/ன் 03.5.2001)
அன்று போல் இன்றும் மீண்டும் இனவாதிகளின் இலக்காக மாறியுள்ள மாவனல்லை நகரில் பல திட்டங்களை அமுல்படுத்த முற்பட்ட போதிலும் சிங்கள புத்திஜீவிகளின் முயற்சியினால் அவை தோற்கடிக்கப்பட்டு வருகின்றமை மீண்டும் இவ்விரு இனங்களுக்குமிடையில் புரிந்துணர்வு ரீதியிலான உறவு கட்டியயழுப்பப்பட்டுள்ளதை எடுத்துக்காட்டுகின்றது.
தற்பொழுதும் முஸ்லிம்களும் சிங்கள சகோதர மக்களும் மாவனல்லையில் மிக ஒற்றுமையுடனும் புரிந்துணர்வோடும் வாழ்ந்து வருகின்றனர்.
பிரச்சனைகள் உருவாக்கப்பட்ட பின்னர் அதனை தனிக்க கூட்டம் கூடி சுவைமிக்க கருத்து தெரிவிப்பதை விட அச‌ம்பாவிதங்கள் நடைபெற முன்னர் இன ஐக்கியத்தை வலியுறுத்தும் கருத்தரங்குகள் , கலந்துரையாடல்கள், வேலைத்திட்டங்கள், வழி காட்டல் நிகழ்ச்சிகள் நடாத்தபப்படுவது கட்டாயமாகும். பாடசாலை மாணவர்கள் மத்தியில் விழிப்பூட்டல் வழிகாட்டல் நிகழ்ச்சிகள் மிகத்தேவையானதாகும் .
நாட்டின் நிலைமையும் ஓரளவிற்கு முன்னைய காலங்களை விட தற்பொழுது சற்று சுமுகமா காணப்படுகின்றது. தற்போது மாவனல்லை மஸ்ஜித்களின் சம்மேளனம், மாவனல்லை பொலிஸ் நிலையப் பொறுப்பதிகாரி, கேகாலை சிரேஷ்ட பொலிஸ் அதிகாரி மற்றும் பௌத்த சகோதரர்கள், புத்திஜீவிகள் ஆகியோர் இணைந்து மாவனல்லை மக்கள் நட்புறவு மன்றம் என்ற பெயரில் அமைப்பொன்றினை தோற்றுவித்துள்ளனர்.
இன முரன்பாடுகளை கட்டுப்படுத்துவதற்கு இதுபோன்ற‌ ஆக்கபூர்வமான நடவடிக்கைகளை மேற்கொள்வது இன்றியமையாததாகும். எனினும் இவ்வேலைத்திட்டங்கள் எல்லா மட்டங்களிலும் குறிப்பாக மாவனல்லையைச் சூழவுள்ள எல்லாப் பகுதிகளிலும் கூட்டாகவும் தனித்தனியாகவும் நடை பெற வேண்டும்.
மாவனல்லை மக்கள் நட்புறவு மன்றம் என்ற இந்த அமைப்பு மாவனல்லையில் எதிர்காலத்தில் ஏற்படக்கூடிய மத ரீதியான இனக் கலவரமொன்றினைத் தடுப்பதற்கான நடவடிக்கைகளை இவ்வமைப்பு மேற்கொண்டு வருகின்றமை குறுப்பிடத்தக்கது.
-ராயிஸ் ஹஸன்-


(ஹமிட் சுலைமாலெப்பை)

தமிழ் மக்களுடைய விடுதலைப் போராட்டம் முஸ்லீம்கள் மீது சுமத்தியுள்ள கசப்பான அனுபவங்களை துடைப்பவர் யார் ? காலத்தின் தேவை கருதி கொழும்பு சட்டக்கல்லூரி  மாணவர்களால் வருடாந்தம் நடாத்தப்படும் சட்ட மாணவர் தமிழ் மன்ற விழா 2008 யில் நீதிமுரசு மலரில் வெளியிடப்பட்ட முஸ்லிம்கள் குறித்த கட்டுரை  வடகிழக்கு மாகாணங்கள் இணைக்கப்படவேண்டும் என்றும். பிரிந்தே இருக்க வேண்டும் என்றும் வாதப் பிரதிவாதங்கள்    எழுந்து கொண்டு இருக்கும் இக்காலத்தில் பகிர்வது பொருத்தமானதாக இருக்கும்என்று கருதி இங்கே பதிவிடுகிறேன்.
நன்றி தலித்தியம்
======
தற்போதைய பேச்சுவார்த்தை முயற்சிகளின் போது முஸ்லிகளுக்கு தமிழ்த் தேச போராட்டத்தின் தரப்பில் இருந்து வழங்கப்படவேண்டிய உத்தரவாதங்கள் நிறையவே இருக்கின்றன. தமிழ் தேசத்தரப்பில் கடந்த காலங்களில் முஸ்லிம்களுக்கு இழைக்கப்பட்ட அநீதிகள் குறித்து ஒரு மீள்பார்வையை இந்த நேரத்தில் செய்வதானது அந்த உத்தவாதங்களின் தேவைகளை உறுதிப்படுத்துவனவாக அமையும் என்று நம்புகிறோம்.

வடக்கு கிழக்கு மாகாகணங்களில் காணப்படும்; ஒரு விசேட அம்சம் தமிழ் கிராமங்களும், முஸ்லீம் கிராமங்களும் ஒரு தொடராக இல்லாது ஒன்றுடன் ஒன்று கலந்து காணப்படுவதாகும். முஸ்லீம்கள் உரிமை கொண்டுள்ள விவசாய நிலங்களில் பெரும்பாலானவை தமிழர்களின் கிராமங்களை அடுத்தே காணப்படுகின்றன. குடிசனப்பெருக்கம் காரணமாக குடியிருப்புக்காணி நிலம் போதாதிருப்பதும்; விஸ்தரிப்புக்கான இடம் இல்லாதிருப்பதும், கிழக்கு மாகாண முஸ்லீம்கள் எதிர்நோக்கும் ஒரு பாரிய பிரச்சனையாகும்.

நிலப்பற்றாக்குறைப் பிரச்சனை தீவிரமடைந்தமையால் தங்களது பகுதிகளும் வியாபிப்புக்கு உட்படுத்தப்படலாம் அல்லது ஆக்கரமிக்கப்படலாம் என்ற அச்சம் இரு சமூகங்களுக்கிடையேயும் சந்தேகத்தையும் நெருக்கடியையும் அதிகரிக்கச் செய்திருந்தது. இது குறித்த சமூகப், பொருளாதார நிலைமை காரணமாக இரு சமூகங்களுக்குமிடையே புதிய விதிமுறைகள் தோன்றலாயின. இவ்விதிகளும்,; கட்டுப்பாடுகளும் பல நூற்றாண்டுகாலமாக ஒற்றுமையாக வாழ்ந்து வந்த இரு சமூகங்களும் தற்போது தமது தனித்துவத்தையும் இனத்துவ உரிமைகளையும் பிரத்தியேகமாகப் பேணி பாதுகாக்க முனைந்து நிற்பதைத் தெட்டத் தெளிவாக எடுத்துக் காட்டுகின்றன.

வடக்கு கிழக்கு மாகாண முஸ்லீம்களது முந்திய தலைமுறைகளின் தொழில் பெரும்பாலும் விவசாயமாக இருந்ததுடன் சிறிதளவு மீன்பிடியுடனும் வியாபாரத்துடனும் தொடர்புடையதாகவே இருந்தது. இலவச கல்விமுறையினதும் நெல்லுக்கான உத்தரவாத விலைத்திட்டதினதும் அறிமுகங்களின் பின்னர் கிழக்கு மாகாண முஸ்லிம்களது கல்வி நிலைமையும் பொருளாதார நிலையும் கணிசமான அளவு முன்னேற்றம்; கண்டன.

முஸ்லீம்களுக்களிடையே பல்கலைக்கழகப் பட்டதாரிகள், நடுத்தர அரச உத்தியோகத்தர்கள்; டாக்டர்கள், பொறியியலாளர்கள், கணக்காளர்கள், சட்டவல்லுனர்கள், தொழில் நுட்பவியலாளர்கள் என்போரின் எண்ணிக்கை அதிகரித்தது. குறிப்பாக ஆசிரியர்கள் தொகை இலங்கையின் ஏனைய முஸ்லீம் பகுதிகளை விட வெகுவாக அதிகரித்த விகிதத்தில் கிழக்கு மாகாண முஸ்லீம் மக்களிடையே காணப்படுவதைப் புள்ளி விபரங்கள் காட்டுகின்றன.

சுருக்கமாகச் சொல்லப்போனால் தற்போது முஸ்லீம்களுக்கான புத்திஜீவித்துவம் கிழக்கு மாகாணத்திற்கு இடம் பெயர்ந்து மாற்றம் பெற்றுள்ளதாகக் கூறலாம்.
வடக்கு மாகாணத்திலும் கிழக்கு மாகாணத்திலும் தமிழர்களும் முஸ்லீம்களும் அமைதியுடனும்; சமாதானத்துடனும் ஒத்திணங்கி வாழ்கின்றனர் என்று பரவலாகக் கூறப்படும் கருத்துக்கு முரணான வகையில்; கடந்த அரை நூற்றாண்டுகாலமாக குறிப்பாக 1948 இல் இல்ங்கை சுதந்திரமடைந்த பின்னர் தமிழர்களிடையே முஸ்லீம்கள் பற்றிய எதிர்ப்புணர்வும் பகைமையும் கூடுதலாக வளர்ந்து வந்துள்ளது. முஸ்லீம் இளைஞர்கள் ;கல்வியில் முன்னேறியதுடன் பல்கலைக்கழகங்களிலும், தொழிநுட்பகல்லூரிகளிலும், உயர்கல்வி பயிலிதலிலும் தமிழ் இளைஞர்களுடன் போட்டி போட்டு வருகின்றனர்.

தமிழ் இளைஞர்கள் வேலையற்றிருந்த சந்தர்ப்பத்தில் முஸ்லீம் இளைஞர்கள் அரசதுறையிலும் தனியார் துறையிலும் கூடுதலாக வேலைவாய்ப்புக்களைக் பெற்று முன்னேறுகின்றனர். முஸ்லீம் தலைவர்கள் நாட்டுப்பிரிவினைக் கோரிக்கைகள் எவற்றிற்கும் அனுசரணையாக இல்லாதிருந்த காரணத்தின் பலனாக முஸ்லீம்கள் ஆட்சியிலிருக்கும் அரசாங்கங்களின் நல்லெண்ணத்தைப் பெற்றிருந்த வேளையில் தமக்கென தனியான தமிழ் ஈழம் ஒன்றை அமைக்க வேண்டும் என்ற கோரிக்கையின் அடிப்படையிலான போராட்ட நடவடிக்கைளில் தம்மை ஈடுபடுத்திக் கொண்டிருந்தமையால் தமிழர்கள் அண்மைக் காலங்களில் ஆட்சி செய்த அரசாங்கங்களிலிருந்து தம்மை அந்நியப்படுத்திக் கொண்டனர்.

வடக்கிலும் கிழக்கிலும் வாழும் தமிழர்களும் முஸ்லீம்களும் புவியியல் ரீதியாக அருகருகே வாழ்வதாலும், பொருளாதார அடிப்படையில் ஒருவரில் ஒருவர் தங்கியிருப்பதாலும் பல சந்தர்ப்பங்களில் மிகவும் அற்பமான விடயங்களில் கூட பிணக்குகள் ஏற்பட்டு வந்திருக்கின்றன. உதாரணமாக தமிழ் பகுதிகளை கடந்து தங்கள் வயல்களுக்கு செல்லும் முஸ்லீம்கள் துன்புறுத்தப்படுதல், வாகனங்கள் கடத்தப்படுதல், முஸ்லீம்களுக்குரிய நெல், கால்நடைகளைக் கொள்ளையிடுதல் போன்ற சம்பவங்களே காலப்போக்கில் தமிழ், முஸ்லீம் இனப்; பிரச்சனையை மேலும் மோசமடையச் செய்தன.

இலங்கையில் 1983 ஆம் ஆண்டு இடம் பெற்ற இனக்கலவரத்தின் பின்னர் வடக்கிலும் கிழக்கிலும் தமிழர்கள் முஸ்லீம்கள் மீது கொண்டுள்ள எதிர்ப்புணர்வுகளையும் வெறுப்பையும் வெளிப்படையாக காட்ட முற்பட்டதையும் காணக் கூடியதாய் இருக்கிறது. முஸ்லீம்கள், தமிழர்களுடைய நிலங்களை அபகரிப்பவர்கள், தமிழ் தொழிலாளர்களைச் சுரண்டுபவர்கள், பல்கலைக்கழகங்கள், தொழில் நுட்பகல்லூரிகளில் தங்கள் வாய்ப்புக்களை இல்லாமலாக்குபவர்கள் எனப் பகிரங்கமாகத் தூசிக்கப்படுகின்றனர்.

நிர்வாக ரீதியில் தமிழர்களது உள்ளுராட்சி எல்லைக்குள் அமைந்த முஸ்லீம் கிராமங்களுக்குப் பொது வசதிகள் மறுக்கப்பட்டன. முஸ்லீம் பகுதிகளிலிருந்து தமிழ்போராளிகளால் துப்பாக்கி முனையில் கப்பம் அறவிடப்பட்டு நகைகள் கொள்ளையடிக்கப்பட்டன. வாகனங்கள், விவசாய உபகரணங்கள் என்பன அபகரிக்கப்பட்டன. இத்தகைய சம்பவங்கள் நிம்மதியற்ற நிலைமையை முஸ்லீம்களிடையே தோற்றுவித்ததுடன் தமிழர்களது தனிநாட்டுக் கோரிக்கையை சாத்தியமாக்கும் பட்சத்தில் அவர்களுடன் அரசியல் பொருளாதார அதிகாரங்களில்; நீதி நியாயப்படி பகிர்ந்து கொள்ளக் கூடிய சாத்தியம் ஏற்படப் போவதில்லை என்ற உணர்வும் முஸ்லீம்களிடையே வலுப் பெறத் தொடங்கின. 1985 ஆம் ஆண்டின் ஆரம்ப காலப்பகுதியில் போராளிகளின் அதிகரித்த நடவடிக்கைகளுடன் தமிழர்கள் முஸ்லீம்கள் மீது கொண்டிருந்த எதிர்ப்புணர்வும் மேலும் உக்கிரமான மாற்றங்களைப் பெற்றது.

இதன் விளைவாக தமிழ் இயக்கத்தவர்கள் அச்சுறுத்திப் பணம் பறித்தல், துப்பாக்கி முனையிலான ஆட்கடத்தல், பலாத்காரம் போன்ற செயல்கள் ஆங்காங்கே பரவாலாக இடம் பெற்றலாயின. இவ்வாறான நிலைமைகளை தணிப்பதற்கும் ஆயுதம் ஏந்தி முஸ்லீகள்; தமிழர்களுக்கு எதிராக போராட முற்படாத சாத்வீக வழிகளில் பலதரப்பட்ட தற்காப்பு முயற்சிகளில் ஈடுபட்டனர். முஸ்லீம்களை முற்றாக நிலை தளரச் செய்யும் சம்பவம் அம்பாறை மாவட்டத்தில் பெரும்பான்மை முஸ்லீம் நகரமான அக்கரைப்பற்றில் தான் முதன் முதலில் இடம் பெற்றது. இதில் தமிழ் ஆயுதவாதிகள் ஒரு முஸ்லீம் வியாபாரியிடம் கொள்ளையடிக்கும் வேளையில் அவரது குடும்பத்தினரை பணயக்கைதியாக எடுத்துச் செல்ல முற்பட்டனர். இந்த அடாவடித்தனத்தால் ஆத்திரமடைந்த முஸ்லீம்கள் தமது எதிர்ப்பினை ஒரு அமைதியான ஹர்த்தால் மூலம் எடுத்துக் காட்டினார்கள். 1985 ஆம் ஆண்டு ஏப்ரல் மாதம் 8 ஆம் திகதியிலிருந்து 12 ஆம் திகதி வரை இந்த ஹர்த்தால் மூலம் எடுத்துக் காட்டினார்கள்.

1985ஆம் ஆண்டு ஏப்ரல் மாதம் 8 ஆம் திகதியிலிருந்து 12 ஆம் திகதி வரை இந்த ஹர்த்தால் இடம் பெற்றது. அதன் பின் மீண்டும் எல்லா வியாபார நிலையங்களும் 13 ஆம் திகதி திறக்கப்பட்டது. 1985 இல் ஏப்ரல் மாதம் 14 ஆம்திகதி மாலை 9 மணிக்கு அக்கரைப்பற்றிலிருந்து 10 மைல் தொலையிலுள்ள காரைதீவு என்னும் தமிழ் கிராமத்திலிருந்து 13 தமிழ் ஆயுதவாதிகளைக் கொண்ட ஒரு கோஷ்டி ஜீப் வண்டி ஒன்றில் அக்கரைப்பற்றுக்குள் வேகமாக நுழைந்தது. ஆயுதபாணிகளாக வந்த இவர்கள் சரமாரியாக துப்பாக்கி வேட்டுக்களை தீர்த்தனர். அக்கரைப்பற்று நகர பள்ளிவாசலுக்குள் முதல் வேட்டுக்கள் தீர்க்கப்பட்டன. பிரதான சந்தை சந்தியை நோக்கி வரைந்த ஜீப் வண்டி வெகு வேகமாக ஓட்டப்பட்டதன் காரணமாக சந்தி வளைவில் தடம் புரண்டது. பிரயாணம் செய்த பலர் விபத்தில் மரணமடைய எஞ்சியோர் பொலிசாரால் சுட்டுக் கொல்லப்பட்டனர். இந்த சம்பவத்திலிருந்து ஆரம்பித்த தமிழ் முஸ்லீம் இனக்கலவரம் , கல்முனை, காத்தான்குடி, ஏறாவூர், ஓட்டமாவடி, வாழைச்சேனை, மூதூர், கிண்ணியா ஆகிய இடங்களுக்கும் வேகமாகப் பரவியது. ஆயுதம் தாங்கியவர்களால் பல நூற்றுக்கணக்கான முஸ்லீம்கள் கொலை செய்ய்ப்பட்டனர்.

முஸ்லீம்களினதும் தமிழர்களினதும் பல கோடி ரூபாய்கள் பெறுமதியான சொத்துக்கள் எரிக்கப்பட்டு அழிக்கப்பட்டன. இந்த 1985 ஏப்ரல் கலவரங்களின்; போதுதான் கிழக்கு மாகாணத்தில் முதல் தடவையாக தமிழர்களும் முஸ்லீம் களும் இன ரீதியாக ஒருவரோடு ஒருவர் மிக மோசமாக மோதிக் கொண்டனர். 1985 ஆம் ஆண்டு அக்ரோபர் 28 ஆம் திகதி மூதூரில் கலீபா கலீல் என்னும் முஸ்லீம் இளைஞர் தனது வீட்டிலிருந்து தமிழ் ஆயுதவாதிகளினால் கடத்தப்பட்டு கொலை செய்யப்பட்டு மின்கம்பத்தில் கட்டப்பட்டார்.

இதன் காரணமாக 34 தமிழ் வீடுகள் உடைக்கப்பட்டன. தமிழ்தரப்பு ஆத்திரம் கொண்டு மூன்று முஸ்லீம்களையும் கொன்று 324 வீடுகளையும் உடைத்தனர் 25 கடைகளும் எரிக்கப்பட்டன. 1988 மார்ச் 6 ஆம் திகதி காத்தான்குடி நகரசபை முன்னாள் தலைவர் அல்ஹாஜ் அஹமட்லெப்பே கொல்லப்பட்டார்.

1990 ஆம் ஆண்டு பள்ளியில் தொழுது கொண்டிருக்கையில் 106 முஸ்லீம்கள் கொலை செய்யப்பட்டனர். அதே வாரத்தில் மக்கா ஹஜ் யாத்திரை முடித்துவிட்டு வீடு திரும்பிய ஹாஜிகள் உட்பட 86 முஸ்லீம்களும் களுவாஞ்சிகுடியில் கடத்தப்பட்டு படுகொலை செய்யப்பட்டனர்.

இரண்டு வாரங்களுக்கு பின்னர் ஏறாவூரில் சத்தாம் ஹூசைன் கிராமம் தமிழ் ஆயுதவாதிகளினால் தாக்கப்படடு 1000க்கு கூடுதலான முஸ்லீம் ஆண், பெண், குழந்தைகள் கொடூரமாக் கொல்லப்பட்டனர். 1989 நவம்பர் தேசிய இராணுவத்தினரால் காரைதீவில் 24 முஸ்லீம் பொலிஸ் ரிசேவ் உத்தியோகத்தர்கள் படுகொலை செய்யப்பட்டனர்.

1985 ஆண்டு மேமாதம் தமிழ் முஸ்லீம் கலவரம் ஏற்பட்டு ஏறக்குறைய ஒரு மாதத்தின் பின் மூதூரில் தமிழர்களுக்கு எதிராக இலங்கை இராணுவத்தினரால் மேற்கொள்ளப்பட்ட பாரிய தாக்குதலின் விளைவாக தமிழர்கள் வெகுவாகப் பாதிக்கப்பட்டனர்.

இந்த சிக்கலான காலகட்டத்தல் தமிழர்களுக்கு உதவிக்கரம் நீட்டியவர்கள் முஸ்லீம்களே. ஆயினும் முஸ்லீம்களினால் காட்டப்பட்ட இந்த பிரிவு தமிழர் ஆயுத அமைப்புக்களின் போக்கில் முஸலீம்களைப் பொறுத்தமட்டில் எந்தவித மாற்றத்தமையும் ஏற்படுத்தவில்லை.

தமிழ் ஆயுதவாதிகள் மூதூர் முஸ்லீம் உதவி அரசாங்க அதிபர் ஜனாப் ஹபீப் முஹம்மதை 1997 செப்ரெம்பர் 3ஆம் திகதி படுகொலை செய்தனர். இச் சம்பவத்திற்கான எதிர்ப்பை தமது எதிர்ப்பை கிழக்கு மாகாணத்தில் வாழும் அனைத்து முஸ்லீம்களும் பகிரங்கமாகவே வெளிப்படுத்தினர்.

இந்த அநுதாப வெளிப்படுத்தலினால் ஆத்திரமுற்ற தமிழ் ஆயுதவாதிகள் 1987 செப்ரெம்பர் 10 ஆம் திகதி கல்முனையில் முஸ்லீம்களுக்கு சொந்தமான கடைகள், வீடுகள் என்பவற்றைக் கொள்ளையடித்து எரித்தனர். இந்த தாக்குதல்கள் நடைபெறும் போது இந்திய அமைதிகாக்கும் படையும் அங்கிருந்தது.

தமிழ் ஆயுதவாதிகளினால் அழிக்கப்பட்ட முஸ்லீம்களின் சொத்துக்கள் சுமார் 6 கோடியே 70 இலட்சம். 1987 ஆம் ஆண்டு ஒக்ரோபர் மாதம் 12 ஆம் திகதி மூதூரில் ஆயுதமேந்திய பிரிவினைவாதிகளினால் முஸ்லீம்கள் மீது பாரிய தாக்குதல் ஒன்று மேற்கொள்ளப்பட்டது. இத் தாக்குதலின் போது இந்திய அமைதி காக்கும் படையினரும் அங்கிருந்தனர்.

இத்தாக்கு­தலினால் பாதிக்கப்பட்ட மூதூரிலிருந்து வெளியே ஆயிரக்கணக்கான முஸ்லீம் அகதிகளின் பராமரிப்பு வேலைகளில் துரிதமாக ஈடுபட்டுக் கொண்டிருந்த வேளையிலேயே முன்னாள் மூதூர் பாரளுமன்ற உறுப்பினரும் பிரதியமைச்­சருமான ஜனாப் அப்துல் மஜீத் 1987 நவம்பரம் 13 ஆம் திகதி கொலை செய்ய்ப்பட்டார்.

மட்டக்களப்பு மாவட்டத்தில் ஒரு பிரதான முஸ்லீம் பட்டனமாகிய ஓட்டமாவடியில் 1987 டிசம்பரில் இரண்டாம் திதகி இந்திய அமைதிகாக்கும் படையினருக்கும் தமிழ் ஆயுததாரிக­ளுக்கும் இடையில் ஏற்பட்ட இடையில் ஏற்பட்ட மோதலின் போது 26 முஸ்லீம்கள் கொல்லப்பட்டதுடன் 200 முஸ்லீம்கள் காயப்படுத்தப்பட்டனர்.

முஸ்லீம்களுக்கு சொந்தமான ஏராளமான வீடுகளும் கடைகளும் எரிக்கப்பட்டன. அழிக்கப்பட்­டன. முஸ்லீம் பெண்கள் பலர் இந்திய அமைதிப்படை வீரர்களால் பாலியல் வன்முறைக்குட்படுத்தப்பட்டதாக முறைப்பாடுகள் செய்யப்பட்டன.

14,000 முஸ்லீம்கள் அகதிகளாக கிழக்கு மாகாணத்திலிருந்து தப்பி ஓடி ஓட்டமா வட மத்திய நகரமான பொலன்னறுவையில் தஞ்சம் புகுந்தனர். 1987 ஆம் ஆண்டு டிசம்பர் மாதம் 30 ஆம் திகதி 30, 000 முஸ்லீம்களைக் கொண்ட மட்டக்களப்பில் மிகப் பிரதான முஸ்லீம் நகரமான காத்தான்குடி ஆயுதமேந்தியவர்களினால் தாக்கப்பட்டது. இந்த கொடூர தாக்குதலின் போது 60 முஸ்லீம்கள் கொல்லப்பட்டனர். 200க்கு மேற்பட்டோர் துப்பாக்கிச் சூட்டுக்காயங்களுக்குள்ளாகினர். 20 கோடி பெறுமதிக்கும் ;கூடுதலான சொத்துக்கள் கொள்ளையடிக்கப்பட்டும் எரிக்கப்படும் நாசம் செய்யப்பட்டன. இவ்வனர்த்தங்கள் யாவும் இந்திய அமைதி காக்கும் படையினர் இங்கு நிலை கொண்டிருந்த போதே நடைபெற்றன. இரண்டே இரண்டு நாட்கள் தாக்குதல் நடைபெற்ற போதிலும் காத்தான்குடி மீதான முற்றுகை 1988 ஜனவரியிலிருந்து சகல போக்குவரத்துக்­களும் தமிழ் ஆயுதவாதிகளினால் தடைசெய்யப்பட்டன.

1992 ஒக்ரோபர் மாதம் தமிழ்புலிகள் பொலன்நறுவை மாவட்டத்தில் அக்பர்புரம், அஹமட்புரம், பள்ளியகொடல்ல ஆகிய கிராமங்களைத் தாக்கி 200 க்கும் கூடுதலான முஸ்லீம்களை படுகொலை செய்தனர்.

1990 ஆம் ஆண்டு ஒக்ரோபர் மாதம் யாருமே எதிர்பாராத வகையில் சடுதியாக வடமாகாணம முஸ்லீம் கிராமங்களில் தமிழ் புலிகள் ஒலி பெருக்கி மூலம் முஸ்லிம்கள் தமது வீடுகளையும் உடைமைகளையும் விட்டுவிட்டு 48 மணித்தியாலங்களுக்குள் வெளியேற வேண்டும் அப்படி வெளியேறாவிட்டால் கொல்லப்படுவார்கள் என்று அறிவித்தனர்.

இவ்வறிவித்தல் எருக்கலம்பிட்டியில் ஒக்ரோபர் 24 ஆம் திகதியும் விடத்தல் தீவு முசலிப் பகுதிகளில் ஒக்ரோபர் 25 ஆம் திகதியும் யாழ்ப்பாண நகரில் 29ஆம் திகதியும் அறிவிக்கப்படடது. இதனைத் தொடர்நது முஸ்லீம்களின் நகைகளையும் பெறுமதியான பொருட்களையும் தமிழ் புலிகள் அபகரித்தனர். எதிர்த்த முஸலீம்களை தமிழ் ஆயுதவாதிகள் மிக மோசமாகத் தாக்கி தண்டித்தனர்.

வடமாகாண முஸ்லீம்கள் நிர்க்கதியான நிலையில் குடும்பம் குடும்பமாக சொல்லொணாத் துயராத்தோடு 100க்கு மேற்பட்ட முஸ்லீம் கிராமங்களில­pருந்து தமிழர்களால் விரட்டியடிக்கப்­பட்டனர். 1990ஆம் ஆண்டு ஒக்ரோபர் மாதம் 28 ஆம் திகதியிலிருந்து வெளியேறி 31 ஆம் திகதிக்கு முன்னர் வடமாகாண எல்லையைக் கடந்தனர். மன்னார் மாவட்டத்சை; சேர்ந்த எருக்கலம்பிட்டி, தாராபுரம், புதுக்குடியிருப்பு, மன்னார் சோனகத்தெரு, கரிசல் ஆகிய கிராமங்களை விட்டு ஒக்ரோபர் 28, 31 ஆம் திகதிகளுக்கிடையில் வெளியேறி கடல் மார்க்கமாக கற்பிட்டியை அடைந்தார்கள். மன்னார் விடத்தல் தீவு மக்கள் ஒக்ரோபர் 27, 31 ஆம் திகதிகளில் வெளியேறி ஒக்ரோபர் 30 ஆம் திகதி தமிழ் ஆயதவாதிகளினால் வாகனங்களில் ஏற்றி வந்து விடப்பட்டனர். இவர்களும் வவுனியா, முல்லைத்தீவு முஸலீம்களும் இதே காலத்தில் மதவாச்சியை அடைந்தனர்.

1990 ஆம் ஆண்டு நவம்பர் மாதம் முதலாம் திகதி தமிழ் ஆயுதவாதிகளினால் நடாத்தப்பட்ட இன சுத்திகரிப்பு நடவடிக்கையினால் வடமாகாணமானது முற்றும் முஸ்லீம்களற்ற பிரதேசமாக்கப்­பட்டது. இப்பெரும் துயரத்தையும் இழப்பையும் தமிழ் மக்களுடைய விடுதலைப் போராட்டம் முஸ்லீம்கள் மீது சுமத்தியுள்ளது. இவற்றில் இருந்து வடக்கு கிழக்கு முஸ்லீம் மக்கள் தங்களை பாதுகாத்துகொள்ள வேண்டிய அரசியல் தேவையையும் உணர்ந்து விட்டார்கள்

தங்களுடைய இயலாமையை நியாயப்படுத்த, மஹிந்த அரசாங்கத்திற்குள் இருந்து கொண்டே    முஸ்லிம்களை மஹிந்தவிடம் இருந்து தூரமாக்குவதற்காக, வெளிநாட்டு சக்திகளின் தூண்டுதலில் இயங்கும், டயஸ்போராவின் கோடிகளுக்கு விலைபோன எட்டப்பர்களான முஸ்லிம் காங்கிரஸ்  இனவாதிகளின் கைக்கூலிகளாக செயல்படுகிறார்கள்.

மஹிந்த அரசாங்கத்தின் பங்காளிகளாகவும், அமைச்சர்களாகவும் இருந்து கொண்டு வடகிழக்கு முஸ்லிம்கள் மத்தியில் மஹிந்த அரசை பலவீனப் படுத்துவதற்காக ஐ.தே.கட்சியின் நிகழ்ச்சி நிரல்களை அச்சொட்டாக பின்பற்றுவதும் தேர்தல் காலங்களில் மஹிந்தவை எதிர்ப்பதும் தேர்தல் முடிந்த கையோடு மஹிந்தவை கும்பிட்டு வணங்கி பதவிகளை பெறுவதுமாக தங்களுடைய சுயநல அரசியலை மேற்கொண்டார்கள்.

பயங்கரவாதத்தையும் தமிழர்களுடைய இன ரீதியிலான அரசியல் போராட்டத்தையும், கருப்பொருளாக கொண்டு தங்களுடைய தேவைகளை நிறைவேற்ற தேவைப்பட்ட அரசியல் அதிகாரத்தை பெறுவதற்காக, இனவாத ரீதியான பிரச்சார கோசத்துடன் முஸ்லிம்களின் உணர்வில் பயணித்தவர்கள், தாங்கள் தொடர்ந்தும் அதிகாரத்தில் இருக்க வேண்டும் என்பதற்காக  பயங்கரவாதம் எனும் புண்ணை ஆரவிடாமல் பாதுகாக்க வேண்டிய தேவையுடையவர்களாகவும் இருந்தார்கள்.

(2005) மஹிந்த ராஜபக்ஷ அவர்கள் ஆட்சிக்கு வந்ததும், ஏனைய சிங்கள தலைவர்களைப் போல் அந்தப் புண்ணைத்தான் அவரும் சுரண்டி அரசியல் செய்வார். என்று எண்ணிக் கொண்டிருந்தவர்களுக்கு மஹிந்த எடுத்த சில அதிரடி வைத்தியம், தங்களுடைய அரசியல் இருப்புக்கு சவால் விடுவதாகவே அமைந்தது. விடுதலைப் புலிகளின் கட்டுப்பாட்டில் நீண்ட காலம் துன்பம் அனுபவித்து வந்த முஸ்லிம்களை காப்பாற்றி கிழக்கில் இருந்த பாசிச புலிகளை வேரோடு வெட்டி எறிந்தார்.
முஸ்லிம்கள் தன்னை நிராகரித்தவர்கள், என்ற போதிலும் கூட "மஹிந்த" முஸ்லிம் சமூகத்தின் மீது கொண்ட அதீத அன்பின் காரணமாக அந்த மாபெரும் உதவியை செய்து அப்பாவி முஸ்லிம்களையும், தமிழர்களையும் சுதந்திரமாக சுவாசிக்கச் செய்தார்.

அத்தோடு மாத்திரம் நின்றுவிடாமல் வடக்கையும் மீட்டு புலிகளுக்கு அவர் சாவுமணி கட்டினார். புலிகளால் பாதிக்கப்பட்ட சமூகங்கள் நிம்மதி பெருமூச்சு விட்டனர்.

முஸ்லிம்கள் நாங்கள்  விடுதலைப் புலிகளால் கொள்ளப்படுகின்றோம், அவர்கள் எங்களுடைய பொருளாதாரங்களை சூறையாடுகிறார்கள். எங்கள் வாழ்விடங்களில் இருந்து எம்மை துரத்தி விரட்டுகிறார்கள். இந்த பூமியில் புலிக் கொடி பறக்க வேண்டுமா? பிறைக்கொடி பறக்க வேண்டுமா? என்று மூச்சுப் பொறுக்க மேடைகளில் கத்திய முஸ்லிம் காங்கிரஸ் "மஹிந்த" விடுதலைப் புலிகளுக்கு மருந்து கட்டி, வடகிழக்கில் முப்பது வருடங்களுக்கு மேலாக "சீல்வடிந்து" கிடந்த ஆராத புண்ணுக்கு சிகிச்சை வழங்கிய போது என்ன செய்திருக்க வேண்டும்?

முஸ்லிம்களினுடைய பெரும் பிரச்சினை இத்தோடு முற்றுபெறுகிறது எனவே மஹிந்தவுடன் நாங்கள் பக்க பலமாக இருந்து முஸ்லிம்களுடைய ஏனைய பிரச்சினைகளையும் பேசி எமது உரிமைகளை வென்றெடுப்பதற்கான சந்தர்ப்பத்தை ஏற்படுத்துவோம் என்று மஹிந்தவுடன் இணைந்து சில காரியங்களை நிறைவேற்றியல்லவா இருந்திருக்க வேண்டும்.

அதை செய்தார்காளா? இல்லவே இல்லை...

மாறாக, அந்த காலகட்டத்தில் ரணிலுடைய கைப்பிள்ளையாக இருந்து கொண்டு மஹிந்த ஆட்சியை எப்படியாவது வீழ்த்த வேண்டுமென்றே போராடினார்கள்.

தங்களுடைய சுயநலத்திற்காக பயங்கரவாதத்தையும் அதனால் பாதிக்கப்பட்ட மக்களையும், மரணித்த ஜனாசாக்களையும் காட்டி முஸ்லிம்கள் மத்தியில் செல்வாக்கு பெற்ற முஸ்லிம் காங்கிரஸ், வடக்கு கிழக்கில் இருந்த முஸ்லிம்கள் விடுதலைப் புலிகளால் வஞ்சிக்கப்பட்டு வந்ததையும், சொல்லில் அடங்காத வேதனைகளையும் சோதனைகளையும் அறியாதவர்களாக இருந்திருந்திருக்கலாம், ஆனால் அந்தந்தப் பகுதிகளில் தினமும் உயிரைக் கையில் பிடித்துக் கொண்டு வாழ்ந்து கொண்டிருந்த முஸ்லிம் சமூகமாகவாவது மஹிந்த செய்து தந்த அந்த மகத்தான செயலை நன்றி பாராட்டியிருக்க வேண்டும்.

அதை வடகிழக்கு முஸ்லிம்கள் கடைசிவரை செய்யவில்லை......

ஒருவேளை மஹிந்த அப்போது (2005) ஜனாதிபதியாக அல்லாமல் வடகிழக்கு  முஸ்லிம்களில் பெரும்பாலான வாக்குப்பெற்ற ரணில் அந்த ஜனாதிபதி தேர்தலில் வெற்றி பெற்றிருந்தால், (2002) ரணில்- பிரபா ஒப்பந்தத்தின் பிரகாரம் விடுதலைப் புலிகளுகளுக்கு இணைந்திருந்த வடகிழக்கில் தன்னாட்சி அதிகாரம் வழங்கி, தங்கத்தட்டில் கொடுத்திருப்பார். அதனை சிங்கள மக்கள்

ஆனால்,அந்த வரலாற்று முக்கியத்துவம் வாய்ந்த மஹிந்தவின் பணியை முஸ்லிம் சமூகம் கடுகளவேனும் சிந்தையில் கொள்ளாது, அடுத்தடுத்து வந்த தேர்தல்களிலும் மஹிந்தவை தோற்கடிப்பதற்காகவே முஸ்லிம் காங்கிரஸ் முஸ்லிம்களை திசைதிருப்பியது. செய்நன்றி மறக்க கூடாத இஸ்லாமியர்களான முஸ்லிம்களும், முஸ்லிம் காங்கிரஸின் நயவஞ்சகத்தனத்தை ஏற்று மஹிந்தவை எதிர்த்து வாக்களித்து வந்த சம்பவத்தை ஒருமுறை மஹிந்த ராஜபக்ஷ அவர்கள் கூட ஒரு இடத்தில் பதிவு செய்திருந்தார்.

முஸ்லிம்கள் என்னை பள்ளிவாயலுக்கு அழைக்கிறார்கள், நோன்பு திறக்க அழைக்கிறார்கள், புரியாணி தருகிறார்கள், நண்பனாக பார்க்கிறார்கள்.
ஆனால் தேர்தல் காலத்தில் மாத்திரம் என்னை ஒரு எதிரியையும் விட மோசமாக நடத்துகிறார்கள் என்றார்.

இந்தளவு மஹிந்த என்ற அந்த இரும்பு மனிதனின் உள்ளத்தில் முஸ்லிம்கள் பற்றிய அபிப்பிராயம் பதிய காரணமாக இருந்தவர்கள், முஸ்லிம் காங்கிரஸும் அதன் தலைவர் ஹக்கீமும் அவருடைய அளவுக்கு அதிகமான பணப் பேராசையும்தான் காரணமாக அமையும்.

முஸ்லிம்கள் தன்னை தொடர்ந்து நிராகரித்து வருகிறார்கள் என்பதை நன்று தெரிந்து கொண்டும், மஹிந்த தனது அரசாங்கத்தின் பெரும்பாலான அபிவிருத்தியை வடகிழக்கில் அதிலும் குறிப்பாக முஸ்லிம் பகுதிகளில் செய்த அபிவிருத்தி பணிகள்தான் ஏராளம். இறுதியாக நடந்த அபிவிருத்திகளாக அவைகள்தான் இப்போதும் காட்சி தருகிறது.

இவ்வாறாக மஹிந்த நடந்து கொள்வது தங்களுடைய எதிர்கால அரசியலுக்கு கேள்விக் குறியாகிவிடும், தனது மக்களை தொடர்ந்து மந்தைகளாகவே வைத்துக்கொள்ள வேண்டும் வாக்கு வங்கி சரியாமல் பாதுகாக்க வேண்டும், அப்போதுதான் மரணிக்கும்வரை அதிகாரத்தில் இருக்க முடியும், எனவே மஹிந்த மீதான முஸ்லிம்களின் பார்வையை இன்னும் மோசமடையச் செய்வதன் மூலமாக முஸ்லிம்களை நிரந்தரமாக முஸ்லிம் காங்கிரஸின் பக்கம் வைத்துக்கொள்ள முடியும் என்ற எண்ணமும் ரணிலுடைய விருப்பத்தையும் அப்போதுதான் நிறைவேற்ற முடியும் என்ற காரணத்திற்காகவும் (மது, மங்கை கோடிக்கணக்கான பணத்திற்கு) அடிமையாகி கிடக்கும் மு.கா தலைமையை   ரணில் அவர்களும், தன்னுடைய சுயலாபத்திற்கு பாவித்துக் கொள்ள வசதியாகவும், அதேபோல தங்களுடைய தேவைகளை நிறைவேற்ற தடையாக இருக்கும் மஹிந்தவை தோற்கடித்து ரணிலை ஆட்சிக்கு கொண்டுவர காத்திருந்தவர்களின் (டயஸ்போரா) கைப்பிள்ளையாக ஹக்கீம் பயன்படுத்தப்பட்டார்.

இப்போதே மஹிந்த எம்மை எதிர்க்கிறார்.
இவருடைய  அரசாங்கம் இன்னும் சில வருடம் தொடர்ந்தால் இலங்கை அபிவிருத்தி அடைந்த நாடுகளின் பட்டியலில் இடம்பிடித்துவிடும், எனவே இலங்கையை வளர்ச்சி அடையச் செய்வது ஆபத்தானது மட்டுமல்ல, மஹிந்தவுக்கு முஸ்லிம் நாடுகளின் மத்தியில் நிறைந்த செல்வாக்கு இருக்கிறது, எனவே முதலில் அவர்களிடம் இருந்து மஹிந்தவை பிரித்து பலவீனம் அடையச் செய்ய வேண்டும்.என்ற பல நிகழ்ச்சி நிரல்களோடு காத்திருந்த அமெரிக்கா அதன் கைக்கூலியான நோர்வே போன்ற நாடுகளுடன் தொடர்பை வைத்திருக்கும் (யூத) கொள்கையுடைய ரணிலையும் அவருடைய கைப்பிள்ளையான ஹக்கீமையும் விலைக்கி வாங்கியது மாத்திரமின்றி சில பௌத்த அடிப்படைவாத சித்தாந்த வாதிகளையும் பாவித்து இலங்கை முஸ்லிம்கள் மீது வன்முறைகள் கட்டவிழ்க்கப்பட்டது.

இதில் மிகப் துரதஷ்டவசமான விடயம் மஹிந்த அரசாங்கத்தின் சில அமைச்சர்களும் ஏலவே முஸ்லிம்கள் மீது காழ்புணர்வு கொண்டு வேட்டையாட காத்திருந்த அரசியல் தலைவர்களும் தங்களுடைய நீண்ட நாள் ஆசையை பூர்த்தி செய்ய  திரைமறைவில் இருந்து செயல்பட்டார்கள்.( இப்போது அவர்கள் ஒவ்வொருவருவராக வெளிச்சத்தில் வந்து கொண்டிருக்கிறார்கள்.)

யுத்தத்தை முடிவுக்கு கொண்டுவந்ததன் பின்னனியில் மஹிந்தவுக்கு சர்வதேச நீதிவிசாரணை, ஜெனிவா மனித உரிமைகள் ஆணைக்குழு போன்ற உள்நாட்டு மற்றும் வெளிநாட்டு அளுத்தங்களின் காரணமாக அதை எதிர்த்து போராட வேண்டிய தேவையும், பிரச்சினைகளுக்கு உரிய நேரத்தில் முடிவு காணவேண்டிய அவசியமும் மஹிந்த ராஜபக்ஷ அவர்களை ஆட்கொண்டது. இதனை சாதகமாக பயன்படுத்தியவர்கள் உள்நாட்டில் முஸ்லிம்களுக்கு எதிரான அடக்குமுறையையும், வன்முறை தாக்குதலையும் ஏற்படுத்தி இனவாதிகளை தூண்டிவிடுவதன் மூலமாக மஹிந்தவை நிலைகுலைய வைத்து அதன்படி கிடைக்கும் சந்தர்ப்பத்தை பயன்படுத்த காத்திருந்தார்கள். மஹிந்த தனது மக்கள் செல்வாக்கை சர்வதேச அளுத்தத்தை தனிப்பதற்காக முற்பட்ட வேளை உணர்ச்சி கொதிப்பில் இருந்த முஸ்லிம்களும் மஹிந்தவை சர்வதேசம் வரை இழுத்துச் சென்று நீதிபெற்றுத்தருவோம் என்று சூடேற்றப்பட்ட தமிழ் மக்களையும் பயன்படுத்தி ஆட்சியை கைப்பற்றிக் கொண்டனர்.

அவ்வாறு ஆட்சியை கைப்பற்றிய பின்னரும் கூட அதை தக்கவைத்துக் கொள்ள முடியாமலும், மஹிந்தவின் மீதான சிங்கள மக்களின் பெரும் ஆதரவை தங்களின் பக்கம் திருப்ப முடியாமலும் இன்று வரை உள்ளூராட்சி மன்ற தேர்தல் ஒன்றினை நடாத்த முடியாமல் நல்லாட்சி தடுமாறுவது அதற்கு  சிறந்த உதாரணமாக அமையும்.

பெரும்பாலான சிங்கள மக்கள் மத்தியில் நல்லாட்சி அரசாங்கத்தின் மீதான நம்பிக்கை சமீப காலமாக குறைந்து வருகிறது. காரணம் தமிழர்களின் தயவில் அந்நிய சக்திகளின் தூண்டுதலின் பேரால் இந்த ஆட்சி அமைந்துள்ளது என்றும், இந்த ஆட்சி தமிழர்களுக்கு தேவையான வற்றை தட்டில் வைத்துக் கொடுக்க தயங்காது எனவும் அடிமட்ட சிங்கள மக்கள் மத்தியிலும் புரியப்பட்டுள்ளது.

எனவே, நல்லாட்சி அரசாங்கம் தொடர்ந்து பயணிக்க வேண்டுமாக இருந்தால் ஏதாவது ஒரு காரணத்தை அல்லது பிரச்சினையை சிங்கள மக்கள் இனம் காணவேண்டும், சிங்கள சமூகத்தை திருப்திப்படுத்த வேண்டும். அதற்காக இனவாத பூசாரிகளை அரச அனுசரணையுடன் அனுமதித்து முஸ்லிம்களை அடிப்படை வாதிகளாகவும் மதவாதிகளாகவும், இனவாதிகளாகவும்,ஏன் இலங்கையில் முஸ்லிம் பயங்கர வாதிகள் இருக்கிறார்கள் என்றும் காட்சிப்படுத்தி, தங்களுடைய அரச வாகனம் நகரச் செய்ய வேண்டிய தேவை நல்லாட்சிக்கு ஏற்பட்டுள்ளது. அதன்படி பல அநீதிகளை முஸ்லிம் சமூகத்திற்கு எதிராக மேற்கொள்ள வேண்டிய கட்டாய நிலைக்கு நல்லாட்சி தள்ளப்பட்டிருக்கிறது. இந்த விடயங்களை அனுசரித்து நடந்தும் கொள்ளும் நிலையில்தான் முஸ்லிம் காங்கிரஸும் அதன் தலைமையும் இருக்கிறது என்பதே உண்மையாகும்.

மஹிந்த அரசாங்கத்தை வீழ்த்த என்ன ஆயுதத்தை நல்லாட்சி அரசாங்கம் கையில் எடுத்து வந்ததோ அதே ஆயுதத்தால் தங்களுடைய அழிவையும் அவர்கள் நிர்ணயயித்துக் கொண்டார்கள்.

இன்று முஸ்லிம் காங்கிரஸ் எங்கு சிலைவைத்தாலும் அல்லது ஒட்டுமொத்த முஸ்லிம்களையும் நாடு கடத்த கப்பல் கொண்டு வந்து துறைமுகத்தில் நிறுத்தினாலும், அவர்கள் இந்த அரசாங்கத்தில் வாய் திறந்து பேச முடியாத கைதிகள் ஆகிப்போனார்கள்.
காரணம் கைநீட்டி பெட்டி நிறைய பணம் பெற்றவர்கள், முஸ்லிம் சமூகத்தை அடுத்துவரும் ஜனாதிபதி,பாராளுமன்ற தேர்தல் காலம் வரை குத்தகைக்கு விட்டு இலாபம் சம்பாதித்துவிட்டார்கள். இது புரியாமல் முஸ்லிம்கள் கொதித்துக் கொண்டிருக்கிறார்கள். மேலும் அவர்கள்  அரசாங்கத்தின் அமைச்சுப் பதவிகளுக்காகவும் மௌனிகளாக இருந்தே ஆகவேண்டும். இதுவே அவர்களுக்கு முஸ்லிம்கள் வாக்களித்ததற்கு உரிய தண்டனை.

மஹிந்த அரசாங்கத்தில் நடந்ததாக கூறப்படுகின்ற செயல்களை மேடைக்கு மேடை விபரித்தவர்கள், தொலைக்காட்சி நிகழ்ச்சிகளில் கலந்து கொண்டு பக்கம் பக்கமாக வசனம் பேசியவர்கள், அறிக்கை விட்டவர்கள். இப்போது மேடையேறினால். கட்சியின் உள்வீட்டு சங்கதிகளையும், அபிவிருத்தி பற்றி மட்டும்தான் பேசுகிறார்கள், ஏனெனில் அவர்களுக்கு உண்மை பேசத் தெரியாது அதனால் நல்லாட்சியில் நடக்கும் அநீதிகள் பற்றி பேச முடியாது.

வில்பத்து காணிகளை மைத்திரி அபகரித்தது, என்பதை வாசிக்கும் நமக்கு அது செய்தி மட்டும்தான் ஆனால் பாதிக்கப்பட்ட மக்களுக்கு அதுவாழ்க்கை என்பதை நாம் சிந்திக்காத வரையில்
புத்தர் சிலை வைத்தாலும், பௌத்தவிகாரை கட்டினாலும் யாரும் எதையும் நாங்கள் பேச முடியாது கைநீட்டவும் முடியாது.

நல்லாட்சியின் அடிமைச் சங்கிலியின் பூட்டப்பட்ட இரண்டு கால் மிருகங்களால் உழுது விளைச்சல் கொடுப்பவர்களாக நீங்கள் இருந்துவிட்டு
உண்மையைப் பேசும் எம்மை பார்த்து பதறுகளாகவும், பதக்கடைகளாகவும் விமர்சிப்பவர்கள் கடைசிவரை நீங்கள் புலம்பிக் கொண்டுதான் இருக்க வேண்டும்.

மீண்டும் வருவார்கள் அந்த கோமாளிகள் காவிக் கொடியா? அல்லது பிறைக் கொடியா என்று நீங்களும் ஏமாளிகளாக பிறைக் கொடி என்று அவர்களை தூக்கிச் சுமந்து அனுப்பி வைத்து விட்டு மீண்டும் புலம்ப தயராகுங்கள்.

இனவாத சாயம் பூசி மாவீரன் மஹிந்தவை தோற்கடித்து மார்தட்டியவர்கள், உண்மையால் தண்டிக்கப்படும் காலம் வெகு தொலைவில் இல்லை

அஹமட் புர்க்கான்
கல்முனை.

கடந்த புதன்கிழமை பெருவாரியான ஊடகங்களில் முன்னாள் அமைச்சர் அதாவுல்லாஹ் அவர்கள் அமைச்சர் றிஷாட் பதியுதீன் அவர்களுக்கு பகிரங்கமடல் ஒன்றினை வெளியிட்டிருந்த விடயம் நாம் அனைவரும் அறிந்த ஒன்றாகும்.

குறித்த கடிதத்தில் முன்னாள் அமைச்சர் அதாவுல்லாஹ் அவர்கள் அமைச்சர் றிஷாட் அவர்கள்  அம்பாரை மாவட்ட முஸ்லிம்களின் காணி உரிமைகள் தொடர்பான அபிலாஷைகளுக்கு வேட்டு வைக்கும் நடவடிக்கையாகவும் அதேநேரம் பேரினவாதிகளின் திட்டமிட்ட செயற்பாடுகளை அடியொற்றியதான நடவடிக்கையாக அமைந்திருப்பதாகவும், அமைச்சர் றிஷாட் அவர்கள் தனது சொந்த மாகாண  மக்களுடைய காணிப் பிரச்சினை தொடர்பில் தோல்வி கண்டிருக்கும் நிலையில் அம்பாறை மாவட்டத்தில் உள்ள காணிப் பிரச்சினைகளைப்பற்றி அறியாமல் அதுதொடர்பில் அமைச்சரவை பத்திரம் சமர்த்திருப்பதை ஏற்றுக்கொள்ள முடியாது என்றும் கூறியிருந்தார்.

உண்மையில் முன்னாள் அமைச்சர் அதாவுல்லாஹ் அவர்களின் இந்த கருத்தானது முற்றுமுழுதாக மறுப்பேதும் இல்லாமல் ஏற்றுக்கொள்ளப்பட வேண்டிய கருத்தாகும். ஆனால் அதைத்தொடர்ந்து அவரால் குறிப்பிட்ட மற்றவிடயங்கள் கேள்விக்குற்படுத்த வேண்டியதாகும்.
முஸ்லிம் தேசிய அரசியலில் சகோதரர் றிசாட் பதியுதீன் அவர்களை கிழக்கிற்குள் அரசியல் ரீதியில் நுழைவதை அனுமதிக்க முடியாது என்று கருத்துப்பட சில விடயங்களை சுட்டிக்காட்டியமை ஜனநாயக அரசியலுக்கு பொருந்தாத ஒரு விடயம் என்பதையும் சகோதரர் அதாவுல்லாஹ் அவர்களுக்கு எத்திவைக்க விரும்புகிறேன்.

குறிப்பாக நுரைச்சோலை வீட்டுத்திட்டத்தில் உள்ள பிரச்சினையை குறிப்பிட்டு அந்த பிரச்சினைக்கான காரணமாக இனவாதிகளை விரல் நீட்டுவதானது கடந்தகாலத் தவறை மறைத்து யாரைக்காப்பாற்ற முயற்சி செய்கிறீர்கள், என்பதுதான் இங்கு எழுகின்ற கேள்வியாகும்.

சுனாமியால் பாதிக்கப்பட்ட மக்களுக்காக முன்னாள் அமைச்சர் பேரியல் அஸ்ரப் அவர்களினால் கட்டப்பட்ட நுரைச்சோலை வீடுகள் இதுவரை பாதிக்கப்பட்ட மக்களுக்கு சென்றடையாமல் இருப்பதற்கான உண்மையான காரணங்களை மறைப்பதில் முன்னாள் அமைச்சர் அதாவுல்லாஹ் அவர்கள் மட்டுமல்ல தற்போதுள்ள மு.கா தலைவரும் அந்தக்கட்சியை பிரதிநிதித்துவப்படுத்தும் அம்பாறை மாவட்ட பாராளுமன்ற உறுப்பினர்களும் அடங்குவர், இவர்களுக்குள் அரசியல் ரீதியாக ஆயிரம் கருத்து முரண்பாடுகள் காணப்பட்டபோதும், நுரைச்சோலை வீட்டுத்திட்ட விவகாரத்தை பொருத்தவரையில் ஒருவகையான ஒற்றுமையையே இவர்கள் தொடர்ந்தும் கையாண்டு வருவது மேலும் இந்த விடயத்திலுள்ள உண்மைத்தன்மையை ஆராயத் தூண்டுகிறது.

உண்மையில் இந்தப் பிரச்சினையானது, இன்று நேற்று உருவான ஒன்றல்ல மறைந்த முன்னாள் அமைச்சர் மர்ஹூம் எம்.எச்.எம் அஸ்ரப் அவர்களின் காலப்பகுதியில் பொன்னன் வெளிக்காணிப் பிரச்சினையை மையமாக கொண்டே, அதைப் பின்தொடர்ந்து வந்த பிரச்சினைகளாகும்.

சந்திரிக்கா அம்மையாரின் ஆட்சியில் காலத்தில் ஜே.வி.பி பின்னனியில் சிங்கள இனவாதிகளால் சூறையாடப்பட்ட முஸ்லிம்களுக்கு சொந்தமான பொன்னன் வெளிக்காணிகள் அபகரிக்கப்பட்ட போது அந்த காணிகளை மீற்பதில் மர்ஹூம் அஸ்ரப் மிகவும் பாடுபட்டார். ஆனால் அவரால் அந்தக் காணிகளை பாதிக்கப்பட்ட மக்களுக்கு இனவாதிகளிடமிருந்து பெற்றுக் கொடுக்க முடியாமல் போனது. இருந்த போதும் காணிகளை இழந்த முஸ்லிம்களின் நிலையை ஆராய்ந்த அம்மையார் அன்றிருந்த சிங்கள இனவாதிகளையும் நொந்து கொள்ளாமல் இனவாதிகளால் கைப்பற்றப்பட்ட  பொன்னன் வெளி காணிகளுக்கு பதிலீடாக தீகபாவிக்கு அண்மித்த பகுதியான பல்லக்காடு என்ற அரசாங்கத்திற்கு சொந்தமான காணிகளை வழங்க, அம்மையார் சம்மதித்திருந்தார்.

அதைத்தொடர்ந்து "பல்லக்காடு" காணிகளை பாதிக்கப்பட்ட முஸ்லிம் மக்களுக்கு கையளிக்கும் வைபவத்தை ஒலுவிலில் பிரமான்டமான ஒரு பொதுக்கூட்டமாக மர்ஹூம் அஸ்ரப் அவர்களின் தலைமையில் ஏற்பாடு செய்யப்பட்டது. மட்டுமல்லாமல் அந்த கூட்டத்திற்கான அழைப்பிதல் விளம்பரப் பதாகைகளாக தமிழ்,சிங்கள மொழிகளில் நாட்டின் பலபகுதிகளில் சுவரொட்டிகளாகவும் ஒட்டப்பட்டன. அந்த சுவரொட்டிகள் அன்றிருந்த சோமவன்ச தேரர் தலைமையிலான இனவாதிகளின் கண்களிலும் அகப்பட்டது,பின்னாளில் அதுவே பலவிடயங்களை மர்ஹூம் அஸ்ரப் வரிந்து கட்டிக்கொண்டு இனவாதிகளை ஆசுவாசப்படுத்த புறப்பட காரணமாகவும் அமைந்தது.

குறித்த சுவரொட்டி அன்று மர்ஹூம் அஸ்ரப் அவர்களை மிகப்பெரிய ஒரு இனவாதியாக சிங்களப் பெரும்பான்மையர் மத்தியில்
அடையாளப் படுத்தப்பட்டு அது தொடர்பில் மர்ஹூம் அஸ்ரப் அவர்கள் சிங்கள சோமவன்ச என்ற பௌத்த தேரருடன் தான் ஒரு இனவாதியல்ல என்பதை நிரூபிப்பதற்கான தொலைக்காட்சி விவாதம் வரை கொண்டுவந்து நிறுத்தியும் இருந்தது.

மர்ஹூம் அஸ்ரப் அவர்கள் நாட்டைப் பிடிக்கிறார். காடுகளை அழித்து முஸ்லிம்களை குடியேற்றம் செய்கிறார்.  என்ற கோசத்துடன் சோமவன்ச தேரரும் அவருடன் அன்றிருந்த இனவாதிகளும் அம்பாறைக்கு படையாக வந்திறங்கி "சத்தியாக்கிரகத்தில்" ஈடுபட்டனர். அன்றுவரை இந்த விடயத்தை என்னவென்றே கண்டு கொள்ளாத அம்பாறை சிங்கள மக்கள் மத்தியில் மர்ஹூம் அஸ்ரப் அவர்களின் இந்த நடவடிக்கையை மிகப்பெரிய இனவாதமாக காட்சிப்படுத்தப்பட்டு ஜே.வி.பியினரின் தலைமையில் ஆர்ப்பாட்டமும் இடம்பெற்று, கடைசியில் அந்தக் காணிகள் பாதிக்கப்பட்ட முஸ்லிம்களுக்கு வழங்க விடாமல் தடுக்கப்பட்டது. அதனால் அந்தக்காலப்பகுதியில் சந்திரிக்கா அம்மையார் கூட மர்ஹூம் அஸ்ரப் அவர்களின் இந்த நடவடிக்கையை கண்டிக்க வேண்டிய நிலையும் ஏற்பட்டது. (குறிப்பு-இன்றுவரை அந்தக் காணிகளை முஸ்லிம் காங்கிரஸ் பெற்றுக்கொடுக்கவில்லை.)

அதைத்தொடர்ந்து மர்ஹூம் அஸ்ரப் அவர்களுக்கு சிங்கள இனவாதிகள் மத்தியில் செல்வாக்கு சரிந்து, தான் ஒரு இனவாதியல்ல என்பதை அவர் நிரூபிக்க வேண்டிய கட்டாயத்தையும், தேவையையும் உருவாக்கியது. பிற்காலத்தில் தீகபாவி என்கிற புனித பிரதேசம் உருவாகவும் அது காரணமாக அமைந்தது.

தனது அமைச்சின் கீழ் சுமார் 200 கோடி ரூபாய்க்கும் அதிகமாக செலவு செய்து மர்ஹூம் அஸ்ரப் அவர்கள் தீகபாவியை அபிவிருத்தி செய்கிறார். அன்றைய காலப்பகுதியில் அம்பாறையில் இருந்த  சிங்கள சமூகத்தின் பாராளுமன்ற உறுப்பினர்களாக இருந்த தயாரத்ண, சோமரத்ண மட்டுமல்ல  இவர்களுக்கு முன்னிருந்த டி.எஸ். சேனாநயக்க போன்றவர்கள் கூட செய்யத்துணியாத ஒரு காரியத்தை அஸ்ரப் தன்னுடைய சொந்த முயற்சியில் முன்நின்று செய்தார். அநுராதபுரத்திக்கு நிகரான பௌத்த விகாரையை அமைத்து தீகபாவியை புனிதப் பிரதேசமாக பிரகடனம் செய்யும் அளவுக்கு அங்கு அபிவிருத்தி பணிகளை மேற்கொண்டார். அதன்விளைவாக மேற்சொன்ன பல்லக்காடு, நுரைச்சோலை என முஸ்லிம்களுக்கு வழங்கப்படவிருந்த காணிகள் தீகபாவி புனிதப் பிரதேசத்திற்குள் சந்திரிக்கா அம்மையாரினால் உள்ளடக்கப்பட்டது.
மர்ஹூம் அஸ்ரப் அவர்களின் இந்த நடவடிக்கை சிங்கள மக்கள் மத்தியில் வரவேற்பை பெற்றபோதிலும் அதில் முஸ்லிம்கள் பாதிக்கப்படுகிறார்கள் என்பதை கவனிக்க தவறிவிட்டார். சுமார் ஆயிரத்திற்கும் மேற்பட்ட முஸ்லிம்களுக்கு சொந்தமான விவசாயக் காணிகள் இப்புனித பிரதேசத்திற்குள் அடங்குகின்றது.

பின்னாளில், இந்த விடயத்தை சரிவர ஆராயாமல் சுனாமியால் பாதிக்கப்பட்ட மக்களுக்கு வீடுகளைஅமைக்க தீகபாவியின் எல்லைக்குள் உள்ளடக்கப்பட்ட  நுரைச்சோலையில் பேரியல் அம்மையார் அவர்கள் வீடுகளை கட்டி முடிக்கும் வரை பார்த்துக் கொண்டிருந்த சிங்கள இனவாதிகளும் நமது இப்போதைய முஸ்லிம் தலைமைகளும் இது சம்பந்தப்பட்ட விடயத்தை விரிவாக பேரியல் அம்மையாருக்கு தெளிவுபடுத்தவில்லை என்றே கூறவேண்டும். ஒருவாறு கட்டிமுடிந்ததன் பின்னரே அந்த வீடுகளை சிங்கள இனவாதிகள் உரிமம் கொண்டாடி இன்று அது நீதிமன்றம் வரை விவகாரம் சென்று, தற்போது சுனாமியால் பாதிக்கப்பட்ட மக்களும் குடியேர முடியாத நிலையை தோற்றுவித்திருக்கிறது.

உண்மையைச் சொல்லப்போனால் மேற்சொன்ன இந்த விவகாரம் மர்ஹூம் அஸ்ரப் அவர்களின் காலத்தில் அவருடன் இருந்த முன்னாள் அமைச்சர் அதாவுல்லாஹ் அவர்களுக்கோ அல்லது மு.கா தரப்பினர்களுக்கோ தெரியாத ஒன்றல்ல இதைவிடவும் இந்த நுரைச்சோலை விடயத்தில் உள்ள கடந்த கால வரலாற்று தவறுகளை ஆழம் அகலமாக தெரிந்து வைத்திருந்தார்கள். ஆனால் அம்மையார் பேரியல் அவர்களுடன் இருந்த அரசியல் போட்டி காரணமாக அது அத்தனையையும் இவர்கள் மறைத்துவிட்டார்கள். இதனால் பாதிக்கப்பட்டது என்னவோ அப்பாவி முஸ்லிம் மக்கள் தான், அவர்கள் இன்றுவரை நிரந்தர வீடுகளின்றி தவிக்கிறார்கள்.

அன்று மர்ஹூம் அஸ்ரப் அவர்கள் செய்த அந்த காரியம், (நுரைச்சோலை பகுதியும் தீகபாவி புனித பூமிக்குள் உள்வாங்கப்பட்ட அந்த விடயத்தை) இன்றுவரை வெளிக்கொண்டுவராமல் கட்டப்பட்ட வீடுகள் தொடர்பில் அரசாங்கத்திடம் பேசிப் பெற்றுத்தருவதாக கூறி மர்ஹூம் அஸ்ரப் அவர்களை  நியாயப்படுத்தி அரசியல் லாபம் தேடுவதன் விளைவாக இந்த உண்மையை வெளியில் கொண்டுவராமல் பின் நிற்பதுமட்டுமல்லாமல், இவைகளை மறைக்க மக்களை ஏமாற்றும் அறிக்கைகளை காலத்திற்கு காலம் விட்டு இவர்கள் அரசியல் வியாபாரம் செய்கிறார்கள்.

கடந்த மஹிந்த அரசாங்கத்தின் உள்ளூராட்சி மாகாண அமைச்சராக மஹிந்த அரசின் செல்லப்பிள்ளையாக இருந்த அதாவுல்லாஹ் அவர்கள் அமைச்சர் ரிஷாட் பதியுதீன் அவர்களுக்கு கடிதம் எழுதுவதற்கு முதலில் அவர் அவரை சுயவிசாரணை செய்திருக்க வேண்டும். அன்று பலம் பொருந்திய அமைச்சராக விருந்த சகோதரர் அதாவுல்லாஹ் அவர்களினால் நுரைச்சோலை வீட்டுத்திட்ட பிரச்சினையை ஏன் முடிவுக்கு கொண்டுவர முடியாமல் போனது, என்று?!

உண்மையில் சொல்லுவதற்கு வேதனையாக இருந்தாலும் ,யதார்த்த பூர்வமாக இந்த விடயங்களை ஆராய்ந்த வரையில் அன்றிருந்த இனவாதிகளின் எச்சங்களான இப்போதுள்ள ஞானசார தேரராக இருக்கட்டும் அல்லது ஆனந்த தேரராக இருக்கட்டும் இந்த நுரைச்சோலை வீடுகள் முஸ்லிம்களுக்கு பகிர்ந்தளிக்க ஒருபோதும் இடம் கொடுக்கப் போவதில்லை, என்ற உண்மையையும் அதன் பின்னனியில் இனவாதத்தை மாத்திரம் அரசியல் மூலதனமாக கொண்ட சில பலம் பொருந்திய சிங்கள அமைச்சர்களும் காரணமாக இருக்கிறார்கள். என்பது ஒன்றும் புதிய விடயமல்ல, தற்போது வடக்கில் உள்ள முஸ்லிம்களின் காணிகளை வனப்பகுதியாக சுவீகரிக்க செய்த கையோடு அவர்கள் படையெடுக்க இருக்கின்ற அடுத்த இடம் தீகபாவிதான் என்றால் அது மிகையாகாது. எனவே உண்மைகளை புரிந்து சமூகத்தை தொடர்ந்து ஏமாற்றிக் கொண்டே இருக்காமல், முஸ்லிம் தலைவர்கள் தூரநோக்குடனான சில வழிமுறைகளை கையாளுவது சமூகத்திற்கு விமோசனத்தை தர வழிவகுக்கும். தவறுகள் சுட்டிக்காட்டப்படுவது மீண்டும் மீண்டும் தவறு செய்யத் தூண்டுவதற்காக அல்ல என்பதையும் செய்த தவறுகளில் இருந்து மீள்வதற்காகவும், இனிமேலும் இப்படியான தவறுகளை முஸ்லிம் தலைமைகள் தொடரக்கூடாது என்பதற்காகவுமாகும்.

அஹமட் புர்க்கான்
கல்முனை...

கடந்த புதன்கிழமை பெருவாரியான ஊடகங்களில் முன்னாள் அமைச்சர் அதாவுல்லாஹ் அவர்கள் அமைச்சர் றிஷாட் பதியுதீன் அவர்களுக்கு பகிரங்கமடல் ஒன்றினை வெளியிட்டிருந்த விடயம் நாம் அனைவரும் அறிந்த ஒன்றாகும்.

குறித்த கடிதத்தில் முன்னாள் அமைச்சர் அதாவுல்லாஹ் அவர்கள் அமைச்சர் றிஷாட் அவர்கள்  அம்பாரை மாவட்ட முஸ்லிம்களின் காணி உரிமைகள் தொடர்பான அபிலாஷைகளுக்கு வேட்டு வைக்கும் நடவடிக்கையாகவும் அதேநேரம் பேரினவாதிகளின் திட்டமிட்ட செயற்பாடுகளை அடியொற்றியதான நடவடிக்கையாக அமைந்திருப்பதாகவும், அமைச்சர் றிஷாட் அவர்கள் தனது சொந்த மாகாண  மக்களுடைய காணிப் பிரச்சினை தொடர்பில் தோல்வி கண்டிருக்கும் நிலையில் அம்பாறை மாவட்டத்தில் உள்ள காணிப் பிரச்சினைகளைப்பற்றி அறியாமல் அதுதொடர்பில் அமைச்சரவை பத்திரம் சமர்த்திருப்பதை ஏற்றுக்கொள்ள முடியாது என்றும் கூறியிருந்தார்.

உண்மையில் முன்னாள் அமைச்சர் அதாவுல்லாஹ் அவர்களின் இந்த கருத்தானது முற்றுமுழுதாக மறுப்பேதும் இல்லாமல் ஏற்றுக்கொள்ளப்பட வேண்டிய கருத்தாகும். ஆனால் அதைத்தொடர்ந்து அவரால் குறிப்பிட்ட மற்றவிடயங்கள் கேள்விக்குற்படுத்த வேண்டியதாகும்.
முஸ்லிம் தேசிய அரசியலில் சகோதரர் றிசாட் பதியுதீன் அவர்களை கிழக்கிற்குள் அரசியல் ரீதியில் நுழைவதை அனுமதிக்க முடியாது என்று கருத்துப்பட சில விடயங்களை சுட்டிக்காட்டியமை ஜனநாயக அரசியலுக்கு பொருந்தாத ஒரு விடயம் என்பதையும் சகோதரர் அதாவுல்லாஹ் அவர்களுக்கு எத்திவைக்க விரும்புகிறேன்.

குறிப்பாக நுரைச்சோலை வீட்டுத்திட்டத்தில் உள்ள பிரச்சினையை குறிப்பிட்டு அந்த பிரச்சினைக்கான காரணமாக இனவாதிகளை விரல் நீட்டுவதானது கடந்தகாலத் தவறை மறைத்து யாரைக்காப்பாற்ற முயற்சி செய்கிறீர்கள், என்பதுதான் இங்கு எழுகின்ற கேள்வியாகும்.

சுனாமியால் பாதிக்கப்பட்ட மக்களுக்காக முன்னாள் அமைச்சர் பேரியல் அஸ்ரப் அவர்களினால் கட்டப்பட்ட நுரைச்சோலை வீடுகள் இதுவரை பாதிக்கப்பட்ட மக்களுக்கு சென்றடையாமல் இருப்பதற்கான உண்மையான காரணங்களை மறைப்பதில் முன்னாள் அமைச்சர் அதாவுல்லாஹ் அவர்கள் மட்டுமல்ல தற்போதுள்ள மு.கா தலைவரும் அந்தக்கட்சியை பிரதிநிதித்துவப்படுத்தும் அம்பாறை மாவட்ட பாராளுமன்ற உறுப்பினர்களும் அடங்குவர், இவர்களுக்குள் அரசியல் ரீதியாக ஆயிரம் கருத்து முரண்பாடுகள் காணப்பட்டபோதும், நுரைச்சோலை வீட்டுத்திட்ட விவகாரத்தை பொருத்தவரையில் ஒருவகையான ஒற்றுமையையே இவர்கள் தொடர்ந்தும் கையாண்டு வருவது மேலும் இந்த விடயத்திலுள்ள உண்மைத்தன்மையை ஆராயத் தூண்டுகிறது.

உண்மையில் இந்தப் பிரச்சினையானது, இன்று நேற்று உருவான ஒன்றல்ல மறைந்த முன்னாள் அமைச்சர் மர்ஹூம் எம்.எச்.எம் அஸ்ரப் அவர்களின் காலப்பகுதியில் பொன்னன் வெளிக்காணிப் பிரச்சினையை மையமாக கொண்டே, அதைப் பின்தொடர்ந்து வந்த பிரச்சினைகளாகும்.

சந்திரிக்கா அம்மையாரின் ஆட்சியில் காலத்தில் ஜே.வி.பி பின்னனியில் சிங்கள இனவாதிகளால் சூறையாடப்பட்ட முஸ்லிம்களுக்கு சொந்தமான பொன்னன் வெளிக்காணிகள் அபகரிக்கப்பட்ட போது அந்த காணிகளை மீற்பதில் மர்ஹூம் அஸ்ரப் மிகவும் பாடுபட்டார். ஆனால் அவரால் அந்தக் காணிகளை பாதிக்கப்பட்ட மக்களுக்கு இனவாதிகளிடமிருந்து பெற்றுக் கொடுக்க முடியாமல் போனது. இருந்த போதும் காணிகளை இழந்த முஸ்லிம்களின் நிலையை ஆராய்ந்த அம்மையார் அன்றிருந்த சிங்கள இனவாதிகளையும் நொந்து கொள்ளாமல் இனவாதிகளால் கைப்பற்றப்பட்ட  பொன்னன் வெளி காணிகளுக்கு பதிலீடாக தீகபாவிக்கு அண்மித்த பகுதியான பல்லக்காடு என்ற அரசாங்கத்திற்கு சொந்தமான காணிகளை வழங்க, அம்மையார் சம்மதித்திருந்தார்.

அதைத்தொடர்ந்து "பல்லக்காடு" காணிகளை பாதிக்கப்பட்ட முஸ்லிம் மக்களுக்கு கையளிக்கும் வைபவத்தை ஒலுவிலில் பிரமான்டமான ஒரு பொதுக்கூட்டமாக மர்ஹூம் அஸ்ரப் அவர்களின் தலைமையில் ஏற்பாடு செய்யப்பட்டது. மட்டுமல்லாமல் அந்த கூட்டத்திற்கான அழைப்பிதல் விளம்பரப் பதாகைகளாக தமிழ்,சிங்கள மொழிகளில் நாட்டின் பலபகுதிகளில் சுவரொட்டிகளாகவும் ஒட்டப்பட்டன. அந்த சுவரொட்டிகள் அன்றிருந்த சோமவன்ச தேரர் தலைமையிலான இனவாதிகளின் கண்களிலும் அகப்பட்டது,பின்னாளில் அதுவே பலவிடயங்களை மர்ஹூம் அஸ்ரப் வரிந்து கட்டிக்கொண்டு இனவாதிகளை ஆசுவாசப்படுத்த புறப்பட காரணமாகவும் அமைந்தது.

குறித்த சுவரொட்டி அன்று மர்ஹூம் அஸ்ரப் அவர்களை மிகப்பெரிய ஒரு இனவாதியாக சிங்களப் பெரும்பான்மையர் மத்தியில்
அடையாளப் படுத்தப்பட்டு அது தொடர்பில் மர்ஹூம் அஸ்ரப் அவர்கள் சிங்கள சோமவன்ச என்ற பௌத்த தேரருடன் தான் ஒரு இனவாதியல்ல என்பதை நிரூபிப்பதற்கான தொலைக்காட்சி விவாதம் வரை கொண்டுவந்து நிறுத்தியும் இருந்தது.

மர்ஹூம் அஸ்ரப் அவர்கள் நாட்டைப் பிடிக்கிறார். காடுகளை அழித்து முஸ்லிம்களை குடியேற்றம் செய்கிறார்.  என்ற கோசத்துடன் சோமவன்ச தேரரும் அவருடன் அன்றிருந்த இனவாதிகளும் அம்பாறைக்கு படையாக வந்திறங்கி "சத்தியாக்கிரகத்தில்" ஈடுபட்டனர். அன்றுவரை இந்த விடயத்தை என்னவென்றே கண்டு கொள்ளாத அம்பாறை சிங்கள மக்கள் மத்தியில் மர்ஹூம் அஸ்ரப் அவர்களின் இந்த நடவடிக்கையை மிகப்பெரிய இனவாதமாக காட்சிப்படுத்தப்பட்டு ஜே.வி.பியினரின் தலைமையில் ஆர்ப்பாட்டமும் இடம்பெற்று, கடைசியில் அந்தக் காணிகள் பாதிக்கப்பட்ட முஸ்லிம்களுக்கு வழங்க விடாமல் தடுக்கப்பட்டது. அதனால் அந்தக்காலப்பகுதியில் சந்திரிக்கா அம்மையார் கூட மர்ஹூம் அஸ்ரப் அவர்களின் இந்த நடவடிக்கையை கண்டிக்க வேண்டிய நிலையும் ஏற்பட்டது. (குறிப்பு-இன்றுவரை அந்தக் காணிகளை முஸ்லிம் காங்கிரஸ் பெற்றுக்கொடுக்கவில்லை.)

அதைத்தொடர்ந்து மர்ஹூம் அஸ்ரப் அவர்களுக்கு சிங்கள இனவாதிகள் மத்தியில் செல்வாக்கு சரிந்து, தான் ஒரு இனவாதியல்ல என்பதை அவர் நிரூபிக்க வேண்டிய கட்டாயத்தையும், தேவையையும் உருவாக்கியது. பிற்காலத்தில் தீகபாவி என்கிற புனித பிரதேசம் உருவாகவும் அது காரணமாக அமைந்தது.

தனது அமைச்சின் கீழ் சுமார் 200 கோடி ரூபாய்க்கும் அதிகமாக செலவு செய்து மர்ஹூம் அஸ்ரப் அவர்கள் தீகபாவியை அபிவிருத்தி செய்கிறார். அன்றைய காலப்பகுதியில் அம்பாறையில் இருந்த  சிங்கள சமூகத்தின் பாராளுமன்ற உறுப்பினர்களாக இருந்த தயாரத்ண, சோமரத்ண மட்டுமல்ல  இவர்களுக்கு முன்னிருந்த டி.எஸ். சேனாநயக்க போன்றவர்கள் கூட செய்யத்துணியாத ஒரு காரியத்தை அஸ்ரப் தன்னுடைய சொந்த முயற்சியில் முன்நின்று செய்தார். அநுராதபுரத்திக்கு நிகரான பௌத்த விகாரையை அமைத்து தீகபாவியை புனிதப் பிரதேசமாக பிரகடனம் செய்யும் அளவுக்கு அங்கு அபிவிருத்தி பணிகளை மேற்கொண்டார். அதன்விளைவாக மேற்சொன்ன பல்லக்காடு, நுரைச்சோலை என முஸ்லிம்களுக்கு வழங்கப்படவிருந்த காணிகள் தீகபாவி புனிதப் பிரதேசத்திற்குள் சந்திரிக்கா அம்மையாரினால் உள்ளடக்கப்பட்டது.
மர்ஹூம் அஸ்ரப் அவர்களின் இந்த நடவடிக்கை சிங்கள மக்கள் மத்தியில் வரவேற்பை பெற்றபோதிலும் அதில் முஸ்லிம்கள் பாதிக்கப்படுகிறார்கள் என்பதை கவனிக்க தவறிவிட்டார். சுமார் ஆயிரத்திற்கும் மேற்பட்ட முஸ்லிம்களுக்கு சொந்தமான விவசாயக் காணிகள் இப்புனித பிரதேசத்திற்குள் அடங்குகின்றது.

பின்னாளில், இந்த விடயத்தை சரிவர ஆராயாமல் சுனாமியால் பாதிக்கப்பட்ட மக்களுக்கு வீடுகளைஅமைக்க தீகபாவியின் எல்லைக்குள் உள்ளடக்கப்பட்ட  நுரைச்சோலையில் பேரியல் அம்மையார் அவர்கள் வீடுகளை கட்டி முடிக்கும் வரை பார்த்துக் கொண்டிருந்த சிங்கள இனவாதிகளும் நமது இப்போதைய முஸ்லிம் தலைமைகளும் இது சம்பந்தப்பட்ட விடயத்தை விரிவாக பேரியல் அம்மையாருக்கு தெளிவுபடுத்தவில்லை என்றே கூறவேண்டும். ஒருவாறு கட்டிமுடிந்ததன் பின்னரே அந்த வீடுகளை சிங்கள இனவாதிகள் உரிமம் கொண்டாடி இன்று அது நீதிமன்றம் வரை விவகாரம் சென்று, தற்போது சுனாமியால் பாதிக்கப்பட்ட மக்களும் குடியேர முடியாத நிலையை தோற்றுவித்திருக்கிறது.

உண்மையைச் சொல்லப்போனால் மேற்சொன்ன இந்த விவகாரம் மர்ஹூம் அஸ்ரப் அவர்களின் காலத்தில் அவருடன் இருந்த முன்னாள் அமைச்சர் அதாவுல்லாஹ் அவர்களுக்கோ அல்லது மு.கா தரப்பினர்களுக்கோ தெரியாத ஒன்றல்ல இதைவிடவும் இந்த நுரைச்சோலை விடயத்தில் உள்ள கடந்த கால வரலாற்று தவறுகளை ஆழம் அகலமாக தெரிந்து வைத்திருந்தார்கள். ஆனால் அம்மையார் பேரியல் அவர்களுடன் இருந்த அரசியல் போட்டி காரணமாக அது அத்தனையையும் இவர்கள் மறைத்துவிட்டார்கள். இதனால் பாதிக்கப்பட்டது என்னவோ அப்பாவி முஸ்லிம் மக்கள் தான், அவர்கள் இன்றுவரை நிரந்தர வீடுகளின்றி தவிக்கிறார்கள்.

அன்று மர்ஹூம் அஸ்ரப் அவர்கள் செய்த அந்த காரியம், (நுரைச்சோலை பகுதியும் தீகபாவி புனித பூமிக்குள் உள்வாங்கப்பட்ட அந்த விடயத்தை) இன்றுவரை வெளிக்கொண்டுவராமல் கட்டப்பட்ட வீடுகள் தொடர்பில் அரசாங்கத்திடம் பேசிப் பெற்றுத்தருவதாக கூறி மர்ஹூம் அஸ்ரப் அவர்களை  நியாயப்படுத்தி அரசியல் லாபம் தேடுவதன் விளைவாக இந்த உண்மையை வெளியில் கொண்டுவராமல் பின் நிற்பதுமட்டுமல்லாமல், இவைகளை மறைக்க மக்களை ஏமாற்றும் அறிக்கைகளை காலத்திற்கு காலம் விட்டு இவர்கள் அரசியல் வியாபாரம் செய்கிறார்கள்.

கடந்த மஹிந்த அரசாங்கத்தின் உள்ளூராட்சி மாகாண அமைச்சராக மஹிந்த அரசின் செல்லப்பிள்ளையாக இருந்த அதாவுல்லாஹ் அவர்கள் அமைச்சர் ரிஷாட் பதியுதீன் அவர்களுக்கு கடிதம் எழுதுவதற்கு முதலில் அவர் அவரை சுயவிசாரணை செய்திருக்க வேண்டும். அன்று பலம் பொருந்திய அமைச்சராக விருந்த சகோதரர் அதாவுல்லாஹ் அவர்களினால் நுரைச்சோலை வீட்டுத்திட்ட பிரச்சினையை ஏன் முடிவுக்கு கொண்டுவர முடியாமல் போனது, என்று?!

உண்மையில் சொல்லுவதற்கு வேதனையாக இருந்தாலும் ,யதார்த்த பூர்வமாக இந்த விடயங்களை ஆராய்ந்த வரையில் அன்றிருந்த இனவாதிகளின் எச்சங்களான இப்போதுள்ள ஞானசார தேரராக இருக்கட்டும் அல்லது ஆனந்த தேரராக இருக்கட்டும் இந்த நுரைச்சோலை வீடுகள் முஸ்லிம்களுக்கு பகிர்ந்தளிக்க ஒருபோதும் இடம் கொடுக்கப் போவதில்லை, என்ற உண்மையையும் அதன் பின்னனியில் இனவாதத்தை மாத்திரம் அரசியல் மூலதனமாக கொண்ட சில பலம் பொருந்திய சிங்கள அமைச்சர்களும் காரணமாக இருக்கிறார்கள். என்பது ஒன்றும் புதிய விடயமல்ல, தற்போது வடக்கில் உள்ள முஸ்லிம்களின் காணிகளை வனப்பகுதியாக சுவீகரிக்க செய்த கையோடு அவர்கள் படையெடுக்க இருக்கின்ற அடுத்த இடம் தீகபாவிதான் என்றால் அது மிகையாகாது. எனவே உண்மைகளை புரிந்து சமூகத்தை தொடர்ந்து ஏமாற்றிக் கொண்டே இருக்காமல், முஸ்லிம் தலைவர்கள் தூரநோக்குடனான சில வழிமுறைகளை கையாளுவது சமூகத்திற்கு விமோசனத்தை தர வழிவகுக்கும். தவறுகள் சுட்டிக்காட்டப்படுவது மீண்டும் மீண்டும் தவறு செய்யத் தூண்டுவதற்காக அல்ல என்பதையும் செய்த தவறுகளில் இருந்து மீள்வதற்காகவும், இனிமேலும் இப்படியான தவறுகளை முஸ்லிம் தலைமைகள் தொடரக்கூடாது என்பதற்காகவுமாகும்.

அஹமட் புர்க்கான்
கல்முனை...

பேயோட்டிய பெருந்தலைவன்.-பகுதி 3

சூனியம் செய்த சாணக்கியம்

குமாரிக் கூரே ஹக்கீமின் வாழ்க்கையில் எப்படிப்பட்ட பாதிப்பைச் செலுத்துயிருக்கிறார் என்பதைச் சிந்திக்கும்போது ஏமாற்றமும்,பயமும் மேலிடுகிறது.
எமது தலைவனா இப்படி என்ற ஏமாற்றம் அது.இவர் இப்படி இருந்தால் எமது சமூகம் எங்கு போய் நிற்குமோ என்ற பயம் அது.

குமாரி கூரே ஹக்கீமுக்கு அறிமுகமாகியதன் பின்னர் ஹக்கீமின் தனிப்பட்ட வாழ்க்கையும் அரசியல் வாழ்க்கையும் குமாரி மயமாகத்தான் இருந்தது. வாக்களித்த மக்களோ தலைவர் எமது உரிமைகளை வென்றுதரப் போராடுகிறார் என்று எதிர்பார்த்தவர்களாகக் காத்திருந்தார்கள்.ஆனால் ஹக்கீமோ குமாரியின் பேயை விரட்டப் போராடிக்கொண்டிருந்தார்.

பள்ளிகள் பற்றி எரியும்போது இறைவா எங்களை அழிக்கிறார்கள் என்று இறைவனிடம் இறைஞ்சிவிட்டு அவனின் உதவி ஹக்கீமின் மூலமாக வரும் என்று எமது மக்கள் இறைஞ்சிய கையை இறக்காமல்,கண்களை ஹக்கீமின் பக்கம் வைத்துக் கொண்டு காத்திருந்தார்கள். ஆனால் ஹக்கீமோ அவரை பிடித்து ஆட்டிக்கொண்டிருக்கும் குமாரியின் சனியை விரட்ட சூனியம் செய்து கொண்டிருந்தார்.

எங்கள் தலைவன் எங்களுக்காகத் துடித்தெழும்புவான் என்று மக்கள் காத்துக்கொண்டே இருந்தார்கள்.ஆனால் அரசாங்கம் ‘உஷ்’ பொத்திக் கொண்டு பொட்டிப்பாம்பாய்க் கிட இல்லையேல் உன் வீடியோவை வெளியிடுவோம் என்று அனைவரும் மிரட்டிக்கொண்டிருந்தார்கள்.எப்படி எழும்புவார் தலைவர் எங்களுக்காக.

முஸ்லீம் காங்கிறசின் தலைமைப் பதவியை ஏற்ற காலத்தில் இருந்து இதுதான் ஹக்கீமின் அரசியல் வாழ்க்கையாக இருந்து வருகிறது.குமாரி உயிரோடு இருக்கும் போது குமாரியை வைத்து மிரட்டுவது,குமாரி இறந்ததன் பின் குமாரியின் மரணத்தை வைத்து மிரட்டுவது,அதை விட்டு ஓட ஹக்கீம் உம்மத்தை விற்பது,பின்னர் குமாரியின் ஆவியை விரட்ட ஓடித்திரிவது,குமாரியைப் பிரிக்க சூனியம் செய்வது.தனது  பிரச்சினைக்கே விடை தெரியாமல் தத்தளிக்கும் மனிதர்  எப்படி எமது பிரச்சினைக்குத் தீர்வு கண்டுவருவார்?
குமாரியின் ஆவியை விரட்ட தெடிமுண்ட தெய்வத்திடம் உதவி தேடிப்போன தலைவர் கதையை நான் சென்ற தொடரில் கூறியிருந்தேன்.இது அகீதா ரீதியாக ஹக்கீம் பிறழ்ந்து போன இன்னொரு கதையை இங்கே கூறுகிறேன்.

குமாரியை ஏமாற்றிய ஹக்கீம் குமாரியை விட்டு எப்படி விலகுவது என்று யோசித்துக்கொண்டிருந்தார்.குமாரி தன்னைச் சுற்றிச் சுற்றி வருவதிலிருந்து குமாரியை நிறுத்தவேண்டும்.அதற்கு ஒரு வழி தன்னை மனதார நேசிக்கும் குமாரியை தன்னை வெறுக்கவைக்கவேண்டும். எப்படிச் செய்வது?

குமாரியின் விவகாரத்திற்கு ஏதாவது செய்ய வேண்டும் என்று நினைத்து ஹக்கீம் பலரை கலந்துரையாடினார். தலைவருக்கு சூப்பர ஐடியா கொடுத்தவர் ஜாவத்தையில் வசிக்கும் ஒரு முஸ்லிம் பெண்.அவருடைய தந்தை கல்முனையைச் சேர்ந்தவர்.அவர் தனிப்பட்ட ஒருவர் என்பதால் அவருடைய பெயர் இங்கு தவிர்க்கப்படுகிறது.
‘லொகு சீயாவிடம் செல்லுங்கள் என்றார்’’ அந்தப் பெண்.

படத்தில் இருப்பவர் லொகு சீயாவும் அவரது இரண்டு மகன்களான பொடி சீயா மற்றும் புஞ்சி சீயா ஆகியோர்.ராகமையில் தலகொல்லவில் நெலும் மாவத்தையில் இருக்கும் ஒரு கோயில்தான் ‘றாகம தேவாலய’ என்பது.அந்தப் பன்ஸலயின் பிரதான பூசாரியின் பெயர் லொகு சீயா.60 வகையான தீய ஆவிகளை தன்னுள் வைத்திருப்பவர்தான் லொகு சீயா என நம்பப்படுகிறது.சுமார் நூறு வருடங்களுக்கு முன்னர் மரணித்த அப்புஹாமி சீயா என்வரின் ஆவி லொகு சீயாவிடம் புகுந்திருக்கிறது என்று சிங்களவர்க்ள் நம்பினார்கள்.பல வருடங்களுக்கு முன்னர் மரணித்த சண்டி சீயாவின் ஆவியும் லொகு சீயாவிடம் இருக்கிறது என்றும் நம்பப்படுகிறது.

கெட்ட ஆவிகளின் உதவியுடன் சூனியங்களை வெட்டுதல்,வைத்தியம் செய்தல்,சூனியத்தின் மூலம் உறவுகளைப் பிரித்தல் போன்ற பல விடயங்களில் பெயர் போனவர்தான் லொகு சீயா.முட்டைகளை வைத்துத்தான் இவரின் சூனியச் செயற்பாடுகள் எல்லாம் இடம்பெறும். பாதிக்கப்பட்டவரிடம் இருந்து முட்டைகளைப் பெற்று அவற்றை ஒரு சட்டிக்குள் வெள்ளைச் சீலையால் மூன்றூ நாட்களுக்கு மூடிவைத்து மந்திரித்து சூனியம் செய்வதுதான் லொகு சீயாவின் பிரபலமான செய்வினை முறை.

தலைவர் குமாரியைத் தன்னிடம் இருந்து பிரிக்க சூனியம் செய்வதற்காக லொகு சீயாவை நாடினார்.விவரங்களை அறிந்து கொண்ட லொகு சீயா முதல் நாள் பத்து வெள்ளை நிற முட்டைகளைக் கொண்டுவருமாறு ஹக்கீமிடம் கூறினார்.முட்டைகளின் மீது ஓதி ஊதிய வண்ணம் ஹக்கீமும்,லொகு சீயாவும் அவரின் கட்சியைச் சேர்ந்த இருவரும் அருகில் இருக்கும் கடற்கரைக்குச் சென்றனர். இனம் புரியாத பாஷையில் ஓதி ஒவ்வொரு முட்டைகளாகக் கடலில் எறிந்தார் லொகு சீயா.

மறு நாள் இன்னொரு பத்து முட்டைகளோடு தனது வீட்டிற்கு வரச்சொன்னார் லொகு சீயா.அவை வெள்ளை நிறமாக இருக்கவேண்டும் என்றும் அவர் கூறியிருந்தார். ஹக்கீம் சென்றார்.வாங்கிய பத்து முட்டைகளில் ஒரு முட்டை இளம் சிவப்பாக இருந்தது என்று அந்த சம்பவத்தை நேரில் கண்ட ஒருவர் என்னிடம் விபரித்தார். பத்து முட்டைகளையும் எடுத்துக்கொண்டு பூஜையறைக்குள் நுழைந்த லொக்கு சீயா மந்திரித்துவிட்டு தலைவிரி கோலமாக தன் வீட்டு முன்றலுக்கு வந்தார்.அங்கு ஹக்கீம் கைகளைக் கட்டிய வண்ணம் நின்றிருந்தார்.ஒவ்வொரு முட்டையாக ஹக்கீமை உடைக்கச் சொன்னார் லொக்கு சீயா.முட்டையை உடைத்ததும் அவை அனைத்தும் கூழ் முட்டைகளாக இருந்தன. புதிதாக வாங்கிய முட்டைகள் கூழ் முட்டைகளாக இருப்பதை அகல விரிந்த கண்களோடு ஆச்சரியமாகப் பார்த்துக் கொண்டிருந்தார் ஹக்கீம்.குமாரியின் உறவு இனி இல்லாமல் போய்விடும் என்று அவர் நிம்மதியடைந்தார்.

இது  தலைவரின் ராகம தேவாலயக் கதை.அடுத்த கதை தலைவரின் எண்கணிதம் மீதான நம்பிக்கை சார்ந்தது.

ஹக்கீம் எண்கணிதத்தில் மிகவும் நம்பிக்கை கொண்டவர்.ஹக்கீம் பிறந்தது 13ம் திகதி.எண்கணித அடிப்படையில் 13ம் இலக்கம் மிகவும் துரதிஷ்டமான இலக்கமாக கணிக்கப்படுகிறது.எண் கணிதத்தில் கர்ம இலக்கங்களாக நம்பப்படுபவை 13,14.16,19 ஆகிய இலக்கங்கள்.ஹக்கீம் அவர்கள் பிறந்தது 13ம் திகதி என்பதனால் 13ம் திகதியில் அவர் எந்தவிதமான நல்ல காரியங்களையும் ஆரம்பிக்கமாட்டார்.எந்த விதமான ஒப்பந்தங்களிலும் கைச்சாத்திடமாட்டார்.கட்சிக் கூட்டங்கள் எதுவும் 13ம் திகதியில் வைக்கமாட்டார். இதனை யாரும் பரிசோதிக்க விரும்பினால் 13ம் திகதி ஏதாவது காங்கிறஸ் கூட்டங்கள் நடை பெற்றிருக்கிறதா என்பதை தேடிப்பார்க்கலாம்.

நான் இங்கு கூறுபவைகள் அனைத்தும் நேரடிச்சாட்சியங்களிடமிருந்து பெறப்பட்ட தகவல்கள்.ரவூப் ஹகீம் யார் யாரோடு சென்றார் என்று பெயர் முதல் இங்கு குறிப்பிட்டிருக்கிறேன். முடியுமாக இருந்தால் ரவூப் ஹக்கீமோ அல்லது அவரின் அடிவருடிகளோ இது இட்டுக்கட்டப்பட்டது.இவ்வாறு தலைவர் செய்யவில்லை என்று முடியுமானால் மறுக்கட்டும்.

எண் கணிதணிதத்தை வைத்து நல்ல சகுனங்கள்,கெட்ட சகுனங்கள் தீர்மானிப்பது இணைவைப்பு என்று நபிகளார் கூறியிருக்கிறார்கள்.’தியாறா( கெட்ட சகுனங்கள் பார்ப்பது) இணைவைப்பாகும் என நபிகளார் குறிப்பிடுகின்றார்கள்.

யாரேனும் சோதிடனிடம் சென்று அவன் கூறுவதை நம்பினால் முஹம்மதுக்கு
அருளப்பட்ட  மார்க்கத்தை  அவன் நிராகரித்து விட்டான் என்பது முஸ்னத் அஹ்மதில் வரும் நபிமொழி.

 நன்றாக ஞாபகம் இருக்கட்டும். விபச்சாரம் செய்தவர்,போயோட்டியவர்,சூனியம் செய்தவர்,எண் கணிதம் பார்ப்பவர் எல்லாம் முஸ்லீம்களின் அரசியல் உரிமைகளை மீட்டுத்தரும் சிறீலங்கா முஸ்லிம் காங்கிறசின் தேசியத்தலைவர் ரவூப் ஹக்கீம் அவர்கள் என்பது ஞாபகம் இருக்கட்டும்.

அகீதாவே சரியில்லாத இப்படிப்பட்டவர்தான் எமக்கு அரசியல் விடுதலை வாங்கித்தருவார் என்று கண்மூடித்தனமான நாங்கள் நம்பியிருக்கிறோம்.இந்த அகீதா சரியில்லாத ஒருவர்தான் அல் குர்ஆனையும், சுன்னாவையும் யாப்பாகக் கொண்ட கட்சியின் தலைவராக இருக்கிறார்.அவரைத் தலைவராக ஏற்றுக்கொண்ட சமுதாயம் எப்படி வெற்றி பெறும்.யோசித்துப்பாருங்கள்.
(தொடரும்)

-றாஸி முகம்மது ஜாபிர்


நல்லரசாங்கம் நன்றாகவே முஸ்லிம்களை கவணிக்கிறது...? கருமலையூற்று பள்ளிவாசல் காணியை இராணுவத்துக்காக சுவீகரிப்பதாக அறிவிப்பு...!

இது மஹிந்த அரசாங்கத்தில் நடந்திருந்தால் ஓலம்மிட்டு அழுதிருப்பார்கள்...!

இப்போது ஓலமிட்டு அழுவதற்கு பதிலாக, ஒதிங்கி நிற்பதன் மர்மம் என்ன?

இந்த இனவாத நடவடிக்கைகளுக்கு ஜனாதிபதியையோ, பிரதமரையோ குற்றம் சாட்டுவதற்கு இந்த நல்லாட்சிக்கு வாக்களித்த யாருமே முன்வராததன் காரணம் என்ன?

அதுமட்டுமல்ல, முசலி பிரதேசத்தை வில்பத்து காடு என்று நல்லரசாங்கம் வர்த்தமாணி அறிவித்தல் செய்துள்ளது, பொத்துவிலில் உள்ள முஸ்லிம்களின் பரம்பரை நெற்செய்கை காணிகளையும் காடுகள் என்று அறிவித்துவிட்டது இந்த நல்லரசாங்கம்...
அதுமட்டுமா?
ஞானசாரவின் வழிகாட்டலில் கிழக்கு மாகாணத்தில் பௌத்த சின்னங்களை பாதுகாக்க ஜனாதிபதி அவர்கள் குழுவும் அமைத்துள்ளார்.

வாக்களித்த மக்களும், இந்தாட்சிக்கு முட்டுக்கொடுக்கும் "கோடாரிக்காம்புகளான" முஸ்லிம் பாராளுமன்ற உறுப்பினர்களும், அதன் தலைவர்களும் வாய்மூடி மௌனிகளாக இருப்பதன் மர்மம் தான் என்ன?

மஹிந்த ஆட்சியில் எது நடந்தாலும், மஹிந்த மஹிந்த என்று கத்திய சிலபேர் இன்று பொந்துக்குள் ஒழிந்துகொண்டு எங்களுக்கு எதுவுமே தெறியாத மாதிரி குருடர்களைப்போல் நடிப்பதன் காரணம் என்ன?

இந்தாட்சியில் நிறைய விடயங்கள் முஸ்லிம்களுக்கு எதிராக நடந்தாலும் அதற்கு மைத்திரியையோ, அல்லது ரணிலையோ குற்றம்சாட்ட இவர்கள் பின்நிற்பதன் நோக்கம் என்ன?

முஸ்லிம்களே ஒன்றை மட்டும் புரிந்து கொள்ளுங்கள்....!

மஹிந்தவை எதிர்க்கின்றோம் என்ற நோக்கத்தில், இந்த நாகபாம்பு அரசாங்கம் செய்வதையெல்லம் அனுமதிக்காதீர்கள்...
 இந்த அரசாங்கம் மஹிந்த அரசாங்கத்தை விட பயங்கரமானது என்பதை புரிந்து கொள்ளுங்கள்...

இந்த விடயங்கள் அனைத்தும் நமது முஸ்லிம் தலைவர்களுக்கு நன்றாகவே தெறியும், அவர்களை தனிப்பட்ட முறையில் பேசிப்பாருங்கள் இதுதான் உண்மை என்பார்கள்....
இந்த உண்மையை அவர்கள் ரகசியமாக பல பேரிடம் கூறிவருவது மட்டுமல்ல, சந்தர்ப்பம் கிடைக்கும் போது பொது மேடைகளிலும் நாசுக்காக பேசியும் வருகின்றார்கள் என்பதையும் நீங்கள் புரிந்து கொள்ளவேண்டும்.

அதேநேரம் சட்டிக்குள் இருந்து அடுப்புக்குள் வீழ்ந்து விட்டோம், அதற்கு மக்கள் மாறியதுதான் காரணம் என்றும் கூறிவருகின்றார்கள்.

நாங்கள் தீர்மானிப்பதற்கு முன்னமே மக்கள் தீர்மானித்ததன் காரணமாகவே நாங்களும் மாறினோம் என்று முஸ்லிம் தலைவர்கள் தலையில் அடித்துக்கொள்ளும் நிலைமையையும் காண்கின்றோம்...

முஸ்லிம் மக்களை இந்தளவு மாற்றியதற்கு  யார் காரணம் என்பதை யாரும் அறிந்து கொள்ள முயற்சிக்கவில்லை என்பது வேதனையான விடயம்தான்.
இந்த சதிக்குப்பின்னால் மேற்குலக நாசகார சக்திகளும், டயஸ்போராக்களுமே இருக்கின்றார்கள் என்பதை புரியாத அப்பாவி முஸ்லிங்களை பற்றி நாம் என்ன சொல்ல முடியும்.

இந்த ஞானசார மேற்குலகின் ஏஜண்ட்டு என்பதை மக்கள் கவணிக்கத்தவறிவிட்டார்கள், இந்த நல்லரசாங்கத்தை கொண்டுவருவதற்கு பின்னால் இருந்து உதவி செய்தததே இவர்கள்தான், இப்போது இவர்கள் எங்கே தஞ்ஞம் அடைந்துள்ளார்கள் என்பதே இதற்கு சான்றாகும்...

ஆகவே, இந்த நல்லராங்கம் வாழைப்பழத்துக்குள் ஊசியை ஏற்றுவதுபோல் ஊசியை ஏற்றி முஸ்லிம்களின் இருப்பை கேள்விக்குட்படுத்த முயற்சிக்கின்றது என்பதை முஸ்லிம்கள் கவணிக்க தவறினார்களேயானால், நாம் எதிர்காலத்தில் சொல்லொன்னா துயரத்தில் மாட்டிக் கொள்வோம் என்பதில் எள் அளவும் சந்தேகமில்லை என்பதே உண்மையாகும்.......

எம்.எச்.எம்.இப்றாஹிம்
கல்முனை....

மஹிந்த ராஜபக்ஷ அவர்களை ஒரு இனவாத அரசியல் தலைவர் என்ற பாங்கில் தோற்றப்பாட்டை உருவாக்கி, அவருடைய ஆட்சியை கவிழ்க்க காரணமாக இருந்த நல்லாட்சிக் காரர்களை நம்பி ஏமாந்து வாக்களித்த முஸ்லிம் சமூகம் இன்று செய்வதறியாது தவித்துக் கொண்டிருக்கிறது.

நடைபெற்றுக் கொண்டிருப்பது நல்லாட்சி என்று மக்கள் நம்பிக்கொண்டிருந்தாலும், நாட்டில் நடைபெறுவது என்னவோ ரணில் விக்கிரமசிங்க அவர்களுடைய தலைமையிலான ஐக்கிய தேசிய கட்சி அரசாங்கம் தான் என்பதை புத்தியுள்ளவர்கள் மறுப்பதற்கு இல்லை, அதே நேரம் ஜனாதிபதி மைத்திரிபால ஸ்ரீசேன அவர்கள் இந்த நல்லாட்சி அரசாங்கத்தின் வீட்டோடு மாப்பிள்ளையாக இருக்கிறார். என்பதுதான் உண்மை, இதை முஸ்லிம் சமூகம் தெளிவாக புரிந்துகொள்ள வேண்டும்.

எந்த ஒரு காலகட்டத்திலும் ஐ.தே.கட்சியினுடைய அரசாங்கங்கள் முஸ்லிம் சமூகத்தினுடைய இருப்புக்கும், பாதுகாப்பிற்கும் உத்தரவாதம் வழங்கவில்லை என்பதைத்தான் நாங்கள்  வரலாற்றில் கற்றுக்கொண்ட பாடமாக இருக்கின்றது. மட்டுமல்லாமல் இன்றுள்ள பிரதமர் ரணில் விக்கிரமசிங்க அவர்கள் கூட இதற்கு விதிவிலக்கானவர் அல்ல, என்பதையும் அவரிடத்தில் ஆட்சி அதிகாரம் கொடுக்கப்பட்ட போது முஸ்லிம் சமூகத்தை எப்படியெல்லாம் அவர் பந்தாடினார் என்பதையெல்லாம், இவ்வளவு குறுகிய காலத்தில் முஸ்லிம் சமூகம் மறந்துவிட்டதா? என்ற கேள்வியும் சந்தேகமும் எழுகின்றது.

வரலாற்று நெடுகிலும் ஐ.தே.கட்சியினுடனான விசுவாசத்தை ஒட்டுமொத்த முஸ்லிம் சமூகமும் வெளிக்காட்டியிருந்த போதும், எந்த ஒரு காலகட்டத்திலும் ஐ.தே.க முஸ்லிம் சமூகத்தின் மீது பற்றுதல் கொண்டு பாதுகாக்கவில்லை என்பதுதான் உண்மையாகும்.

1984, காலப்பகுதியில் ஆட்சியில் இருந்த முன்னாள் ஜனாதிபதி ஜே.ஆர் ஜெயவர்த்தன அரசாங்கத்தின் அனுசரணையுடன் இலங்கையில் ஊடுருவிய மொசாட் அமைப்பின் போக்கை  ஆதரித்து சிறுபான்மை சமூகத்திற்கிடையே இனக்கலவரத்தையும்,பகையையும் விதைப்பதில் மிகவும் சாதூர்யமாக ஜே.ஆர் காய் நகர்த்தினார்.

விடுதலை புலிகளுடைய போராட்டத்துக்கு முழு அங்கீகாரம் வழங்குகின்ற வகையில் புலிகளுக்கு ஆயுதங்களை வழங்கி, தமிழர்களோடு சம அந்தஸ்துள்ள முஸ்லிங்களை கவனத்தில் கொள்ளாமல், இந்தியாவை திருப்திப்படுத்த வடக்கு கிழக்கு இணைப்பை தன்னுடைய அரசியல் நலனுக்காக, முஸ்லிம் சமூகமும், அன்று அச்சத்திலும், கவலையுடனும் பல இழப்புக்கும் மத்தியில் தூங்கிக் கொண்டிருக்கும் சூழலில் 1987 ம் ஆண்டு நடுநிசிப் பொழுதில் வடக்கையும் கிழக்கையும் இணைத்து தமிழர்கள் கரங்களை அதிகாரத்தில் ஓங்கச் செய்து மாபெரும் வரலாற்று துரோகத்தை முஸ்லிம் சமூகத்திற்கு செய்தார்.
அதன் காரணமாக முஸ்லிம் சமூகம் அடைந்த மனவலியும் துயரங்களும் சொல்லில் அடங்காதவைகள்.

பிற்காலத்தில் ஐ.தே.கட்சியின் ஆட்சிக்கு வந்த ரணசிங்க பிரேமதாஸ அவர்களும் கூட முஸ்லிம்களை விட்டு வைத்ததாக நாங்கள் அறியவில்லை, அவருடைய ஆட்சியில் புலிகளுடன் அவர் தேனிலவு கொண்டாடிக் கொண்டிருந்தார்.

பிரபாகரனுக்கும் அவருடைய படைக்கும் ஆயுதங்களை வழங்கி, அந்த ஆயுதங்கள் அப்பாவி முஸ்லிம்கள் பலரின் உயிர்களைப் பறிக்க காரணமாக இருந்தார்.

பிரமதாஸ அரசுக்கும் விடுதலை புலிகளுக்கும் இடையே இடம்பெற்ற சமாதான ஒப்பந்த காலத்திலும் கூட விடுதலைப் புலிகள் முஸ்லிம்களை விட்டு வைக்கவில்லை. அப்பாவி இளைஞர்களை பலவந்தமாக கடத்திச்சென்றும், ஆயுத முனையில் அச்சுறுத்தியும், பழிசுமத்தியும் படுகொலை செய்த வரலாற்றைத்தான் அதிகமாக காண முடிகிறது.

அன்று புலிகளுடைய காட்டு தர்பாரை பிரேமதாஸ அரசு அங்கீகரித்தாற் போல் பொலிசார் ராணுவத்தினர்கள், விடுதலை புலிகளின் எந்த ஒரு விவகாரங்களிலும் தலையிடக் கூடாது எனவும் அவர் கட்டளையிட்டிருந்தார்.

நாட்டையும், நாட்டு மக்களையும் பாதுகாக்க வேண்டிய பிரேமதாஸவும், அவரது அரச பாதுகாப்பு படையினரும் அன்று முஸ்லிம் சமூகம் அடிவாங்கியதை வேடிக்கை பார்த்ததை தவிர வேறெதனையும் முஸ்லிம்களுக்கு செய்யவில்லை. இத்தனைக்கும் முஸ்லிம்களின் பேராதரவில் ஆட்சியைப் பிடித்தவர்தான் ரணசிங்க பிரமதாஸ, ஆனால் அவர் முஸ்லிம் சமூகத்தை அன்று கருவேப்பிலையாகத்தான்  பயன்படுத்தி இருந்தார்.

வடகிழக்கு இணைப்பிலும் திருத்தியடையாத பாசிசப் புலிகள் ஆறு அறிவுடைய மனிதர்களாக இருந்த போதும், அவர்கள் ஏந்தியிருந்த ஆயுதங்களுக்கு ஆறறிவு இருக்கவில்லை, என்பதை அவர்களுடைய துப்பாக்கிகளின் பசிக்கு இறையான முஸ்லிம்களின் ஜனாஸாக்கள் சாட்சியம் கூறின.

இணைக்கப்பட்ட வடகிழக்கு மாகாணமாக நீடிக்கப்பட்டு ஜனநாயகம் தொலைந்து ஆயுததாரிகளின் ஆதிக்கம் நிறைந்த பூமியில் முஸ்லிம்கள் நாங்கள் பட்ட துன்பம் துயரங்கள் பற்றி இன்றுள்ளவர்கள் தெரிந்திருக்க வாய்ப்பில்லை.

என்றாலும், பிரமதாஸ அவர்களுக்கு பின்னர் வந்த ஐ.தே.கட்சியின் ஆட்சியில் ரணில் விக்கிரம சிங்க அவர்களின் தலைமையிலான அரசாங்கமாகவாது, முஸ்லிம்களை காப்பாற்றி இருக்கவில்லை, ஆனால் ரணில் அவர்கள் அன்று ஆட்சிக்கு வருவதற்கு முஸ்லிம்களின் பங்களிப்பு பிரதான காரணமாக இருந்த போதும், கொஞ்சம் கூட நன்றி விசுவாசம் இல்லாமல் அவருக்கு முன்னிருந்த ஐ.தே.க, தலைவர்களை முழுங்கி ஏப்பமிடும் அளவுக்கு மிகப்பெரிய முஸ்லிம் விரோத போக்குடைய இனவாதியாக ரணில் விக்கிரமசிங்க அவர்கள் முஸ்லிம்களை வஞ்சம் தீர்த்திருந்தார்.

இன்று மஹிந்தவை மூச்சுக்கு முந்நூறு தடவை இனவாதி என்றும், மஹிந்தவுக்கு ஆதரவாக எதையாவது எழுதிவிட்டால் அல்லது பேசிவிட்டால் காபிர் என்றும் முஸ்லிம் அல்லாதவர்கள் முஸ்லிம்களின் துரோகி என்றும் எம்மை தூற்றுகின்றனர்.

ஆனால் 1978ம் ஆண்டு காலப்பகுதியில் ஐக்கிய தேசிய கட்சியின் அரசாங்கத்தில் உயர் கல்வியமைச்சராக ரணில் விக்கிரமசிங்க இருந்த போது முஸ்லிம் பாடசாலை மாணவர்களுக்கு வழங்கப்படுகின்ற "இஸ்லாம்" பாடப் புத்தகத்தில், நாங்கள் எங்களின் உயிரிலும் மேலாக நேசிக்கின்ற "கண்மணி நாயகம்" ரஷூலே கரீம் (ஸல்) அவர்களின் உருவம் பொறிக்கப்பட்ட பாடப் புத்தகத்தை அச்சிட்டுக் கொடுத்து ஒட்டுமொத்த முஸ்லிம்களின் உள்ளங்களை நோகடிக்கச் செய்த (யூத,இஸ்ரேலிய) கொள்கை வாதிதான் இந்த ரணில் விக்கிரமசிங்க என்பதை நம்மில் இருக்கின்ற இளைஞர்கள் எத்தனை பேருக்கு தெரியுமோ தெரியாது.

2001ல்  பிரதமராக பதவி வகித்த காலகட்டத்தில் "காட்டில் இருந்த புலிகளை" கடை வீதிகளில் நடமாட விட்டு அழகு பார்த்ததன் மூலம் முஸ்லிம்களை எவ்வாறு புலிகள் வேட்டையாட அவர் உதவினார் என்பதெல்லாம் இப்போது பலர் மறந்து விட்டார்கள்.

இத்தனைக்கும் இவர் நோர்வே,அமெரிக்கா போன்ற (முஸ்லீம் விரோத) வல்லாதிக்க நாடுகளினுடைய நிகழ்ச்சி நிரலை சாணுக்குச் சாண் அச்சொட்டாக பின்பற்றி அவர்களுடைய திட்டங்களை நிறைவேற்றுவதற்கு மிகப்பெரிய பங்காற்றி வருபவர் திரு.ரணில் விக்கிரமசிங்க அவர்கள்தான் என்பதை நாங்கள் மறக்கவில்லை, ஆனால் இன்று சிலர் அவர் முஸ்லிம்களுக்கு எதிரானவரல்ல கோசத்துடன் இளைய சமூகத்தை ஏமாற்ற முயற்சிக்கின்றனர்.

உண்மையில் ரணில் முஸ்லிம்கள் மீது அன்பு வைத்தவராக இருந்திருந்தால்,  விடுதலைப் புலிகளின் தலைவர் வேலுபிள்ளை பிரபாகரனுடனான சமாதான ஒப்பந்த காலத்தில்  முஸ்லிம்களுக்கு அவர் என்ன செய்திருக்க வேண்டும்?! யாழ்ப்பாணத்தில் இருந்து இரவோடு இரவாக பலவந்தமாக விடுதலைப் புலிகளால் வெளியேற்றப்பட்ட யாழ், பூர்வீக முஸ்லிம்களை அவர்களுடைய சொந்த இடங்களுக்கு குடியேற்றி இருக்க வேண்டும். ஆனால் அதற்கு மாற்றமாக, முஸ்லிம்களுக்கு விரோதமாக வடகிழக்கில் பூர்வீகமாக வாழ்ந்து வந்த முஸ்லிம்களை சிறு குழுக்கள் என்று அவருடைய சமாதான ஒப்பந்தத்தில் அவர் கைச்சாத்திட்டிருந்தார்.

அன்று முஸ்லிம்கள் தரப்பாக பேசுவதற்கு எந்த அடையாளமும் இல்லாத நாதியற்ற சமூகமாக எங்களை அவர் ஓரம் கட்டியதற்கு அடிப்படைக் காரணமாக இருந்த ஐ.தே.க அரசாங்கங்களும் அதன் தலைமைத்துவங்களும் தான் மிக முக்கிய பங்காளிகள் என்பதை நாம் மறந்துவிட்டாலும் வரலாறு அவர்களை ஒருபோதும் மன்னிக்காது.

அதுமட்டுமல்ல ரணில் அவர்களுடைய அணுசரனையில்  மூதூர் முஸ்லிம்கள் இரவோடு இரவாக கொலை செய்யப்பட்ட போதும், வாழைச்சேனையில் அரச பாதுகாப்புப் படையினர் முன்னிலையில்  முஸ்லிம் ஜனாசாக்களை நடுவீதியில் பெற்றோல் ஊற்றி கொழுத்தி அட்டகாசம் செய்த போதும், முஸ்லிம்கள் விடுதலைப் புலிகளினுடைய ஆயுத, ஆதிக்கப் பசிக்கு இறையாக்கப்பட்ட போதும் கூட, முஸ்லிம்களை பாதுகாப்பதை விட்டு அவர் விடுதலைப் புலிகளை மீண்டும் திருப்திப் படுத்தும் வகையில் தமிழீழ விடுதலைப் புலிகள் முன்வைத்த (தனிநாடு) தமிழீழ அரசாங்க கொள்கையை ஏற்றுக்கொண்டார்.

"இடைக்கால தன்னாட்சி அதிகாரத்துடனான" தமிழீழ அரசாங்கத்தின் (தமிழீழ நிதிமன்றம்,தமிழக வைப்பகம்,தமிழீழ காவல் துறை,தமிழீழ காணி வாரியம்,தமிழீழ கடல் வாரியம்) என ஐந்து அம்சக் கோரிக்கைளை முழுமனதுடன் நிறைவேற்றிக் கொடுப்பதற்கு அவர் முன்வந்தாரே தவிர முஸ்லிம்களை பாதுகாக்க வேண்டும், அவர்களுக்கும் உரிமைகள் வழங்கப்பட வேண்டும் என்ற எண்ணம் அறவே அவரது உள்ளத்தில் இருந்திருக்க வில்லை, மாறாக இந்த சந்தர்ப்பத்தை பயன்படுத்தி  முஸ்லிம்களை தடம் தெரியாமல் துடைத்தெறிய வேண்டும் என்பதுதான் திரு, ரணில் விக்கிரமசாங்க அவர்களின் எண்ணக் கருவாக இருந்தது என்பதை முஸ்லிம் சமூகம் மீட்டிப்பார்க்க வேண்டும்.

ஆனால் அதிஷ்டவசமாக மஹிந்த ராஜபக்ச என்கிற தேசப்பற்றுடைய "மாவீரன்" ஒருவர் அன்று எமக்கு ஜனாதிபதியாக வந்திருக்காது விட்டிருந்தால், இன்று நாங்கள் அடையாளம் இல்லாதவர்களாக சொந்த மண்ணில் அகதிகளாக தமிழிழ அரசாங்கத்தின் தேசியக் கொடிக்கு கீழ் அவர்களுடைய சட்டம்,நீதி நிர்வாகம் என அவர்களின் சர்வதிகாரத்திற்குள் அடிமைகளாக வாழ்ந்து கொண்டிருந்திருப்போம், மட்டுமல்ல இன்றும் புலிகள் எங்களுக்கு மிகப்பெரிய அச்சுறுத்தலாகவும் இருந்திருப்பார்கள்.

ஒற்றையாட்சிக்குள் சகல இனங்களும் சம உரிமையோடு வாழவேண்டும், நாம் இலங்கையர் என்ற கோசத்தோடு புறப்பட்ட மஹிந்தவை விடுதலைப் புலிகளால் ஈடுகொடுக்க முடியாமல் போய்விட்டது. புலிகளுடைய அட்டகாசத்தை பொறுத்துக் கொள்ள முடியாமல் வெகுண்டெழுந்த மஹிந்த ராஜபக்ஷ அவர்கள் தன்னுடைய நிறைவேற்று அதிகாரம் கொண்ட ஜனாதிபதி அதிகாரத்தை முழுமையாக பாவித்து இந்த முஸ்லிம் சமூகத்தை விடுதலைப் புலிகளிடம் இருந்து எங்களை முழுமையாக மீட்டெடுத்தார்.

முப்பது வருடங்களுக்கும் அப்பாலும்  முஸ்லிம்களை அடிமைப்படுத்த நினைத்த ஆயுதம் தாங்கிய புலிப் பயங்கர வாதத்தை முற்றாக அழித்து சுதந்திரக் காற்றை சுவாசிக்கச் செய்தார். அந்த யுத்த முடிவானது வடக்கு கிழக்கு பிரிய மிகப்பெரிய காரணமாக பிற்காலத்தில்  அமைந்திருந்தது.

ஒரு வேளை 2005ம் ஆண்டு தேர்தலில் மஹிந்தவுக்கு பதிலாக ரணில் வந்திருந்தால் என்ன நடந்திருக்கும்?! இப்போது நாங்கள் எங்கே இருந்திருப்போம்?! என்பதை முஸ்லிம்கள் சித்தனை செய்து பார்க்க வேண்டும்.

மஹிந்தவுக்கு முன்னிருந்த ஜனாதிபதிகளைப்போல் பயங்கரவாதத்தை வைத்து அவர் அரசியல் ஆதயம் தேட நினைத்திருந்தால், அவர் விடுதலைப் புலிகளை அழிக்க நிச்சயமாக  முன்வந்திருக்க மாட்டார். முஸ்லிங்களுக்கு விரோதமான ஒருவராக இனவாதியாக இருந்திருந்தால், நாங்கள் அவரை ஜனாதிபதி தேர்தலில் ஆதரிக்காததை அவர் காரணமாகக் கொண்டு, வடக்கு கிழக்கில் வாழ்ந்த  சிங்களவர்களை பாதுகாப்பாக வெளியேற்றிவிட்டு, எங்களை புலிகளுக்கு இறையாக்கிவிட்டு இருந்திருக்க முடியும். ஆனாலும் அவர் அப்படிச் செய்யவில்லை அதற்கான தேவை மஹிந்த ராஜபக்ஷ அவர்களுக்கு ஒருபோதும் இருந்திருக்கவுமில்லை.

ஆனால் பிற்பட்ட காலப்போக்கில் அவருடைய ஆட்சியில் பள்ளிவாயல்களை உடைத்ததாகவும் இனவாதிகளை ஏவிவிட்டதாகவும் குற்றம் சாட்டினோம். ஆனால் உண்மையில் என்ன நடந்தது? வடகிழக்கில் புலிகளால் அபகரிக்கப்பட்ட எமது இடங்கள் அதே போல் பள்ளிவாயல்களை மீளபெற்று எங்களுக்கு அபிவிருத்திகளைத்தான் செய்து தந்திருந்தார்.

பயங்கரவாதத்தையும் புலிகளையும் உருவாக்கி முஸ்லிம்களை வேட்டையாடிய ஐ.தே.க அரசாங்கங்கள் பயரங்கரவாதத்தை வைத்தே அரசியல் ஆதாயம் தேடிவந்தது. ஆனால் மஹிந்த ராஜபக்ஷ அவர்கள் புறையோடிப்போய் கிடந்த பயங்கர வாதத்திற்கு முற்றுப்புள்ளி வைப்பார், என ரணில் விக்கிரமசிங்க சற்றும் எதிர்பார்த்திருக்கவில்லை.

யுத்தத்தை முடிவுக்கு கொண்டுவரப்பட்டதால், ரணில் விக்கிரமசிங்க அவர்களுக்கு மட்டுமல்ல அவரை இயக்குகின்ற வல்லாதிக்க நாடுகளுக்கும் அச்சுறுத்தலாக அதேவேளை மகிந்தவை தேர்தலில் போட்டியிட்டு தோற்கடிக்க முடியாதவாறு ரணில் அவர்களுக்கு மிகப்பெரிய சவாலாக மஹிந்த இருந்தார்.

முஸ்லிம்களை வேரோடு பிடிங்கி வீச வேண்டும் என்ற குரோத குணம் படைத்த அமெரிக்காவை அவர் எதிர்த்தார். ஆனால் முஸ்லிம்கள் நாங்கள் அப்போதும் கூட காரணமே இன்றி நன்றி மறந்தவர்களாக மஹிந்தவை எதிர்த்தோம். இதைச் சாதகமாக பயன்படுத்திக் கொண்ட ரணிலும் அவருடைய சகாக்களும் அவருடைய வெளிநாட்டு நோட்டுகளுக்கு விலைபோன, விலைக்கு வாங்கப்பட்ட சிலருடைய சதிகளால், மஹிந்த அரசாங்கத்தை தோற்கடிக்க மறைமுகமாக  தமிழர்களை தூண்டி விட்டு, சர்வதேசத்தில் மஹிந்தவை காட்டிக்கொடுத்து அமெரிக்காவிடம் மஹிந்த மன்டியிட வேண்டும் எனவும், அவர்களுக்கு கட்டுப்பட வேண்டும் எனவும் பல நெருக்கடிகளை கொடுத்துக் கொண்டிருந்தார்கள்.

மஹிந்தவை நேர்மையாக வெற்றி கொள்ள முடியாத ரணில் அவர்கள்   வடகிழக்கிற்கு வெளியில் இருக்கின்ற சிங்கள முஸ்லிம்கள் மத்தியில் இருந்த ஒற்றுமையை சீர் குலைத்து, இனவாதத்தை தூண்டி, அந்தப் பழியை மஹிந்த மீது சுமத்தியாவது பின்கதவால் வந்தாவது ஆட்சியை பிடித்து விட வேண்டும், என்ற நோக்கத்திற்காக பால்ச் சோறு ஊட்டி வளர்க்கப்பட்டவர்தான் "ஞானசார தேரர்" என்பதை முஸ்லிம் சமூகம் புரிந்து கொள்ள வேண்டும். அத்துடன் முஸ்லிம்களுக்கு எதை எப்படிச் செய்தால் கொதிப்பார்கள் என்பதையும் சொல்லிக் கொடுக்கும் சாணக்கியர்களுக்கும் சகுணிகளுக்கும் ரணிலிடத்தில் பஞ்சம் இல்லை என்பதும் எமக்கு தெரியும்.

பின்னர் முஸ்லிம்களை மஹிந்த இனவாத தலைவர் என கோசமெழுப்பும் நிலைக்கு கொண்டுவர "தவறானவர்களை" நியாயப் படுத்தும் முஸ்லிம் தலைவர்களை இனம் கண்டு அவர்களை விலைக்கு வாங்கினார். அவர்களுக்கு பின்னால் மழை வெள்ளம் போல் முஸ்லிம்கள் ஒதுங்கினார்கள். அன்று அவர்களை நம்பி ஏமாந்து இன்று கடைசியில் முஸ்லிம்கள் ஆரம்பித்த இடத்திற்கு வந்து நிற்கிறார்கள். ஆனால் முஸ்லிம் தலைவர்களோ ரணில் அவர்களின் தோட்டத்தை காவல் காக்கும் கூலி வேலை செய்கிறார்கள்.

ரணிலைப் போன்றவர்கள் அரசியலில் நிலைத்திருக்க வேண்டுமாக இருந்தால் இந்த நாட்டில் பயங்கரவாதம் ஒன்று மீண்டும் உருவாக வேண்டும். அதற்கு முஸ்லிம்கள் ஆயுதம் ஏந்த வேண்டும். முஸ்லிம்கள் ஆயூதம் ஏந்த வேண்டுமானால் அவர்களுடைய உரிமைகள் மறுக்கப்பட வேண்டும், உரிமைகள் மறுக்கப்பட வேண்டுமாக இருந்தால் "வடக்கும் கிழக்கும்" மீண்டும் இணைக்கப்பட வேண்டும், என்ற திட்டத்தில் ரணிலும் அவருடைய சகாக்களும் சாணக்கியமாக காய்நகர்த்துகின்றனர். அது விரைவில் நடக்கவும் இருக்கிறது.
அதற்கு சில முஸ்லிம் தலைவர்களும் எம்.பிக்களும் ரணில் அவர்களுக்கு பின்னால் விளக்கு பிடித்தும் திரிகிறார்கள்.

அதே நேரம் தங்களுடைய திட்டத்தை நிறைவேற்ற மஹிந்த தடையாக இருந்து விடக் கூடாது என்பதற்காக, மஹிந்த ராஜபக்ஷ அவர்களை தொடர்ந்து மக்கள் பிழையாக பார்த்தால் மாத்திரம்தான், திட்டம் சாத்தியமாகும் என்பதால்  நல்லாட்சி என்ற இந்த ரணில் அரசாங்கம் மஹிந்த அவர்களை அரசியல் ரீதியில்  பழிவாங்குவதிலும் அவரை பலவீனப்படுத்துவதற்காக விமர்சித்துக் கொண்டும் நேரம் கடத்துகின்றதே தவிர, மஹிந்த ராஜபக்ச ஆட்சியில் இந்த நாட்டில் இடம்பெற்ற அபிவிருத்தி பணிகளை போன்று  எதையாவது ஒன்றையாவது கடந்த இரண்டு வருடங்களில் செய்திருக்கிறார்களா? என்ற விடயத்தை முஸ்லிம் சமூகம் சிந்திக்க வேண்டும்.

இன்று நாட்டில் மக்கள் வாழ்க்கைச் செலவு அதிகரித்து நோய்வாய்ப்பட்டதை தவிர மக்கள் வேறெந்த பலனும் அடையவில்லை என்பதைத்தான் நாம் காண்கிறோம். ஆனால்  ஜனாதிபதியும் பிரதமரும் ஆளாளுக்கு ஒரு புறமாக உலக சுற்றுலா சென்று கொண்டிருக்கிறார்கள்.

தவறை சரி என்றும், சரியை தவறென்றும் நியாயப்படுத்தி வியாக்கியாணம் பேசும் முஸ்லிம் தலைமைகளை நம்பி முஸ்லிம் சமூகம் ஏமாறாமல், சுய புத்தியுடையவர்களாக நாங்கள் ஒவ்வொருவரும் சிந்திக்க கடமைப்பட்டிருக்கின்றோம்.

இன்று நாட்டில் தைரியமாக தேர்தல் ஒன்றை நடத்துவதற்கு கூட அஞ்சுகின்றவர்கள்,வெளிநாட்டு நிகழ்ச்சி நிரல்களுக்கு இயங்குபவர்களால் நிச்சயமாக எங்களுடைய எந்த ஒரு நியாயமான தேவையையும் பூர்த்தி செய்ய மாட்டார்கள் என்பதை முஸ்லிம் சமூகம் புரிந்து கொள்ள வேண்டும்.

முஸ்லிம்கள் இந்த நாட்டில் நிம்மதியாக நிறந்தரமாக வாழ விரும்பினால் போலியானவர்களை ஏற்காமல் மஹிந்தவுடன் இணைந்து அவரது கரங்களை பலப்படுத்துவதினூடாக முஸ்லிம்கள் நாங்கள் இந்த நாட்டில் சுதந்திர குடிமக்களாக வாழமுடியும்.

அஹமட் புர்க்கான்
கல்முனை...


அமைச்சர் றிஷாத் வடக்கு மக்களின் மீள் குடியேற்ற விடயத்தில் கரிசனை கொண்டு அம் மக்களை மீள் குடியேற்றம் செய்து வருகிறார்.அம் மக்களின் குடி நீர் தேவையை பூர்த்தி செய்தும் வருகிறார்.அது போன்றே கிண்ணியாவில் அவரினால் உறுதியளிக்கப்பட்டவாறு குளிரூட்டப்பட்ட மருந்தக கெண்டைனர் ஒன்றையும் வழங்கியிருந்தார்.இது போன்று அவரது சேவைகளை அடிக்கிக் கொண்டே செல்லலாம்.இத்தனைக்கும் அமைச்சர் றிஷாத் மீள் குடியேற்ற அமைச்சரோ அல்லது நீர் வளங்கள் அமைச்சரோ அல்லது சுகாதார அமைச்சரோ அல்ல.அவர் கைத்தொழில் மற்றும் வர்த்தக அமைச்சை வைத்திருப்பவர்.இப்படியான ஒரு தலமைத்துவத்தையே எமது சமூகம் எதிர்பார்த்து  தவம் கிடக்கிறது.மறைந்த தலைவர் அஷ்ரபிற்கு பிறகு பல விடயங்களில் தலைமைத்துவப் பண்பை அமைச்சர்  றிஷாதிடம் இருந்து அவதானிக்க முடிகின்றமை குறிப்பிடத்தக்கது.

கிண்ணியாவில் தீவிரமாக பரவி வரும் டெங்கு நோயை கட்டுப்படுத்தும் முகமாக  குளிரூட்டப்பட்ட மருந்தக கெண்டைனர் ஒன்றின் தேவை உணரப்பட்டது.இதனை சுகாதார பிரதி அமைச்சர் பைசால் காசிமின் கவனத்திற்கு பாராளுமன்ற உறுப்பினர்களான மஹ்றூப் மற்றும் எம்.எஸ் தௌபீக் ஆகியோர் கொண்டு சென்ற போது அவர் பத்து நாட்களின் பின்பே இதனை தன்னால் கையளிக்க முடியும் என கூறியிருந்தார்.அது வரை காத்திருக்க முடியாத நிலை கிண்ணியாவில் இருந்தது.இதன் போது தீவிரமாக செயற்பட்ட அமைச்சர் றிஷாத் அத தேவையை வேறு வழியில் பூர்த்தி செய்து கொடுத்தார்.சுகாதார அமைச்சுடன் தொடர்பான சேவையை சுகாதார பிரதி அமைச்சர் கை விரித்தத நிலையில் அமைச்சர் றிஷாத் செய்து கொடுத்தமை தான் அவரது ஆளுமையை பறை சாட்டுகிறது.

இக் கெண்டைனர் அமைச்சர் ஹக்கீம் கிண்ணியாவிற்கு விஜயம் செய்த நாளில் (ஞாயிற்றுக்கிழமை) கிண்ணியா வைத்தியசாலைக்கு வந்துள்ளது.இது அமைச்சர் ஹக்கீமிற்கு பலத்த அவமானத்தை ஏற்படுத்தியிருந்தது.இதில் நனைந்து கொள்ள மு.கா குழுவினர் முயன்ற போது அங்கிருந்த  பாராளுமன்ற உறுப்பினர் மஹ்ரூப் இவ்விடயத்தில் நீங்கள் தலையிட வேண்டாம் என கூறியுள்ளார்.இதன் போது “எல்லாவற்றையும் உங்கள் அமைச்சரை கொண்டு செய்யுங்கள்” என கூறியவாறு பிரதி அமைச்சர் பைசால் காசிம் அங்கிருந்து வெளியேறியுள்ளார்.அவ்விடத்தில் குழுமி இருந்த உண்மை அறிந்த மக்கள் அமைச்சர் ஹக்கீமை நோக்கி கேள்விக் கணைகளை தொடுத்திருந்தனர்.இதன் போது பலர் அமைச்சர் ஹக்கீமிற்கு எதிராக “கூ” போட்ட சம்பவமும் நிகழ்ந்துள்ளது.இக் கெண்டைனரை தாங்கள் தான்  கொண்டு வந்தோமென மு.கா அரசியல் வாதிகள் எவரும் உரிமை கோராத போதும் (அமைச்சர் றிஷாத் அணியினர் இது தங்களுடைய சேவையென பகிரங்கமான உரிமை கோரியுள்ளனர்) மு.காவின் ஆதரவாளர்கள் சில தங்கள் கட்சியின் மானத்தை காப்பாற்றிக்கொள்ள இத்தனை தங்களுடைய சேவைகள் போன்று காட்ட முற்படுவதை அவதானிக்க முடிகிறது.

இது தங்களது சேவையென மு.காவின் அடிமட்ட ஆதரவாளர்கள் சிலர் உரிமை கோரும் நிலைக்கு சென்றதால் நான் இக் கட்டுரையை எழுத  தூண்டப்பட்டாலும் இவ்விடயத்தை செய்து கொடுக்க கூடிய அரசியல் அதிகாரங்கள் அமைச்சர் றிஷாதை விட அமைச்சர் ஹக்கீமிற்கு அதிகமாக இருந்த போதும் அமைச்சர் றிஷாத் அதனை செய்து கொடுத்துள்ளார்.தற்போது மு.காவிடம் உள்ள அரசியல் அதிகாரங்களான கிழக்கு முதலமைச்சு,மாகாண சுகாதார அமைச்சு,மத்திய சுகாதார பிரதி அமைச்சு ஆகியவை அமைச்சர் றிஷாதின் கையில் இருந்தால் இந் நேரத்தில் அவர் கிண்ணியாவின் நிலையை தலை கீழாக புரட்டி போட்டிருப்பார் என்பதில் சிறிதும் சந்தேகமில்லை.கிண்ணியா வைத்தியசாலையின் தேவைகளுக்காக அமைச்சர் றிஷாத் 7.9 மில்லியன் ரூபாய்களை ஒதுக்கியுள்ளார்.மு.காவினர் வெறும் ஒரு மில்லியன் ரூபாய்களை மாத்திரம் ஒதுக்கியுள்ளமையை நான் இங்கு மேலதிகமாக சுட்டிக் காட்ட விரும்புகிறேன்.இன்னும் இன்னும் நாம் எம் மீது அடிமை சாசனங்களை எழுதிக் கொள்ளாது சிறந்த தலைமைத்துவப் பண்புள்ள அமைச்சர் றிஷாதின் பின் அணிதிரள்வது காலத்தின் தேவை எனலாம்.


–ஏ.எச்.சித்தீக் காரியப்பர்

அம்பாறை நகரை அண்டியவுடன். அங்கே அதிக எண்ணிக்கையிலான சனத் தொகையுடன் காணப்படும் முஸ்லிம் கிராமம் என்றால் அது இந்த இறக்காமம்தான். மக்கள் தொகை சுமார் 20,000. வாக்காளர் எண்ணிக்கை  100,36. ஆனால், இவர்கள் ஏதோ வகையில் பாவப்பட்ட ஜென்மங்கள் போல்தான்  வாழ்கின்றனர்.

தமிழ் நாட்டில் வாழும் தலித் இன மக்கள் போன்றே  இறக்காமம் முஸ்லிம்களும் ஒதுக்கப்பட்டுள்ளனர். ஆனால், தலித் மக்களுக்காக குரல் கொடுக்க தமிழ் நாட்டில் அரசியல் கட்சிகள் உள்ளன.   இறக்காமம் மக்களுக்கு  அந்த அதிர்ஷ்டமே இல்லை.

தேர்தல் காலத்தில் மட்டும் மாவிலை தோரணங்களால் அலங்கரிக்கப்பட்டு கல்யாண வீடு போன்று அரசியல் கட்சிகளால் கலகலப்பாக மாற்றப்படும் இந்த இறக்காமம் எல்லாம் முடிந்த பின்னரே  இழவு விழுந்த வீட்டின் நிலைமைக்குப் போய்விடுகிறது.

உங்களது 100,36 வாக்குகளையும் எங்களுக்குத் தாருங்கள். உங்களுக்கு எல்லாம் செய்து தருவோம் எனக் கூறி, ஏமாற்றி அவர்களது வாக்குகளை கொள்ளையிட்டு வெற்றி பெற்ற பின்னர் எந்த அரசியல்வாதியும் எந்த அரசியல் கட்சியும் திரும்பிப் பார்க்காத  இடமாக இன்று இறக்காமம் மாறியுள்ளது.

பொருளாதாரம், அபிவிருத்தி, கல்வி என அனைத்துத் துறைகளிலும்  பின்னடைந்தே காணப்படும் இந்தப் பிரதேச மக்களின் வாழ்க்கை  முழுக்க, முழுக்க வித்தியாசமானது. இளைஞர், யுவதிகளின் நிலைமைகள் ஏனைய பிரதேசங்களுடன் ஒப்பிடும் போது  விசித்திரமானது.

சில அரசியல்வாதிகள்,  அரசியல் கட்சிகள் இறக்காமம் மக்களின் வாக்குகளைப் பெறுவதற்காக மட்டும் இந்தப் பிரதேசத்துக்கு விஜயம் செய்து   சில்லறையான சில வாக்குறுதிகளை வழங்குவதும் அதனை நம்பி இளைஞர், யுவதிகள் ஏமாறுவதும் இறக்காமத்தில் இன்று மாமூலான விடயம்.

இந்த நாட்டிலேயே பணியாற்றி தேசத்துக்கும் மக்களுக்கும் சிறந்த சேவைகளை ஆற்றக் கூடிய திறமைமிக்க  இறக்காமத்தைச் சேர்ந்த பல நூறு  இளைஞர்கள் இன்று மத்திய கிழக்கு நாடுகளில் தங்களது தகுதி, திறனுக்கு ஏற்ற தொழில்களின்றி வெறும் கூலிகளாக மன வேதனையுடன் பணி புரியும் பாவமும் பழியும் இந்த அரசியல்வாதிகளை நிச்சயம் என்றோ தண்டித்தே ஆகும்.

தேர்தல் காலத்தில் இங்கு வரும் அரசியல்வாதிகளை நம்பி தொழிலுக்கான அப்பிளிகேஷனைக் கொடுத்து விட்டு இன்று கிடைக்கும் நாளை கிடைக்கும் என்று நம்பி, எதுவுமே கிடையாத நிலையில், இவர்களை நம்பி தங்களது தொழில் முயற்சிகளையும் கைவிட்டு தொழில் பெறும் வயதையும் கடந்த நிலையில் மத்திய கிழக்கு நாடுகளுக்குச் சென்று மிக மோசமான நிலையில் பணியாற்றும் நிர்ப்பந்தத்துக்கு இறக்காம் இளைஞர்கள் இன்று  தள்ளப்பட்டுள்ளனர் என்றால் அதற்கான தார்மிகப் பொறுப்பை ஏற்றுக் கொள்ள வேண்டியவர்கள் யார்?

இவ்வாறான இளைஞர்கள் நாடு திரும்பி தனது சொந்த மண்ணில் தொழில் ஒன்றை சுயமாக செய்ய முயற்சித்தாலும்  ஆயிரம் தடைகள்... உதாரணத்துக்கு ஒரு வர்த்தக நிலையத்தை அல்லது ஹோட்டலை ஆரம்பித்தால் கூட போட்ட பணத்தை இழக்கும் நிலைமைக்குத் தள்ளப்பட்டுள்ளனர். பொருட்கள் வாங்கவும் ஒருவரும் இல்லை.. தேநீர் அருந்தக் கூட எவரும் இல்லாத நிலைமை அங்கு காணப்படுகிறது. இதற்கான காரணம் அந்தப் பிரதேசம் நகர மயமாக்கல் இன்றி இன்னும் பழைய கால “கோப்பிக் கடை” நிலைமையில் உள்ளதுதான்.

இளைஞர்களின் சக்தியும் உழைப்பும் இங்கு   கடலில் பெய்யும் மழை போன்று வீணடிக்கப்படுகின்றன. இவ்வாறான இளைஞர்கள் திருமணம் என்ற பந்தத்தில் புகுந்தாலும்  பெண் வீட்டார் தயவிலேயே வாழும் நிலை பெரும்பாலும் காணப்படுகிறது.

மேலும் பாடசாலைகள் உட்படலான பலவற்றில் காணப்படும் பௌதீக வள பற்றாக்குறைகள், அரச சேவைகளைப் பெற்றுக் கொள்வதில் எதிர்கொள்ளும் பிரச்சினைகள்,  அங்கு வாழக் கூடிய சாதாரண மக்களின் அன்றாட, அடிப்படை பிரச்சினைகள்  என்பனவற்றுக்கும் தீர்வற்று அனைத்தும் இமயமலை போன்று உயர்ந்துதான் காணப்படுகின்றன.

அந்த மக்களுக்கான அடிப்படை வசதிகள் சரியாக செய்து கொடுக்கப்படவில்லை. அவ்வாறு ஏதாவது ஓர் அரசியல் கட்சி செய்ய முயற்சித்தால் மற்றொரு கட்சி தடுக்கும் அரசியல் சிந்து விளையாட்டு மேடையாக இந்த இறக்காமம் இன்று மாறியுள்ளது.

இறக்காமத்தில் இரவு நேரங்களில் பயணிக்கும் போது  இருண்டு கிடக்கும் பல இடங்களை அவதானித்தால். நடுநிசி மயான அச்சமே தோன்றுகிறது.  அப்போது நாய்கள் குரைத்தால்  அங்கு பேய்களும் வாழ்கின்றனவோ என்ற அச்ச உணர்வு ஏற்படுகிறது. பகலில் சூரியனும் இரவில் நிலாவும் கொடுக்கும் வெளிச்சம் மட்டுமே இந்த மக்களுக்கு துணை நிற்கிறது.

இன்று இனவாத சக்திகளினது பிரதான தளமாக மாறியுள்ள இறக்காமம் நாளை முற்று முழுதான சிங்கள குடிப்பரம்பலைக் கொண்ட ஒரு நகரமாக மாற்றியமைக்கப்படக் கூடிய சாத்தியங்கள்  நிறையவே தென்படுகின்றன.

எனவே, முஸ்லிம் அரசியல்வாதிகள் இறக்காமம் தொடர்பில் கரிசனையுடன் செயற்பட்டு அந்த மக்கள் வாழ்வை மேம்மைப்படுத்தி அவர்களின் மண்ணையும் பாதுகாப்பதற்கு உடனடியாக நடவடிக்கைகளை முன்னெடுக்க வேண்டும்.

இறக்காமம் என்ற மண்ணுக்கு கோடி, கோடியாக எவரும் கொட்டத் தேவையில்லை. இலட்சம், இலட்சமாக ஒதுக்கினாலும் போதும் அந்த மக்களின் அபிலாஷைகளை நிவர்த்தி செய்து விடலாம்.

–ஏ.எச்.சித்தீக் காரியப்பர்

MARI themes

Powered by Blogger.