Showing posts with label political. Show all posts


பைசர் முஸ்தபா,ஹக்கீம் ,ரிசாட், போன்ற அமைச்சர்களுக்கு இன நல்லுறவுக்கும் பிரதேச ஒருமைப்பாட்டுக்குமான அமைப்பு வலியுறுத்து.

தற்போதைய கல்முனை மாநகரமானது பல்லின மக்கள் வாழும் வாழப்போகும் பிரதேசமாகும், மாத்திரமல்லாமல் நான்கு தனித்துவ உள்ளூராட்சி  மன்றங்களான
1. கரவாகுபற்று தெற்கு
2.கல்முனை பட்டின சபை
3.கரவாகுபற்று மேற்கு
4.கரவாகுபற்று வடக்கு
இவைகள் இணைக்கைப்பட்டே பிரதம அமைச்சராகவும் உள்ளூராட்சி அமைச்சராகவும் பிரமதாச இருந்த போது 1987 ம் மாண்டு கல்முறை பிரதேச சபை உருவாக்கப்பட்டது
பின்னர் பட்டின சபையாகவும் அதன் பின் மாநகர சபையாகவும் இன்று வரை இருந்து வருகின்றது.

இந்த சூழ்நிலையில் சாய்ந்தமருது எனும் கரவாகுபற்று தெற்கு பிரிந்து செல்ல வேண்டுமென்பதில் எந்தவித தவறும் கிடையாது.ஆனால் ஏனைய மூன்று உள்ளூராட்சி சபைகளும் பிரிந்து செல்லும் உரிமை வழங்கப்பட வேண்டு்ம், அப்போதுதான் அறியாச் சிக்கலுக்குள் மாட்டி இருக்கின்ற கல்முனையின் தமிழ் முஸ்லீம் மக்கள் நிம்மதி யாக உலகம் முடியும் வரை வாழ்வதற்கான வழியை பெற்றுக் கொடுப்பதற்கான பொறுப்பு இருக்கின்றது.

இவ்வாறு இன்று கல்முனையில் இடம் பெற்ற ஊடகவியலாளர் சந்திப்பின் போது இன நல்லுறவுக்கும் பிரதேச ஒருமைப்பாட்டுக்குமான அமைப்பினர் தெரிவித்தனர்
இதன் சார்பாக கல்முனையின் சமுக ஆர்வலர் நஸீர் ஹாஜி மற்றும் கலாநிதி எஸ்.எல். ரியாஸ் ஆகியோர் கலந்து கொண்டனர்.
மேலும் கருத்து வெளியிடுகையில்
கல்முனையின் இன்று வாழுகின்ற மக்களின் இனப்பரம்பலின் விகிதாசார சமநிலையை குழைக்கப்படாமல் பாதுகாக்க வேண்டிய தேவை எங்களுக்கிருக்கின்றது.
ஏன் மருதமுனைக்கு நகர சபை வழங்க முடியாது?
தமிழர்களுக்கு நகரசபை ஒன்றை வழங்க முடியாது?
இதன் மூலம் அங்கு வாழுகின்ற எல்லா மக்களுக்கும் வளம் கொழிக்கும் என்பதில் எந்த வித ஐயமும் கிடையாது
தக்க தருணத்தில் நான்கு சபைகள் உருவாக்கப்பட வேண்டிய அவசியம் அதன் யதார்தத்தை மக்களை விடவும்  மனச்சாட்சியான அறிவுடைய தலைவர்களாக இவர்கள் இருப்பின் இவர்களுக்கு இருக்க வேண்டுமென்பதே எமது எதிர்பா்ப்பாகும்.
அரசியல் லாபங்கள் இந்த சமுகத்தை வாழ வைக்காது
போலி வேசங்கள் களையப்பட்டு சுயரூபம் வெளிவரும்

அப்பாவி சாய்ந்தமருது மக்களின் ஐந்து அல்லது ஆறாயிரம் வாக்குகளை பெறும் எண்ணத்தில் ஒட்டு மொத்த மக்களையும் ரிசாட்டும் , ஹக்கீமும் சமுகத்தின் மீது விளையாட வேண்டாம்
இவற்றை கலந்தாலோசனை நடாத்தி முடிவுகள் பெறாமல் போனால் உயர் நீதிமன்றம் செல்ல நாம் ஆலோசித்து வருதாக  குறிப்பிட்டனர்.


ரவி கருணா நாயக்க இராஜினாமாவைத் தொடர்ந்துபுதிய வெளிவிவகார அமைச்சராக திலக் மாறப்பன தெரிவுசெய்யப்பட்டுள்ளார்.

சற்று முன்னர் ஜனாதிபதி மைத்திரி பால சிறிசேன அவர்களிடம் இருந்து அதற்கான நியமனப்பத்திரத்தை பெற்றுக்கொண்டார்.

-விடுதலை நியூஸ்-



20வது அரசியலமைப்பு திருத்தச் சட்டத்தின் ஊடாக மாகாண சபைகளின் அதிகாரங்கள் மத்திய அரசாங்கத்திடம் பறிபோவதை ஆதரிக்க முடியாது.
கிழக்கு மாகாண எதிர்க்கட்சித் தலைவர் எம்.எஸ்.உதுமாலெப்பை

13வது திருத்தச் சட்டத்தின் படி மாகாண சபைகளை கலைக்கும் அதிகாரம் முதலமைச்சரின் பரிந்துரையின் பேரில்தான் ஆளுனர்களுக்கு வழங்கப்பட்டிருந்தன. 20வது அரசியல் திருத்தம் அமுல்படுத்தப்பட்டால் இதுவரை மாகாண முதலமைச்சர்களுக்கு வழங்கப்பட்டிருந்த மாகாண சபைகளை கலைப்பதற்கான பணிந்துரை இல்லாமல் செய்யப்பட்டு மத்திய அரசாங்கத்தின் பாராளுமன்றத்திற்கு இவ்வதிகாரம் பறிபோகும் நிலைமை ஏற்படவுள்ளது. எனவே, மாகாண சபைகளுக்கு வழங்கப்பட்ட அதிகாரங்களை மத்திய அரசாங்கத்திடம் பறிகொடுக்கும் இந்த நடவடிக்கைகளுக்கு நாம் துனைபோக முடியாது என கிழக்கு மாகாண எதிர்க்கட்சித் தலைவரும், தேசிய காங்கிரஸின் தேசிய அமைப்பாளருமான எம்.எஸ்.உதுமாலெப்பை தெரிவித்தார்;.
தேசிய காங்கிரஸின் அட்டாளைச்சேனை மத்திய குழுக் கூட்டம் நேற்று(13.08.2017) தேசிய காங்கிரஸின் தேசிய அமைப்பாளரின் மக்கள் காரியாலயத்தில் நடைபெற்ற போது அவர் மேற்கண்டவாறு தெரிவித்தார்.
அவர் தொடர்ந்தும் உரையாற்றுகையில்....
13வது திருத்த சட்டத்தின் படி மாகாண சபைகளின் பெரும்பாலான உச்ச அதிகாரங்கள் பகிரந்தளிக்கப்பட வேண்டும் என வட கிழக்கு மாகாண மக்கள் கோரிக்கை விடுத்து வரும் இக்கால கட்டத்தில் 13வது திருத்த சட்டத்தில் உள்ளவற்றையும் மத்திய அரசாங்கத்திடம் வழங்கும் இம் முயற்சிக்கு நாம் கண்களை மூடிக் கொண்டு ஆதரவு வழங்க முடியாது.
கிழக்கு, சப்ரகமுவ, வட மத்திய மாகாணங்களின் காலங்களை 2 வருடங்களுக்கு நீடிக்க வேண்டும், இப்போது பதவிகளில் இருப்பவர்கள் தொடர்ந்தும் பதவிகளில் இருக்க வேண்டும் முதலமைச்சர் பதவி எங்களுக்கு வழங்கப்பட வேண்டும் என்ற சுயநல எண்ணங்களை விட நமது மாகாண சபைகளிடம் இருந்த அதிகாரங்களை மத்திய அரசாங்கத்திற்கு வழங்குகின்ற வரலாற்று துரோகத்தை இழைக்க முடியாது என்ற நிலைப்பாட்டிற்கு குறிப்பாக வட கிழக்கு அரசியல் கட்சிகளின் தலைமைகளும், மாகாண சபைகளின் மக்கள் பிரதிநிதிகளும் முன்வர வேண்டும். இரண்டு வருடங்கள் கால நீடிப்புதான் வேண்டும், மாகாண சபைகளின் அதிகாரங்கள் மத்திய அரசாங்கத்திடம் பறிபோவதால் எங்களுக்கு எந்தப் பிரச்சினையுமில்லை என்ற மனோநிலைமையிலிருந்து நாம் விடுபட வேண்டும்.


அன்மையில் பிரதமர் ரணில் விக்கிரமசிங்க ஏறாவூர் பிரதேசத்திற்கு விஜயம் மேற்கொண்ட போது ஒரு சிலரின் வேண்டுகோளுக்கிணங்க ஆட்சியோடு மாகாண சபையின் ஆட்சிக்காலத்தை 02 வருடங்கள் நீடிப்பதாக தெரிவித்தார். இதேவேளை அதி கௌரவ ஜனாதிபதி மைத்திரிபால சிறிசேன தலைமையில் நடைபெற்ற் சுதந்திரக் கட்சியின் செயற்குழுக் கூட்டத்தில் உரிய நேரத்தில் மாகாண சபைகளை கலைத்து தேர்தல்கள் நடாத்தப்படும் என தீர்மாணிக்கப்பட்டது. அத் தீர்மானத்தினை தேர்தல் ஆணையாளர், பிரதமருக்கும் அனுப்பிவைப்பதாக செயல்குழுக் கூட்டத்தில் தீர்மானிக்கப்பட்டது.
ஆளும் கட்சியில் நாம் இருந்தாலும் சிறுபான்மை மக்களுக்கு எதிராக மத்திய அரசாங்கத்தினால் கொண்டு வரப்படும் இவ்வாரான நமது அதிகாரப் பறிப்பினை எல்லோரும் ஒன்றிணைந்து எதிர்க்க வேண்டிய பாரிய பொறுப்பு நம் எல்லோர்க்கும் உள்ளது.
கடந்த அரசாங்கத்தில் கிழக்கு மாகாண சபையில் ஆளும் கட்சியில் அமைச்சர்களாக இருந்த போதும் கடும் போக்காளர்கள் உள்ள நிலையிலுமத் பிரதேச சபை திருத்தச் சட்ட மூலம், நாடு நகர திருத்தச் சட்ட மூலம் என்பதனை தியாகத்துடன் எதிர்கொண்டு கிழக்கு மாகாண சபை ஆளும், எதிர்க்கட்சி உறுப்பினர்கள் இச் சட்ட மூலங்கள் ஊடாக சிறுபான்மை மக்களுக்கு ஏற்படும் அநியாயங்களுக்காக குரல் கொடுத்து மத்திய அரசாங்கத்திற்கு திருப்பி அனுப்பிய வரலாறு கிழக்கு மாகாண சபைக்கு உள்ளது. இதனால் முழு இலங்கையில் வாழும் சிறுபான்மை மக்களுக்கு ஏற்படவிருந்த அநியாயங்களை தடுத்து நிறுத்தினோம். அதேபோல் 20வது அரசியல் சரத்தினால் நமது மாகாண சபைகளின் அதிகாரங்கள் மத்திய அரசிடம் பறிபோவதை எல்லோரும் ஒன்றிணைந்து எதிர்க்க வேண்டும்.
தேசிய காங்கிரஸ் எப்போதும் நமது சமூகத்தின் நலனுக்காக யதார்த்தபூர்வமான கருத்துக்களை வெளிப்படையாக மக்கள் மத்தியில் தெரிவிக்கும் கட்சியாகும். நமது மக்களின் நலனுக்காக தேசிய காங்கிரஸ் கட்சியை பலப்படுத்த வேண்டியுள்ளது. அதற்காக தேசிய காங்கிரஸ் கட்சியின் புனரமைப்பு நடவடிக்கைகள் தற்போது மேற்கொள்ளப்பட்டு வருகிறது எனவும் அவர் மேலும் தெரிவித்தார்.



சாய்ந்தமருதுக்கான தனியான பிரதேச சபை கூடிய விரைவில் மலர இருப்பதாக பரவலான செய்திகள் வெளிவந்து கொண்டிருக்கும் இந்த வேளையில் சாய்ந்தமருதுக்கு அதிகாரம் வழங்கியது மு.காதான் என முஸ்லிம் காங்கிரஸ் போராளிகளும் இல்லை மக்கள் காங்கிரசின் முயற்சியால் கிடைத்தது என மயில் போராளிகளும் சாய்ந்தமருது உள்ளுராட்சி சபை அதிகாரம் கிடைக்க வேண்டும் என முதன் முதலில் முயற்சித்தது தே.காங்கிரஸ் என குதிரையின் ஆதரவாளர்களும் அந்த வெற்றிக்கு உரிமைகொண்டாடும் படலம் இப்போது ஆரம்பித்துள்ளதை காணக்கூடியதாக உள்ளது.
சாய்ந்தமருதுக்கு தனியான பிரதேச செயலகத்தை கொண்டுவந்து சாதித்ததுடன் மட்டுமல்லாது சாய்ந்தமருதுக்கு தனியான உள்ளுராட்சி சபை வர வேண்டும் என்று முதன் முதலில் அதற்கான ஏற்பாடுகளை செய்ததுடன் சாய்ந்தமருதின் நலனில் கூடிய கரிசனை கொண்டவராக முன்னாள் அமைச்சரும் தேசிய காங்கிரசின் தேசிய தலைவருமான ஏ.எல் எம்.அதாவுல்லா இருந்தார் என்பதை யாராலும் எவராலும் மறைக்கவோ மறுக்கவோ முடியாது. குதிரையை அவ்வளவாக ஆதரிக்காமல் விட்டாலும் சாய்ந்தமருதுக்கு தனது சேவையை சிறப்பாக செய்தவர் என்றால் அது மு.அமைச்சர் அதவுல்லாஹ்வையும் அவரது கட்சியையும் குறிப்பிட்டு கூறலாம். அதற்க்கு சாட்சியாக சாய்ந்தமருது மாளிகைக்காடு எல்லை வீதியை காபட் இட்டது முதல் உள்ளூர் வீதிகளை கொங்கிரீட் விதிகளாக மாற்றியமைத்து முதல் சாய்ந்தமருது வைத்தியசாலை,பாடசாலை கட்டிடங்கள் என்று உள்ளது.
மு.அமைச்சர் அதாவுல்லாஹ் அவர்கள் சாய்ந்தமருதுக்கான உள்ளுராட்சி சபையை நிறுவ சகல ஏற்பாடுகளையும் முடித்து விட்டு வர்த்தகமானி அறிவித்தல் வருவதற்க்கு முன்னர் கிழக்கின் முக்கிய அரசியல் கட்சியான மு.கா தடுத்ததாக தொலைக்காட்சி நிகழ்ச்சியொன்றில் பகிரங்க குற்றசாட்டை முன்வைத்தார். இதனடிப்படையில் நோக்கினால் இன்று அரசியல் அதிகாரத்தில் உள்ளவர்கள் அன்றைய ஆட்சி மாற்றத்திக்கு முன்னர் சாய்ந்தமருதுக்கு வரவிருந்த தனியான பிரதேச சபையை தடுத்து நிறுத்தியவர்கள் என்பது உண்மையாகிறது. (பகிரங்க குற்றசாட்டை மு.கா எந்தவிதத்திலும் மறுக்கவில்லை,மௌனமாக இருந்து அந்த செய்தியை உண்மை என ஏற்றுகொண்டது.)
பிரதேச வாதம் பேசி அரசியல் நடத்தும் அரசியல் கும்பல்களும் அரசியல் கொந்துராத்து க்காரர்களும் தமது அரசியல் இருப்பிடங்களை தக்கவைத்துக் கொள்ள இன்று சாய்ந்தமருதுக்கு உள்ளுராட்சி சபை வர காரணம் நாங்கள் தான் என பகிரங்கமாக சன்டையிட்டு சமூக வலைத்தளங்களை நாரடிப்பதை பார்க்கின்ற போது வேடிக்கையாக உள்ளது.
சாய்ந்தமருதுக்கான சபை மலரும் என கல்முனை சந்தாங்கேணி மைதானத்தில் மு.காவின் மேடையில் பிரதமர் வாக்குருதியளித்திருந்தார் அத்துடன் ,கல்முனை,சம்மாந்துறை மாநகரங்களை அபிவிருத்தி செய்து தரப்படும் என மேலும் தனது வாக்குறுதியில் சுட்டிகாட்டியிருந்தமையும் இரண்டு வருடங்கள் கடந்து மூன்றாம் வருடமும் இன்னும் சில நாட்களில் கடந்து போக இருக்கின்ற போதும் அந்த வாக்குறுதிகள் காற்றிலையே இருக்கின்றதே தவிர செயலில் இல்லை. என்றாலும் பிரதமர் வாயிலால் அந்த வாக்குறுதியை வழங்கச்செய்ய மு.கா தலைமை எடுத்த முயற்சியை பாராட்ட வேண்டும்.
அது மட்டுமின்றி சாய்ந்தமருது ஜும்மா பள்ளிவாசல் முக்கியஸ்தர்களின் பங்குபற்றலுடன் அப்போதைய உள்ளுராட்சி மாகாணசபைகள் அமைச்சர் கரு ஜெயசூரிய அவர்களிடம் இந்த சபையின் முக்கியத்துவம் பற்றி விளையாட்டு பிரதியமைச்சர் எச்.எம்.எம் ஹரீஸ் அவர்கள் எடுத்துக்கூறி இதற்கான முயற்சியில் கடுமையாக பாடுபட்டதையும் இங்கு யாரும் மறைக்க முடியாது.அத்துடன் நில்லாது இப்போதைய உள்ளுராட்சி மாகாணசபைகள் அமைச்சர் பைசர் முஸ்தபா அவர்களிடமும் இதற்கான முயற்சிகளை மு.கா தீவிரமாக செய்துவந்ததை ஊடகம் வாயிலாக உலகமே அறியும்.
இவை அனைத்தும் ஒருபுறமிருக்க அமைச்சர் ரிஷாத் அவர்களின் கட்சியான மக்கள் காங்கிரசிக்கு கடந்த பாராளுமன்ற தேர்தலில் அம்பாறை மாவட்ட முஸ்லிம்கள் 33000க்கும் அதிகமான வாக்குகளை வழங்கியிருந்ததனால் அவர் நன்றி மறவாமல் அந்த மக்களுக்கு சேவை செய்யவேண்டிய கட்டாயம் உள்ளது. இதனால் அவரின் அமைச்சின் ஊடாக தொழில் நிறுவனங்களும் அமைத்து அத்துடன் சில கட்சி போராளிகளுக்கும் வேலைவாய்ப்புகள் என்றும் வழங்கி அம்பாறை மாவட்ட மக்களுக்கு தன்னால் ஆன சிறிய நன்றிக்கடன் செய்துள்ளார். அவரது தேர்தல் கால வாக்குறுதிகளில் ஒன்றான சாய்ந்தமருது உள்ளுராட்சி சபை பிரகடனம் இப்போது கைகூடி வந்துள்ளதாக சந்தோஷ அறிக்கைகள் உலா வர ஆரம்பித்துள்ளது.
இந்த சாய்ந்தமருது உள்ளுராட்சி சபை பிரகடனத்தில் எங்கள் பக்கம் தான் வெற்றி என மு.காவை போல மக்கள் காங்கிரசும் சொந்தம் கொண்டாடினாலும் அதன் உண்மையை குறித்த அலுவலகர்களும்,அரசியல்வாதிகளும் அல்லாஹ்வுமே அறிவான். இந்த சாய்ந்தமருது சபை மலர வேண்டும் என்பதில் சாய்ந்தமருதின் சகல அரசியல் பிரமுகர்களும் கட்சிபேதங்களுக்கு அப்பால் ஒரே சிந்தனையில் இருந்தமை இங்கு பாராட்டப்பட வேண்டியது.
இந்த சபையை கொண்டுவர மக்கள் காங்கிரசும் பல தியாகங்களையும்,முயற்சிகளையும் தொடர்ந்தும் எடுத்து வந்துள்ளது.இதன் உச்ச கட்டமாக இப்போதைய உள்ளுராட்சி மாகாணசபைகள் அமைச்சர் பைசர் முஸ்தபா அவர்களை உலங்கு வானூர்தி மூலம் சாய்ந்தமருதுக்கு அழைத்து வந்து அமைச்சர் ஹக்கீம் புகைப்படம் எடுக்கத்தான் என்னிடன் வந்தார் ஆனால் அமைச்சர் ரிசாத் சபை எடுக்க என்னிடன் வந்தார் என கூறவைத்து ஹீரோவும் ஆனார்.
எது எதுவாக இருந்தாலும் அதாவுல்லா அவர்களினால் ஆரம்பித்துவைக்கப்பட்ட சாய்ந்தமருது பிரதேச மக்களுக்கான தனியானஉள்ளுராட்சி சபையை பெற்றுக்கொள்ள அகில இலங்கை மக்கள் காங்கிரஸ் தலைவர் கௌரவ ரிஷாத் பதியூதின் அவர்களின் தலைமையிளாலான மயில் கட்சியும் முஸ்லிம் காங்கிரஸ் தலைவர் கௌரவ அமைச்சர் ஹக்கீம் தலைமையிலாலான மரக்கட்சியும் பல தடைகளையும் தாண்டிய முயற்சியினால் கொண்டுவரப்படும் உள்ளுராட்சி சபை அங்கீகாரத்தை நாம் பூனைக்கு மணி கட்டியது யார் என சண்டையிடாமல் மனமாற பாராட்டி வரவேற்போம்.
சாய்ந்தமருதுக்கு அரசியல் அதிகாரம் வழங்க வேண்டு்ம் என்று முதலாவது என்னிய மக்கள் தலைவன் என்றால் அது முன்னாள் அமைச்சர் அதாவுல்லாவையே சாறும் . இரன்டாவதாக அமைசச்சர் ரிஷாத் அதே பாணியில் பயணித்து சாய்ந்தமருதுக்கான அதிகாரம் வழங்க கடந்த பாராளுமன்ற தேர்தலில் சாய்ந்தமருதில் தமது செல்வாக்கை செலுத்தி போராடினார் என்றாலும் வியாபார அரசியலுக்கு மயங்கிய மக்கள் அந்த போராட்டத்தை நிராகரித்து அதாவுள்ளஹ்வையும்,ரிசாத்தின் கட்சியையும் மண்கவ்வ செய்தனர்.
சிலரின் முயற்சியினாலும் பாரிய சதியினாலும் மஹிந்த ஆட்சி முடிவுக்கு வந்து ஆட்சி மாற்றம் ஏற்பட்டவுடன் நன்றி மறந்த சமூகம் அதாவுள்ளாவையும் புறந்தள்ளி சமூக துரோகி என்ற பட்டத்தையும் வழங்கியது. ஆனால் இன்று அம்பாறையில் கையாளாகாத அரசியல்வாதிகளினால் அம்பாறை முஸ்லிங்கள் கைசேதப்படும் நிலைக்கு தள்ளப்பட்டுள்ளதையும் யாரோ பிரசவிக்கும் பிள்ளைக்கு தனது இனிசியலை இட முன்னே வருவதையும் காணக்கூடியதாக உள்ளது.
என்றாலும் எதிர்வரும் மாகாண சபை மற்றும் உள்ளுராட்சி சபை தேர்தல் காலங்களில் சாய்ந்தமருதுக்கு யார் உண்மையான அதிகாரத்தை பெற்றுக்கொடுத்தார்கள் என்பதை அல்லாஹ் நம் அனைவருக்கும் வெளிச்சம் போட்டுக்காட்டுவான். (கத்தரி முத்தினா சந்தைக்கு வந்துதானே ஆகணும்..... )
என்றாலும் சாய்ந்தமருது மக்கள் யார் குத்தினாலும் அரசி வந்தால் சரி என்றிராமல் இனியாவது சரியானவர்களை சரியான நேரத்தில் அடையாளம் கண்டு தமது மண்ணை வளப்படுத்திக்கொள்ள முன்வர வேண்டும்.

ஹுதா உமர்
தலைவர்,அல்-மீஸான் பௌண்டசன்
இலங்கை.


“ஸ்ரீ லங்கா முஸ்லிம் காங்கிரஸ், கிழக்கில் மீண்டும் ஆட்சியைக் கைப்பற்றும் என்பதில் யாரும், எந்தவித சந்தேகமும் கொள்ளத் தேவையில்லை. கடந்த முறை நாங்கள் தனித்துக் கேட்டோம். தைரியமாகத் தனித்துக் கேட்க எடுத்த முடிவு தான் அதை முறியடிக்க ஏறாவூரிலே தலைமையைக் கேட்காமல் பதவி துறந்தார்” என்று, நகரத் திட்டமிடல் நீர் வழங்கல் அமைச்சரும், ஸ்ரீலங்கா முஸ்லிம் காங்கிரஸின் தலைவருமான றவூப் ஹக்கீம் தெரிவித்தார்.

“ஸ்ரீ லங்கா முஸ்லிம் காங்கிரஸ், கிழக்கு மாகாண சபையை கைப்பற்றுவதுடன் மட்டுமன்றி, ஓட்டமாவடி கோறளைப்பற்று மேற்கு பிரதேச சபையை உள்ளுராட்சி தேர்தலில் கைப்பற்றும்” என்றும் ஹக்கீம் தெரிவித்தார்.

ஸ்ரீலங்கா முஸ்லிம் காங்கிரஸின் கல்குடாத் தொகுதி அமைப்பாளரும் கணக்காளருமான எச்.எம்.எம்.றியாழ் தலைமையில் ஓட்டமாவடி எம்.பி.சி.எஸ். வீதியில் ஞாயிற்றுக்கிழமை இரவு நடைபெற்ற அபிவிருத்தியை நோக்கிய மாபெரும் பொதுக் கூட்டத்தில் கலந்து கொண்டு உரையாற்றும் போதே மேற்கண்டவாறு தெரிவித்தார்.

அங்கு அவர் மேலும் தெரிவிக்கையில், “எங்களுடைய அரசியல் அதிகாரம் என்பது, கடந்த கால ஆட்சிகளிலே பெரும் போடுகாய்களாக எங்களுடைய கட்சியைக் காப்பாற்றுவதற்கு, நாங்கள் போய் ஒரு சரணாகதி அரசியல் செய்கின்ற நிலைமைக்குத் தள்ளப்பட்ட காலங்களில் வருகின்ற போது, கட்சி போராளிகள் தைரியமாக இருக்கின்றார்கள் என்றே வந்தோம்.

கல்குடா, காத்தான்குடியில் தாங்கள் அபிவிருத்தி செய்தோம் எனக் கூறும் அமைச்சர்கள், ஸ்ரீ லங்கா முஸ்லிம் காங்கிரஸை காட்டிக் கொடுத்து தான் அரசியல் செய்தார்கள். எனவே அதில் முஸ்லிம் காங்கிரஸுக்குப் பங்கு உள்ளதை அவர்கள் புரிந்து கொள்ள வேண்டும்.

ஸ்ரீ லங்கா முஸ்லிம் காங்கிரஸை விரட்ட வேண்டும் என்றுதான் அந்த அந்த ஆட்சியாளர்களிடம் இருந்து இவற்றையெல்லாம் கொண்டு வந்தனர். கிழக்கு மாகாணத்தில் அரசியல் அந்தஸ்த்தில் உள்ள அனைவரும் முஸ்லிம் காங்கிரஸின் அறிமுகத்தில் வந்தனர். காங்கிரஸை ஒரு பிஸாசாகக் காட்டி, தங்கள் பிரதேசத்துக்கு அபிவிருத்தியைக் கொண்டு வருவதன் மூலம் கட்சியை இல்லாமல் செய்ய வேண்டும் என்று பல விதமாக இந்த விடயங்களை செய்கின்றனர்.

முன்னாள் முதலமைச்சர் சந்திரகாந்தன் (பிள்ளையான்) செய்த வேலைகளை தற்போதைய முதலமைச்சர் நசீர் அஹமட் செய்யவில்லை என்று சொல்லப்பட்ட விவகாரத்தில் ஒன்றை அவர்கள் மறந்து விடக் கூடாது.

பிள்ளையான் முதலமைச்சராக வருவதற்கு முன்னர் முஸ்லிம் முதலமைச்சரை கொண்டு வருவோம் என்று காங்கிரஸுக்கு கடைசி நேரத்தில் கழுத்தறுத்துப் போன காத்தான்குடி அரசியல் பிரமுகருடன் கூட்டுச் சேர்ந்து கொண்டு வந்த ஆட்சியில், கூடுதலாக முஸ்லிம் உறுப்பினர்களுடன் வந்தால் முதலமைச்சர் தருவேன் என்று, மஹிந்தவிடம் பொருத்தம் எடுத்து விட்டு போய் தான் அந்த ஆட்சியை கொண்டு வந்தார்கள். இதனை முறியடிக்க எனது நாடாளுமன்ற ஆசனத்தை துறந்தேன்.

ஸ்ரீ லங்கா முஸ்லிம் காங்கிரஸ், கிழக்கில் ஆட்சியை மீண்டும் கைப்பற்றும் என்பதில் யாரும் எந்தவித சந்தேகமும் கொள்ளத் தேவையில்லை. கடந்த முறை நாங்கள் தனித்துக் கேட்டோம். தைரியமாகத் தனித்துக் கேட்க எடுத்த முடிவு தான் அதை முறியடிக்க ஏறாவூரிலே தலைமையை கேட்காமல் பதவி துறந்தார்.

அந்த பெரிய சாகச வித்தைகள் எல்லாம் செய்து காட்டி, முதலமைச்சர் நசீர் அஹமட் கட்சிக்குள் நுழைந்த போது கட்சியை தோற்கடிக்க பல நாடகங்கள் நடாத்தினர். இன்னும் அந்த நாடகம் தொடர்கிறது.

கல்குடாத் தொகுதியில் குடிநீரை அறிமுகம் செய்து வைக்கப் போகின்றோம் என்று பேசிய போது. அதனை ஏளனமாக பேசியவர்களுக்கு பதில் சொல்ல வேண்டும் என்பதற்காக குடிநீர் வசதியை ஏற்படுத்தி உள்ளோம்.

அத்தோடு காத்தான்குடியில் தனியான பாரிய கழிவு நீர்த் தொகுதி ஒன்றை ஏறத்தாள பதினையாயிரம் மில்லியனுக்கு மேலான செலவில் அமைப்பதற்கு அமைச்சரவையில் அங்கிகாரம் கிடைத்து, அதற்கான ஒப்பந்தமும் ஓரிரு மாதங்களில் கைச்சாத்திடப்படவுள்ளது.

மட்டக்களப்பு மவட்டத்தில், ஸ்ரீ லங்கா முஸ்லிம் காங்கிரஸின் அரசியலை முன்கொண்டு செல்வதில் கட்சிக்கு வெளியில் இருந்து வந்த பிரமுகர்களின் பங்களிப்பை மறந்து விடக் கூடாது.


வாக்குமூலம் ஒன்றை வழங்குவதற்காக, முன்னாள் ஜனாதிபதி மஹிந்த ராஜபக்ஷவின் பாரியார் சற்றுமுன் குற்றப்புலனாய்வு பிரிவில் முன்னிலையாகியுள்ளார்.
பிரபல ரக்பி வீரர் வஸீம் தாஜூதீனின் கொலை தொடர்பான விசாரணைக்காகவே அவர் அழைக்கப்பட்டுள்ளார்.

மேலும், நிதி மோசடி குறித்த விசாரணைக்காக மஹிந்தவின் மகன் ரோஹித்த, சற்றுமுன் நிதிக்குற்ற தடுப்புப் பிரிவில் முன்னிலையாகியுள்ளார்.


முன்னாள் ஜனா­தி­பதி மஹிந்த ராஜ­பக் ஷ உள்­ளிட்ட கூட்டு எதிர்க்கட்சியில் செயற்­படும் 42 ஸ்ரீலங்கா சுதந்­திரக் கட்சி உறுப்­பி­னர்­களும் ஸ்ரீலங்கா பொது­ஜன பெர­மு­னவில் உறுப்­பு­ரிமை பெற்றுக் கொள்ள உள்­ளனர். ஜனா­தி­பதி மைத்­தி­ரி­பால சிறி­சேன தலை­மை­யி­லான சுதந்­திர கட்சி மீது ஏற்­பட்­டுள்ள அதி­ருப்­தியும் பொது ஏமாற்­றுப்­போக்­குமே இதற்கு பிர­தான கார­ணங்­க­ளாகும் என பாரா­ளு­மன்ற உறுப்­பினர் கெஹே­லிய ரம்­புக்­வெல்ல தெரி­வித்தார்.



நல்­லாட்சி என்று அழைக்­கப்­ப­டு­கின்ற  ரணில் - மைத்­தி­ரியின் கூட்­டாட்சி தொடர்பில் பொது மக்கள் அதி­ருப்­தி­யுடன் உள்­ளனர். நாட்­டிற்கு மாற்று அர­சியல் சக்தி ஒன்றின் தேவை அத்­தி­யா­வ­சி­ய­மான தேவை­யாக வெளிப்­பட்­டுள்­ளது. பல சந்­தர்ப்­பங்­களில் ஸ்ரீலங்கா சுதந்­திர கட்­சி­யி­லி­ருந்து விலகி செல்ல கூடாது என்ற நிலைப்­பாட்­டி­லேயே கூட்டு எதிர் கட்­சியில் இருந்து செயற்­பட்டோம். ஆனால் தற்­போது அந்த நிலைப்­பாட்டில் மாற்றம் ஏற்­பட்­டுள்­ளது எனவும் அவர் குறிப்­பிட்டார்.

இது குறித்து பாரா­ளு­மன்ற உறுப்­பினர் கெஹ­லிய ரம்­புக்­வெல்ல தொடர்ந்தும் தெளி­வுப்­ப­டுத்­து­கையில்

ஸ்ரீலங்கா பொது­ஜன பெர­முன என்ற கட்­சியின் தவி­சா­ள­ராக முன்னாள் வெளி­வி­வ­கார அமைச்சர் பேரா­சி­ரியர் ஜீ.எல்.பீரிஸ் உள்ளார். அந்த கட்­சியில் உறுப்­பு­ரி­மையை பெற்று எதிர்­கால அர­சியல் நட­வ­டிக்­கை­களை தொடர தீர்­மா­னிக்­கப்­பட்­டுள்­ளது. இந்­நி­லையில் முன்னாள் ஜனா­தி­பதி மஹிந்த ராஜ­பக்ஷ உள்­ளிட்ட கூட்டு எதிர் கட்­சியின் செயற்­படும் ஸ்ரீலங்கா சுதந்­திர கட்­சியின் 42 உறுப்­பி­னர்­களும் ஸ்ரீலங்கா பொது­ஜன பெர­மு­னவில் இணை­வ­தற்கு தீர­மா­னித்­துள்­ளனர்.

மிக விரைவில் இதற்­கான அறி­விப்­புகள் விடுக்­கப்­படும். நல்­லாட்சி அர­சாங்­கத்தை பொறுத்த வரையில் ஆட்சி பீடம் ஏறும் முன்னர் வழங்­கிய உறு­தி­மொ­ழிகள் அனைத்தும் புறம்­தள்­ளப்­பட்­டுள்­ளன. நல்­லாட்­சியில் கூட்­டணி அமைத்துக் கொண்­டுள்ள ஜனா­தி­பதி மைத்­தி­ரி­பால சிறி­சேன தலை­மை­யி­லான ஸ்ரீலங்கா சுதந்­திர கட்சி இன்று அனைத்­தையும் மறந்து செயற்­ப­டு­கின்­றது. கட்­சியின் கொள்கை மற்றும் ஆத­ர­வா­ளர்­களின் எதிர்­காலம் கேள்­விக்­கு­றி­யாகும்   நிலை­யி­லேயே சுதந்­திர கட்சி ஆட்­சியில் உள்­ளது.

மறு­புறம் தேசிய வளங்­களை வெளி­நா­டு­க­ளுக்கு விற்­பனை செய்யும் ஐக்­கிய தேசிய கட்­சியின் கொள்­கைக்கு அடி­ப­ணிந்தே அர­சாங்­கத்தில் உள்ள சுதந்­திர கட்சி உறுப்­பி­னர்கள் உள்­ளனர். இவர்­க­ளுடன் தொடர்ந்தும் ஒன்­றித்து பய­ணிக்க இய­லாது. எனவே தான் கூட்டு எதிர் கட்­சியில் உள்ள சுதந்திர கட்சி உறுப்பினர்கள் அனைவரும் கட்சியிலிருந்து  விலகி ஸ்ரீலங்கா பொதுஜன பெரமுனவில் இணைவதற்கு தீர்மானித்துள்ளோம். இதற்காக எமது பாராளுமன்ற உறுப்புரிமையை சவாலுக்கு உட்படுத்தப்பட்டால் அதனை சட்ட ரீதியில் எதிர்கொள்வோம்  என்றார்.


கலப்பு முறையில் மாகாண சபை தேர்தலை நடத்துவதற்கான உள்ளுராட்சிமன்ற திருத்த சட்டமூலம் எதிர்வரும் 24 ஆம் திகதி நாடாளுமன்றத்தில் சமர்ப்பிக்கவுள்ளதாக பிரதி அமைச்சர் அஜித் பி பெரேரா தெரிவித்துள்ளார்.

குறித்த சட்டமூலத்தில் காணப்படும் குறைபாடுகளை திருத்துவதற்காக அமைக்கப்பட்ட குழுவில் ஐக்கிய தேசிய கட்சி சார்பாக பிரதி அமைச்சர் அஜித் பி பெரேரா நியமிக்கப்பட்டுள்ளார்.

இந்த சட்டமூலம் நிறைவேற்றப்பட்டதன் பின்னர் எதிர்வரும் நவம்பர் மாதம் தேர்தலை நடத்துவதற்கான நடவடிக்கைகள் முன்னெடுக்கப்படும் என அவர் மேலும் குறிப்பிட்டுள்ளார்.


நல்லாட்சி அரசாங்கத்தில் அங்கம் வகிக்கும் தமது கட்சியினருக்கு எதிராக தொடர்ந்தும் அழுத்தங்களும், தொந்தரவுகளும் கொடுக்கப்பட்டால்,எதிர்வரும் ஜனவரி மாதம் அரசாங்கத்தில் இருந்து விலக ஐக்கிய தேசியக் கட்சி தீர்மானித்துள்ளதாக அரசியல் தரப்புத் தகவல்கள் கூறுகின்றன.

பிரதமர் ரணில் விக்ரமசிங்க, ஜனாதிபதி மைத்திரிபால சிறிசேனவை தனிப்பட்ட ரீதியில் சந்தித்து இந்த முடிவை அறிவித்துள்ளதாக ஐக்கிய தேசியக் கட்சியின் சிரேஷ்ட அமைச்சர் ஒருவர் கூறியுள்ளார்.

நல்லாட்சி அரசாங்கத்தில் ஐக்கிய தேசியக் கட்சிக்கு 106 ஆசனங்கள் இருப்பதுடன் ஸ்ரீலங்கா சுதந்திரக்கட்சிக்கு 35 ஆசனங்கள் மாத்திரமே உள்ளன.

ஐக்கிய தேசியக் கட்சியின் பெரும்பான்மை பலத்தை கவனத்தில் கொள்ளாது ஸ்ரீலங்கா சுதந்திரக் கட்சி பல சந்தர்ப்பங்களில் ஐக்கிய தேசியக் கட்சியை புறந்தள்ளி விட்டு தன்னிச்சையாக செயற்பட்டுள்ளது என பிரதமர், ஜனாதிபதியிடம் சுட்டிக்காட்டியுள்ளார்.

ஐக்கிய தேசியக் கட்சியின் நாடாளுமன்ற உறுப்பினர்கள் மற்றும் கட்சியினருக்கு நடக்கும் அநீதிகள் இதே விதமாக தொடர்ந்தால், எதிர்வரும் ஜனவரி மாதம் அரசாங்கத்தில் இருந்து விலக நேரிடும் என பிரதமர், ஜனாதிபதியிடம் கூறியுள்ளதாக சிரேஷ்ட அமைச்சர் மேலும் குறிப்பிட்டுள்ளார்.


நீதியமைச்சர் விஜயதாச ராஜபக்ஷவிற்கு எதிராக கொண்டுவருவதற்கு எதிர்பார்த்துள்ள உத்தேச நம்பிக்கையில்லாப் பிரேரணைக்கு பாராளுமன்ற உறுப்பினர்கள் 17 பேர் தற்போதைக்கு கைச்சாத்திட்டுள்ளதாக ஐக்கிய தேசியக் கட்சியின் கொழும்பு மாவட்ட பாராளுமன்ற உறுப்பினர் முஜிபுர் ரஹ்மான் தெரிவித்தார்.

நீதியமைச்சர் விஜயதாஸ ராஜபக்ஷவிற்கு எதிராக அரசாங்கம் நம்பிக்கையில்லாப் பிரேரணை சமர்ப்பிக்கவுள்ளதாக பல்வேறு கருத்துகள் தெரிவிக்கப்பட்டு வருகின்றன. அது தொடர்பில் வினவியேபாேதே அவர் இதைனத் தெரிவித்தார். 


பிரதமர் ரணில் விக்ரமசிங்கவிற்கு எதிராக நம்பிக்கையில்லாத் தீர்மானம் ஒன்றை கொண்டு வருவதற்கு கூட்டு எதிர்க் கட்சி முயற்சி செய்து வருவதாக கொழும்பு அரசியல் தகவல்கள் தெரிவிக்கின்றன.

பிணை முறி விவகாரம் நடைபெற்ற போது மத்திய வங்கியானது பிரதமரின் நேரடிக் கட்டுப்பாட்டின் கீழ் இருந்தது. இந்நிலையில் மத்திய வங்கியின் ஆளுநர் அர்ச்சுன் மகேந்திரனை நியமிக்கப்பட்டு, அவரின் செயற்பாட்டில் காலத்தில் தான் இந்த பிணைமுறை விவகாரத்தில் மோசடிகள் இடம்பெற்றதாக குற்றச்சாட்டுக்கள் முன்வைக்கப்பட்டுள்ளன.


இந்நிலையில் இதனை முதன்மைப்படுத்தி, பிரதம் மீது முன்னாள் ஜனாதிபதி மகிந்த ராஜபக்ச தலைமையிலான கூட்டு எதிர்க்கட்சியினர் நம்பிக்கையில்லாத் தீர்மானத்தினை கொண்டு வருவதற்கு திட்டமிட்டு வருகின்றனர் என தெரியவருகிறது.

இந்த தீர்மானத்திற்காக ஸ்ரீலங்கா சுதந்திரக் கட்சியில் இருக்கும் உறுப்பினர்களின் உதவியினையும் நாடுவதற்கும் திட்டமிடப்பட்டுள்ளதாகவும் குறிப்பிடப்படுகிறது.

முன்னதாக வெளிவிவகார அமைச்சர் ரவி கருணாநாயக்க மீது நம்பிக்கையில்லாத் தீர்மானம் கொண்டு வருவதற்கு முயற்சிகள் மேற்கொண்டிருந்த நிலையில் அவர் தனது பதவியினை துறந்திருந்தார். இது அரசியல் மட்டத்தில் பல்வேறு கருத்துக்களை ஏற்படுத்தியிருந்தது.

இதன் அடுத்த கட்டமாக பிரதமர் மீதும் நம்பிக்கையில்லாத் தீர்மானத்தினை கொண்டு வருவதற்கான முயற்சிகள் எடுக்கப்படுவதாக அந்த தகவல்கள் தெரிவிக்கின்றன.



ரவி கருணாநாயக்க வெளிவிவகார அமைச்சுப் பதவியிலிருந்து இராஜினாமா செய்தது வெறுமனே ஒரு கண்துடைப்பு எனவும், இந்த ஊழலுக்குப் பின்னால் பாரிய குற்றவாளிகள் உள்ளதாகவும் முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.
அர்ஜுனன் அலோசியசின் பணத்தினால், வீடொன்றை கொள்வனவு செய்ததாக குற்றம் சாட்டப்பட்டதனைத் தொடர்ந்து ரவி கருணாநாயக்க தனது பதவியை இராஜினாமா செய்தமை குறித்து மஹிந்த ராஜபக்ஷவிடம் வினவியபோதே அவர் இதனைக் கூறியுள்ளார்.
மக்கள் நீதிமன்றத்தில் கை வைக்க யாருக்கும் முடியாது. நாட்டில் என்ன நடைபெறுகின்றது என்பதை மக்கள் நன்கு அவதானித்த வண்ணமே உள்ளனர். மக்கள் தற்பொழுது தீர்மானம் எடுத்து விட்டனர். இதன்பிறகும் மக்களை ஏமாற்ற முடியாது எனவும் அவர் குறிப்பிட்டுள்ளார்.


கட்சித் தலைவர்களின் கூட்டம் இன்றைய தினம் இடம்பெறவுள்ள நிலையில், வெளிவிவகார அமைச்சர் ரவி கருணாநாயக்க தற்காலிக அடிப்படையில் பதவி விலகுவார் என எதிர்பார்க்கப்படுகின்றது.

இன்றைய கட்சி தலைவர்களின் கூட்டத்தின்போது ரவி கருணாநாயக்கவுக்கு எதிராக நம்பிக்கையில்லா தீர்மானம் சமர்ப்பிக்கப்படும் என தீர்மானிக்கப்படும் பட்சத்தில், ரவி கருணாநாயக்க தற்காலிக அடிப்படையில் பதவி விலகுவார் என எதிர்பார்க்கப்படுகின்றது.

இதன்படி, மத்திய வங்கியில் இடம்பெற்றதாக கூறப்படும் பிணை முறி மோசடி தொடர்பிலான விசாரணைகள் நிறைவு பெறும் வரையில் அவர் பதவி விலகுவார் என நம்பப்படுகின்றது.

எவ்வாறாயினும், வெளிவிவகார அமைச்சர் ரவி கருணாநாயக்கவிற்கு எதிரான நம்பிக்கையில்லா தீர்மானம் தொடர்பிலான விவாதத்தை எப்போது நடத்துவது என்பது குறித்து இன்று தீர்மானிக்கப்படவுள்ளது.

இதேவேளை, வெளிவிவகார அமைச்சராக, திலக் மாரப்பன விரைவில் நியமிக்கப்படுவார் என தெரிவிக்கப்பட்டுள்ளது.

வெளிவிவகார அமைச்சர் ரவி கருணாநாயக்க விரைவில் பதவி விலகுவார். இதனையடுத்து அந்த பதவிக்கு திலக் மாரப்பன நியமிக்கப்படுவார் என ஆங்கில ஊடகம் ஒன்று வெளியிட்டுள்ள செய்தியில் தெரிவிக்கப்பட்டுள்ளது.

திலக் மாரப்பன தற்போது அபிவிருத்தி பணிகள் தொடர்பான அமைச்சராக பதவியில் இருக்கிறார்.

எனினும், நல்லாட்சி அரசாங்கத்தின் ஆரம்பத்தில் இவர் சட்டம் ஒழுங்கு அமைச்சராக இருந்து, பின்னர் பதவி விலகியிருந்தார் என்பதும் குறிப்பிடத்தக்கது.


விடுதலைப் புலிகள் கோரிய இடைக்கால தன்னாட்சி அதிகாரம் வழங்குவதாக வாக்குறுதி வழங்கிய பின்னர்தான் 2005ம் ஆண்டு ஜனாதிபதி தேர்தலை பிரதமர் ரணில் எதிர்கொண்டார் என்பதை முஸ்லிம் காங்கிரஸ் தலைவர் வேண்டுமானால் மறந்திருக்கலாம் வரலாறு தெரிந்தவர்கள் ஞாபகம் வைத்திருக்கிறார்கள் என்பதை முஸ்லிம் காங்கிரஸ் தலைவர் புரிந்து கொள்ளவேண்டும்.
2001ம் ஆண்டு பெப்ரவரி மாதம் விடுதலை புலிகளோடு பிரதமர் ரணில் அவர்கள் செய்து கொண்ட சமாதான ஒப்பந்தத்தில் முஸ்லிம்களை சிறுகுழுக்கள் என குறிப்பிடப்பட்ட ஒப்பந்தத்தில் முஸ்லிம் காங்கிரஸ் தலைவராக, பொறுப்பு வாய்ந்த அமைச்சராக இருந்து கையொப்பம் இட்டபோது வெட்கப்படாதவர், கடந்த அரசாங்கத்தில் அமைச்சராக இருந்ததை துரதஷ்டவசமானது என புலம்புவது வேடிக்கையானதொன்றாகும். என தேசிய காங்கிரஸின் கிழக்கு மாகாண கொள்கைப் பரப்பு செயலாளர் எம்.சி. அஹமட் புர்க்கான் அவர்கள் தெரிவித்தார்.
சமகால அரசியலில் முஸ்லிம் சமூகம் எதிர்நோக்கும் பிரச்சினைகள் தொடர்பில் நேற்றைய தினம் மருதமுனையில் ஏற்பாடு செய்யப்பட்ட கருத்தரங்கு ஒன்றில் கலந்துகொண்டு உரையாற்றுகையிலேயே அவர் மேற்கண்டவாறு தெரிவித்தார்.
அவர் மேலும் உரையாற்றுகையில்...
2005ம் ரணில் விக்கிரமசிங்க ஜனாதிபதி தேர்தலில் வெற்றியீட்டியிருந்தால் வடகிழக்கு முஸ்லிம்கள் சொந்த நாட்டிற்குள் அகதியாகியிருப்பார்கள். என்ற உண்மையை மறைத்து ஐ.தே.கட்சியின் கொள்கைகளையும், அதன் தலைமைத்துவத்தை முஸ்லிம்கள் மத்தியில் நியாயப்படுத்த அமைச்சர் ஹக்கீம் இவ்வாறு பொய் உரைப்பது முஸ்லிம் சமூகத்தின் தலைமைத்துவம் செய்கின்ற காரியம் அல்ல என்று கூறிய அவர், விடுதலை புலிகளுடனான சமாதான ஒப்பந்த காலத்தில் மூதூரில் இடம்பெற்ற படுகொலைகள், வாழைச்சேனையில் நடந்த அசம்பாவிதங்கள் தொடர்பில் ரணில் விக்கிரமசிங்கவை ஏன் இதுவரை  குற்றம்சாட்டவில்லை என்பதை அமைச்சர் ஹக்கீம் தெளிவுபடுத்த மறுக்கிறார் எனவும் கேள்வியெழுப்பினார்.
2001ம் ஆண்டைய சமாதான ஒப்பந்த காலத்தில் விடுதலைப் புலிகள் வேண்டிநின்ற அத்தனை அதிகாரங்களையும் தாரைவார்த்துக் கொடுத்தது மாத்திரமின்றி இடைக்கால தன்னாட்சி அதிகாரத்தை விடுதலைப் புலிகளுக்கு வழங்க ரணில் விக்கிரமசிங்க தயரானார்.
அதற்காக மிஹிந்த மொரகொட, ரவூப்ஹக்கீம், ஜீ.எல் பீரீஸ், ரணில் விக்கிரமசிங்க ஆகியோர் இரவுபகலாக மந்திர ஆலோசனை நடத்தியதை நாங்கள் மறந்துவிடவில்லை என்பதை அமைச்சர் ஹக்கீம் புரிந்து கொள்ள வேண்டும்.
இடைக்கால தன்னாட்சி அதிகாரம் என்பது என்பது என்ன? தமிழீழ நீதிமன்றம், தமிழீழ காவல்படை, தமிழீழ வைப்பகம், தமிழீழ காணிவாரியம், தமிழ் ஈழ கடல் வாரியம் என விடுதலைப் புலிகள் ரணில் அரசாங்கத்தின் போது கேட்டுக்கொண்டதை அதை வழங்குவதற்கு அமைச்சர் ஹக்கீம் அவர்கள் துணை போனதையும் மறந்துவிட்டார். ஆனால் அதை நாங்கள் மறந்துவிடுவதற்கு இல்லை. 2005 ஜனாதிபதி தேர்தலில் ரணில் அவர்கள் வெற்றியீட்டி இருந்தால் இன்றுவரை விடுதலைப் புலிகளின் ராஜ்யம் வடகிழக்கில் இருந்திருக்கும் என்பதையும் ஏலவே ரணில் அவர்கள் வழங்கிய வாக்குறுதியின் பிரகாரம் புலிகளுக்கான அதிகாரம் வழங்கப்பட்டிருந்தால் இன்று நாங்கள் கொழும்புக்கு செல்ல தமிழ் ஈழ கடவுச்சீட்டுடனும் தமிழ் ஈழ நாணயத்தாளுடனும் பயணம் செய்ய வேண்டிய துர்ப்பாக்கிய நிலைக்கு தள்ளப்பட்டிருப்போம்.
ஆனால் மஹிந்த ராஜபக்ஷ அவர்கள் வெற்றியீட்டியதன் விளைவாக புரையோடிக்கிடந்த யுத்தம் முடிவுக்கு கொண்டுவர காரணமாக அமைந்தது, என்பதை முஸ்லிம்கள் நாங்கள் மறந்துவிடக் கூடாது. இது இவ்வாறு இருக்க யுத்தத்தை முடிவுக்கு கொண்டுவருவதற்காக மஹிந்த ராஜபக்ஷ அவருடன் இணைந்து முஸ்லிம்கள் தரப்பில் மஹிந்தவுக்கு பக்கபலமாக செயல்பட்ட முன்னாள் அமைச்சர் அதாவுல்லாஹ் போன்றோர், போராடிக்கொண்டிருந்த போது ரணிலுடன் சேர்ந்துகொண்டு அமைச்சர் ஹக்கீம் முஸ்லிம்களுக்கு எதிரானவர்களை காப்பாற்றுவதற்காக மறைமுகமாக செயல்பட்டதை நாங்கள் அறியாமல் இல்லை, யுத்தம் முடிவுக்கு கொண்டுவரப்பட்டு வடக்கு கிழக்கு பிரிக்கப்பட்டு அதன் பின்னரான காலப்பகுதியில் மஹிந்தவுக்கு நன்றிக்கடன் செலுத்த இருந்த முஸ்லிம்களை திசைதிருப்பி ரணில் விக்கிர சிங்கவை பின் கதவால் ஆட்சிக்கு கொண்டுவர ஒட்டுமொத்த முஸ்லிம்களையும் மஹிந்தவுக்கு விரோதமானவர்களாக காட்டிக் கொடுத்துவிட்டு பிற்பட்ட காலப்பகுதியில் அவருடைய அரசாங்கத்தில் நீதியமைச்சராக கோடிக்கணக்கான ரூபாய்களை பெற்றுக்கொண்டு இருந்த போது அமைச்சர் ஹக்கீம் அவர்களுக்கு வராத வெட்கம் இப்போது வருவது ஆச்சரியமானதொன்றுதான்.
மஹிந்த ஆட்சியின் கடைசி இரண்டு வருடங்கள் நடந்த முஸ்லிம்களுக்கு எதிரான நடவடிக்கைகளை மஹிந்த தட்டிக்கேட்காதததினால் நாங்கள் ஆட்சி மாற்றம் கொண்டு வந்தோம் என கூவித்திரியும் அமைச்சர் ஹக்கீம் அவர்கள் நல்லாட்சி அரசாங்கத்தில் ஞானசார தேரர் காட்டும் அடாவடித்தனங்களையும், அட்டூளியங்களையும் ஆதரித்து அவருக்கு பூரண சுதந்திரம் வழங்கும் ரணில் அவர்களின் நடவடிக்கைகளை எவ்வாறு பார்க்கிறார் என்பதையும் அவருடைய அரசாங்கத்தில் அமைச்சராக ஏன் தற்போது  இருக்கிறார் என்பது பற்றியும் அதற்காக எப்போது வெட்கப்படப் போகிறார் என்பது பற்றியும் தெளிவுபடுத்தவேண்டும்.

காலத்திற்கு காலம் நிறம்மாறும் அரசியல் செய்யும் தலைமையை ஏற்று பயணிக்கும் முஸ்லிம் சமூகம் எதிர்காலத்தை கவனத்தில் கொண்டு நிரந்தமான மாற்றுத்தீர்வுக்கான தலைமைத்துவத்தை அடையாளம் கண்டு முஸ்லிம் சமூகத்தின் மீதமுள்ள உரிமைகளையாவது தக்கவைத்துக்கொள்ள முயற்சிக்க முன்வர வேண்டும் என அழைப்பு விடுத்தார்.


உத்தேச புதிய அரசியலமைப்பை உருவாக்கும் காரியாலயத்தில் பணியாற்றும் 9 பேருக்கு ஐக்கிய நாடுகள் சபையின் கொழும்பிலுள்ள தூதரகமே மாதாந்த சம்பளம் வழங்குவதாக சிங்கள ஊடகமொன்று தகவல் வெளியிட்டுள்ளது.

உத்தேச புதிய அரசியலமைப்பை உருவாக்கும் காரியாலயம் நாடாளுமன்ற கட்டிடத்தின் நான்காம் தளத்தில் அமைந்துள்ளது.

அதில் பணியாற்றும் ஒவ்வொருவருக்கும் 2 இலட்சத்துக்கும் அதிக சம்பளம் வழங்கப்படுவதாக அந்த ஊடகம் குறிப்பிட்டுள்ளது.

இதேவேளை, புதிய அரசியலமைப்பை உருவாக்கும் பணியில் ஈடுபட்டுள்ள குறித்த ஒன்பது பேருக்கும் போதுமான தகைமை இல்லை என்றும் குறிப்பிடப்பட்டுள்ளது.

லண்டனில் சட்ட நிறுவனமொன்றில் பணியாற்றிய அதிகாரி ஒருவரே குறித்த காரியாலயத்தை வழி நடத்துவதாகவம் தெரிவிக்கப்பட்டுள்ளது.

குறித்த ஒன்பது பேருக்கும் மேலதிகமாக நாடாளுமன்ற அதிகாரிகள் மூன்று பேர் பணியாற்றுவதுடன், அவர்களுக்கு நாடாளுமன்றத்தால் சம்பளம் வழங்கப்படுகிறது.

மேற்குறிப்பிட்ட விடயங்களின் அடிப்படையில், உத்தேச புதிய அரசியலமைப்பு, ஐக்கிய நாடுகள் சபையின் தேவைக்கு அமையவா உருவாக்கப்படுகிறது என்ற கேள்வி எழுவதாக அந்த ஊடகம் குறிப்பிட்டுள்ளது.


வெளிவிவகார அமைச்சர் பதவியில் இருந்து விலகுமாறு தமக்கு மைத்திரிபால சிறிசேன அறிவுறுத்தியிருப்பதாக வெளியான செய்திகளை வெளிவிவகார அமைச்சர் ரவி கருணாநாயக்க நிராகரித்துள்ளார்.

பதவியை விட்டு நான் விலக வேண்டும் என்று கேட்டுக் கொள்ளப்பட்டுள்ளதாக வெளியாகிய அறிக்கைகள் மற்றும் வதந்திகள் முற்றிலும் முட்டாள்தனம் என்று அவர் கொழும்பு ஆங்கில நாளிதழ் ஒன்றிடம் தெரிவித்துள்ளார்.


பிரதமர் ரணில் விக்கிரமசிங்கவின் 40 வருட பாராளுமன்ற வாழ்வுக்கு வாழ்த்துத் தெரிவிக்கும் அமர்வு நேற்று பாராளுமன்றத்தில் நடைபெற்ற போது கூட்டு எதிர்க் கட்சி மற்றும் ஜே.வி.பி. உறுப்பினர்கள் சபையில் இருக்கவில்லையென தெரிவிக்கப்படுகின்றது.
எதிர்க் கட்சித் தலைவர் ஆர். சம்பந்தன், த.தே.கூ. உறுப்பினர்கள், ஈ.பி.டி.பி. உறுப்பினர், இலங்கை தொழிலாளர் காங்கிரஸ் உறுப்பினர்கள் மாத்திரமே எதிர்க் கட்சியில் அமர்ந்திருந்தனர். எதிர்க் கட்சியில் உள்ள இவர்கள் மாத்திரம் பிரதமருக்கு வாழ்த்துக்களைத் தெரிவித்துள்ளனர்.
இதேவேளை, அரசாங்கத்திலுள்ள ஸ்ரீ ல.சு.க. உறுப்பினர்கள் பிரதமருக்கு தமது வாழ்த்துக்களைத் தெரிவித்ததாகவும் குறிப்பிடப்படுகின்றது.


ஒரே நாடு என்ற அடிப்படையில் ஒன்றிணைந்து பணியாற்ற முஸ்லிம் சமூகத்திற்கு அழைப்பு விடுக்கிறேன்


தேசிய ரீதியில் சமகால அரசியல் விவகாரங்கள் மற்றும் சிறுபான்மை முஸ்லிம் சமூகம் குறித்த பார்வை என்னும் அடிப்படையில் ஆங்கிலம் சிங்களம் ஆகிய மொழிகளிலும் நேற்று முன்தினம் (01.08.2017) முன்னாள் ஜனாதிபதி மஹிந்த ராஜபக்ச அவர்கள் கொழும்பில் உள்ள அவரது வாசஸ்தலத்தில் வியூகம் TV இற்கு வழங்கிய பிரத்தியேக செவ்வியை வாசகர் நலன் கருதி தமிழில் தருகிறோம்!

நேர்காணல் : கலீல் எஸ் முஹம்மத்

கேள்வி: 2015 இல் உங்களது ஆட்சி தோற்கடிக்கப்பட்டு நல்லாட்சி உருவாகியது முதல் தற்போது அதன் போக்கு குறித்தும் சமகால அரசியல் நிலவரம் உங்கள் நிலைப்பாடுகள் பற்றி சொல்லுங்கள்?

மஹிந்த ராஜபக்ஸ:

நல்லாட்சி என்று சொல்வதே ஒரு ஜோக் போன்றது, எப்படி அது நல்லாட்ச்சியாகும்? ஜனாதிபதி தேர்தலின் பின்னர் எமக்கு 113 இற்கும்  அதிகமான பாராளுமன்ற உறுப்பினர்கள் இருந்தார்கள், அவர்கள் தரப்பில் வெறும் 44 உறுப்பினர்களே இருந்தனர், ஜனநாயக செயல்பாடுகளை மீறி பறித்தெடுத்து நியாயமில்லாத முறையில் பிரதமர் நியமனம் செய்தனர் அதேபோன்று சட்டத்துக்கு முரணாக பிரதம நீதியரசை மாற்றினர். அப்படி சட்டத்துக்கு முரணாக செயல்படுவது நல்லாட்சியா?

தற்போது மக்கள் எப்படி அவதியுறுகின்றனர் என்பது உங்களுக்கு நன்கு தெரியும், வாழ்க்கைச்செலவு அதிகரித்துள்ளது,  தொழிசாங்கங்கள் அனைத்தும் வீதியில் இறங்கி போராடுகின்றனர் அவர்களது உரிமை பறிபோயுள்ளது, எம்மை பல வகையிலும் குற்றம் சாட்டிவிட்டு அவர்கள் எப்படி ஆட்சி செய்கின்றனர் இது தானா நல்லாட்ச்சி? ஊடக அடக்குமுறை உச்சத்தில் உள்ளது. அதனால்தான் சொல்கிறேன் நல்லாட்ச்சி என்பது ஒரு ஜோக்

கேள்வி: 30 வருட பயங்கரவாதத்தினை முடிவுக்கு கொண்டு வரும் நோக்கில் மாவிலாறில் ஆரம்பித்து முள்ளிவாய்க்கால் நந்திக்கடலில் சங்கமிக்கவைத்து அடியோடு அழித்த நீங்கள் 2010 இல் மீண்டும் ஆட்சியினை கைப்பற்றி மாபெரும் அபிவிருத்தி புரட்ச்சியொன்றை ஏற்ப்படுத்தினீர்கள் அதன் மூலம் நாடு மிகவும் சிறப்பாக அபிவிருத்தி பாதை நோக்கி சென்றது

ஆனால்

2013, 2014 காலப்பகுதியில் இனவாதம் உச்சத்தினை அடைந்திருந்தது, தர்கா நகர் பேருவளை விவகாரம் தம்புள்ளை பள்ளி விவகாரம் BBS இன் செயல்பாடுகள் என்பனவற்றினை கட்டுப்படுத்த முடியாமல் போனது உங்களால், அது சிறுபான்மை மக்களிடையே உங்கள் மீதான அதிருப்தியினை அதிகமாக்கியது, அப்படியான சிறுபான்மையினத்தவரின் அதிருப்திதான் 2015ல் உங்களது தோல்விக்கு பிரதான காரணம் என்பதனை ஏற்றுக்கொள்கிறீர்களா?

மஹிந்த ராஜபக்ஸ:

சிறுபான்மையினரின் அதிருப்தி மட்டுமல்ல பெரும்பான்மை  இளைஞர்கள் சிலரும் இந்த இனவாத பிரச்சார யுக்திக்குள் சிக்குப்பட்டுவிட்டனர்.

அதற்காக சிறுபான்மை இனத்தவரை மாத்திரம் எனது தோல்விக்கு பிரதான காரணம் என கூற முடியாது. தர்கா நகர் பேருவளை விவகாரம் தம்புள்ளை பள்ளி விவகாரம் போன்றவற்றின் பின்னணியில் இருந்தவர்கள் இப்போது எங்கு உள்ளார்கள் என்பதை மக்கள் தற்போது அறிந்துகொண்டார்கள். பேருவளை கலவரம் தொடர்பில் பொய்யான பிரச்சாரத்தில் முகநூல் மூலமாக
ஈடுபட்டு மக்களை உசுப்பேற்றி இனவாத தீயில் குளிர் காய முற்பட்டு வெற்றியும் கண்டார்கள்.

அந்த நேரத்தில் நான் நாட்டில் இல்லை, எனது சகோதரர் பஸீல் நாட்டில் இல்லை, பாதுகாப்பு செயலாளர் கோத்தாபய  நாட்டில் இல்லை, பாதுகாப்பு அமைச்சு உட்பட முழு பொறுப்பும் தற்போதைய ஜனாதிபதி மைத்திரிபால சிறிசேனவிடம் மாத்திரமே இருந்தது. ஆனால் நான் அந்த சந்தர்ப்பத்தில் உடன் நாடு திரும்பியதும் உடனே பேறுவலைக்கு சென்று பாதிக்கப்பட்டவர்களை சுக துக்கம் விசாரித்து அவர்களுக்கு தேவையான அனைத்து வசதிகளையும் செய்து கொடுக்கும் படியும் வீடு வசதிகளை ஏற்ப்படுத்த நடவடிக்கை எடுத்தேன், இதுதான் நடந்தது.

இருந்தபோதிலும் குறுகிய காலத்தில் எமக்கெதிரான அவர்களது பொய் பிரச்சாரம் வெற்றிகொண்டது.

கேள்வி : அப்படியானால் இனவாதத்தினை இல்லாதொழித்து  வெற்றிகொள்ளும் புதிய உபாயம் உங்களிடம் உண்டா? அதற்கான நடவடிக்கைகளை எடுத்துள்ளீர்களா?

மஹிந்த ராஜபக்ஸ:
புதிய உபாயம் என்பதல்ல மக்கள் தற்போது இயல்பாகவே புரிந்துகொண்டுள்ளார்கள் எது உண்மை எது பொய் என்பதை அறிந்துள்ளனர். தேர்தல் ஒன்று வந்தால் அதனை புரிய வைப்பார்கள் (சிரித்துக்கொண்டு...  அதனால்தான் தேர்தல் நடத்த பயந்துகொண்டு ஆட்ச்சியினை நீடிக்க வேறு உபாயம்  தேடுகின்றனர்)

மஹிந்த ராஜபக்ஸ:
எதிர்வரும் தேர்தலில் நீங்கள் எந்த கட்சி யில் போட்டியிட உள்ளீர்கள்?

நாங்கள் அனைத்து எதிரணியினரையும் ஒன்றிணைத்து புதிய கட்சி  ஒன்றை உருவாக்கியுள்ளோம். அதுதான் மகஜன எக்ஸத் பெரமுண (People's United Front) அதில்தான் நாம் தேர்தலில் போட்டியிடுவோம். அதற்க்கான வேலை திட்டங்கள் நடைபெற்று வருகின்றன. முகவர்கள் இன்றி மக்களுடன் நேரடியாக பணியாற்ற விரும்புகிறோம். அவ்வாறு இனங்காணப்பட்டவர்களை நாம் கட்சிப்பணியில் இறக்க தயாராகி இருக்கிறோம்.

கேள்வி: முஸ்லீம் அரசியல் தலைமைகளுக்கு இடையிலான தொடர்பு தற்போது எவ்வாறு உள்ளது? குறிப்பாக தற்போது ஆளும் கட்சியில் பங்காளிகளாக இருக்கும் முஸ்லீம் காங்கிரஸ் அகில இலங்கை மக்கள் காங்கிரஸ் என்பன?

மஹிந்த ராஜபக்ஸ:

இதைப்பற்றி இப்போது நான் எதுவும் பேச தயார் நிலையில் இல்லை காலம் வரும்போது மக்கள் புரிந்துகொள்வார்கள் நீங்களும் புரிந்துகொள்வீர்கள்.

கேள்வி: இறுதியாக தற்போதைய அரசியல் சூழ்நிலையில் முஸ்லீம் மக்களுக்கு சொல்லும் விசேடமான செய்தி என்ன?

மஹிந்த றாஜபக்ஸ:
முஸ்லீம் மக்களோடு என்றும் நான் அனுப்புடன் இருக்கிறேன் அவர்கள் என்னை நேசிப்பவர்கள் ஆனால் அரசியல் தலைமைகளால் சந்தர்ப்ப சூழ்நிலைக்கு ஏற்ப பிழையாக வழிநடத்தப்படுகிறார்கள். நான் இன மத பேதம் இன்றி சேவை செய்தவன் எதிர்வரும் காலங்களிலும் அவ்வாறுதான் நடப்பேன். ஒரே நாடு என்ற அடிப்படையில் ஒன்றிணைந்து பணியாற்ற முஸ்லீம் சமூகத்துக்கு அழைப்பு விடுக்கிறேன்.

அதிகம் பகிருங்கள்...


இந்த அரசாங்கம் மதஸ்தானங்கள் முதல் மாணிக்க ஏற்றுமதியாளர்கள் என எவரையும் விட்டுவைக்கவில்லை எனபாராளுமன்ற உறுப்பினர் ரோஹித அபேகுனவர்தன குறிப்பிட்டார்.

பேருவளையில் நேற்று முந்தினம் இடம்பெற்ற மக்கள் கூட்டம் ஒன்றில் கலந்துகொண்ட அவர் இதனைகுறிப்பிட்டார்.

அங்கு தொடந்து உரையாற்றிய அவர்...

தற்போதைய அரசாங்கமானது மக்களுக்கு சொல்லொண்ணா துயரங்களை அடுக்கடுக்காக வழங்கிவருகிறது.அந்த வகையில் எது எதற்கோ ஏதேதோ செய்த இவ்வரசானது மதஸ்தளங்களிலும் தனது கையைவைத்துள்ளது.

அண்மையில் பாராளுமன்றத்தில் நிறைவேற்றப்பட்ட புதிய வரி திருத்த சட்டமூலத்தில் மத ஸ்தானங்களுக்கும்அரசு கைவைத்துள்ளது.

புதிய வரி சட்டமூலத்திற்கு அமைவாக மதஸ்தலங்களுக்கு 3 வீத வரியும், மதஸ்தளங்களினால் இயக்கப்படும்நிறுவனங்களுக்கு 14 வீத வரியும் விதிக்கப்பட்டுள்ளது.

பொதுவாக மதஸ்தலங்கள் மக்களினால் வழங்கப்படுகின்ற அன்பளிப்புக்களை வைத்தே இயக்கப்படும். மதஸ்தலங்களின் நிதி தொடர்பான தேவைகளுக்கு அரசானது உதவி செய்வதே பொருத்தமானது. உதவி செய்யா  விட்டாலும் பறவாயில்லை அவற்றை எடுத்து உபத்திரம் செய்யாமலாவது  இருக்கலாம். மதஸ்தளங்கள், தனதுசெயற்பாடுகளுக்கு ஏதாவதொரு நிறுவனத்தை இயக்கினால் மிகச் சிறப்பாக இருக்கும்.அவற்றுக்கெல்லாம்  வரிவிதிப்பதென்பது மிகவும் கண்டிக்கத்தக்கதொரு செயற்பாடாகும்.இது தவிர புதிய வரி சட்டமூலத்தில்வெளிநாடுகளுக்கு வர்த்தக நோக்கில் இங்கிருந்து கொண்டு செல்லும் மாணிக்கக் கற்களுக்கான வரியை 0.5 % வீதத்தில் இலிருந்து 14 % வீதமாக்கியுள்ளது.இதன் காரணமாக வெளிநாடுகளுக்கு மாணிக்க கற்களை ஏற்றுமதிசெய்யும் மாணிக்க வர்த்தகர்கள் கடும் அதிர்ச்சியும் ஆத்திரமும் அடைந்துள்ளது.

மாணிக்கக் கற்களுக்கு வரியை அதிகரித்ததனூடாக உள்ளூர் மாணிக்கக் கல் வியாபாரிகளினால் மாணிக்கக் கல்வியாபாரம் செய்ய முடியாத சூழ் நிலை ஏற்படும். இவ் வரி விதிப்பானது பாரிய வெளிநாட்டு நிறுவனங்களுக்கேசாதகமாக அமையும். இலங்கை நாட்டில் மாணிக்கக் கல் வியாபாரத்தில் முஸ்லிம்களே சிறந்து விளங்குகின்றமைகுறிப்பிடத்தக்கது. அவர்களை முடக்குவதற்கும் இவ்வாறான செயற்பாடுகளை முன்னெடுத்திருக்கலாம் என்றசந்தேகமும் எமக்கு எழுகிறது.மாணிக்கக் கல் வியாபாரிக்களுக்கு முன்னாள் ஜனாதிபதின் காலமே பொற் காலம்எனலாம். அவர்களின் வியாபாரங்களுக்கான அனுமதிகள் திறந்து விடப்பட்டிருந்தன.

இந்த அரசு போகும் போக்கை பார்க்கின்ற போது எதிர்காலத்தில் பிச்சை காரர்களுக்கும் வரிகளை அமுல்செய்தாலும் ஆச்சரியப்படுவதற்கில்லை.

இலங்கையில் எத்தனையோ ஆட்சி இடம்பெற்றுள்ளது.இப்படியானதொரு ஆட்சி எங்கும்  இடம்பெற்றதாகதெரியவில்லை. இவ்வரசில் ஊழல்வாதிகள் அதிகரித்திருப்பதால் அவர்கள் திருடும் பணத்தை சமாளிப்பதற்காகஇவ்வரசாங்கம் மக்கள் மீது வரியை சுமக்கவைக்கிறார்கள் என அவர் மேலும் குறிப்பிட்டார்.


ஸ்ரீலங்கா சுதந்திரக் கட்சியின் தலைவர் தான் எனவும் தான் தலைவர் பதவியில் இருந்து விலகவில்லை எனவும் தன்னை யாரும் தலைவர் பதவியில் இருந்து நீக்கவில்லை எனவும் முன்னாள் ஜனாதிபதி மகிந்த ராஜபக்ச தெரிவித்துள்ளார்.
சிங்கள வார பத்திரிகை ஒன்று வழங்கிய நேர்காணலில் அவர் இதனை கூறியுள்ளார்.
கடந்த ஜனாதிபதித் தேர்தலுக்கு பின்னர், 46 நாடாளுமன்ற உறுப்பினர்களை கொண்ட ஐக்கிய தேசியக் கட்சியில் இருந்து ஒருவரை பிரதமரை நியமித்தனர்.
இப்படி ஒருவர் நியமிக்கப்பட்டார் என்று கூறுவதால், அது செல்லுப்படியாகாது. பெரும்பான்மை பலம் அப்போது எமது பிரதமருக்கே இருந்தது. அவரை பதவி இருந்து நீக்கவில்லை. அவரும் விலகவில்லை.
பிரதம நீதியரசருக்கும் இதனையே செய்தனர். அவர் பதவி விலகவும் இல்லை. எவரும் அவரை விலக்கவும் இல்லை.இதே விதமாகவே ஸ்ரீலங்கா சுதந்திரக்கட்சிக்கும் நடந்தது.
இன்னும் நானே ஸ்ரீலங்கா சுதந்திரக் கட்சியின் தலைவர். என்னால், கட்சியின் சம்மேளனத்தையும் கூட்ட முடியும் எனவும் முன்னாள் ஜனாதிபதி கூறியுள்ளார்.
எது எப்படி இருந்த போதிலும் ஜனாதிபதித் தேர்தலில் தோல்வியடைந்த முன்னாள் ஜனாதிபதி மகிந்த ராஜபக்ச, ஸ்ரீலங்கா சுதந்திரக் கட்சியின் தலைவர் பதவியை தற்போதைய ஜனாதிபதி மைத்திரிபால சிறிசேனவிடம் கையளித்தார்.

முன்னாள் சபாநாயகர் சமல் ராஜபக்ச முன்னிலையில் மகிந்த, மைத்திரியிடம் கட்சியின் தலைவர் பதவியை கையளித்ததாக சுதந்திரக் கட்சியின் அமைச்சர்கள் கூறியுள்ளனர்.

MARI themes

Powered by Blogger.